Поддршка за сите оние што сакаат да забременат

белувче не се нервирај, одмарај колку можеш повеќе. и јас имав слична ситуација, според менструална старост беше 7недела а големината покажуваше 5недели. после една недела плодот ми беше 6 недели, така да не е страшно.само верувај во господ.и јас ќе се молам за твојто бебенце да биде во ред(бидејќи за жал со моето не поминав добро, 2пат имав спонтан и сега ќе правам испитувања за да ја дознаам причината) само ти се молам мирувај повеќе и не се нервирај за ништо и мисли си на тоа дека ќе биде се во ред со твоето бебенце и ќе биде! ти држам среќа!

 

aбе има надеж не велам дека нема и јас уште се надевам дека и кај мене може има нешто си велам ај може докторот не можеше да види оти уште е рано бидејки некаде прочитав дека трба да помине некое време додека плодот може да се види на ехо и зато се надевам дека може ке има несто и кај мене. ке видиме времето ке покаже ако не па ке чекаме другиот месец. поздрав и со срека

 

белувче и јас крварев па ете пу пу да не ни се упрци, добри сме со бебушот. Ќе те боцнат со прогестерон или ќе ти дадат некои лекарства за поддршка на бременоста. Не се секирај ! Јас уште на почетокот прокрварев малку.


Елеонора и ти како си задоволна од оваа во Медика, мислиш дека е добра?

 

Јас следниот месец не треба да добијам од 06 до 09. Ги гаѓав сите денови, и плодни и неплодни. Ајде да се радуваме заедно...
За Белувче-немој да се разочаруваш и да се откажуваш. Многу жени крвареле и крварат ама родиле дечиња. Нека не ти вадат памет докторите, НИШТО НЕ ТИ Е. Запамти ги моите зборови, и кога ќе се роди бебето да ми чуваш една мекица

 

Луѓе јас скоро цел месец сум настината, а тоа да не ти било настинка туку синузитис. Матичната ми препиша алмацин, а јас не ги пиев, ама 10 дена сум на чаеви, спреј аква марис, инхалација, лист од зелка на чело, ништо не помага. Денес почнав со алмацинот, немам друг избор. Дали некоја од вас го пиела во бременост и колку е безбеден???Прочитав нешто на нет, ама сакам да знам дали некој има искуство со лекот, демек бил безбеден за трудници.

 

ciribiribela твојата матична знае ли дека си бремена, најдобро да ја прашаш неа или гиникологот-мој совет

 

Па мислам дека е добра,не сум била на друг лекар и затоа не знам да ти кажам,Триводалиев многу го фалат ама јас лично не сум била за да ти кажам,кај неа сум и една моја другарка е кај неа,па она веке е 8 месец,така да што знам,ти какво мислење имаш за неа поздравче

 

Знае матичната дека сум трудна, таа ми ги препиша, мене ми беше муабетот, дали некоја ги користела, па да знам каков е исходот.

 

Елеонора, вака ми изгледа дека знае што прави, си ја знае работата... Плус фина е, знае да те смири ако си нешто испаничена без потреба и слично.
Сега за сега е добра, понатаму ќе видиме. за тебе и малото...

 

Супер е,јас отидов веднаш што ми закасне,ми вели ти си ептен нестрплива одма сакас да знаеш се,и после една недела ми беше закажала и пак ништо не се виде,пресмета која недела сум па вели многу е рано да се види,и сега ќе одам на 9 ,инаку правев три теста сите беа позитивни и според неа тие тестови се точни,немало потреба од други тестирања,гушки за тебе и бебченцето

 

И ЈАС СЕ ПРИКЛУЧУВАМ ВО ГРУПАТА И ИМ ЦЕСТИТАМ НА НОВИТЕ МАМИЧКИ А СИТЕ ДРУГИ ИМ ПОСАКУВАМ ШТО ПОБРЗО ДА СИ ДОЧЕКААТ !!!!

 

Јас би сакала да прашам дали некоја знае дали уште во најраната бременост се покажува на крвната слика иако не мозе да се види на ехо,тестот ми беше негативен но сепак имам некое претцуство некако чувствувам нешто а многу ми е рано да одам на ехо ако знае некоја нешто нека пише фала ви

 

Ако ти доцни крвната слика мора да покаже дали си бремена или не. Јас пред да забременам летоска правев тест преку крв во систина, бидејќи ми доцнеше 15 дена , а тестот негативен и таму ми рекоа дека нема шанси да сум бремена.

