Дали давате чај мајки и каков? Првите два дена ич не сакаше вода, примаше инфузија во болница и инхалации заради вирус. Се мислам утре дали да купам чајче, вода си пие сега убаво.
Бебе 1 година, крвна слика со црп 2 и нормални леукоцити на долна граница, на 6ти ден од разболување. Температура уште качува два пати на ден. Пред пола месец беше исто болен, се утепавме од пиење парацетамол и блокмакс. Како поинаку да пробувам да му ја симнувам температурата, да одмори малце од лекови? Пробав со туширање и мачкање ракија (по на баба ми паметот) и ич не се спушта.
Тераше до 38,7-39,3. Јас на 38,5-6 му давам, зошто кога чекав до таму стигна. Прееска накај 1 попладне му дадов на 38,6 и еве сега пред малку заспа и гледам полека качува 37,3. Сега секако не давам ништо ама си викам ако можам во оваа фаза нешто да направам би било супер.
Освен температута, дали има други симпотми? Грлце црвено, носе растечено...? Брис од грло и носе дали направивте? Ќерка ми обично при ваква ситуација со температура добива инхалации и за ден-два температурата и поминува.
Можеш да го тушираш ама кога ке спадне температурата на 37,и тоа со топла вода. Ако го тушираш додека има висока температура може да направи треска. Истото важи и за мачкањето поготово НЕ СО ракија. Јас имам ставано парчиња компири на стапалцата кога му се ептен жешки,му ја земаа температурата малку од малку... Не се грижи,ќе помине.Имунитет додека да стекне е умоболно за нас мајките...
Брисевите се океј освен мораксела што ја има од пред неколку месеци ама докториве ми викаат не давале антибиотик за неа, сите деца во градинка ја имале... сакам да кажам, се има неколку пати разболено и оздравено откако се појави на брис, не верувам дека сега е причинител ама не знам. Спомнав на доктор, викаат не е тоа. Инаку грлото не му е црвено ама носот му е партал, и затнат и растечен, сега веќе повеќе затнат. Преполн е со секрет... правиме инхалации со Бисалвон и синомарин, матичната сакаше два дена и вентолин да вклучи ама од Систина се многу против, немало потреба од бронходилататор кога нема обструкции, само шлајм е што треба да се исфрли. Не знам веќе кој да слушам, сепак не вклучив вентолин зошто скоро секое разболување ми го вклучува матичната и си викам да не е премногу. Кашла исто така. Чистиме нос со носко и шприц, прскавме Мералис, сега Насориг... ушите му се воспалени, од пред 2 дена ставаме дексаметазон неомицин... Еве 7ми ден е, температура уште има. Крвната слика од завчера му е таа што ја пишав погоре, претходно црп му беше 19 минатиот викенд, сега еве се спуштило на 2. Ама едно е крвна слика, друго е детево што уште е крш. Навечер инаку ми има хипотермија, ќе качи 38,6-7 накај 10 саат, ќе дадеме нешто за тоа и во текот на ноќта спушта нереално ниско, до 34 степени. Се ова го кажав и на матичната и на докторката во Систина, вчера бевме, викаат нормално е. Докторкава во Систина е особено незагрижена, и верувам многу, ама како родител што го гледа детево 7ми ден болно со температура и преполно со секрет, не можам ни да спијам веќе. На последниов преглед вчера ни кажа дека нема ништо драматично, вирус е, може да трае до 10 дена, да си продолжиме со терапија. Побудалена сум, не уништи градинкава, 6то разболување му е од декември. Обично температурите му проаѓаат за 3-5 дена, сега тера 7+ а пред еден месец кога беше болен исто му траеше долго, 8 дена. Истиве симптоми скоро ги имаше, истата терапија беше само плус тогаш и грлото му беше раздразнето. И така, извинете што се испукав тука ама многу ми е тешко. Прашањето за природно симнување температура ми е зошто си викам хипотермииве да не се поврзани со премногу парацетамол и бруфен, а и да не се веќе го отрув детево со лековите, да пробам некако природно. Ја направив таа грешка со ракијата... нема веќе. Ќе гледам да го фатам кога ќе има 37-37,2-3 тогаш да го истуширам. Ќути, не да е умоболно...
Со така ниски леукоцити (може и уште подоле да биле или тек да паднат), дава грип или корона.. и да и двете знаат да потраат со симптоми Виранто обавезно давај при први симптоми на вируси и настинки.. многу добро се покажува тој сируп кај нас. Е сега кај вас си затерало, ама уште 2,3 дена ќе го држи макс и ќе се смири темп. Кај едново девојче (3 дечиња имам), имавме еден таков вирус еднаш и добри 10+ дена имаше температура, со крвна слика одлична. Дури и од вена и зимаа подетално да испитаат, се беше супер..
На другарка со истата бактерија заврши на антибиотик локално, зашто се удави во секрет детето, повраќаше од секретот. Ушите плус воспалени, мислам дека треба да одиш и на друго мислење освен Систина. Ние со корона три дена бевме со 39.1 и толку беше, на 9 месеци прележа малата. Па на крај завршивме на инхалации зашто глас снема од короната, не ја држеше толку многу короната.
Леле за грип не ни помислив, може и тоа да провериме. Давам Виранто инаку ама секогаш го пропуштам првиот ден, ќе му потече носето и си викам ајде можда ништо не е, и следниот ден ќе качи температура. Тука правам утка ќе гледам следен пат да не чекам. Ајде се надевам уште ден-два ќе е подобар, фала ти многу на информации. Имаш препорака за трет доктор? Би одела, особено ако до утре нема подобрување. Додуша докторкава ни е дежурна во понеделник, рече да одиме ако има потреба ама ќе закажам и на друго место ако треба. Инаку јас стварно инсистирав за бактеријава да се размисли дали барем локален антибиотик да прими, еве како случајов со другарка ти, ама и матичниов педијатар и докторкава во Систина некако го занемаруваат тој дел, ме убедуваат дека не е од тоа и џабе ќе ја нарушувал микрофлората или кој збор и да го употребија. И што да кажам, викам океј... вие знаете повеќе од мене ваљда. За корона или грип треба посебна крвна слика да се прави или со брисеви оди? Заборавен ми е цел тој корона процес, а за грип па никогаш се немам тестирано. Фала ви на одговорите, ептен ми треба вака да споделам мислења и искуства со некој, немам никој околу мене со мало дете
Брисеви аври направивме, таму ја покажа короната. Не знам и на нејзе и викаа не треба за моксарелата за на крај да се удави во секрет детево и после наеднаш мора антибиотик, месец и пол се измачи од што не и даваа антибиотик не спиеше од што повраќаше секрет. Јас во Козле ја носев вака кога било неработен ден, а преку недела кај матичната. До сега задоволна и од Козле и од матичната сум кога била болна. Ние лежевме во Козле и само пофални зборови имам како и се посветија, бебе со 300 црп, се што можеше и испитаа, стварно сум задоволна.
