Поддршка за сите оние што сакаат да забременат

Ме зарекваш а ?

Ај така нека е , ми одговара

 

Девојки среќен празник на сите!
Овие денови размислувам за тоа како до сега ќе го знаев полот на бебето, но се случи што се случи и сега мора да се оди понатаму. Помина еден месец и неколу денови и цело време ми е во мисла дали порано да направам пап и микробиолошки и да ја започнеме битката повторно, шест месеци не ми се чека ни најмалку. Што мислите вие, по киртажа колку време чекавте? Јас добив циклус на време и уредно како што треба, но сепак ми е страв да не се случи повторно истото.

 

Јас вака размислувајки како тебе, моето бебе ќе имаше сега 4 години ...
Јас се заробив во минатото , немој и ти .
Чим си добила нормално , оди нека ти земат пап и брисеви и нека одмори малку матката па пробајте пак.

Ако размислуваш дека ќе се случи пак истото , поголеми се шансите пак да се случи , затошто психата е лоша работа.
Ако размислуваш позитвно и мислиш на убави работи , така и ќе биде.
Гледај ја позитивната работа од целата таа ситуација , жива и здрава си Господ пак ќе те благослови ..

Добар ден и од мене
Среќни празници
Господ да ни даде сила и трпение за сите да бидеме победници од оваа битка

 

денес празник и на гости одиме кај една братучедка што си има три деца и си ги сакам ептен а и они мене...само што влегов најголемото ми вели...вујно кога ке имаш бебе...и јас се штрепнав незнаев што да и кажам...си мислев дека свекрвата се испуштила дека сме биле на инвитро и дека чекаме краен резултат за некој ден...ама таа си продолжи да ми објаснува дека имало некој вртен камен и таму оделе за да имат деца...и ми беше се јасно ....во мое отсуство свекрвата и братучедката се зборувале за тоа дека немаме уште деца и да одиме на тој камен..а дете како дете слуша и прима се... ме здоболе што се разговарале зад грб, а и ме растажи тоа што и внуците сакаат бебе од нас...
може овде не сум пишала но во вештачко оплпдување сум повеке префрлена..правев ин витро и сега до крајот на неделата треба да правам тест...а ми е страв од разочарување, бидејки немам никакви знаци..освен што според апликацијата требаше вчера да добијам и фала му на бога не добив..

 

Пуштам среќа за || линии

 

@delvi не мисли на симптоми, не ги барај. Ќе биде се во ред, ќе си ги видиш двете цртки оваа недела.
Во однос на братучетка ти, мислам дека не ве оговарале, штом сте блиски, сака да ви помогне. ,,Нормално,, е ако пар е во брак подолго време , а немаат деца , да прашуваат.
Мислам дека воопшто не е со лоша намера кажаното. Не се оптеретувај со тоа.

Ние сме во брак пола година па на мајка ми стално ја прашуваат да не има нешто ново.

 

Извини што упаѓам...
Ве читам редовно и се радувам на секој позитивен тест.
Бев и јас дел од оваа тема пред да го добијам синчето.
Чекав една година да се израдувам, на крај имав спонтан, тука ми препорачаа 1 месец пазење.
Штом помина еден циклус си пробувавме пак, ни требаа уште шест месеци да забременам со синко.
Не само мене, сите жени што имаа киретажа им беше кажано истото.

Зборот ми беше, ако немаш никакви проблеми не мораш да чекаш. Напрај си ги основните испитувања и опушти се.

 

Делви, не се замарај со тоа дали некој оговара, мисли сега позитивно, ќе си ги видиш двете цртки. Такви нервози не ти се потребни. Те следам во Вештачко и чекам да се радуваме

 

Јас чекав шест месеци. Во меѓувреме правев пап и микробиолошки испитувања. Сега, веќе 4 месеци работиме на случајот. Инаку сум слушала дека некои парови не чекаат 6 месеци, но тоа е индивидуална одлука.

