Поддршка при испити, колоквиуми, тестови

Здраво
Ова со повторување навечер го практикувам и јас. И мене ми помага. Убаво што се досети да пишеш. А, за рузмаринот, уште утре ќе купам, па ќе ви кажам дали има резултати.

 

Ее, таа причина заборавив да ја наведам, нешто што премногу помага и мотивира е кога си опкружен и гледаш и други луѓе до тебе како учат и дека не си сам во едно такво цунами наречено "испитна сесија"

Браво! Таквите како тебе се мотивација. Мајка на две деца кога се најнемирни, ти успеваш и имаш желба да учиш!
Ти посакувам многу среќа, и да го завршиш и испитот и дипломска најбрзо и без проблеми!
You go girl!


Еве еден поздрав од мене и моите збирки и тетратки,
Со лесно на сите вечерва и гледајте наспијте се зошто сонот најмногу помага и утре свежи и со нови сили back to studying!!

 

Многу ми се допаѓа темава
Јас сум една од тие на кои многу им значи поддршка, а имам и навика секогаш пред полагање да се слушнам со мајка ми некако тоа ме смирува.
За учење за испити долго се спремам и 2-3 дена пред испит повторувам само, но има и испити што ги спремам 5 до 12 што би се рекло бидејќи сум била презафатена..
Бубалица сум и премногу стресно го доживувам студирањето (свесна сум за тоа и колку и да викам не готово веќе не се оптеретувам па пак исто ќе испаничам), студирам на факултет каде што буквално нема одмор или слободен викенд да се опуштиш без да имаш грижа на совест затоа што во моментот правиш нешто друго а не учиш, премногу услови, нема казнена сесија, ниту пак декади. Материјалот е обемен и учам во читална по 6 часа на ден, а имало и денови кога цели 12 часа сум останала таму. Учам продуктивно 40 мин. до 1 час и после тоа правам 10 минутна пауза. За мене лично попродуктивна е читалната бидејќи дома брзо ми се одвлекува вниманието и губам концентрација, а како најголем стимулатор за учење ми е дефинитивно кафето. Како "реквизити" при учење користам од пенкала и маркери во сите можни бои па се до разни самолепливи листови, обожавам да ми е исполнето со шаренило. Исто така обожавам да слушам џез или класична музика кога имам задачи за решавање или пак структури за цртање.
Се надевам ќе пишуваме почесто тука со цел да се мотивираме и да си бидеме поддршка едни на други.

 

Јас пак најмногу можам да се сконцентрирам навечер за учење, некако мир и тишина, сите спијат јас си учам

 

Искрено многу страв ме фаќа затоа што се работи за Математика2 од прва година, Веројатност и статистика од 2 , а за Безбедност на компјутерски системи не ме фаќа многу страв ќе го учам натенане по септемвриска сесија зошто има баш материјал. Не ти препорачувам да ги пиеш тие таблети ако веќе не си пиела, сепак се штетни и можат да ти прават проблеми со помнењето. Подобро земи некои витамини пр омега 3 магнезиум кои се добри за мозокот и помнењето и пиј многу вода.
Со среќа учење на сите и дај Боже сите да си положиме. Гушки до вас

 

Здраво!
И јас сум иста во врска со "шаренилата". Сакам сѐ средено да ми биди, со потточки, со поднаслови, некогаш и табели си правам. Како што пишав погоре, вака најмногу памтам, најверојатно, поради мојава пиктографска меморија. Инаку, јас кафе општо во животот не пијам и не сум некој љубител на кафе. Но, вечерта пред испитот пијам пола филџан и тоа не за друго, туку што слушам и што гледам дека сите пијат, поготово за време на сесија. И ајде и јас си пивнувам. А, за читалната - оваа година дефинитино ќе ја посетувам почесто!
Среќно на полагањата

Тешко е, да, ама не е невозможно! Вложениот труд ќе ти се исплати со висока оценка. Не се плаши, гледај да се ослободиш и без страв и паники. Имаш научено, спремно е сѐ, нема потреба од стресови (тебе ти зборувам вака, а јас сум уште во "полоша" состојба). Затоа ти велам, издржи и потоа ќе ни се фалиш со позитивни резултати. Ќе славиме на форумов


Од мене утрово ваква мотивација. Добро де, и не ми е баш утро со оглед на тоа дека сум станата од 3.45ч по ваша препорака. Убаво било уште од зори, се е тивко, мирно, а и имав прилика изгрејсонце да видам. Си сварив чај, вода со лимон се напив. Абе, мераци. Уживав учејќи. Фала @Keanu_R.Wick за фотографијата што ја објави. Подоцна ќе ми се приспие, тоа сигурно. Ќе преспијам и пак продолжувам. Ама, материјалот што го поминав утрово мислам дека убаво "ми легна" во глава.

