Ќе прашам можеби е глупо но ме интересира на што ги пишувате книгите на ком. на microsoft office или на дактилографска машина?
Ај да ја освежиме темава. Имам прашање што ме мачи. Новите параграфи јасно е дека се започнуваат со таб, како што е оваа реченица. Но дали тоа важи и за првите параграфи веднаш по насловот на поглавјето? Постои ли граматичко правило, или останува на избор на писателот?
Дали има некој кој пишува на жанр епска фантастика или воена фантастика да споделиме знаење и мислења?
Имам близок пријател, 2-3 книги има издадено епска фантастика. Ама не е на форумов. Ако не најдеш тука некои, можам да ве поврзам, или да му кажам да направи акаунт тука ако сака
Па супер би било, досега не сум наишла на наш автор кој издал книга од овој жанр, или веројатно не сум доволно во тек, а секако ми е потребна помош од некој кој е веќе внесен во овој жанр. Добредојдени се и такви кои имаат пишувано short stories ако ги има
Здраво феминки! Дали може некоја од вас ако знае, или има искуство, да ме упати во процесот на издавање на книга? Мојата е готова, станува збор за книга за деца и ме интересира како може да ја објавам преку некоја издавачка куќа, бидејќи како што прочитав низ форумиве самоиздавањето бара многу ангажман.
Здравоо писателки, гледам има многу овде што пишуваат книги. И јас започнав со мојата книга, љубовен роман е нешто белетристика (тоа и обожавам да читам) па имам еден мал проблем. Во книгата цимерката на мојата хероина е млада забавна личност која е многу откачена. Сакам преку неа да вметнам младешки смешни жаргони, па ако знаете некои или ако имате некоја идеја пишете ми
Читнав пар страници уназад, ништо посебно од инфо и совети. Ај да пробам сега, можеби има некој кој се разбира. Откако ќе напишеш книга, што понатаму? 1. Пред да ја понудам на издавачка куќа, на што да внимавам? Што се' треба да ми биде средено? Како треба да изгледа? [Мојата е напишана на Word: layout size A5, margins narrow, font "Palatino Linotype" со МКД поддршка, font size 12. Менувам параграф таму каде што сметам дека треба за подобро да го објаснам тоа што го зборувам. Имам еден куп подточки, бидејќи споделувам совети и идеи (книгата е self help книга).] 2. Дали е подобро да ја префрлам на некој друг програм, на пример на InDesign? Или сосема е океј на Word, па потоа издавачката куќа ја средува цакум-пакум? 3. Дали таква каква што е книгата, се нуди на издавачка куќа, па тие ја проверуваат детално и ја средуваат како што треба да биде? Или пред да ја понудам, морам да најмам професионалец (едитор, ваљда) да ми ја среди? Или самата куќа си има едитор? 4. Кога ќе ја понудам на издавачка куќа, што да барам? Што е паметно да прифатам од нивна страна, доколку се согласат да ја издадат? На што да внимавам од тој аспект? 5. Дали доколку се согласи издавачка куќа да ја издаде, ги добиваат сите права на книгата? Односно, тука за наш пазар ќе ја понудам на македонски јазик. Планирам во иднина да ја преведам на англиски јазик, па ме интересира дали смеам во англиска верзија да ја понудам на странска издавачка куќа? 6. Насловната е мој дизајн, дали тоа е паметно? Исто така, во книгата имам вметнато и графички дизајни и сакам од истите да изработам и букмаркери и принтови со разни дизајни; дали тоа би било дел од договорот со издавачката куќа? Сигурна сум дека ме интересираат уште многу нешта, но во моментов на тие можам да се сетам. Секоја информација, совет и идеја се добредојдени!
Луѓе како да издржам да напишам книга до крај? Како да си одбележам точки кои ќе ги следам? Почнувам возбудена сум и пишувам секој ден, секој момент. Каде и да се најдам пишувам...Тоа трае неколку дена и после крај. А имам многуу идеи од кои би излегле добри книги. Но тоа е мојот проблем за жал
Штом престануваш после неколку денови, значи нешто те тера да се откажеш, што е тоа? Немањето доволно време? Немањето доволно мотивација во моментот? Попрво би правела нешто друго во моментот, наместо да пишуваш? Немањето доволно креативност? Си се изнапишала во минатиот период и сега веќе ништо не ти текнува? Тоа се изговори. Ако вистински сакаш да напишеш книга, едноставно пишувај. Пишувај конзистентно без разлика колку време имаш и без разлика колку ќе напишеш. Ако имаш дента само 5 минути, пишувај 5 минути. Ако имаш саат време, пишувај саат време. Важно, пишувај. Не е важно ни колку. Некогаш ќе успееш да напишеш еден пасус, некогаш неколку страници. А некогаш можеби ќе се трудиш саат време, а нема да успееш да напишеш ниту една реченица. Сето тоа е океј, природно е, нека не те обесхрабрува. Важното е редовно конзистентно да го правиш тоа, дури и кога мотивацијата и креативноста ќе бидат на ептен ниско ниво.
Јас би имала еден „проблем“. Би морала да пишувам во тетратка, зашто на компјутер се изразувам механички и нималку сликовито. Роман не сум се нафатила да пишувам. Пред шест години составував поезија, добра беше. А и помалку време одзема од смислување на долго прозно дело. Штета што (мислам дека) ги загубив хартиите.
Би ти препорачал LaTeX, Word е нешто најлошо што можеш да си го направиш. Кога ќе се навикнеш целиот процес на пишување е побрз..
постои ли конкурс од МОН за издавање прирачник/учебник нешто како брошура.... Тоа би било учебник но бидејќи знам дека нема шанси да се интегрира во нашиов образовен систем затоа велам прирачник/брошура кој ќе помогне на луѓе од секоја возраст да ја разберат материјата...
Здраво, фали може некој да ми ја каже процедурата што треба да направам откако ке ја напишам книгата?
