Поддршка за сите оние што сакаат да забременат

Мислам дека претеруваат со тоа дека ние претеруваме, а што очекуваат ние, да шетаме со книгите по гинекологија и акушерство за да знаеме што е нормално или не. Затоа јас му плаќам на него, за да ми објасни тоа што ми е нејасно, а не за јас да прашувам. Мојот доктор вели дека според најновите истражувања идеална граница за зачнување е 2-2,5 и ако нема никаков друг показател ќе се намалува тоа пред да се почне било што друго, значи не ми даде терапија туку ако на крај излезе дека се друго е во ред ќе одиме тоа да се намали.

 

Zenski vaka,posledna menstruacija mi bese na 16.06,imam ureden menstrualen ciklus od 28 dena (poslednite meseci mi doaga od 26-28 den ),e sega ovoj mesec ovulacijata mi bese pokasno od voobicaeno.Sega sum vo dilema koga da pravam test.Deneska mi e 29 den,a simptomi nevoobicaeni nemam.Vi blagodaram

 

ХСГ - "Централно поставен утерус со уредна форма и големина. Двете туби се прикажуваат во целост. Лева туба е кранијално фиксирана. Покрај додатно средство не се прати излевање на истото."

Објаснување од сестрата-прво објаснување, се е во ред, добри се тубите проодни се, при земање на отпусното, ти кажавме се е во ред и чита, левата туба не се гледала течноста, не била проодна.

Не ми е јасно како прво пишува двете туби се прикажуваат во целост а левата туба не била проодна и што им значи тоа "Покрај додатно средство не се прати излевање на истото", за левата ли туба се мисли?
Се сеќавам дека при интервенцијата, некаде на крајот, докторот малку ме притисна од десната страна, значи десната туба.
Значи поима немам, нема кој да ти објасни, гледаат само да те откачат.
Ми вика сестрата матичниот гинеколог ќе ти објасни. Па не ми правеше матичната интервенција па она да ми објаснува. Со таков извештај и јас се збунив.
Деновиве ќе му отидам на докторот без упат да ми објасни што и како треба да правам понатаму.
Не можам да чекам кај матичната да одам да ми закажува, па да чекам цел месец.

А плус и сестрата ми рече не било ништо, и со една туба по 10 деца раѓале.
Јас не планирам до таа бројка да одам и знам дека може и со една туба, ама не може да речат прво двете се проодни па после некоја друга варијанта, и таа несигурна додека не разговарам со докторот.
А како што читав по интернет, ХСГ можело да покаже непроодност на канал а истиот да е прооден, затоа најдобро било да се направи хистероскопија или ХЦГ (исто проодност на канали, ама со воздушно балонче, поголем притисок правело). Каналот можел да биде стеснуван и прошируван на некои места, па затоа да не покаже проодност.

Сега и да и се јавам на матичната којзнае за кога ќе ми закаже, а сакав да мерам и фоликули, треба да ги молам, зависи каков и е денот на сестрата.

Имал ли некој ваков случај, да објасни подобро?

 

мислам дека левата е непроодна, и во вакви случаи предложуваат лапароскопија ( хистероскопијата е само за матката) зашто може и грешна слика да е дадено и да се види поточно. Точно дека со една туба се рага, ама вака има ризик од вонматерична бременост во онаа туба што е непроодна Кој доктор ти го правеше? Најубаво он да ти објасни

 

^^ Ако била левата непроодна, во отпусното писмо ќе пишувало за интервенција која се препорачува.
Јас немав ништо, освен да пијам цитерал.
До сега ги гледав снимките, ама џабе гледам кога не знам што треба да видам.

Ми се превртуваат цревата од лапаро и хистероскопија кога ќе слушнам
Ај само нека има фоликули за овулација, тоа ми е најбитно.

А и прочитав дека ако пациентката е стегната во моментот на испуштање на течноста, можно е истата да не се излие низ каналот и покрај проодноста, а јас после болката малку и се стегнав се опуштив по некое време, откако ми наредија

Знам дека е најдобро хистеро со лапаро, ама уште не едно ли колење треба да одам, па уште ако е и без анестезија

Ете ја предноста од приватен преглед, истиот ден ти даваат резултати и ти препорачуваат интервенции, а вака на државно треба да ги бараш со денови, па да те враќаат за упати итн.

 

Аууу најмногу се провоцирам кога ке видам реклама дека цути здравството... за какво здравство ни го перат мозокот...
А за имај трето детеее.. ту ту ту... ние немжеме едно да направиме а не пак три.. Барем матичниве да ни беа салам да се заангажираат за пациентите, да им помагаат да им олеснат и охрабрат, а не да те откачуваат за 3 мин. Па и капакот на тенџерето да треба да одиш по други градови на гинеколог зашто во твојот или нема или има ама "многу се салам".

