Правото на физичка делба не застарува, може било кога да се бара, но ако не се упишани двајцата бивши брачни другари во имотен лист како сосопственици подобро е побрзо да се бара за да не се изгубат доказите, за подетално пишете ми во порака.
Фала. Ме интересира ако знаете да ми кажете колку чини тужбата а колку застапување од адвокат на рочиште?
Ви пишав во порака, и тука ќе ви одговорам зависи од фактичката состојба кој вид на постапка ќе се води дали парнична или вонпарнична, во парнична постапка цената е скалеста според тужбеното барање, додека во вонпарнична постапка цената е фиксна. За да се утврди кој вид на постапка ќе се води треба прво да се утврди кој ќе биде правниот основ (утврдување на идеален дел или поделба на веќе утврдени идеални делови) а тоа зависи од фактичката состојба односно тоа што е упишано во имотниот лист и евентуално други материјални докази кои ги поседувате, откако се утврди правниот основ ќе може да се каже цената за тужба односно предлогот, и за застапување на рочиште во парнична односно вонпарнична постапка. Затоа не можам однапред да кажам колку ќе чини додека не бидам запознаен подетално со фактичката состојба.
Се разведуваме со сопругот, имаме заеднички стан купен во брак. Е сега прашањето е следно, како може да го продадеме или да ми го исплати мојот дел, зошто тој не прифаќа спогодба во однос на имотот апсолутна никаква си седи таму и не сака да го решиме ова прашање. Доколку го тужам како би се решило нештото? Благодарам.
Само во постапка за физичка делба, и во таа постапка ќе барате или да ви го исплати вашиот дел или да се продаде станот или вие да го исплатите неговиот дел.
Ама како ќе го натера судот, што ако не сака? Преку извршител ќе му ги земат парите или како? Тој дел не ми е јасен.
Судот ќе наложи со решение станот да се продаде според Законот за извршување преку извршител, aко во текот на постапката не успеете да се договорите, ако сакате да разговараме подетално пишете ми во порака.
