Не видов да има ваква или слична тема, но доколку има, можете да ја ставите под клуч. Со оглед на тоа каква ни е ситуацијата, предавањата се одвиваат електронски, а со тоа и испитите/тестовите. Или ако насловот не е соодветно поставен, можете да го промените. Дел од платформите на кои се држат часовите ви се веќе познати, да не ги набројувам, а сите знаеме дека најчесто користена е Зум, а по неа следат Тимс, Гугл Мит и др. Но, што е со оние што служат исклучиво за испити и тестови? Тие треба да бидат во комбинација со платформите за настава. Една од овие е Exam.net, која откако ќе ја отворите во прелистувачот што најчесто го користите, не можете ништо друго да отворите. Буквално ништо. Причината е многу јасна, а тоа е да се спречи препишување. За да се овозможи надзор, треба да се вклучите како што се вклучувате на останатите часови, но преку мобилен и истиот да го поставите странично за да се види дали има нешто сомнително на работната површина. За жал, оваа платформа беше бесплатна до 14 јануари и факултетот треба да ја купи лиценцата. Да додадам, пред да ја отворите во пребарувач, треба да инсталирате фајл што ќе ви го прати професорот/ката. Кои платформи се користат кај вас и како функционираат? Само да напоменам, темава е за платформи што служат само за испити и тестови.
