Поддршка за сите оние што сакаат да забременат

Здраво.
Ве читав само досега но решив да се зачленам.
Вака, многу сакаме бебче и се обидуваме.
Имам вообичаено циклус кој трае 26 дена (досега во последните години само 3-4 пати траел подолго)
Утре е 26тиот ден кога (не) треба да ми дојде. Од радозналост вчера правев тест за рано откривање и покажа бледа 2ра цртка!!!
Но утрово имам светло кафеав исцедок кој нормално го имам пред менструација...
Можно ли е и покрај цртата сепак да не сум бремена и дали кафеавото е "нормално"

 

Реткост скоро невозможно е да покаже лажно позитивен кој тест и да си го правела. Доколку има бременост, можно е кафен или бледо розев исцедок не се плаши. Но, консултирај се со гинеколог прво нека ти потврдат бременост. Со лесно и честитки за позитивниот тест

 

Понови со нов тест од друга фирма,или најсигурно направи си бета...Имам слушнато за неколку случаи дека и покрај менструацијата се бремени.... Мојата свекрва кога била бремена со мм менструација добивала до 3тиот месец....
Дај боже да ви се исполни желбата те очекуваме во најскоро да ни се пофалиш

 

Кафеавото може да биде знак на имплантациа .. те чекаме со убави вести ❤

 

не троши пари за џабе, нарачај си од ебај,за таа сума ќе ти стигнат 30 теста за овулација (и 5 за бременост има)
јас овие ги нарачав https://www.ebay.com/itm/30-Ovulati...h=item3f1657af00:g:dzAAAOSwkZhWTva-:rk:1:pf:0

одма ми стигнаа.
и други членки ги порачаа после.

 

Обавезно консултација со докторот, можеби има потреба да ти даде прогестеронска поддршка.
Честитки!

 

Според симптомите отсекогаш сум имала недостаток на прогестерон. (Не сум проверувала кај доктор)
Мислев утре наутро да направам уште еден тест па да појдам до болница. Или можеби не би требала да чекам туку уште попладне да го сторам тоа, потпирајќи се на позитивниот тест од вчера?

Благодарам на сите за одговорите

 

Мислам веднаш да му кажеш на докторот дека си имала позитивен тест и кафеав исцедок.
Тестот покажа две црти, значи бремена си. Ти ако сакаш направи си утре пак тест, но денес извести го докторот за исцедокот.

 

После работа ќе одам кај гинекологот.

Како се испитува недостаток на прогестерон, преку крв или?
И дали некоја има искуство со таква терапија за одржување на бременоста, од што се состои истата?

Поздрав

 

Другарка моја примаше инекции прогестерон, само не памтам колку одамна беше. Не се секирај, само оди уште денеска на гинеколог. Со среќа и те чекаме во Труднички муабети.

 

Се зависи на колкав интервал добиваш и кога очекуваш да добиеш следно. Ден два после очекуваниот датум за добивање ако ти касни направи си тест.

 

Ако докторот побара да види колку ти е прогестеронот, преку крв се проверува.
Инаку, терапија има инекции, апчиња и вагиналети.

 

Бев и ништо... таа направи 2 теста излегоа негативни. Се разочарав малку... Како можеше воопшто лажен позитивен да ми покаже?!

 

Лажно позитивен не постои , единствено е можно да си имала биохемиска бременост .

 

Можеби во мочката немало доволно концентрација на хормонот. Колку време немаше мочано пред да го прави таа тестот?

 

еве ме мене девојки после долго време, отсуствував и тоа оправдано со убава причина!
Бремена сум веќе 11 недели , и овој пат е се во ред со бебетоо, здраво и право

Ќе ви раскажам се од почеток, повеќето ја знаат мојата приказна ама ако ќе ја раскажам, можеби на многу девојки-жени можеби ќе им послужи за верба, надеж, сила и никогаш да не се откажат да ја добијат најдобрата улога во животот на една жена - МАЈКА!
Се почна после свадбата, решивме со сопругот одма да почнеме со обиди за бебенце, првиот месец неуспешно , вториот веќе имав позитивен тест за бременост , но за жал таа бременост траеше многу кратко, всушност по менструација бев 12 н, а на плодот срцето му запрало во 8 н, и 4 дена. после тоа следеше киретажа, чистење, изгубена надеж, разочарување, ама помина , после од како се соземав почнав да правам испитувања фактори ддимери и сл, се испадна супер, поминаа 5 месеци решивме да се обидеме пак, овој пат оваа бременост траеше уште пократко 7 недели, пак чистење, пак разочарување.
После два абортуси почнав да се плашам и решив да испитам ама баш се, исто и сопругот, кај него се супер, По препорака на членки од фемина и др, Бојаџиев испитавме кариотип, јас не ни знаев што е тоа - да објаснам секој човек се раѓал со 46 хромозоми, за да биде здраво едно бебе содржи 23 пара од мајката и 23 од таткото. Кај сопругот кариотипот супер 46 хромозоми, кај мене проблем 45 - робертсонова транслокација - едниот хромозом се залепил на другиот, и тоа правело цело време проблем за здраво бебе. ми рекоа шансите ти се 50/50 тоа ти е како игра на среќа , како коцка или-или. во државна ме испоплашија исто како да ми кажаа нема да имаш дете никогаш, И после бев кај Бојаџиев ми објасни убаво, и ми кажа има две опции или ивф со предимплантациска генетска дијагноза или ако останам природно бремена да се направи пренатален тест за да се открие дали има некаква аномалија. И со сопругот мислевме се одлучивме за инвитро, тука во мк само во њуборн имаа, и тоа ги праќаат ембрините во турција, почнавме да собираме документи, испадна дека организмот ми се борел против хепатит ц , и не можевме да ги предадеме документите,појдовме на одмор , некако се опуштивме си рековме со сопругот да се обидеме уште еднаш ако не биде одиме директно турција на инвитро, само што си дојдов од одмор по 10 дена направив тест и ја видов најубава цртичка, најголема радост ама и страв дали ќе биде во ред овој пат, слушнавме срце, се супер бебето, направивме и пренатален 700 е, исплашени ако не е здраво и чистење пак и пари многу дадени, ама тоа е си рековме со надеж дека ќе е во ред, стасаа резултатите бебето е супер без никакви аномалии, здраво и супер напредува, и женско е - ќе имам ќеркичка со господ напред, да не чува само. конечно и ние да се израдуваме , не можам да ви опишам колку сме среќни со сопругот. не ни се верува уште, дома сите се пресреќни, сега ни преостанува да си ја чекаме ќеркичката На сите ви посакувам ваква радост од Извинете за долгиот пост.

 

Ах @Veki4kaa и го знам сево ова и пак се насолзив
Те гушкам и со лесно да е, за неколку месеци да си ја гушкаш принцезата

 

Па не знам можеби 2часа немав... баш ко ладен туш ми дојде, а толку се израдувавме...
Како и да е, утре или задутре ќе го повторам тестот, ако во меѓувреме веќе не ми дојде

 

Провери утре наутро со прва мокрача.

 

Утре повтори го сабајле тестот, 2 часа е малку за рана бременост кога не е вредноста на хормонот многу висока.