Поддршка за сите оние што сакаат да забременат

Февруари сум.
значи ти добиваш позитивен тест за роденден, јас право терминот за пораѓај си го израчунав и за роденденот стиже беба, така да јуни мора да биде наш месец

 

можеш примери да најдеш на google, искуцај fertility friend low bbt. Базалната се покачува по овулација, но ете кај мене пример стагнираше 3 дена т.е. се покачи 3 дена по овулација. Бележи во график и прати го, а инаку да базалната може да е и 35.9.

 

Да да позитивен тест за роденден

 

Здраво девојки,
Ве читам подолго време иако не се осудував да пишам. Но читајќи ве колку се храбрите и подржувате решив да ви се придружам. Имам 36 години и се обидуваме за бебче година и пол. Првите неколку месеци без замарање и следење овулации и чуда и последните 7-8 месеци поинтезивно. Ама уште немам видено позитивен тест. Утре треба да добијам и ќе добијам затоа што во месеците откако се обидувам си ги запишувам дневно сите симптоми што ги имам и точно како и секој месец и овој ги имам сите показатели дека утре ќе добијам. Добивам редновно секој месец од 25 до 28ми ден, и имам овулација потврдена со тестови за овулација и мерење на базална температура. Од испитувања имам направено пап и брисеви кои како и секогаш се во ред а хормонските испитувања покажаа намалена резерва (висок ФСХ и низок АМН) што ми дојдоа како шок и ме преплашија. Матичната малку се зачуди од резултатите затоа што на ехо виде фоликули (не ја прашав колку) и ми рече дека репродуктивниот систем не ми е нарушен?!
Со маж ми се натегаме 6 месеци да направи спермограм за да конечно одам на специјалист и да бараме чаре. Згора на тоа имам ендометриоза на двата јајника (на десниот откако знам за себе околу 2цм и од пред една година и на левиот циста помала од 1 цм). Редовно ги следам цистите и матичната ме убедуваше дека тие не се пречка за останување бремена. Своевремено бев кај Димитров од Ремедика за ендометриозата да го молам да ми ја оперира ради неверојатни болки ама ми рече дека не би чепкал за да не расипе нешто што можеби функционира и доколку не можам да останам бремена тогаш ќе оперираме, што сега мислам дека не е воопшто опција заради тоа што може да ги уништи и оние малку резерви што ги имам.
Во понеделник планирам да направам повторно испитување на хормони на трет ден и веднаш после тоа сакам да закажам за испитување на проодност на канали кое не го направив затоа што матичната ми кажа прво спермограм па после тоа. Спермограмот на маж ми е одличен што значи проблемот е во мене (или според негови зборови, "Ти реков не е до мене")
Со сите резултати планирам да одам кај Лазаревски во систина каде што веќе закажав за следниот месец.
Од терапија примав инофем/елова на препорака на матичната (иако од вас научив дека тоа е терапија за ПЦОС не за намалени резерви) и откако ја почнав циклусот ми се скрати па не знам дали е поради тоа или ради годините ама нејсе. Исто така пиев и Q10 во високи дози. После неколку месеци од терапијата хормоните ми беа полоши од било кога. Фсх 17.2 (претходно ми беше 11.9) што значи дека не помогнала терапијата баш. Се обидувам да останам позитивна и се тешам дека една јк е доволна за да се фати ама на моменти паѓам во очај и се плашам дека нема чаре за мене. Ама позитивните искуства тука со резултати како моите или полоши ми даваат надеж и за тоа сум ви благодарна.
Извинете за долгото излагање, ама ова ми иде како приемен испит за во групава
Е сега имам прашања за вас.
Знам дека проодност се проверува меѓу 8ми и 11 ден од циклус а со оглед на тоа дека јас имам рана овулација дали значи дека овој месец треба да го пропуштам со пробување?! Или е во ред да одам на 8ми ден од циклус и после да "работиме на случај" или треба да избегнувам односи после процедурата?
Дали HSG то во систина се изведува со анестезија или инфузија со анелгетик? Ако е со анестезија веројатно не би се осудила па ќе ризикувам болка, со ендометриоза цел живот ваљда можам 10 мин да издржам.

