Поддршка за сите оние што сакаат да забременат

Абе така рекоа дека мора да е под 3 мислам првично, иако јас кога останав бремена, на првата контрола сепак беше околу 5, спадна тек некаде во 5 месец на 3,8 мислам. Не битно, ако ми била покачена, а треба да е дури 2 тогаш зошто не даваат терапија.
Чудно малце.
Искрено да ти кажам ич не ми се проаѓа по втор пат се, сите тестирања, прегледи нервози...со 36мм фоликули абе ќе си пукнам од мака.

 

Не ми е јасно како може од ехо да види дали проодност или не
Затоа се прави хсг убаво да се види проодноста.
Мислам дека не може да види?

 

Абе не може да се види на ехо, ама мислам дека на убаво 4д ехо има нешто кое може да укаже на проблем со каналите, дали беше нешто со хидросалпингс поврзано, не можам да се сетам, да не лупам сега. Битно мене Петановски ме гледаше на ехо и ми рече дека според тоа што гледа би требало каналите да се проодни, ама дека за да сме сигурни мора хсг. Така да јас си направив хсг и навистина испадна дека се проодни, а конкретно девојката еднаш веќе била бремена, така да сигурно и се проодни.
Иначе знам случај каде матичниот гинеколог видел на ехо дека нешто не е во ред со каналите, но мислам дека тоа е можно само ако се многу задебелени и оштетени, што после и се потврди кај девојката. Ама само ехо никако не е доволно за да се потврди со сигурност дали се или не се проодни.

 

Каналите или се проодни или не. Така? Јас бар така го сфаќам тоа, ваљда не може да се протне низ некоја барикада таа посакуваната јајце-клетка Е по една бременост помината, во меѓувреме да се затне и другиот, ама од што?
А хсг како се изведува? Болно е?

 

Не реков дека може да се полупроодни, само кажав има некои работи на ехо според кои искусен специјалист може да даде претпоставка за тоа дали се проодни Те молам не се замарај толку, ако нешто те копка консултирај се подобро со докторот. Ако навлезиш многу во тоа со читање на форум или гуглање, само полошо ќе си направиш. Си имала една успешна бременост, фокусирај се на тоа дека пак ќе биде успешно.
Инаку теоретски мн работи се возможни и немој да се оптоваруваш со секоја можна опција. Мислам дека постои можност каналите да се подоштетени и да имаат некои слепувања, а сепак да се проодни, но тоа би требало да се види на хсг-то или при операцијата. Ако докторот сметал дека кај тебе има шанси за проблем ќе ти предложел ин витро, нема да те советувал природно да се обидувате. Најубаво разговарај со докторот за се што те копка, само совет од мене ти е да не гуглаш. Мислам Димитров од Ремедика е добар доктор баш за оваа проблематика и некој Зоран мислам беше во Чаир. На нет има све и свашта, worst case сценарио, нема потреба.

 

И мало покачување на Тсх може да прави проблем со овулациите, а и не мора. Јас имав многу посериозен проблем со тироидната, имам хипо/хашимото и затоа доста читав и истражував и позната ми е темава.

Се согласувам дека доколку отидеш кај ендокринолог би ти дал терапија, 3.40 не е висока вредност, ама ендокринолозите преферираат да се движи меѓу 1 и 2 кога целта е бременост. Мене додека гинеколог ми викаше не си за терапија излезе дека си го имам проблемот, така да на темава само специјалист ќе си слушаш.

Што се однесува до симптомите што ги имаш не е рано. Јас точно една недела пред позитивен тест почнав зачестено да мокрам, тоа ми беше прв симптом. Се надевам си останала бремена овој циклус, ако е така моја препорака е и покрај тоа што си без терапија да си ја следиш тироидната секој месец во текот на бременоста.

Ако не, консултација со ендокринолог, пиј си терапија и верувам дека ќе имаш успех пошто ете како што кажуваш имаш претходно слично искуство. Проодноста на каналите не би требало да е проблем. Еднаш си останала бремена, не може да се запушат до толку во меѓувреме мислам...

 

Па не е баш така. Може еден да е прооден друг не, двата да се непроодни, полупроодни итн. Од една до друга бременост може да се затнат од инфекции, ама веројатноста и двата 100% да се затнат мислам е мала.

Хсг се изведува со вбризгување на специјална течност - контраст. Зависно од тоа дали и во која мера поминува течноста низ каналите се одредува нивната (не)проодност. Кратка процедура за која некои викаат дека е безболна, а други помалку или повеќе болна. Очигледно е индивидуално, јас лично не знам, немам правено.

 

Не правеше хсг пред да земаш кломифен? Нели треба да се види проодноста за да се не се прима залудно и да се трошат резервните јајце клетки?

 

Девојката погоре веќе има природна бременост зад себе, што значи каналите многу веројатно и се проодни. А ТСХ ќе и се среди со терапија. И да, на 4д ехо може да се види доколку има некаков проблем со нив. Јас сум со ендометриоза, на ехо и Димитров и докторка специјалист за ендометриоза во странство ми рекоа дека изгледаат чисти, без адхезии, на лапаро што кај мене мораше да се направи поради друга причина тоа и се докажа, проодни се, баш како и што ми рекоа двајцата доктори. Не форсирајте непотребни процедури и слушајте доктори шо ви кажуваат, а не што и како направил некој на форум.