 

Мене лекарот ми рече да почекам 2-3 циклуса..по вториот циклус направив пап и брисеви..сега искочи бактерија па со неа ќе морам да се занимавам.. инаку што се однесува до мислите исто е и кај мене..мислам дека тоа е дел од животот и постојано ќе се прашуваш. Што би било кад би било..

 

Женски имплатациското крварење после колку дена се јавува од однос? Да се пофилмам малце, имав некое минимално крварење после овулација ...

 

Мене ми беше одприлика на 13 14ти ден по зачнување..ден пред да добијам имав бледо розевко при бришење..

 

Може и околу 7-8 ден од оплодувањето на јајце клетката.

 

Ако се прашувам јас, никогаш не би губела 6 месеци, особено на веќе толку изгубено време (моето бебе ќе имаше три месеци сега). Јас мислев од некоја посериозна причина ти рекле 6 месеци, инаку стандардот за „нормална“ киретажа после MA е три месеци. Ние чекавме три, па еве уште 6 после тоа уште нема ништо. Инаку, ич да не се секираш дека ќе ти се случи истото, немој ни да помислуваш - ќе се повторувам ама ајде, имам веќе пишано, разликата меѓу missed и обичен абортус е тоа што missed речиси никогаш не е повторувачки, не ми текнува точно на бројките што читав на интернет ама беше нешто како „Може да се повтори кај една од 1.000 или 10.000 жени'. Така да, имај си само убави мисли и очекувања.

Јас имав точно на 6ти ден од овулација, 6-10 ден ти е бај д бук имплантациско.

 

@Beatris
Јас правев киретажа со плод од 12 недела..
Паузирав само 3 месеци..

 

Јас после првата биохемиска чекав 3-4 месеци, ама тоа беше заради лечење уреаплазма. Од Ремедика ми рекоа 6 да чекам. После тоа, ми се случи missed, киретажа, ни рекоа исто 6 месеци, а матичната општа дури и година ми рече, Бог да чува. Ама правевме еден куп испитувања, се чекаа реагенси, не сакав така да оставам. Паузиравме скоро 4 години, имав операции, сменив работа, а еве еве сега сме 22 недели.
Многу е тешко, сите знаеме, овие 5 години во брак, сите со деца, ти како 13-то прасе.
Колку солзи пролеани, мразев празници, на Бадник го делиме паричето а свекор ми секој Бадник-Ајде паричката во Ели да остане трудна!

Никој не ме прашувал, онака ќе кажеле ајде што чекате, ве личи , ти само викаш-Ќе биде.
Многу работи болеле, ако ви се верува не сакав да одам во парк,зошто наоколу сите ги гледаш со колички, дечиња, и само солзи ти надоаѓаат. Си викаш за што сум казнета јас

Мора да се има верба, мили и сите ќе бидете мајки. Тоа мора да се случи.

Сега сфатив дека сега бил моментот, може Дедо Боже сакал некои коцки да се склопат
Kупивме стан, се ослободив од најнегативните луѓе , работа..

Пишав долг пост, и мене ме имаше во темата некогаш. Ве читам секогаш и во секоја се пронаоѓам и ве разбирам многу убаво. Ја сфаќам секоја огорченост, секој неуспех. И на сите Ви посакувам позитивни тестови и успешни бремености

 

Убави девојки ве читав ама некако немав сила за пишување со 12 дена доцнење со негативни тестови и дури вчера добив и многу обилна и со болки, ама затоа денес сум подобра.
Па така овој месец почнувам со кломифен од утре (3та ден од менструацијата) и на 5та ден на контрола.
Кажете ми искуства ваши со кломифен кои се позитивните,негативни реакци?
Поздрав до си те ве гушкам

 

Абре жено ме расплака....
Ама вакви постови пак колку надеж и сила ми даваат, ти благодарам . Лично мене ме разведри многу сега

 

Јас немав негативни реакции.
Чувствував боцкање во јајници, но тоа не го сметам за негативно бидејќи така знаев дека се крчкаат фоликулчиња
И огромна желба за секс имав