Што можам да очекувам од прегледот кај Лазаревски? Дали некој со сличен проблем бил кај него? Почнува со некакви послаби стимулации/фоликулометрија/инсеминација или препорачува ин витро веднаш?
Ви благодарам однапред и ви посакувам на сите што побрзо да се исчистите од темава.

 

После хсгто истиот циклус смееш да си пробуваш. И јас бев на 8ми ден . Во систина има опција за анелгезија да те зашемети. Ама можеш да издржиш не се плаши ич. Направи си проодност и собери си документи и аплицирај. Нека ти стои како план б. И така се чека по два месеца за одговор. Па после имаш 6 месеци за да го искористиш. Може и ќе ти предложат имсеминации. Сепак специјалистот ќе ти каже најубаво. Немој да се обесхрабруваш , може да се реши и верувам ќе имаш успех. Има многу членки во темата вонтелесно оплодување што останале бремени со многу низок амх. Отвори таму и прочитај , има многу искуства. Ти посакувам мн среќа

 

Фала ти на одговорот. Колку што читав за ифв одобруваат ваучер само со донирани јк ако фсх е над 12. Мојот кој знае колку ќе испадне во понеделник така да ако препорачаат тоа ќе морам на приватно. Маж ми веројатно порадо ќе плати приватно него уште еден спермограм да прави, и за овој едвај се убедивме

 

А јадеш ли суви смокви во маслиново? Мн паѓало од нив фсх

 

Изедов две тегли, после месец дена од скоро 12 беше 10.5 ама се качи на 17 до третото мерење. Различна лабораторија беше третото а и тој месец циклусот ми беше крш. Едвај да крварев, оскудно и темна боја, плус ми задоцни и имав ужасни болки. Се сомневав на циста. Ќе видиме у понеделник, се надевам на вредност под 12 барем за ваучер.
Да не знаеш дали издаваат упати за клиника за хормони сега со короната?

 

Мислам дека сеуште не... јас во авицена ги испитав, околу 4000 платив за 5 хормона

 

Од кај да почнам .. направи си хсг не е страшно нелагодност неколку минути... а 2 3дена по интервенцијата може да се обидувате... консултирај се и со докторрот штом неговиот спермограм е добар сигг можеби ќе ви предложи прво инсеминација (и за ваучер ги бараат ако е спермограмот во ред) види како ќе поминеш и што инструкции ќе ти даде но не е проблемот нерешлив без грижа доволна е 1јк и 1 сперматозоид... и подршка мегу вас да не е ставот Кој е виновен (за бебе се потребни 2ца затоа проблемот е заеднички)
И види матичниот каде ќе и закаже за хормони (на гак сеуште не раб) но сигурно за некаде може да те прати со упат.... и да ќе видиш што докторот ќе ти каже и бебето ќе дојде...

 

Фала девојки!

 

Јас таква откако знам за себе ендометриозна циста од 2цм имав исто како тебе,на хсг канслите ми беа запушени но пробија со контрастот а запушувањето гарант и од ендото било.
Знам дека не препорачуваат вадење на толку мала циста ама јас после 3 год неуспешни обиди решив да го извадам тоа чудо од мене,докторот што ме оперираше ми рече дека иако е мала можело да прави проблем,да ствара воспаление. Ние уште не сме успеале ама ептен ми е мирна главата што ја извадив цистата,ја имав преку 10 год,толку била запечена,залепена за ѕидот од јајникот и ми ја имало одвлечено матката,сето ова се виде на лапароскопијата.

 

Фала на споделеното искуство. Те следам по темиве и ти посакувам што побрзо да успеете. Јас би ја оперирала одма да знам дека нема да ми влијае на резервите ама од тоа ми е премногу страв. На барем 4 мислења бев за истава у последните 10 години и ги прашував дали може да влијае на зачнување и сите ми рекле не. Ама веројатно има некаков удел. Јас и само поради болката сакав да ја оперирам зашто живеам во неиздржливи болки сиве овие години. Не знам како е да не те боли јајник. На зима е неиздржливо. Ама ете никој не се нафати. Ти имаше болки? Дали проверуваше амх пред и после операцијата?

