Поддршка за сите оние што сакаат да забременат

Здраво ecapereca,
јас поминав низ сличново и би ти препорачала да не правиш повторно ХСГ бидејќи не ќе смени ништо. Јас правев ХСГ и констатирано беше запушување на едната туба и препораката беше лапароскопија и хистероскопија, на која што се утврди дека не само едниот, туку и двата се запушени и единствено решение е ин витро, со мала надеж од докторот да пробуваме и природно, па можеби со лапароскопијата нешто успеале да прочистат Јас искрено не се надевав на такво нешто и во меѓувреме средував документи за ин витро. Наредниот циклус по операцијата значи отприлика месец дена по операцијата имавме односи со мм и јас не добив . Направи си лапароскопија, не мораш во Систина или Ремедика да се изнадаваш пари, тоа направи си го на Клиника, чини 1700 денари кај др. Трајковски јас би ти препорачала, нема што да изгубиш, само можеш да добиеш. Операцијата е под целосна анестезија, ништо нема да осетис, за ден-два стануваш од кревет и си како нова. Се надевам малку ти помогнав, ако имаш некои дополнителни прашања, пиши ми ЛП. Со среќа!

 

после менструација некаде од 11-13 ден и боли само доколку имаш некое запушување, но се издржува болката

 

Јас мислам дека нема да ти прават, ама пак најубаво јави се и прашај си за сигурно. Баш ми е жал, нешто што го чекаш толку време и на крај да излезе нешто да неможеш да го направиш

 

Требало да бараш порано да ти проверат седиментација, кога веќе си знаела дека си болна.
Мене ми проверија во петокот а хсг правев во вторник мислам, така да пиев цитерал цел викенд за да ја намалам седиментацијата која ми беше 20 а поима немам од што. Е сега, не знам дали се намалила, не проверував пак, ама ми правеа хсг.
Во државна ли имаше закажано? Бидејќи таму нема да ти презакажат термин. Ако си закажала на приватно, кажи ми кој ден ти е, до 11, 12 ден имаш фора да направиш хсг, па ако си порано од тој ден, прашај дали може да пиеш цитерал за да ја намалиш седиментацијата и да правиш хсг овој месец.

 

колку време трае овулациа ,знаете и дали оние кои го користеаа микрископцето по колку денови ви покажуваше овулациа кај мене почна од 13 август и сеуште ми покажува ???? фала

 

ракче - тестовите за овулација детектираат зголемено ниво на ЛХ хормон. Според тоа укажуваат дека овулацијата ќе настане следните 1-2 дена. Е сега, ЛХ хормонот се додека е над прагот на толеранција на тестот ќе ти покажува овулација. Тоа би требало да биде 2-3 дена пред да се случи самата овулација, денот на овулација и 2 дена потоа. Затоа повеќето календари за овулација покажуваат барем 5 дена дека се плодни.
Според твоите информации сметам дека најдоцна уште утре ќе ти покажува овулација и толку.
Се надевам дека беше вредна овој период [/
Ии јас се надевам

 

приватно авицена, систина, адриалаб 900 денари. Државно е малце зезнато зашто на Гак не го испитуваат, само на ендокринологија ама таму мораш прво со ендокринолог да се видиш па да ти дади он упат. МИслам и на биохемиска лабораторија го испитуваат, државно е ефтин не е повеке од 100 ден

 

Фала ви девојчиња за одговорите.
Немам плави картони за во државна да правам лапараскопија. Се двоумам и јас за повторно ХСГ, џабе само ќе проаѓам преку истите болки кога ништо нема да ми смени. Закажувам за овде во друга клиника на второ мислење, нема шанси да ја послушам онаа ненормалната да продолжиме со пробување без претходна некоја интервенција. Само ми е криво што време ми поминува во чекање. Нема везе ај, колку поминало, па сега уште за некој месец.

 

Не сум во Македонија, нема да имам време да почнувам нешто кога ќе бидам дојдена. Очекувам термин за на врвна клиника во склоп на познат светски универзитет, па баш ме инетересира со кој памет ќе излезам од таму
Во врска со твоето ХСГ и седиментацијата, можам да ти кажам дека мене овде воопшто не ми бараа седиментација да проверувам, само брисеви да не има некоја инфекција па со течноста што ја вбризгуваат да не се внесе внатре. Мене ме болеше, ама имам читано дека боли ако имаш запушени канали, и ете кај мене се виде одма на екранот дека десниот ми е скроз запушен. Се издржува, немој да се плашиш, среќа што трае кратко
Нема да смениш ништо со плачење, јас мислам дека ќе ти направат уште еднаш проверка на седиментација истиот ден и ако се намалува, ќе направат и ХСГ. Ти посакувам да биде се во ред и следниот пат кога ќе одиш на ехо да видите бебенце внатре во матката

 

еве ме и мене после незнам колку време. сеуште статус кво на темава...

направивме спермограм и спермокултура, преглед кај уролог и се е во ред никаква дијагноза ни терапија.
Јас хормони испитувам на 3-6 месеци, прегледите се во ред, пап чист нема инфекција ниту ништо, редовна менструација и овулација, стварно незнам што да се прави следно.пред една година правев лапороскопија и тогаш каналите ми беа во ред незнам дали треба пак да се проверуваат?

 

Jas vo poliklinika idadija .. I ne mi zimaat pari zatoa sto majka mi raboti tamu i ja poznavaat inace na privatno e okolu 150-1800 den.

 

А зошто и кога е потребно да се испита и инсулинот?

 

зашто ако има инсулинска резистенција ( ако е покачен инсулинот) неможи да се забремени тоа обично кај оние со полицистични јајници е покачен ама можи и кај останатите да е Зато не е лошо да се испита

 

каналите не ама матката можи да се види каква е..ако е се ок тогаш спагаш во оние со идиопатски стерилитет едино да не седите со скрстени раце да земиш генетски испитувања да правиш, да не имаш антитела спрема спермата на маж ти, ги има многу вакви испитувања ама искрено не сум многу запознаена, побарај теми и по другине форуми има доста за нив

 

Феминки ви посакувам на сите што сте во очекување, што поскоро да си видите две цртки. Знам какво е чувството кога чекаш секој месец и ништо не се случува. Јас забременив кога најмалку очекував, бев решена одкако ќе добијам да одам на испитувања и се опуштив- си чекав да добијам. Кога оп, две цртки
И незнам колку ќе ви помогне вас но јас дојдов до сознание дека секој месец сум се лажела за плодни денови. Како и сите кои што добиваат менсиз на 28 дена, така и јас си рачунав дека овулација ми е 14 ти ден. Но месецот кога забременив, тестот за овулација ми покажа дека овулациајта ми се случува во 17 ти ден од мензис. Пробајте, нема што да изгубите...