 

Не правев. Ја прашав докторката што ме стимулираше, рече прво ќе пробаме вака, ако нема резултат ќе направиш хсг. Јас ја послушав и за среќа имав позитивен исход. Доктор за асистирана репродукција е и затоа и верував.

 

Станува збор за две различни девојки Двете имаат една природна бременост позади себе, едната има повисоко Тсх и два јајцеводи, а другата има еден изваден јајцевод поради вонматерична бременост, а исто има останато природно преку другиот јајцевод. Двете веќе имаат едно детенце . Затоа беше дискусијата, втората девојка прашуваше дали може да се запуши во меѓувреме и другиот.
Инаку апсолутно си во право дека не треба да си правиме сценарија во глава и дека крајно треба да се водиме секако според тоа што ќе ни го каже докторот.

 

Јасно ми е дека се две девојки, прочитав наназад. И јасно е од мојот пост за која од двете конкретно зборам. Се пишуваше и за нејзиното ХСГ дека можеби треба да направи, а веќе има природна бременост. А и докторот и рекол дека нема потреба од ХСГ, кога го прашувала. И сигурно тој знае подобро од било кој лаик од нас овде на форум. Кај неа е најверојатно проблемот од хормонална природа и ќе се реши со соодветна терапија.

 

Јас не сфатив така мила, само @Bebce1 праша како е можно да се види проодноста на каналите на ехо и праша дали не треба хсг за тоа. Јас кажав дека од 4д ехо искусен специјалист може да претпостави, но за да се каже сигурно треба хсг. Ама тоа си кажав за мене дека беше случај и за девојките кои се обидуваат подолго, а позади себе немаат бременост. Воопшто не зборував за @Цвет88. И мислам дека никој никаде не напиша дека таа треба да прави Хсг, барем јас не видов нешто такво. Таа сама била кај Димитров да го праша дали е потребно и тој и рекол дека нема воопшто потреба, само и дал за тсх терапија. Јас така сфатив

 

Здраво женски, пред некој ден пишав па сега пак... Веќе 3-4 дена имам постојани болки (понекогаш тапи, а понекогаш како сечење) во стомакот и половината... а и градите ми се осетливи... Веќе долго време откако примам витамини (со пандемијава) снемав ПМС симптоми... Но, и кога сум имала ПМС само градите ме болеле недела дена пред и стомакот ќе ме пресечел кратко пред да пробие... Циклусот ми е од 30 до кај 35 па знае и повеќе. Денеска треба да добијам (според календар), но не би можела да кажам ми касни ако не добијам баш денес...
Иначе правев тест 8 дена после овулација self clear као покажувал порано (не поради нетрпение, туку ни беше поврзано со друга одлука и беше негативен)... Фактички денес ми е точно 14 дена после овулација (ја проверував со тестови за овулација)... Дали е можно ваква болка да биде симптом за бременост?
P.S ова ни е 8ми месец обидување за бебче)

 

Да можно е. Јас пред да родам имам страшно болни менструации. Болки до степен на повраќање, кочење на нога. Мислам некој ми ја сече. Кога останав истите јаки болки си ги имав како за добивање и мислев нема шанси да е тоа.
Болки во гради тек некаде 6 та недела ми се појавија.

 

Направи тест ќе покаже ако си бремена.

 

Денес треба да ми дојде правев тест негативен беше ако не дојде овие денови да правам ли пак, можно ли е позитивен да искочи?

 

Знам дека тест покажува, ама со оглед дека не ми е секогаш иста должината на циклусот не би рекла дека ми касни, за тест колку што знам треба да закасни.

 

Здраво девојки

Јас првин бев на преглед кај матичната со резултатите. Буквално со еден поглед (не ги гледаше ни минута) ми рече дека хормоните се во ред. После тоа на ехо увидовме дека има фоликул кој се развива доминантно, и дека јајниците не се манифестираат како полицистични. Матичната ми рече да продолжиме да се обидуваме и ако не биде ништо за 3 месеци да отидам на конторола за дополнителни испитувања.

После отидов и во Ремедика кај ендокринологот кој ми го препорачавте. Прегледот кај Др. Стефанка траеше околу 40 минути, во кои докторката собра податоци и убаво размисли како да постапиме, бидејќи се работи за мали отстапувања. Направи и ехо на тироидната. Според неа за забременување треба да го симнам DHEA-S и TSH (TSH да биде во граници меѓу 1 и 2). Се договоривме да почнам со Spironolakton и Dexamethason 0,5мг, па следен месец повторно на испитување хормони. Докторката беше многу коректна и претпазлива.
Веќе почнав со терапијата, а почнавме и со обидување. Нека ни е со среќа на сите овде

 

Верувај и на докторката и следи ги нејзините упатства, сигурна сум дека ќе имаш позитивни резултати за брзо. Стварно е многу внимателна и знае што прави. Во мојот случај беше точно како што ми кажа, хормоните се стабилизираа за отприлика 5 месеци, а нејзината прогноза беше дека се потребни од 3 до 6. Со среќа, да се пофалиш со позитивен тест за брзо!