Писателите биле дно - дали се сложувате со ова?

Она девојчено што е ,,Мртва меѓу живите", што има издадено, е тоа не можев да го читам, тоа треба да се класира за недоразвиени тинејџерки, таа беше прва книга што ја остаив на едни цигани што продаваа на зелено пазарче, зашо не сакав да ја фрлам....

 

Така се вика книгата? Која е авторката?За што пишува?

 

https://kupikniga.mk/product/zhiva-megu-mrtvite/

Има блог жива меѓу мртвите, а ете повеќе инфо за книгата. Ја девојката не ја знам, ништо против ама толку изнафалена книга, толкав бест селер, а внатре ни малку уметност.... тоа кажува све за творештвата денес.
@Tanjamm

 

За компарација се користат ко и како, тука нема грешка. За се друго се сложувам.

Никако да се роди некој како Петре М. Андреевски или мојот омилен, Гане Тодоровски. Дали сепак грешката лежи во се' послабиот образовен систем? Во се' поголемата суета?

 

Ок е „ко“, не зборев од јазичен аспект, туку дека е монотоно и еднолично. Не велам дека е грешка.

 

Имаше и Македонија добри писатели и поети. Овие современиве стварно не го задоволуваат вкусот на читателите. Сѐ македонско што сум прочитала во последнава година е многу лошо. Лошо изразување, многу грешно напишани зборови, содржина без некоја посебна идеја, без некоја посебна поука, без да се развие имагинацијата на читателот. Некако плитко.
Винка Саздова може да пројде. Друг не ми текнува.

 

Фросина ја имам читано, ок е, го читав Одбројување, и на Ќорвезировска скоро ги читав расказите за сите скопски улици во кои од секоја улица имаше по една приказна. Од Игор не сум читала, но ќе прочитам.

 

Не треба да се влезе и да се буричка, треба промоција, треба препораки од некои што веќе ги читале, реклама треба. Зошто не се спомнати погорните во ниту една тема? Можеби се но не сум начекала. Треба да се потрудат пишаното да им се рекламира. Денес барем е лесно, па и бесплатно низ социјални мрежи. Тој што редовно чита веројатно ќе ги најде, но поголемиот дел чекаат на препораки.

 

Последно добро што прочитав е од Јагода Михајловска-Георгиева, и од уметнички, и од креативен, и од литературен аспект.

 

Јас веќе неколку месеци читам македонски автори, само македонско. Има шаренило, не дека се сите лоши, да се разбереме, но темата беше пред се за оние кои се слаби, а секаде бомбардираат со својот неквалитет, на социјални мрежи, по медиуми, по емисии и слично. Поезијата на Игор Исаковски ми се допадна и на Виолета Танчева Златева, ова е свежо од она што скоро читав.

 

Затоа денес да бидеш писател и не е толку голема работа бидејки како да кажам и е смален капафитетот и рејтингот. Сите пишуваат книги со глупости, ако си богат или славен тогаш пишувај книга а дали имаш речник тоа не е битно. Не е исто како порано што пишувале Ристо Крље, Петре.М.Андеревски и др.

 

Хахаха Таневски ли како му беше името. На секој збор пријателе и брат пошо нема речник човекот. И што пишува внатре се е крадено од цитати од Пауло Коељо и др познати и возвишани писатели.

 

Се прашувам само кои будали им ги купуваат книгите.

 

А да ти кажам не се ни ефтини 400 500 денара..

 

„Мојот маж“ од Румена Бужаровска е добра збирка раскази. Ја преведуваат веќе во регионот.

 

Па да, затоа пишав еден и единствен е. И другите кои ги набројав од некогашното време. А ете членка ги набројала поквалитетните од погоре. Само дали некој чул за нив. Сега испаѓа дека кој има пари, се промовира, потпишуува се слика а дали вреди сетоа тоа не е битно. Гледам се врти по фб една нова книга од млада авторка Флерт,уцени и високи потпетици, незнам дали читал некој но мене ми изглефа светски и корицат и се, кога ќе прочитам ќе кажам мислење. Има и некои автори на пример издаваат 6 7 книги во година дена. Оливера Ширговска, на пример, имам прочитано една книга нејзина, ок ми е онака за лектира. И во шраво сте нема поука, нема дејство, обак заплет,расплеѕ, кулминација, како што сме учеле и обработувале дела. Пак ќе речам, кој има повеќе пари се смета дека напишал нешто вредно.

 

Нема шанси 6-7 книги да издадеш во година и сите да бидат квалитетни, нема шанси. Дури мислам дека секоја година книга е претерано, а има автори и тоа го прават.

 

Како и во се' друго и во литературата постои шунд.
Колку е прифатен шундот е прашање.

Ако тие кои творат шунд се популарни кај читателите, нормално е и дека ќе бидат "популарни" и слика за нашето литературно творештво.

А и не знам што очекувате искрено, кога најслушана музика е турбо-фолкот, најгледани серии турските сапуници, зошто литературата би била поштедена?

Консумерите се исти...

Ах, арно ме потсети.
Немаме ли лектори во државава?
Па на сопствен јазик не знаат да пишуваат, да не зборувам за жалните преводи.

Одамна не ни читам на македонски, за жал.

А има и еден друг момент.
Јас исклучиво читам во е-формат.
Никаде нема, или барем јас не сум нашла, книги на македонски јазик - од домашни или странски автори.

Да постојат, да можат да се купат, без размислување еве сите што ги спомна ќе ги читам.

Ама немам опција, треба физички да одам во книжара и да ја купам конкретната книга.

Малку заостануваме, не само ние, ни соседиве не ни се нешто поарни.

Во Србија мислам дека само Лагуна продава е-книги и тоа нереално скапи како за е-книги, ама пак нешто од нешто.

Многу мразам што читам "илегално" ама па и често немам друга опција за е-формат.