Подароци за професори на дипломска

Здраво девојки,

наскоро треба да ја бранам дипломската. Би сакала да ве прашам што ви би им однеле/што им се дава на менторот и на професорите во комисија како подарок.

Ви благодарам многу за сите предлози.

 

Според мене не е вкусно да се даваат подароци на професорите на чинот кога ќе ја браниш дипломската. Ако е јавно бранење и свечено ќе си почастиш, пак по мое - колку поскромно толку повкусно или “помалку е повеќе“.
На факултет ќе треба повторно да одиш на свеченото доделување на дипломите .... а и пред тоа сигурно. Е во таа пригода би можела да го посетиш професорот и симболично да му заблагодариш за менторството .. да речеме со еден убав паричник или кожен тефтер или пенкало ...

 

Ниту јас сум им дала ниту сум чула некој од колегите да дал. Мислам дека навистина е непотребно и онака им плаќаш за да дојдат на презентацијата, само можеш да ги почастиш со нешто тоа сите го прават

 

Јас мислам дека не треба да се замараш со одбирање на поклони за професорите, твое е да си ја спремиш дипломската и истата да ја презентираш најдобро што можеш. За што всушност го наградуваш(читај даруваш) професорот, кога тоа е дел од неговата работа. Дали би му поклонила нешто на чичкото што продава весници во трафика, бидејќи ти го подал весникот?! Во однос на тоа да почастиш по бранењето на дипломската се сложувам, бидејќи тоа е твое достигнување и истото го прославуваш со твоите најблиски И СО професорите кои ти дале поддршка да стигнеш до таму. Така да, од мене категорично НЕ за дарување на професорите

 

Ви благодарам на сите за одговорите. Скоро гледав и слушав луѓе на оваа тематика, потресени што да им однесат на професорите, каков букет, каков пијалок, спомнуваат нешто виски, вотки, коњак.....па си викам дај да си прашам

 

зависи и од факултет до факлутет ....некаде даваат подароци некаде не...
пример јас не дадов подарок затоа што кај нас и не се даваат подароци...подарокот за професорот е моето завршување и бранење на дипломската работа токму под негово менторство ...после бранењето ги почастив професорите и присутните со благо и виски и тоа беше се.

 

Наскоро ке ја бранам дипломската и морав да ја ѕирнам темава... бидејки јас и не мислам нешто да правам као прослава на факс туку скромно со нешто да ги почастам тие што ке се присутни (моите родители и нај најблиските неколку другарки) не мислам да носам и правам кетеринг ова она ко што другите го прават туку да ја одбранам почастам и цао на факсот ххх... Или сепак да не правам така што велите?

 

Оф топик. Мене ме интересира од другата страна Што им се носи на оние што ја бранат дипломската. Јас сум поканета кај колешка па незнам што треба да однесам?

 

Најчесто се носи буќет цвеќе ама може и некое мало подароче.

 

Букет цвеке ... бонбониера или некое подароче...

 

Набрзо ќе биде чекам дата, па воедно и за ова размислував. За менторот Bowtie Republic машна, а за професорките (2 во комисија)или марама од дуки дасо или сваровски елементс. Што велите?

 

Јас на членовите од мојата комисија им подарив по едно виски на секој од нив, и онака беа машки па подарокот беше соодветен. Доколку има женски членови мислам дека би било во ред да им се подари парфем или пак убаво парче накит а ако се некои кул професорки не се исклучува можноста и на нив да им се подари некој пијалок. Доколку сте ограничени во финансиските средста можете да издвоите поскап подарок за менторот додека на останатите членови да им подарите нешто поскромно. Сепак менторот е тој кој има најмногу удел и најмногу помага, останатите членови не се замараат баш многу. Барем кај мене беше така. Пак ќе кажам, се зависи од можностите на кандидатот.

 

Активирам малку постара тема бидејќи можеби се има нешто променето.
Прочитав различни мислења, едни се за подарок, а други не. Па се прашувам, сега, во услови на пандемија и маски, дали уште важи частење, што се подразбира под тоа (мезе, сокови?) и што и како околу подароците?

 

Другарка само по едно шише виски мислам дека им даде на комисијата, а на менторот не знам точно што зема. Не частеше и не беше дозволено да има никој друг со неа.
Од претходно шо имам гледано носеа бааги сокови и благо за частење, букети за ментор и поклони за сите во комисија.
Јас оваа година треба да дипломирам ама искрено не сум во можност да купувам прескапи поклони за сите, а и според мене нема смисла ова частењето и поклоните. У смисла како да треба да си им благодарен шо си дипломирал, божем они учеле и пишувале дипломски труд наместо тебе.

 

После долго размислување иако порано воопшто не сакав да давам подарок, сега се размислив. На комисијата иако сум за истиот став, сепак мислам едно вино и мини бонбониера (што ќе ја собере во истото ќесенце од виното и за ќесенцето сум исто против ама дека ќе патувам па морам некако да ги спакувам и однесам без да ги оштетам) е океј внимание. За менторката среден новчаник, марама, бонбониера и можеби и чаша, а персонализирано наместо букет - саксиско цвеќе, убаво спакувано бидејќи парфем можеби нема да се погоди. Има уште еден персонализиран подарок ама уште го осмислувам. Никој нема да има освен професорите (не ни знам дали е дозволено заради пандемијата ама и не сакам) и за таму сок и бонбониера ќе носам за секој случај бидејќи може нема да е дозволено и тоа.
Порано воопшто не сакав никакви банкети ама ова го смеам само како внимание од моја страна и како почеток на крајот.

Го делам мислењето со чнм и не знам зошто се размислив особено во овие времиња ама сепак нема да правам некои страшни трошоци.

 

Скромен поклон беше мојот. Комисијата секако не се израдува, знам дека очекуваа да дарувам исто како и другите. Од друга страна, ни тоа што го добија не го заслужуваа според мене.

 

Што им даде?

 

Не знам што и дали очекуваа ама ништо не добија ова се глупости според мене.

 

И јас ништо нема да им дадам, тоа им е работа, за тоа се платени, која е потребата од подароци..

 

На комисијата по еден тефтер (со тврди корици) и пенкало.

Не носев ни благо, ни алкохол, ни сокови.