Поддршка за сите оние што сакаат да забременат

Да, точно и мене ми беше овој месец на 8ми ден од м.ц а минатиот месец на 7ми ден баш кога се инатевме со @Bella_Stella дека не е можно.  значи кога сум имала кафеаво јас сум овулирала.....

 

Бев со многу тешок ПЦОС , сега малку се средиле јајниците но пак се ПЦОС . Ги имам сите пропратни нус појави од ПЦОС , сега не но пред 4 години знам дека а ми протекло на средина од циклус јас сум трчала на ехо , и тоа ми го кажувале пукнала циста , дека тие се нели водени цисти и дел пукаат со менструацијата , кога пукаат исто има нелагодност во пределот кај матката.
Самиот организам кога е згрчен си прави дополнителен стрес и плус ПЦОС и ни се пореметува циклусот .
Јас имам примери дека и на менструација може да се остане трудна , еве јас бев на околу седмиот ден , мајка ми и сестра ми на 3 ден останале трудни.
Затоа и велев пред некое време да се пробува и за време на циклус дека со ПЦОС баш и не е на 14 ден овулација и да не се темпираат односите . Пробај ништо не губиш.
Имам една познаничка и таа пробува сега за второ дете , и неколку месеци одела на ехо нели да темпира однос на околу 14 ден , и докторката и велела нема овулација и испадна дека многу порано имала овулација .
Затоа кога се прави ивф се оди на ехо уште на 2 ден добиено да се следат фоликулите ,кај некого можно е и со менструацијата да се исфрлаат и јајце клетки за оплодување .

Ехх и јас на 18 години не сум мислела дека ќе имам проблем со забременување па и со бременост потоа , но живот мила има падни стани , ќе се бориме и ќе успееме .
Ееее ќе ја барате Бокаче кога ви збореше опуштено и без нервози и ќе биде , затоа што знам како ми работела психата и колку сум била напната на тоа поле забременување пред 5 години и сега како размислувам.
Ние на мозокот со нашата психа некогаш му правиме блоката и затоа не се фака , а вака пушти мозок на пасење , терапија редовно се прима , односи кога ќе ти се посака а не да темпираш и ќе дојдат двете црти

 

Логиката тоа вели дека ако на 28 дена , овулација е 14ти ден па ако на 42 дена овулација е на 21 ден , нели на средина на циклус но во медицината не се како што кажав 2+2=4 можно е да се има и на 7 ден овулација .
Како ние што се чудиме околу овулација јас така се чудев и барав одговори по доктори како е можно јас останувам трудна природно а после 3 години бившиот маж има тотална азооспермија ( нема живи сперматозоиди во спермата)

 

Срцка, гледам многу се измачуваш, па ако може јас едно мислење да споделам. Имаш 29 години прочитав, имаш уште мноооогу време пред тебе, а јас имам плус уште една декада од тебе, па сепак пробувам да мислам позитивно, што е многу тешко затоа што сите ние сме влегле во една машина што не џвака и како маѓепсан круг е, но..

Секојдневно слушам приказни како со крш резултати си остануваат природно, ете прва моја другарка во паника, со ужас резултати на сите полиња, неовулираше, мажот без трчачи итн. па остана природно веднаш, а јас со петка на раче со супер резултати, еве мака измачивме години..

Затоа ќе ти кажам, резултатите и медицината знаат, но овде секогаш има некој Х фактор што многу често изненадува, верувај во природата, верувај во своето тело и терај

 

За се што кажа си во право мила, само фали уште јас да најдам сила и да си го променам mind set-от. Премногу си стварам притисок сама на себе. Никој нема очекувања од мене да родам дете, мислам не директно да ми кажал, ама мојата огромна желба ми го прави сево ова.

Премногу се опседнав со прегледи, лекари, резултати. Треба дисциплина, ама не треба и како мене да се претерува.

Истото што ми го викаш ти стално ми го збори и сопругот. Да се стрпам, дека правам се што треба и дека ќе дојде моментот кога треба да де случи.

Фала ти многу, ми значи секој збор!