 

белувче како си подобра ли си
што направи
имај верба дека се ке биде во ред
поз од бик23

сакам да прашам нешто во врска со фолната
јас почнав да земам тифол(фолна) ама моментално имам и имам мн големи болки а во упатството пишува дека не треба да се земаат др лекови освен те
дали мозе да се напијам спазмекс (само од нив ми минат болките) или да издржам 2-3 без апчиња

 

Драги идни мамички, еве и јас Ви се приклучувам
Веќе извесно време онака ја пролистувам оваа тема, искрено се надевам дека со Белувче е се како што треба, би сакала да Ви дадам еден добро намерен совет:
драги девојки, кога веќе работите на случајот "БЕБОЛИНО", не би било на одмет да најпрво си ги направите сите микробиолошки брисеви - Микроплазма, Уреаплазма, Хламидија....... се со цел да имате здрава и нормална бременост, го пишувам ова поради тоа што пред 5 месеци бев бремена ( за жал бременоста не заврши успешно, баш поради една од горенаведените гнасотилаци која уопште немав појма дека ја имам и јас и сопругот!) и заврши тоа како што заврши !
Како и да е, драги мои виртуелни пријателки, не е на одмет да побарате да Ви се направат микробиолошки брисеви, затоа што НЕМААТ НИКАКОВ СИМПТОМ, АМА БАШ НИКАКОВ, А ПРАВАТ КАТАСТРОФИ, може поради нивно присуство да не можете да останете бремени, може бременоста да заврши неуспешно, да не набројувам што се не, ЗАТОА ТРК НА МИКРОБИОЛОГИЈА!!!!!!!
Ние од овој месец ке се занимаваме со оваа тема (тоа е по совет на мојот гинеколог), после се што поминав, Бог да ме чува наредниот пат !!!!!!
Поздрав и дај Боже да читам "СЕ ПОЈАВИЈА ДВЕТЕ ЦРТИЧКИ" КАЈ СИТЕ ВАС!!!!!

 

Многу убаво кажано и корисно. Јас имам направено само пап тест и колпоскопија двапати, а микробиологија не направив од причина што многу чини а немав пари. Се надевам дека нема да зажалам поради тоа, дека се ќе биде ок со мојата бременост

 

ова го прочитав денес посетет ја страната ако не ја знаете мн убаво и лесно е опишано зачнувањето итн , баш интересно

http://tvoebebe.com/ZACNUVANJE/zacnuvanje.php

 

eve sum jas...ne krvaram veke 3 dena,ama vcera mnogu povrakav i imav temperatura 38,8 ama denes dobra sum iako nemam apetit,a na doktor ke odam ponedelnik i ke se znaj so kako so bebeto dali mozi ili ne, no ke se boram do kraj i veruvam vo Gospod.

 

Интересна тема најдов на истиот сајт твое бебе, па еве може да прочитате нешто околу тоа
Колку влијае исхраната врз зачнувањето

Исхраната може да влијае врз плодноста и кај мажите и кај жените. Тоа не значи дека треба да се преоптоварите со она што го јадете, но сепак е добро ако почнете да внимавате на она што го внесувате во себе. Еве неколку практични совети:
Обидете се да ја постигнете Вашата нормална тежина
регулирање на телесната тежина

Покажано е дека преголемата или премалата телесна тежина можат негативно да влијаат на процесот на зачнувањето.

Доколку патите од преголема телесна тежина, препорачливо е да ги намалите маснотиите што ги внесувате, но во исто време е добро да почнете да се занимавате со некоја физичка активност. Вежбањето не само што ќе Ви помогне да ја намалите телесната тежина, туку позитивно влијае и врз хорманалниот баланс во организмот. Никако немојте да се подложувате на ригорозни диети, затоа што само ќе го постигнете спротивниот ефект од очекуваното.

Исто така докажано е дека кај жени со претерано мала телесна тежина исто така може да се јави пореметување на хормоналната рамнотежа, а со тоа и на плодноста.
Хранете се здраво

Ова значи да имате разновидна исхрана и да избегнувате храна која е пребогата со маснотии и шеќери. Препорачливо е доколку сакате да забремените, неколку месеци пред тоа да почнете здраво да се храните. На тој начин Вашиот организам ќе биде подобро подготвен за бременоста, а во исто време бебето ќе има подобар почеток. Се препорачува во исхраната да вклучите:

* Многу овошје и зеленчук;
* Јаглени хидрати: житарки, ориз, тестенини и сл.;
* Протеини: месо, пилешко, мешункасти растенија (грав, леќа, боранија, грашок и др);
* Се препорачува барем два пати неделно да имате риба на трпезата. Внимавајте тоа да не биде ајкула, сабјарка или премногу туна, затоа што овие риби се богати со жива;
* Млеко, сирење, јогурт и сл. Овие производи се богати со калциум;
* Храна богата со железо: црвено месо, лиснат зеленчук, житарки и др;
* Сокови или овошје богато со Ц витамин. Ц витаминот помеѓу другото му помага на Вашиот организам да може полесно да го абсорбира железото од храната.

