Жално е да почнам тоа да го правам. Уште се надевам дека има некое решение кое може барем малку да го ублажи нештово.
Јас ги добив тие порите на 25г, нема шо неам пробано и џабе, пак си стојат. Дури и ми се проширија низ цело лице. И си се прифатив више дека таква ќе бидам, спас нема. Едино да си ставаш прајмер на лицето, од него не се познаваат толку.
Не можеш да ги намалиш порите, нема да се познаваат толку ако го чистиш лицето редовно. Ги имаме тие пори од раѓање, таква е кожата и нема решение да се намалат или да исчезнат, сепак порите мора да ги има, преку нив кожата дише.
Го чистам редовно, знам дека имаме сите пори но во последно време ми станаа преголеми и предлабоки, никогаш не ми биле такви.
Имам чисто лице само ми се познаваат порите, поизразени од мрсна кожа ваљда. Имал ли некој ваков проблем и како да се намалат?
Нема, тие со комбинирана накај мрсна најчесто ги имаат. Ама барем да се чисти. Не си давај џабе пари на реклами кои демек се намалуваат. Подобро некоја квалитетна крема, пилинг и чистач она другото е само матна вода.
Исто мислам. Ама Магнолија тврди дека со редовна и правилна рутина стануваат помали и по незабележливи. Такоџе една ме напна, продава природна козметика, со рутина во 4-чекори секој ден, за три месеци ќе сум била благодарна. Уште рутината т.е. производите коштаат 5-6 илјади. Искрено и ова со корејската козметика е чист маркетинг. Нели "како корејка во лицето да бидам". Не дека не се квалитетни или дека ништо не помагаат. Сигурно се добри некои, сигурно дека некои имаат убав ефект. Ама корејките си имаат такво лице природно, не благодарение на некоја чудотворна козметика. користам сама разни производи за лице, си имам некоја "рутина" во која не сум баш редовна. Ќе споделам кои производи и како ги користам. Но порите се се уште тука, само моментален ефект има од производите, долготраен не сум забележала.
Оваа Магнолија за пусти реклами и пари се изгуби со советите. Некни па вели порите не се врати да се отвараат и затвараат , не се намалуваат само може да бидат чисти. Чат пат ми излезе некое видео ама некако не ми е нешто за совети нај, нај. Што и плаќаат тоа фали. А лицето што и така блешти Ботокси мотокси ептен оптегната Пред некоја година кога имаше реклама за боцкање во образи ја отследив. Кај возрасни луѓе да, ама млади кога ова ми рекламираат за мене ми е премногу.
Мене не ме ни удостои со одговор. Тогаш ја отследив. Не ми се за верување никој од инфлуенсерите, на слики и видеа сите се исполирани.
Јас сметам дека со добро избрани продукти според тип на кожа, состав на продуктите и со редовно практикување на рутината кожата ќе изгледа негувано и чисто. Порите можат да станат помалку забележливи ако се чисти редовно лицето, ама да се намалат, нема. Мене лично корејската козметика не ми е толку посебна за да паднам на гз. Ми се допаднале некои продукти ама толку е. Ни една козметика нема да ти направи свилeна кожа. Многу хајп се ствара, а всушност не е само козметиката во прашање. За здравјето на кожата битни фактори се исхраната, внесување течности, квалитетен сон, воздухот, средината. И мора да се земе во обзир дека кожата ќе биде кожа, со пори, со несовршености. Никој нема исполирано лице, ниту па корејките надвор од социјални мрежи. Дури мислам тие најмногу филтери користат, на колку видеа буквално филтерот се мрда лево-десно. Јас мислам дека чисти пори на лице не изгледаат лошо и грдо, нормална кожа е. Па уште кога ќе видам како рекламираат секакви козметики со куп парфеми и штетни состојки во состав и ветуваат дека со некој серум им исчезнале порите од лице, ми се повраќа.
Истово сакав да го кажам. Џабе ми се мене сите креми, ако немам здрава рутина и не водам здрав живот. Можам да потврдам дека лицето ми изгледало неспоредливо подобро и почисто кога сум се хранела поздраво, сум пиела многу вода и сум имала секојдневна физичка активност, за разлика од сега на пример. И не само ова, туку и стресот си има влијание. Што би се рекло - то изнутра, то ти се све види споља. Да не ме сфати некој погрешно, не викам дека не треба да се користат препарати, не сум против тоа. Секој треба да си ја пронајде рутината што му одговара на типот на кожа, јас сѐ уште не сум ја пронашла. Во ред е да се трудиш да ,,поправиш" нешто што не ти се свиѓа на себе, ама некои работи едноставно не можат да се сменат и треба да се потрудиме да ги прифатиме такви какви што се, нормални. Се согласувам дека не постои совршена кожа, затоа и не ми е репер слика на социјални мрежи со филтери. Ама козметиката е само плус според мене, начинот на живот игра доста поголема улога, а некогаш е во прашање е и генетика. За инфлуенсерките, да бидам искрена сум купувала производи што сум ги видела на Тик Ток и Инстаграм па и тука на форумов чисто од љубопитност. Ама секако инфлуенсерките не ги сфаќам здраво за готово, се знае дека се платени да кажат сѐ најдобро за производот, колку и да не е добар, а многу веројатно никогаш во живот не го ни пробале на себе тоа што го рекламираат. Работа ко работа, тоа ми е исто како кога вработена во дрогерија или аптека форсира да купиш бренд со кој соработува и зима процент од продажбата.
За жал. Јас ја следам уште, ама искрено, не купувам веќе по нејзини препораки, иако Белина ја открив со неа одамна уште пред да станат популарни. Ме разочара со промените што ги направи на лицето, и не сакам да прифаќам препораки од личност што на таков начин се одржува, и знам дека не е од препаратите што ги рекламира, туку од иглите и третманите. Не сакам да стареам на таков начин, претпочитам природно, годините ми се тие и не можам да се правам со сила млада. Целта ми е здрава, хидрирана и сјајна кожа, а не да го здрвам лицето до толку да не можам да се насмеам.
Magnolia треба сите колективно да ја отследиме, се работи за пари, реклами за пари, козметика кој како ќе и даде и плати, буквално има и производи што може и ги нема пробано, а нас ни ги пласира како најдобри, само поради платени реклами.
