Позајмување пари

Никогаш не сум барала, нема ни да побарам. Дур сум здрава, права и способна ќе си заработам- колку имам толку.
За давање конкретно сум и давала само на сестра ми, бидејќи некогаш немаше редовна плата, живееше во друг град и не и стигнуваа, па јас и давав некогаш за да и се најдам. Не како заем.

Во главно не сум ни за барање, ни за давање. Познавам особа што не и е проблем да побара од било кој на заем и сметам дека тоа е голем проблем. Како живеат само со помислата дека должат пари, а не прават ништо за да ги вратат, туку си лежат цел ден по дома и око не им трепнува?
За здравје ако се работи би ги дала и сите пари, бидејќи знам колку значи тоа. И за животинчиња си донирам, дека се срцки

 

Што мислите за давање на пари на свекор и свекрва? Конкретно во блиска иднина ова ќе ми биде реалност па затоа ме интересира мислење. Со дечко ми за година година и пол од сега би требало да почнеме да живееме заедно ама он сега ги издржува дома цела фамилија, многу се сиромашни, а ништо не работат и само собираат пари од ваму, од таму, од пензиите на бабите и слично. Он сега најголем дел од трошоците им покрива и сто посто сум сигурна дека ќе бараат месечно пари од него и кога ќе се исели зошто така зимаат сега и од друго место. Знам дека му се фамилија ама уште од сега се нервирам.

 

А има некоја добра причина што не работат?

 

Ќе се нервираш цел живот, тоа ќе ти кажам. Знам многу такви случаи и ако не пресече еднаш дечко ти ќе имате вечни кавги и нервози.

 

Или прифати дека така ќе биде стално или бегај со време.Од искуство ова.
И тој и тие ќе го сватат за нормално и така ќе тераат.Мт ќе смета дека мора да им помага оти се родители а тие дека им е син па нормално е да ги помага.Психопатологија е тоа.Тоа штом досега е така 99% ќе остане така а ти само ќе се нервираш и ќе си кратиш цел живот од се.
Пробај со време со отворени карти разговарај со дечкото дека тоа не е во ред дека вие треба да си имате свој живот.Пробај што порано пред да почнете да живеете заедно .
Од срце ти посакувам да успееш да смениш нешто.Млади сте сега бидете порешителни и поупорни.

 

Татко му е вработен ама клати врата зимај плата за минималец, по цел ден е дома, а мајка му демек мора домаќинка да биде, цел живот не работела како сега .

 

Единствено разговор, нема шанси ради нив да си ја уништам врската. Детето е злато и ептен се сакаме. Ама некако осеќам дека ќе мора некој компромис и дека сепак месечно ќе зимаат нешто

 

Јас мислам дека е ова голем проблем. Не може он нив цел живот да ги издржува. Утре ќе се земете па ќе имате дечиња и вам трошоците ќе ви се зголемуваат. Не дека сака домаќинка да биде сигурно ја мрзи да работи.

 

Уште од сега се нервирам

 

Милион посто ја мрзи, не е ни стара, под 45 е. И мене ми е тоа најмногу, ние ќе работиме и наместо да штедиме за деца, стан и сл цел живот рати да им плаќам

 

А зошто да мора компромис? Здрави прави луѓе друг да ги издржува. Ќе го седнеш дечкото и убаво ќе му објасниш што мислиш ти за таквата ситуација, и дека во иднина тоа би ти било проблем.

 

Да со разговор само.
Некоја средина да се најде.Убаво е да помагаш.Само да не се сменат улогите па децата да се во улога на родители.
Ко јас да се прочитав пред години...

 

Претпоставувам дека ќе мора зошто сега немаат ништо, а тек па татко му кога ќе се пензионира и кога ќе ги немаат пензиите од бабите. Не гледам како така неработливи луѓе би стекнале нешто во иднина, а он сигурно нема да сака да ги остави гладни.

 

Јас искрено би се запрашала дали ќе се венчам со него додека не се реши проблемов или цел живот главата од ѕид ќе си ја мавам. Се надевам дечко ти правилно ќе постапи. По ова ми личи дека има добра душа ама мора до некаде да се има граница

 

Фала ти, и јас се надевам дека се ќе си дојде на место како што треба.

 

Пари позајмување само на потесниот круг, на другите не. Многу пати сум се изгорела и сум кажала НЕ. Дури крива сум била, кога ќе си ги побарав назад.

 

На ептен блиски.
Години не се случило, ни да ни побараат, ни да побараме.
Ама си знаеме дека сме тука едни за други... секогаш.

 

Зависи кој, која намена и која сума.
Вообичаено не позајмувам, само на блиските и тоа ретко ми барал некој.
Ама ако се работи за посериозна ситуација сигурно ќе позајмам доколку имам и на подалечни роднини па и пријатели.

 

Pozajmivme pari na bliska na soprugot nikoj ne znaese osven nie dvajca i ona.
Rece ke gi vrati za 2 3 mes
Pominaa 2 ipol god vo meguvreme 100 pati i zvonevme ne krevase i pisuvavme se bese utre, zadutre vo petok vo sreda.
Bolna sum, utre ke zemam pa za lekovi nemav i drn drn. Nenadejno pocina
Otidoa parite...