Поддршка за сите оние што сакаат да забременат

Сум заборавила како беше со хормоните, не е само да се во референтни граници си има и други правила, затоа доктор најубаво ќе ти каже. Инсулинот ти е зачудувачки добар, супер. Само гледам тестостеронот ти е баш висок дури чудно што кажуваш немаш зголемена влакнавост. Мене ми беше баш низок пред да забременам. Ама пак доктор најубаво ќе ти објасни.

 

Имам влакна, ама не енормно. Општо сум си влакнеста од дете, со густа коса и слично.
А тестостеронот на што друго влијае освен што прави проблем со влакна?

 

Нередовна менструација, акни, а најголемата иронија е што од една страна има зголемена влакнавост, а од друга паѓање на косата. Јас уште што не пробав за косата и пак си паѓа, дури сега ми се смири малку. Инаку, за зголемена влакнавост најчесто се мисли на лице и врат, не по телото. Значи на места кај што не си имала.

 

Епа да, од пред некое време имам нетипични влакна на подбрадокот. Малку се, не се јаки и многу темни(пошто сум природно со црна коса), ама ги имам. Бев на епилација и ми ги немаше долг период ама сега ги гледам пак тука таму по некое, сигурно е од покачениот тестостерон.
Акни немам, ама имам нередовен циклус и те како и сега кога спомна баш сеам влакна насекаде. Имам многу густа коса и затоа немам приметено некоја разлика, ама да ми капе на чешлање, сушење, миење...
Како се става во ред тестостеронот, со каква терапија?

 

Па освен со хормонска терапија не знам како би можело на друг начин,барем не сум слушнала за друго досега.

 

Ќе видам што ќе ми каже докторот утре, и другите хормони не ми се баш најсјајни. Нешто е добро, нешто не. Не знам како можело да настане ваков хаос со мене, не ми е јасно...

 

21 век... Нездрав живот, нездрава и вештачка исхрана, стресови... Се си има влијание. Ќе се среди

 

Ти по колку време добиваше циклус?

 

Пред да дознаам дека имам Пцос добивав 1-2 пати во годината зависи и кога ќе добиев ми траеше по 2 недели минимум. Кога дознав почнав со Јасмин и ги пиев 10 години (6 месеци Јасмин, 3 месеци пауза). Во таа пауза од 3 месеци дали еднаш ќе добиев и тоа со помош на Примолут Нор.
Е лани, кога решив полека да се средам и да пробуваме за дете, открив дека имам инсулинска резистенција и се ставив на режим и вежбање, па во тие периоди кога не примав терапија добивав редовно на 28-30 дена.

 

Аха,фала ти

 

На каков режим на исхрана беше? Јас немам вакви екстремни проблеми со циклусот. Најдолго што ми доцнело е сега, 67 дена немам добиено. Претходно си добивав максимум до 35 дена, сега нешто ептен се изреметив...

 

Здраво, имам чувство после однос ако одам да мочкам дека спермата ќе излезе надвор и нема да ме оплоди, знам дека тоа е глупаво што го мислам ама психата ме убива, сакам са останам бремена еве прв пат пробувам да останам бремена овој месец и не мочкам после однос И сакам да прашам уште нешто, дали може да се забремени на трети ден од периодот?

 

Не се секирај, секако дел од спермата ејакулирана во тебе истекува надвор, одела ти во тоалет или не. Ако треба да бидне и една капка е доволна верувај.
Шансите да се забремени на третиот ден од периодот се екстремно мали, ама секогаш постојат исклучоци нели.

 

Исхраната ми се сведува на протеини. Значи, секакво месо и риба, печурки, јајца, зеленчук секаков (најдобар избор е тој што расте над земја), млечни производи поретко, овошје 2-3 пати во неделата и само цитрусно или шумско (цедено и сокови не), вода или чај (домашен), леб само со ручек (тонус или интегрален), од благо само протеински производи со минимално шеќер и грав, леќа, грашак манџи.

Тестенини, торти, чоколади, ориз, компир, корнфлекс, газирани и негазирани сокови никако.

Прво мислев дека немам некој избор ама има премногу рецепти на интернет. Ќофтиња од тиквица, крем супи од зеленчук, пица (тестото се прави од сварен карфиол), интегрални грицки итн.

Си бев опуштена малку овие месеци и од пред една недела пак си почнав со ваква исхрана и убаво ми е. Докторката ми рече дека можам да си дозволам и по некој cheat day зашто сепак сум трудница ама веќе ми влезе организмот во кетоза и не сакам да качувам веќе на килажа.
Многу убаво има објаснето на интернет за кетоза и предностите особено за здебелени луѓе.

 

Фала ти премногу за опширново објаснување. Знам дека е најдобро да се сведат на минимум јаглехидратите за жени како нас со пцос. Јас пробувам да избегнувам, ама сепак внесувам.
Бело брашно не јадам многу одамна, освен кога јадам домашни баници и пици, што се трудам да е баш ретко, иако сум тесто-љубител.
Знам за кето режимот и одамна се канам да го разгледам подетално, ама ете сега ти дополнително ме измотивира.

 

Ауу јас колку сакам теста... Обожавам тестенини во сосови, домашни пити. Казна ми беше, плачев кога почнав со кето ама се навикнав. И не треба да се исклучат јаглехидратите скроз така ми кажа ендокринологот, посебно за жени. Затоа ми рече да јадам леб со ручек. Ако се одлучиш нема да згрешиш, тешко е на почеток ама после кога ќе почнеш да се осеќаш лесна како пердув нема ни да ти текне на junk food.

 

Во право си, ми треба време да се навикнам само. Тешко е на почеток, после станува полесно сигурно.
Баш ќе го разгледам кето подетално и ќе морам да почнам со таква исхрана. Свесна сум дека само добро може да ми донесе.

 

@Jana06 и @Bella_Stella да ви упаднам во муабет

Како што кажавте, кето исхраната е добра за луѓе што имаат проблеми со пцос, инсулинска резиденција, дијабет.
Меѓутоа за вас како жени мислам дека добра опција е low carb, не класична кето.
На фб има доста групи каде што споделуваат еден куп вкусни рецепти со мимимален број на јаглехидрати во составот. Еден куп идеи има за леб, слатки, торти, тестенини, па дури и бурек со низок процент на јх.

Спојлер: Линк

https://www.facebook.com/groups/KetoForBeginnersAndRecipes/

https://m.facebook.com/groups/178905742771504

https://m.facebook.com/groups/768198479916017?group_view_referrer=profile_browser

https://m.facebook.com/groups/214266645779793?group_view_referrer=profile_browser

 

Читав и за таа ама се внесуваат повеќе јаглехидрати. Нормално многу полесна е за држење така да исто е добар избор.

 

Да, бидејќи кетото е доста ригорозна. До 20г јаглехидрати во тек на ден кај бремена жена или жена што дои по мое мислење се премалку.