Поддршка за сите оние што сакаат да забременат

Слично искуство имав со дабростон кога прв пат ги пиев, ми доцнеше 8 дена. Ништо чудно да ти е од тоа да знаеш, телото поминува низ промена. Прв пат ги пиеш?

 

Здраво на сите.

И овде ќе ја пишам мојата приказна, поддршка ми е и повеќе од потребна.

Моето искуство беше доста трауматично. Пред извесен период ја прекинав бременоста скоро на крај. Иако, навидум се изгледаше како што треба и имав супер бременост, многу доцна се откри аномалија кај бебето. По бројни консултации со доктори и различни мислења, се одлучив на амниоцентеза со целосно егзомско секвенцирање, а резултатите за жал беа лоши. Аномалијата беше генетски предизвикана, а генетската варијанта (мутација) која ја предизвикала носеше со себе многу големи ризици за животот на бебето во иднина.

Тогаш бевме ставени пред најтешката одлука во нашиот живот. Не советуваа дека иако сум во осми месец, треба да размислиме бремноста да се прекине, бидејќи болестите кои веројатно би се развиле, покрај видливата аномалија (најмалку десетина на број а сите поврзани со витални органи) би биле пеколни за него (резултатите имаа висока предиктивна моќ, а со оглед на аномалијата проблемите отпочнале уште во стомакот).

Ја донесовме одлуката за прекин на бременоста, а она низ што поминав, и физички со пораѓајот и психички после пораѓајот не би го посакала ни на душманот. Единствено што знам е дека одлуката беше донесена од љубов и родителски и мајчински порив да си го заштитам најмилото од болка и патење. Загубата е огромна, душата ме боли.

Понатаму, следуваше тестирање и кај мене и кај партнерот, резултатите покажаа дека јас сум носител на генетскиот варијант (мутација), но, ете сум имала среќа кај мене да не се развие аномалија.

Шансата ова да се повтори при природно зачнување е огромна, па оттука, за планирање на следна бременост, мораме да размислуваме на ИВФ. Сето ова ми е ново, и толку сум збунета, се чувствувам дека не знам кај терам.

ИВФ би била најбезбедна опција, заради предимплантациските ПГД тестирања, а во нашиот случај ќе треба да се направат и пгд-а и пгд-м тестирања. Ве молам, доколку има членки со слична ситуација да ми пишат, како и каде ја воделе постапката, дали овде или во странство, како поминале и да го споделат искуството.

Засега размислуваме за Грција.

 

Прв пат да.
Стварно сакам да добијам , да ми олесни ..пошо бременост нема сигурно

 

Земи малку б6, смири го телото.. ќе се одложува затоа што си под голем притисок и телото е под стрес. Пешачи деновиве, исчисти дома генералка да се умориш онака и ќе добиеш. Зошто изгледа како дисбаланс од хормоните што си ги пиела . Извини не сум во тек зошто ти ги дадоа?

 

Бев на кломифен заради ниско АМХ , па немав редовни овулации.
Заради тенок ендометриум после кломифен ми го дадоа естрогенот.
Нејсе . 10 дена ми е прекинат и уште ми доцни.
Многу сакам да сум трудна , си правам филмови дека ке се деси некое чудо и ке ми кажат трудна си , доцна овулација. Ама знам дека нема да е така....
10 теста направив све негативно.

 

Еве еден предлог затоа што претходно гледам си имала бременост успешна Не си испитувала тогаш тоа, еве и јас прва бременост 31 крај, сега втора здравје 34-35 ако се решам. Мн жени имаат генетски ниско амх, ти со тоа ниско амх може и првата бременост си останала трудна, плус после бременост телото баш се подмладува и подобрува, обновува такозвано. И мн често жени со инвитро прво остануваат бремени втор пат природно.
Моја пријателка еве сопругот гиниколог он почнал вака хормони одма, и ме послуша.. два месеци терапија елова по две кесички, мака 500мг таблети по две пауза за циклус само , метил фолат, метил б12 и за првиот месец да и се нормализира овулација ја пропуштија не очекуваа да дојде на 12 ден од циклус, вториот месец и се зголеми ендометриум, дека нон стоп со него следеа фоликули и за третиот месец да остане бремена. Претходно пробувале скоро година, со испитувања хсг, хормони, следење фоликули секој месец.. затоа опушти се и пробај природно да го потикнеш телото, и малку физичка активност и ќе се фати со брзина на светлината, само мора малку сега да се нормализира од хормоните. Колку време пробувате?

