Поддршка за сите оние што сакаат да забременат

Немој да се разочаруваш, значи девојки на 28 години овде се со ин витро. Не се години само во прашање, вистинскиот пристап е најважниот чекор во ситуацијава. Да се смириш и да најдеш решение. А има, ако се проблем јајцеводите и без нив се функционира. Има за секоја ситуација решение. Топло ти ја препорачувам Др Афродита, посети ја во Ремедика,стави на маса тоа што имаш испитано, еден преглед еден муабет жена ипол е.

 

Верувам дека ти е претешко, но мораш психички да останеш стабилна. Јас во Ноември имав неколку позитивни тестови, не добив на терминот кога требаше, но прокрвавев после неколку денови. Психички многу ме бутна, прва бременост, но што е тоа е. Ги направив сите потребни испитувања (хормони, генетски мутации, проодност на канали, микробилолошки, ТОРЧ, мм спермограм и спермокултура). Се беше во ред, освен некои генетски мутации. Сега сум повторно бремена, следев овулација со тестови и искрено не се надевав, бев релаксирана, почнав со јога и ете се случи за брзо.
Пробај да останеш смирена и позитивна, елиминирај стрес колку што можеш, направи ги сите потребни испитувања и се ќе си дојде во свое време.

 

Офф скроз те разбирам, место надеж да ти даде идењето на контрола, ти мава шамар...
Пиши ми пп ако сакаш муабет..

 

Знае некој нешто за ова?

 

Ова се однесува на вонтелесно оплодување.Сперматозоидите се инјектираат директно во јајце келтката има поголем успех на оплодување,отколку обичната постапка,каде што ги оставаат сперматозоидите и јајце клетките сами да се спојат

 

Искрено не знаев дека и при инвитро ги оставаат сами да се спојат.
Мислев под дифолт они ја оплодуваат...
Односно ги спојуваат...

 

@Gaia_25 душо, немој да се плашиш и стресираш. Те прочитав дека лапароскопија ти препорачале. Иако звучи можеби страшно, хсг наодот нека го види ивф специјалистот, ќе се догооворите што понатаму. Не е крај на свет ни ако се извадат каналите, ако има индикација за тоа. Така барем се зголемува шансата со ивф да успеете брзо, ако тоа бил проблемот.
Претпоставувам дека си помлада од мене оти скоро сите тука сте, ќе ти кажам само да си ги чуваш нервите оти ќе ти требаат и понатаму, а низ процесот да врвиш смирено и со верба. Сите сакаме поскоро да биде, но тоа не е во наша контрола. Од оваа перспектива, по години борба сфаќам дека џабе сум се нервирала понекогаш. Секако е стресно, не си прави дополнително стрес и самообвинувања. Ќе биде кога ќе биде.

 

Наодот не знам ни дали е точен. Веројатно да, ама сепак процесот беше непрофесионално направен и ми создава сомнеж. Во 8 требаше да почнеме, го направија во 10. Ги молев за резултат пишан до 11.30, ми стигна на мејл во 14, а бил направен во 13.10 и сега приметив дека не е потпишан од ренгенолог, туку од кардиолог интернист и гинеколог.
Мене стравовите сега ми се во 1000 насоки. Квалитет на јк, што ако имам 1000 и таму сега.
Дали моево тело генерално е ок... и многу други работи.
Да можам да се вратам назад, подобро би се грижела за себе, а помалку би се давала за другите.
Ама нема назад.
Фала на секој збор Да ни се наполнат рацете на сите.

 

Снимка имаш? Ти ја прочита некој? Тие работи во врска со извештајот мене ми звучат како администрациски "утки", не дека наодот не е точен. Снимката си покажува. Кај мене се гледаше дека не е прооден каналот. Крај краева,хистеро/лапаро ќе ти каже најточно.
А зошто размислуваш за квалитет на ј.к? Колку години си, ако не е тајна?
Ние никој не знаеме што носиме, нема правила баш, колку и да се грижела некоја за себе, пак може да има слаб квалитет. Генерално ако си помлада, квалитетот би требало да е ок. Не мисли воопшто во таа насока. Сте правеле до сега ин витро? Како што сфатив не.
Смири се прво, направи си мауабет со стручни лица, па после почни и оди чекор по чекор. Не може да не успее

 

Јас правев хистероскопија како што имам пишано и ради тоа што некој на форумот читав ја препорача Ирена Андонова од Жан Митрев поќе ми одговара Скопје бев чисто на преглед кај неа и ми вика, а имаш правено ХСГ за да видиш дали ти се проодни каналите и јас и викам проодни ми се барем така пишува на извештајот од хистероскопијата. И нешто што ме изненади, ми вели аа како можи со хистероскопија да видат дали ти се проодни каналите?
Сега мене стварно не ми е јасно кој е во право Христијан Трпчевски од Плодност којшто ми ја правеше хистероскопијата или Ирена Андонова од Жан Митрев? Како со хистероскопија не се гледа дали се проодни каналите?

 

Ајде вака да не пишувам, знам дека има разлика.

