Убава тема за тие што ги привлекува, мене лично не, ја би бетон и асфалт свашта има по планини и ливади, разни животни, змии, итн
Имам долгогодишна желба за планинарење но никогаш не се ни обидов зошто немам друштво.Маж ми не го интередерииаат вакви работи но еве од есен ми вети дека ќе ме дружи. Со кондиција сум доста слаба но еве може да ги пробам еден ден стазиве што се на Водно за почетници.Од некаде и мора да се почне си го меморирав за секој случај и бројчето.
Сите си имаме свои преференци секако Само ако е за животните, за овие речиси 4 години активно планинарење, имам наидено на една лисица само, и тоа дека бевме само двајца и не правевме муабет додека се качувавме, па не не слушнала најверојатно. Животните се плашат од нас многу повеќе него ние што се плашиме од нив. Плус, ако се движиш со поголема група, секогаш има неколку луѓе кои што нон-стоп зборуваат па така сите животни од километар знаат дека има луѓе и се кријат. Кога ќе сакаш на Водно да ми пишеш.
Да ја освежиме темава малце. Секоја година по повод независноста на Р. Македонија ФПСМ заедно со планинарските друштва организираат искачување на врвот Кораб, кој е највисокиот врв во државата. Оваа година ќе има и кампинг, планински велосипедизам и искачување. Еве и линк до настанот, за тие што сакате да се пробате. Од мое минатогодишнио искуство, немаше вода по патот (изворот што беше наведен во програмата испадна дека е пресушен). Во поголем дел се оди на отворено, така да фактор и капа се задолжителни. Патеката е долга, околу 10 км во правец, и има околу 1300 метри искачување (нешто помалце од 2 пати Водно да го искачил) но воглавно успонот е релативно благ, со исклучоци секако. Се препорачува да го имате искачено Водно за да одите на турава. Ако ве интересира подетално за опрема, пишав што треба на предходната страница од темава, а и на нивната фејсбук страна обично пишуваат за ова и повеќе околу настанот, организацијата и временската прогноза. Се гледаме на планина.
Фотографии од вчерашната планинарска тура на Кораб. За наредните тури од разните друштва ќе постирам штом видам објави. Периодот што следи е идеален за планина, се уште е релативно топло, а погледите се прекрасни.
Дечки, еве ви линкови од наредни тури периодов: Мусала, највисокиот врв на Балканот со ПСК Стратус. Дерза со Ај лав хајкинг Комови, Црна Гора, со Ај лав хајкинг Китка со ЗПЗП Козјак Куманово Титов Врв со ПСК Х2О Во ноември треба да има и традиционално искачување на Љуботен, со можност за преспивање во планинарскиот дом дента пред искачувањето. Ќе ставам линк штом ја објават турава, ама да знаете дека е многу убава но и малце напорна, поготово ако ја одите цела во еден ден.
Дечки, веќе подолг период одам на Водно еднаш неделно, така да не ми треба којзнае каква опрема. Имам полари неколку, јакна една потенка и една малку подебела од Мекинли. Е сега, дали нешто испуштам не знам, ама многу ми е ладно нагоре а посебно на врв. Обично носам маица драј фит, полар и јакна. Ракавици и чизми имам за планинарење. Што да земам плус за периодов зошто се нервирам кога ќе ми текне дека ќе премрзнам горе? Гледав во Oysho едни како поларчиња тестирани за пониски температури, дали некој има земено?
Дуксер 100% волна, ако сакаш да те згрее. Исто и чорапи. Е сеа, ти најубаво си осеќаш, ама јас би го мењал дуксерот/поларот на врв - обавезно. Пошо и малку да си запотена драстично поладно е. Инаку генерално на врв секако во зима не можеш да се задржуваш како во лето, во еден момент што и да носиш ако не се движиш ќе ти биде ладно.
Многу сум пасивна во последно време и сакав да почнам со Водно. Проблемот е што немам друштво за на планина. Дали е безбедно да одам сама за викенд. Може е глупаво прашањето ама ми треба малку охрабрување.
Безбедно е, релативно многу луѓе има за викенд. Ако не си во форма, почни до Средно и назад, после сама ќе си процениш колку тебе ти е безбедно.
Кои се патеките на Водно, одам а не знам по која одам: Пензионерка, Цветкова, Олимписка, по асфалт, по козји патеки?? Дали има уште? Како да знам која е која, како да ги разликувам?
Ги имаше некаде на фб поставено патеките на Водно. Мислам дека беше некое здружение или планинарскиот дом. Ако ја најдам сликата на фб ќе ја прикачам овде.
ме интересира од кој период/месец се носат чизми,а кога патики? и дали во овој период би можело да се премине веќе на патики, зборувам за пониски врвови? Некоја препорака ако може за патики за почетници
Денес можно е да има кал зашто врнеше сношти, подобро со чизми оди. За патики, почни со дома што имаш некој постари, разгазени и удобни обични патики.
да таков е периодов лизгав, не е баш за патики. Но, во план сум сакам да си купам патики баш за таа намена па ми треба препораки..
Јас би ти ги препорачал за ова пролетно време Salomon X Ultra 360, баш е ригидна патика, не е премногу ниска, има добра заштита на зглоб. Генерално и слични модели да одбереш од Salomon ќе бидат океј за суви временски услови. Ако бараш нешто за помал буџет, погледни ги и Adidas Terex и Asics Trail Scout 3. Овие вториве лично ги имам, ги земав за некоја добра сума, и иако не може да се споредат со Salomon на пример, за активности кои не се екстремни се одлични, поготово кога временските услови се добри.
Ќе оди ли некој на Титов врв, крај на мај? Споделете искуства, опрема, совети? Освен на Водно, не сум била на др место па да знам што ме очекува.
