искрено не гледам турски серии воопшто. така ми има мајка ми кажано дека правеле на село бабите наши порано
И јас не знаев дека постои вакво нешто. Нормално дека ништо не ми купи, а и да сум знаела дека треба да ми купи ништо не би посакала, скромна сум си јас Глупаво е по секоја цена да бараш злато или нешто друго вредно, а да знаеш дека нема доволно финансии за тоа, како снаата погоре. Малку трошоци има за детето па уште и златен ланец ќе барам.
Здраво и живо бебенце е најголемиот и најскапоцениот подарок кој што може да им го подари Бог и на жената и на мажот. Се останато е помалку вредно.
Јас не очекував ништо, ама маж ми ме изненади и со двете деца кога си дојдовме од болница. Првиот пат алка со полускапоцени камења, вториот пат алка од филигран, и двете по мој вкус. И букет. Ама таков си е човекот, си одбележува разни настани, годишници, родендени, празници, а знае и без повод да ме изненади. Јас забушавам на тоа поле.
Ова е некоја нова мода изгледа. Може ли години после породувањето да си бараш подарок? Се рачуна ли тоа?
Не е нова мода, од старите останало. Најчесто златен накит, барем така сум слушнала. Според мене, за 21 век, ова е прилично примитивно. Изгледа како: браво мајка, си го носела детето 9 месеци, си се мачела да го родиш, епа еве ти подарок, заслужено е.
Ни јас не добив ништо од маж ми после пораѓајот ,не ни знаев дека треба да ми купи нешто ,кога дојдовме дома мене искрено ме изненадија свекрвата и свекорот со мало внимание ,вака рече свекрва ми наместо нешто златно за бебето јас ќе бидам помодерна и купив нешто сребрено за мајката и ми подарија алка пандора со два привезока еден it is a boy ,и еден за среќа и бериќет (искрено јас никогаш не сум била љубител на пандора ама сепак гестот многу ми значеше ).
Кога се породив , му нагласив на маж ми дека не сакам подароци-оти си го знам каков е Тој сепак купи менѓуши сваровски, ама ајде оправдано зошто претходно си ги изгубив моите што си ги носев секојдневно , секако во план беа нови. Инаку, не ја сфаќам поентата. Родила па ќе ја дарувам, така доаѓа Другарка ми во исто време се породи сестра и со мене, со мајка и и купија златно ланче од некои 500 евра. Знам случаи каде се купуваат скапи подароци и тоа многу, баш ме изненадивте дека првпат слушате. Па Македонија е ова
Не сум чула дека се носи ама пак логично ми е да се подари нешто за таков чин. Барем некој мал знак на внимание кон мајката. Нормално, секој према можностите. А зарем има па и до толку мажи што барем еден букет не носат... Јас и тоа го сметам за подарок, не мора да се злата и останати скапоцености...
Баш сакав да добијам нешто, ама не добив ништо. Кога ќе бидам пак трудна ќе почнам на време да досаѓам и да барам хахаха
Има, еве маж ми. Кога дојде да не земе од болница со син ми беше целиот збунет, возбуден и разочаран зошто кога му се јавив дека ќе не пуштат од брзање заборавил да земе цвеќе А на цела финансиска криза што ја имавме тогаш јас бев дури среќна што не потрошил пари и за тоа Сега за ќерка ми не ни спомна такво нешто И тоа не го прави помалку добар сопруг или татко. Од прв ден со двајцата активно учествува во грижата околу нив.
Најголем подарок/дар е тоа што ме направи да бидам мајка. Непроценлив подарок за секоја жена е детето да расте со мајка и татко. Ниеден подарок ни пари неможе да ја направат мајката среќна, колку што може да ја направи среќата да има среќен дом исполнет со љубов и разбирање. Имаме во кругот на пријатели каде жената добивала поклон кога се породила, но непосредно поклони добивала и швалерката Мене највеќе ми значи тоа што сопругот ми помага и е присутен во растењето на нашето дете. Што ме направил среќна жена и највеќе сум благодарна што ме направи да сум мајка. А, зашто да не се купи на мажот нешто зар мора на жената. Па нели заслужува и он подарок за 9/10месеци што не трпел дур сме биле трудни и напукани со хормони, ни биле измеќари и не толерирале . Мојот поклон од сопругот моментално си нана во количка, дур тато е на шопинг да го почасти синко за првите забчиња. Среќен празник Св.Петка и среќен Петковден на сите оние кој славите.