 

Со тестови за овулација дали си следела дали имаш?
Јас на почеток зедов тестови за да пробам, сега по некои симптоми што си ги знам, знам од кога треба да почнам и многу точно ја даваат овулацијата, точно ми се поклопува денот на добивање. Со нив сфатив дека во грешни денови сум мислела дека имам овулација. Пробај и со нив.

 

Опушти се... нај грдиот совет ама навистина пробај да се опуштиш да живееш и да уживаш.
Ќе бидеш бремена и ти и сите што очекувате.
Не знам што и како пиеш витамини ама јас би те советувала да пиеш Фолиномел.
Пиев неколку месеци, подолго не знам и јас точно колку а не земав ни витамини ни нешто дополнително.

Прво инвитро неуспешно,пред тоа четири инсеминации исто ништо... кренав раце што се вели и кажав кога че биде тогаш ама ќе одам по доктори и ќе следам се што треба без напнатост.
Забременив природно неколку месеци по неуспешното инвитро...и верувај, искрено многу верувај во тоа што го сакаш и правиш.

 

Точни се ? Не сум пробала

 

Да точни се. Јас од Зегин во Ск ги земам, кај нас во Зегин помалите градови нема.

 

Здраво девојки
Прва инсеминација,неуспешна. За ивф преку ФЗОМ ми бараат уште две инсеминации. АМХ ми е 0.686.
Ваша препорака, дали да одам директно на ивф, приватно, или да ги направам инсеминациите, со оглед што АМХ-то ми е ниско?

 

Бев на преглед.
Фоликул не пукнал се направила циста . Првпат ова ми се случува.
Можно е од циста толку да ми доцни ? Па ми даде Примолут нор

 

Да, тоа прави кломифенот, дека зголемува создавање на мн фоликули и некој не пукнал се направил циста. Испиј примолут ќе пукне за три дена после пиење и ќе добиеш.

 

Јас би одела директно на ивф.
Ако си во можност финансиски, ич не губи време.
Со тој амх (ако го побараат од фонд) веројатно би одобриле ваучер само со донирани (барем така беше, под 1 ако е амх).
Среќно

 

После се ....ве молам за совети и мислења...некои ми ја знаат приказната.
Прва бременост природна од втор пат пробување.
Сега мака мачиме. Амх низок 0.54
Се друго е во ред. Фсх е супер. Канали проодни .
Прв месец со стимулација кломифен не успешен.
Докторот предлага да пробаме уште еднаш со кломифен и да одиме на инсменицаја или ивф.
Искрено незнам зошто...незнам дали сум спремна за патот на ивф покрај едно дете . Не ме сфаќајте погрешно. Едноставно се плашам.
Дали е можно некако , било како со тоа ниско АМХ да останам бремена природно? Се изедов психички....

 

Со амх 0.7 и летразол останав трудна со инсеминација со близнаци.
Сепак, не ти ја знам целосната ситуација за да ти дадам совет.
Многу е битно каква е ситуацијата на ехо, дали имаш редовна овулација, колку време се обидувате, колку год си... можеш да ги направиш една преку месец дена а може и ќе успееш со нив не се малку пари

 

Секако дека е можно, имавме на форумот многу примери. Мој совет е ако веќе одиш со стимулација, прави инсеминација. Кломифен троши резерви и ако пиеш обавезно инсеминација, барем да зголемиш шанси за бременост а плус да имаш за ваучер ако ти затреба.
Видов погоре дека ти се направила циста, исто искуство имав со кломифен, претпоставувам не си примила стоп инекција, по мое требало. Летразол се подобра варијанта, малку поскапи, но не го тенчат ендометриумот и не прават цисти, консултирај се.

 

Јас природно останав бремена со помало амх од твоето, сега сум втор пат бремена исто природно, после неупешни инсеминации и едно ивф. Не си прави притисок, клише е и сите што сме го терале патов знаеме како звучи ама опушти се и ќе биде.

 

Браво. Баш се радувам на вакви приказни.
Пиеше нешто на природна база или само си дојде ?
И уште едно прашање....Хаџи Лега ?! Како сте задоволни?

 

Се спремав за второ ивф така да пиев повеќе суплементи, а инаку немам искуство со Хаџи Лега, првото ивф го правев кај Трајковски, а пред второто бев на консултации кај Ивановски во Систина, ама во меѓувреме останав бремена и ги повлеков документите. Може некоја друга членка ќе сподели искуство.
Со среќа и на тебе, ти посакувам да ти се оствари желбата.