Поддршка за сите оние што сакаат да забременат

Здраво женички, веќе подолго време сакам да пишувам и јас на оваа тема но немав храброст па еве ме дури сега. Значи вака, 1год и 9месеци сум во брак и со сопругот од почетокот се обидуваме но не бидува. 1год бев кај др гинеколог а потиа се преместив бидејќи нишѕо не ми помогна се викаше дека е во ред а на крајот јас ни фоликули не сум стварала. Потоа Одев на фоликометрија кај другиот гинеколог околу 6 месеци и за жал само еднаш имаше фоликул со големина од 18мм. Пиев Елова кесички но пак ништо. Пап тест правев беше добар сега во пон ќе правам микробиолошки а сопругот ќе прави спермограм. Потоа кога ќе ги добиеме резултатите ќе правам испитување за проодност на каналите. Многу ми е тешко и многу сум загрижена за тоа какви ќе бидат резултатите. Најголема подршка сте ми вие бидејќи знам дека немам само јас проблем со зачнување и сум ви благодарна. Сега се надевам дека се ќе биде во ред. Ве гушкам сите и извинете на долгиот пост. ❤

 

Поддршка за тебе суммер16, најважно од се е да се откријат вистинските причини за проблемот. Тогаш ке знаете во која насока да се движите. За среќа во денешно време медицината нуди многу можности. Главата горе и само напред до целта 0

 

Многу ти благодарам @Septemvri навистина ми значи твојата подршка

 

Хормони имаш проверено?

 

Да проверив пред 1година се беше во ред

 

На фоликулометрија докторот ти кажа дека немаш многу антрални фоликули или смета дека не ти растат фоликулите?

 

Смета дека не ми растат воопшто фоликули. Во текот на тие 6месеци додека ги следевме само еднаш имав еден фоликул од 18мм, на почетокот кажа дека биле многу мали а подоцна дека не стварам фоликули. Пиев елова кесички 3 месеци и само во вториот месец гин. го виде тој фоликул од 18мм. Значи да не беа кесичките можеби и тој фоликул ќе го немаше.

 

Можеби е најдобро да разговарате со специјалист, можеби треба да се проба со поблага стимулација да се поттикнат да растат. Но не кај матичен лекар, тие само Кломифен даваат. Направи си ХСГ и на консултација кај специјалист за неплодност закажи си.

 

Гинекологот сакаше да пробаме со стимулација но потоа се предомисли и ми кажа сега во пон да одам да направам микробиолошки а сопругот да направи спермограм па потоа да одам на ХСГ. Па потоа доколку е се во ред со тоа ќе пробаме со стимулација. Воедно сакав да прашам дали доколку каналите се запушени, тоа претставува пречка за бременост?

 

Се разбира. Низ каналите поминува јајце-клетката за да се вгнезди во матката, а и сперматозоидите не можат да пливаат накај јајце-клетката за да ја оплодат ако се запушени.
Стимулации без проверка на канали не треба да прифаќаш. И сепак мислам да се консултираш со специјалист за неплодност. Консултациите мислам дека секаде се бесплатни.

 

Да во право си. Речиси со никој немам разговарано на оваа тема, дома само кажав што ми кажа гин. и толку, па сега овде на форумов меѓу вас ми олесна малку. Многу ти благодарам за одговорот. Те гушкам.

 

Јас користев микс на чаеви минатата година при изостанок на менструација, која се среди на одредено време после консумирањето. Годинава е покомплексна состојбата кај мене, иако размислувам да го исконтактирам човеков пак, но на цикло-прогинова сум.

Има и веб страна, http://www.rozakanina.bizland.com/ каде можете да прочитате детали за чаевите, исхрана според крвна група и останато. Во секој случај најдобро е да го исконтактирате за дозирање, соодветно на проблемот ви дава терапија.

 

Прашувај си слободно, за тоа е темава. И ти посакувам што побрзо да си успеете
Полека, ќе биде се' добро. Едно по едно ќе си се решат дилемите и проблемите доколку ги има.

 

Сакам да ве прашам,како би се испитала компатибилност меѓу партнери и е шо е точно уствари то,во шо е некомпатибилноста,се сеќавам ко помала во комшиите имаше еден пар беа во брак скоро 15 години и не можеа да имаат деца,се разведоа и после година две одма добија деца со новите партнери и двајцата

 

Девојки конечно и јас ги дочекав двете цртки бев на гинеколог и тој ми потврди бременост. Ви посакувам на сите да си дочекате две цртки и да галите мешко

 

Тоа мислам дека се генетски испитувања. Што ти текна па тебе тоа?

Честитки, со лесно! Имавте некој проблем? Раскажи ни ја малку ситуацијата, позитивно влијаат успешни приказни на сите.

 

@0ли нз такви бед филмој ми се вртат,од то мн се плашам,за се друго имат чаре ама за то богами нз

 

Ај не се замарај со тоа. Такви испитувања се прават по неуспешно инвитро, не се оптеретувај со вакви работи!
Да не враќам назад да барам дали си пишала. Колку време се обидувате и дали сте направиле некои испитувања?

@tincemajmunce да се јави на рапорт.

 

2 години,се ни е испитано и се е во ред,освен шо кај мм имат зголемена вискозност на спермограмот ама според докторите не било проблем,чекам уште месец два и ќе почнам со инсеминации.btw ај видете го спермограмов

 

се прави на трансфузиологија, Cross match се вика.
преку крв од двата партнери.