 

Па ако не оделе со камерата толку горе ги немаат снимено и видено.Јас правев хсг па излезе едниот полу прооден,па демек го отпуштиле со контрасното средство.Потоа првавев и хистероскопија,и кога заврши прашав за каналите,и ми кажаа дека само матката ја гледале,толку горе не ја пуштиле камерата.Така да можно е

 

Те разбирам како се чувствуваш и верувај дека не си сама. Исто вака се осеќав, плачев, депресивна бев, се карав со сите околу мене, скроз се сменив. Има многу што поминуваат низ истото. Ако сакаш пиши ми, се борев со неплодност, се испитавме и јас и маж ми, ми препорачаа хистеро/лапаро направив. Докторот рече тешко, спремајте се за ин витро, за месец ипол од операцијата останав трудна. Не губи надеж, на овој или на оној начин ќе биде. Неколку години пред операцијата имав спонтан, после тоа на секое добивање кога пробувавме за бебе плачев. Почнав да се помирувам дека можеби никогаш нема да се случи. Ако ти препорачале хистеро/лапаро направи. Јас немав многу надеж зошто докторот така рече одма после операцијата ама ете за месец дена од операцијата се израдував. Ќе биде и кај тебе. Не е страшна операцијата со 3 дупчиња малецки уште истиот ден ќе си на нозе. Збори со специјалист. Би ти го препорачала др. Владимир Трајковски во Њуборн, мене одма штом ме виде ми рече хистеро/лапаро мора да се прави да се види што е.

 

Здраво на сите!

Со сопругот веќе 2 години се обидуваме да останам трудна, а од лани ноември почнавме со ивф. Ивф правиме во странство бидејќи не живееме во Македонија.

Имам PCOS и хормонален дисбаланс и поминав низ IVF долг протокол со Gonapeptyl, Gonal F, Ovitrele и Cyclogest. Поради хиперстимулација на јајниците и течност во матката, досега имав само еден трансфер со замрзнат ембрион бласто 4AA, но беше неуспешен. Бев на природен циклус, не примав никаква терапија освен ovitrele за овулација и cyclogest за прогестерон

Имам останато уште еден замрзнат ембрион, бласто 3ББ и се плашам дека шансите за успех се уште помали

Не знам дали е нормално, но имав доста болки и грчеви по првиот трансфер

Во болница тука не ми проверуваат хормони, туку само прават ултразвук, што ми е чудно бидејќи моите хормони и ултразвукот не се поклопуваат ради хормоналниот дисбаланс

Страшно сум под стрес, нервозна сум и анксиозна. Што од ивф што од работа - burnout, главоболки тензични… дополнително на тоа се чувствувам како да не сум ислушана и разбрана од докторите тука.

Утре имам термин во болница бидејќи сакам да барам да ме префрлат на контролиран циклус пред следниот транфер (кој е со Progynova и Cyclogest) и сакам да барам проверка на хормони пред/по трансфер. Се сомневам дека прогестеронот и естрогенот ми се ниски.

Би сакала да разберам како е ИВФ третманот во Македонија за жени со PCOS / хормонален дисбаланс

Дали ви проверуваат хормони за време на постапката или само ултразвук?

Дали имате посебен третман за хормонален дисбаланс?

Кој тип на FET протокол се применува?

Ви благодарам однапред за споделените искуства!

 

Mislenje? Osven so tiroidna drugoto dali e vo red?

 

Имаш инверзија на FSH и Lh, т.е Lh ти е повисоко што е индикатор на PCOS. На ехо каков е наодот?

 

Здраво девојки,

не знаев кај да пишувам за ова па ве има тука во голем број и се надевам ќе ми дадете некое мислење.

значи сум имала два пати мисед абортус, од последниот во 2021 година до безуспешни обиди за бременост. Направено лапаро/хистеро (после последната киретажа имав непроодни туби и демек при лапаро ги исчистиле). После операцијата 2 години пак не успеав да останам бремена и по 4 инсеминации.

Во октомври се решивме за ивф, и тоа беше неуспешно.

За чудо големо месецов имав кафеав исцедок неколку дена пред датумот на добивање и очекував дека ќе ми пробие, неколку дена така со кафеаво само на бришење ама ни м од менструација.. се одлучив да направам тест, иако воопшто немав надеж дека има нешто. Се појавија две црти.. среќа невидена..
веќе 4 години немав видено позитивен тест.
Денес ми е ден на добивање, вчера направив бета хцг ми беше 400 и нешто.

Е сега работат е што и пишав на матичната, нормално ми честиташе и ми рече рано е сега за ехо.. После тоа ми се јави и ми кажа дека се плаши да не имам вонматерична бременост поради тоа што сум имала проблем со тубите, и доколку имам било какви болки да и се јавам…
И толку ми требаше… почна анксиозноста…

Ја прашав тогаш да дојдам порано да ме видиш, вика не рано е сега…
Болка немам, така чат пат менстуални болки, кафеав исцедок сега немам.
Има ли место за паника? Што мислите ако одам денес на ехо негде ќе може ли нешто да се види сега? Било што???
По апликација денес сум 4 недели и 3 дена

 

Честитки, дај Боже да е се во ред. Многу е ниска бетата за да се види нешто на ехо, треба да е над 2500 за да се види. Прати да видиш како ќе се качува на два дена треба да се дуплира. Навистина е рано да се каже. Гледај да мислиш позитивно знам дека е тешко. Ако правилно се дуплира бетата крајот на следна недела би требало да се види ќесата извести не каква е ситуацијата понатаму. Многу среќа ти посакувам

 

Честито! Уживај и верувај дека се ќе биде ок. Си се изнамачила, сега ти е ред да се радуваш. Баш ми е мило

 

Ти благодарам многу, секако дека ќе ве известам само кој ќе чека сега до наредна недела кога ми ги наметна овие лоши мисли и сценарија докторката? Знам дека не било намерно од нејзина страна, она изгледа размислуваше гласно и заборави што све имам поминато и имам постраумстски синдром.

А има ли некакви симптоми што би укажувале дека се работи за вонматерична бременост?