 

Морам да прашам, не сум доволно запознаена, АМХ претпоставувам мислите на анти милеров хормон? Кога се испитува, зошто, каде? Дали се испитува преку крв?

 

Да, тој е. Се испитува било кој ден од циклус и е показател на резерви на јајце клетки. Се испитува преку крв, јас испитував во Биотек ама можеше пред короната и на клиника со упат. По приватниве цената е околу 4000 ден.
Пошто сум опседната, читав и кој метод на испитување дава најрелевантен резултат и наидов на информација дека ECLIA дава најдобра корелација со антрални фолекули и според тоа најточни резултати а таков метод користат во Синлаб па таму ќе испитувам во понеделник.

 

Здраво девојки,
Јас решив да ви се приклучам,па добро Ве најдов.
И ние веќе 1.5 се обидуваме за бебе (до сега неуспешно)но морам да кажам не секој месец упорно,бидејки првата година од брак јас искрено ја прогласив за катастрофална и многу тешка.Караници,расправии што за обврски кон домот,што за пари ...Конечно последниве месеци се усогласиме некако.Па затоа не знам дали неуспешното забременување се должи на тоа или има некаков проблем, но мене веќе почна да ме фаќа паника.Сепак сметам дека година 1.5 е веќе сериозен период.Нејсе,ме интересира првично,дали Вие што имате проблем со забременување,имате неуспешни бремености со губење на плод или пак воопшто нема оплодување.Зошто кај мене е второто.Што е поголема индикација за присутен проблем,неуспешна бременост или воопшто неуспех во зачнувањето.Фала многу

 

Прво добредојде и ти посакувам за брзо да излезеш од тематва. Ако добро разбрав, се обидувате една ипол година?

Секако дека психичката состојба има влијание на забременувањето, но исто така и не мора да значи. Добро е што сте ги подобриле односите, тоа секако е една од позитивните страни во приказнава.

Ако поминала година ипол веќе ви е време да направите некои проверки и да побарате каде е проблемот, ако го има.

Инаку во темава не има секакви, и такви што не можеме да забремениме и такви што го губат плодот. Ама мислам дека повеќе не има од првава група.

Индикација за проблем може да биде и едното и другото, не може да се поделат така работите. Постојат многу голем број на причини зошто една жена не може да забремени, а која е причината во вашиот случај ќе дознаеш само ако си направиш испитувања.

Направи си микробиолошки и пап (ако немаш во скоро), провери си хормони и проодност на канали, а сопругот нека направи спермограм.

 

Редовно одам на гинеколог (дури и прередовно) имам направено хормони,до сега се било во ред,сега следно е спермограм,сакам овој месец тоа да го направиме,па после тоа и проодност.Но и ова со коронава сега малку не кочи,да се оди ли по болници и лаборатории периодов или не

 

Па на државно не знам како е ситуацијата, дур трае ова на приватно одам само. Планирам следна недела да одам кај матичен гинеколог, ако сака да ме прими, пошто кога почна хаосов нејќеше. Јави се кај матичниот прашај, они најдобро би требало да знаат.

Елиминирајте ги сите потенцијални пречки и пробај да следиш овулација, тоа може да ти даде успех.

 

Јас имам болна менструација цел живот,агонија,и после операцијата болките се тука да не се лажеме,јас заради мутација пијам аспирин и од тогаш ми се значително намалени,претходно беше страшно.
Е сега предност е кај мене што моето АМХ во 2017 беше 4.4,на прегледи имам по 10тина антрални фоликули,на инвитрото со мала стимулација имав 13тина фоликули. Сега последно не сум мерела и не ни планирам.
Појди до Чаир кај Илиевски на едно мислење,инаку и мене исто сите ми велеа да не ја вадам.
Немој да се грижиш,за се има решение.
Има еден рецепт golden milk,побарај го и пробај го,исто така сум читала за ставање вагиналети од кантарион пред овулација,ова ќе го пробам и јас допрва,ендометриозата е воспалителен процес па на тоа треба да обрнеме внимание.