Фолна киселина

Фолната киселина е многу важен витамин од Б групата, кој има не само огромно влијание врз здравата бременост, туку и ги намалува шансите за: срцев удар, мозочен удар, рак, дијабетис ит.н.

Фолната киселина учествува во многу процеси во организмот: во создавањето на крвните клетки, метаболизмот на нервните клетки, во делбата и диференцирањето на клетките ит.н. Во бременоста потебата од фолна киселина значително се зголемува и најчесто нејзиното внесување преку храната не е доволно.

Недостатокот на фолна киселина во почетокот на бременоста се смета дека е еден од главните фактори за настанок на дефектите на неуралната туба кај бебето, како што се Spina Bifida, Anencephalus и сл. Испитувањата покажале дека со земање на фолна киселина се намалуваат шансите за појава на дефект на неуралната туба кај бебето за 70%. Воедно се намалуваат и шансите за спонтан абортус.

Фолната киселина се препорачува да почне да се зема 1-3 месеци пред забременувањето, но и ако не сте го направиле тоа, нема причина за паника, направете го сега. Препорачаната количина е по 400 микрограми дневно, се до 12 недела од бременоста. Препаратите на фолна киселина лесно се поднесуваат и немаат штетни нуспојави. Само внимавајте да не земате препарат во чиј состав влегува А витамин, затоа што големи количества на А витамин во текот на бременоста делуваат тератогено, односно можат да го оштетат плодот.

Доколку во фамилијата веќе имало раѓање на бебиња со дефект на неуралната туба, се препорачува жената да зема по 5 милиграми фолна киселина дневно.

Фолната киселина се наоѓа во: леќата, житарките, кафениот ориз, леснатиот зеленчук итн. Но сепак ако се планира бременост или веќе сте бремени веројатно само со исхраната нема да може да се внесе потребното количество.
Исфрлете го алкохолот

Ако се обидувате да останете бремени алкохолот или исфрлете го целосно или пијте го умерено и само повремено, заради неговото штетно влијание врз плодот. Бидејки не знаете кога ќе останете бремени, подобро е да се биде на сигурната страна, одколку да дозволите да му наштети на бебето.
Престанете со пушењето
престанете со пушењето

За штетноста на цигарите во бременоста, не треба ниту да спомнеме. Постојат многу докази дека цигарите штетно се одразуваат врз здравјето на бебето во утробата, предизвикувајки различни пореметувања: раѓање со помала телесна тежина, предвремено породување, појава на астма кај бебето, респираторни инфекции, алергии, зголемен ризиик од леукемија итн.

Исто е докажано дека ги намалуваат и шансите за забременување. На жените кои пушат во просек им требаат по 2 месеца подолго за да забременат, во однос на жените кои не пушат.

За да обезбедите оптимална средина за развојот на Вашето бебе и за да има време да се исфрли никотинот од Вашето тело, доколку пушите, добро е престанете со пушењето уште пред да забремените. Можеби Ви изгледа како голема жртва, но имајте впредвид дека тоа го правите за здравјето на Вашето дете.
Намалете го кофеинот

Иако засега не е докажано дека кофеинот ги намалува шансите за зачнување, сепак е докажано дека неговото земање над 200 милиграми/дневно ја зголемува можноста за спонтан абортус и за раѓање на бебето со премала телесна тежина. Во Вашата подготовка за бременоста, можете да се обидете да го намалите количеството на кофеин кое го внесувате секојдневно.

Само за илустрација: 200 mg кофеин има во:

* 2 шољи кафе;
* 100 гр млечно чоколадо;
* 4 шољи чај;
* 5 лименки кока кола;

Избегнувајте премногу А витамин и риба богата со жива

А витаминот е потребен во бременоста, но големи количини можат да му наштетат на бебето. Тоа значи да избегнувате: црн џигер, рибино масло од џигер и сл. Во риба богата со жива спаѓаат: ајкула, сабјарка и др. големи морски риби. Исто така јадете умерено туна, затоа што и во неа има значителни количества жива.

 

Имам голема потреба од храна,често мокрење ,многу бргу ми се менува расположението, и имам големи болки во јајниците и долниот дел на вагината, дали овие можеби се некои симтоми на бременост?