 

Што пак мислите вие за во мое време кога немаше приватни лекари, Надрилекари не лечеа? Барем сега имате избор имаш пари ај на приватно, ама пари поретко има па така морате државно да се лечите. Од доктор до доктор има разлика, ги има секакви како и нас луѓето, а сестрата не е задолжена да чита резултати. Јас лечев стерилитет 5 години иако велеа нема проблем ,ама имало и останав бремена со инсиминација.Пак државно. Ваш избор е сега каде ќе се лечите. Сите имаме матични за читање резултати и без закажано и тоа не е спорно.Процесот е долготраен ама вреди да се издржи. Треба да се откажеш од се за да одиш од врата на врата за сите испитувања. 5 години не се ништо сега ќе си речам , ама тогаш беше многу тешко. Истрајте во намерата.

 

Jas koga ostanav bremena,do 9 nedela nekade mi dadoa eden kup ispituvanja da napravam vo koi spagaše i Tsh
I mene mi beše togaš 4 i ginekologot mi reče deka e pokačena, iskreno ne obrnav vnimanie mnogu
I do krajot na bremenosta napraviv ušte 2 pati proverka i togaš mi beše 3 i 2.nešto ne se sekavam točno
Važno znam deka mi kaža doktorot deka e dobro deka e vo granici na normalata,a ne pravev ništo koga mi beše
Pokačen i fala bogu super pominav cela bremenost i sinčeto super mi se rodi, ne znam što da kažam stvarno...

 

Мојот матичен не ме малтретира на закажано за резултати, туку одам и чекам на ред за читање на резултати ама ми препорачува рано да идам или ако сум ги зела дента резултатите да идам нешто подоцна за да не чекам многу гужва и да не го реметам закажаното. Но не дека ако идам среде смена нема да ме прими. Сепак се работи за резултати, он мора што побргу да ги прочита за да се даде терапија. Мое мислење.
Инаку ако дојде ред за проодност и јас ќе идам на приватно, ми имаат кажано дека ако не си со врски во државна специјализанти те зимаат и можно било да да направат некоја грешка бидејќи немале искуство. Не знам, но се распрашав и дознав дека не се нешто спретни. Не можам да тврдам, не знам со сигурност.
Абеја, мој совет да идеш кај матичната, мислам дека она треба да ти ги прочита резултатите или да идеш кај оваа Надица Геровска, на еден преглед само, викаат дека за проодност била махер. Колешка отиде кај неа и за 3 месеци остана бремена, истоиот проблем со туба запушена.

 

^^ Ма немаше проблем за специјализанти, мене докторот ми ја направи интервенцијата, не бев до толку исплашена за да не приметам , а специјализантката беше на компјутерот и беше задолжена за снимката. Некогаш и специјализант може подобро да ја заврши работата.
Што ако вадев умник кај позната докторка кога лом ме направи, нерв ми осакати за цел живот.
Спомнав порано дека последен пат крв ми извади дете на пракса, толку внимателно, сестрите со стаж можат вода да му носат.
А и ХСГ треба да се изврши стручно и брзо, бидејќи се рентген зраци, така што, ако некој се гледа дека не го бива, не верувам дека ќе му дадат пациент па да одговара докторот кој законски треба да врши надзор над неговата работа.
Кај Наде одев порано, на приватно, ама не можев да си дозволам толку а и ми требаше матичен за упати.
Некој напиша дека пак имала договор со фондот, ако е така, ќе се префрлам кај нејзе, многу беше пријатна жената, без да ја прашуваш ти збори цело време.

 

Да, пак работи со картони, оди да те зирне и ако ти одговара пак пиши се кај неа. Не знам , јас ова го дознав и искрено се преплашив. Имало случај кај на другарка на пријателка и вшприцал многу контраст и не знам што и осакатил таму и од таму јас сум преплашена. Искрено ова е на приватно некои си 4 000 денари и ќе се мислам за толку мала пара, ма не бре, поготово ако знам дека професионалец ми прави преглед. Инаку да, и мене стажант ми зема крв, не осетив ништо, ама ми направи топче на вената, некаков чвор, не знам што, ете го ми шета по вената, никогаш досега не ми се десило нешто такво, мајка ми е лаборантка и кога и да ми земала досега не ми се десило, ниту пак сега во поликлиниката кај што ми е матичниот.

 

Мене ми е чудно тоа што закажувате контролни прегледи за месец дена, за резултати. Мојот доктор ми закажува максимум за недела дена, или пак како одговара со циклусите нели, кој ден, како и слично. И покрај тоа што верувам во мојот доктор пак ќе консултирам доктор во врска со ТХЦто, чекам уште едно испитување, никогаш не е на одмет второ мислење

 

Па спермограмот на мм, можеби и проодноста ако треба ке ја правам.