 

Изгледа јас сум единствена на која не и е толку стресно учењето, но овде сум за сите на кои им треба мотивација и подршка.
Не е дека не се замарам, далеку од тоа, можеби е само до тоа што си го распоредувам материјалот на тој начин да можам да го поминам неколку пати(доколку дозволува времето) и пред самиот испит сум доста смирена.
За мене најпродуктивно е учењето наутро. Станувам 4-5 часот и учам до 11-12, потоа веќе ми паѓа концентрацијата и вниманието и ми треба одмор. За предметите кои се теорија во поголема степен користам само маркери и подвлекувам. За неколку кои имаат структури и формули прво сум си ги средила убаво во тетратки и тоа со пенкала и маркери во различни бои, и после тоа многу ама многу вежбање со пишување.
Мислам дека голем проблем кај мене е тоа што многу малку спијам. Ми се случува да спијам само 2-3 часа за време на сесија. Втор проблем е што воопшто не излегувам и дури не јадам, затоа што сама треба да готвам, да спремам а потоа и да мијам. Татко ми многу ме кара за оваа.
На сите кои сте сега во фаза на учење ви посакувам да бидете пред се смирени и опуштени, така ќе му дозволите на мозокот да запомни многу повеќе. И секако многу среќа на испитите. hug:

 

Мислам дека за време на сесија повеќе ќе висам на темава, отколку над книгите

 

Мило ми е повтори го истиот материјал во текот на денов, а секој трет или четврт ден повтори си сѐ од предходните онака набрзина и, секој месец повтори сѐ од предходно.
Правиме грешка кога учиме турбо, а не треба така. Да пијам кафе и ќе пуштам скриншати за методи на учење (на српски и хрватски јазик) кои се и те како ефикасни.



Еве, како се памти на брзина и, како се памти на подолго време. Проверено, помага.

 

Јас периодов воопшто немам меморија,се што учам не ми влегува во глава а за две недели ми е испитот, кажете како да си ја подобрам меморијата.

 

Јас сега ќе бидам прва година и читајќи ве можам да кажам дека сум и тоа како исплашена, но сепак ви се воодушевувам колку сте посветени и одговорни.

 

И да, на форум (нет) само од пладне па до следните три четири часа. Тогаш е време за нет, филмови, шетња.
Плус, тренинг од пола саат дневно, обавезно. Кардио, џогирање, фитнес, било што.

 

Мислам дека посоветувачко мислење не сум прочитала на форумов! Здраво и добро ни дојде. Да знаеш дека на дел од советите ќе им направам скриншат и ќе ги испробам уште веднаш за наредна сесија. Посебно она со таблата. Сега ме инспирира и јас да си купам. Сакам онаква што се пишува со специјален маркер и потоа се бриши со таков сунѓер. Па, кога ќе си купам и маркери во боја, ќе раскажувам, "професорица да будем". Инаку, како што пишав погоре за моето пиктографско помнење, јас многу паметам слики, а посебно цртежи и шеми кои си ги правам учејќи. Досега сум цртала на бели листови, на тетратки обични, без линии и потоа според цртежот си раскажувам. А, зошто ли не ми текнало за табла?? Еве незнам... Фала ти многу за советот. А, таква табла, освен на алиекспрес, би требало да има во Џамбо или пак, во некоја продавница за играчки, а?

 

Здраво
Како прво,добро ни дојде на темава, а и во студентскиот живот. Како второ, немој воопшто да се плашиш! Прва година е многу интересна. На почетокот сѐ е чудно, ново, измешано. Јас кога бев бруцош, бев таков хаос што ми требаше семестар и пол за да сфатам како се запишува, како се заверува семестар, како се пријавуваат испити, како се добиваат оцените....Многу е интересно и поубаво е од средното образование, барем за мене. Ќе си одеш на предавања, па потоа дома ќе си учиш на раат, ако си го распоредиш времето ќе имаш услови и за излегувања и одмор. Секој почеток е тежок, ама откако ќе влезеш во колосек, ќе фатиш рутина-е, тогаш е веќе друга прикаска! Само, сега додека да се прилагодиш, совет ти е да не се разочаруваш уште на првите грешки и падежи, кои ќе ги има многу. Само поправи тоа што можеш и терај напред! Не учи пред колоквиумска, туку учи си совреме. Студенсткиот живот е интересен, а тука ни е и групава да си помагаме. Ќе прочиташ, ќе видиш, ќе споделиш искуства. Има предмети каде треба да се плашиш, а има и такви каде ќе треба да ја знаеш тактиката и да се снајдиш. Со лесно, среќно и тука сме за тебе. Те очекуваме со позитивни коментари!

 

Ти благодарам многу! Ќе побарам за со лепило, бидејќи во собава и немам баш каде да ја ставам таа со магнет. Во секој случај, многу добра и корисна идеја. Да се оттргнам од овие 2 испити и за наредно учење ја купувам обавезно.
Размислувам и на братучетка ми да и купам една, да ја изненадам сега пред учебнава година

 

Табли со маркери и сунѓер за бришење имаш по книжарниците, во различни големини. Јас имам неколку дома.

Што се однесува до совети за поуспешно учење, јас како вечен ученик/студент да си кажам неколку:
- Она со маркерите гледам сте го спомнале. Јас си имам маркери во неколку бои и секоја боја си има своја улога. Една ми е само за наслови, друга за поднаслови, трета за дефиниции, четврта за потточки (каде што има поделби)... Вака ми е попрегледно и во книгата и во тетратка ако пишувам (порано повеќе пишував оти имав време, сега немам толку и учам за многу пократко време, без многу пишување)
- Не оставајте го материјалот за последниот ден/недела. Што порано почнете со читање и запознавање со материјалот, толку полесно ќе се запомни, има време да „легне“ знаењето.
- Доколку имате можност раскажувајте си го она што го учите со некој колега или колешка, особено делови кои ви се потешки. Вербалното разменување информации многу полесно се задржуваат во меморијата.

Сега засега доста е, ќе ми изгори ручекот . Кога ќе најдам повеќе време ќе споделам уште некој совет што кај мене успева. Со лесно учењето на сите.