 

@Bella_Stella Да се надоврзам на муабетот на @Мишел*.
Можеби имам и предходно пишувано за ова, но нека

Другарка ми имаше ПЦОС и менструација едвај 3 пати годишно. Ако ми веруваш остана бремена од прв обид. Без замарање, без ништо. Ни лекари, ни терапии, апсолутно ништо. Се спремаше за свадба. Вика се опуштивме малце предсвадбено онака за 'мерак'. Свадбата бидна, беше на меден месец. Се врати и вика се осеќам чудно, омалаксано, ми се прилошува, сигурно од летот е. Едвај се убедивме да направи тест. Тестот позитивен. Не се ни сеќаваше точно кога и била последна менстрација. Вика мислам во февруари беше, а ова во јуни се случуваше.
Еве сега има кукла мала, лепотица.

Колку и да е клише муабет, опушти се малце, не се оптоварувај. Батали тестови за овулација, нон стоп следење на хормони. Само стрес дополнително си набиваш, а од стрес ништо добро не излегло. Љубите се со мажето опуштено без да мислите на бебиња. Кога тогаш тоа што е за тебе ќе си дојде.

 

Да знаете само колку ми требаат вакви позитивни примери. Точно е дека премногу замарање може само да одмогне. Многу сакам да бев некоја таква лабава и да не се замарав, сигурно ќе ми беше далеку полесно.

Ќе пробам да те послушам и да се опуштам малку, знам дека е неопходно.

 

И јас сочувствувам со @Bella_Stella , за се сте во право девојки истите совети ги добивам и од мајка и сестра, најдобронамерно ни кажувате. Но премногу е тешко психички да се исполни тоа, едноставно нема ден да не ми помине таа мисла во главата, дали ќе имам дете еден ден. Знам мора да работиме и повеќе да се трудиме да бидеме попозитивно настроени на целиов проблем.

Јас само го сонувам денот кога ќе бидне, тоа ми дава надеж. Ќе бидеме упорни до целта нема откажување.

Голема поддршка до сите девојки кои се во оваа борба, еден ден ќе успееме.

 

Сите во темава се сочувствуваме една со друга , поготово тие што се со повеќе години без успех , со еден или повеќе спонтани.

Да мислиме од позитивна страна дека , некои се само со обиди , хормони како хормони ќе се средат , циклус со апчиња ќе се добие но верувајте психата повеќе убива кога имате позитивен тест и после некое време мора на чистење

Искористе време убаво , сонце витамин Д , планина , плажа , позитивни мисли , коцките ќе се поклопат , ќе си дојде и менструација и овулација и бебе , можеби Господ така одлучил , сега не е време ...

Глава горе девојки

 

Ве гушкам сите до една! Заедно сме посилни!

 

Clomifen ми препиша матичната за што се??

 

Стимулираат овулација.

 

Фала

 

од минатиот месец престанав дс се стресирам дали ќе се деси да ги видам двете цртки. Верувам во Бога и неговите искушенија

 

Девојки утре треба прилактин да испитам на гладно треба така??

 

Јас се породив на 07.01 последна менструација имав на 21.02 од тогаш до сега немам добиено, а ризичен однос имав на 1.7, и сме закачиле уште еден бебуш. Немав ни претходно редовно менструација, добивав на два три месеци. Гинекологот вели дека сепак сум имала овулација. Првото после завршување на циклус се фативме на работа и бидна. Не се откажувајте. Само храбро напред, ќе биде.

 

Аии што убавоо, честиткии
Која недела си сега?

 

Колку убаво, едно по друго. Ќе си бидат најдобри другарчиња.

 

5+ сум..
Нез колку ќе бидат најдобри другарчиња, сите ми велат дека е рано, дека ова првото ќе го запоставиме, нема да му обрнеме внимание... Некако сите се против.. Здравје ќе видиме..

 

Честитки и со лесно да си ја износиш бременоста

А "сите" да си ја гледаат својата работа и да не ти кажуваат многу безвезни приказни.
Уживај си во бременоста, гушкај си ја лепотицата и да не ти 'чуе' што мислење има околината.

П. С. Чекај не во труднички, кај и да е сите од тука ќе дојдеме таму