Породилни приказни

Ако гледаат, се гледа на ехо.
Во систина пред 2 недели во 36 недела намерно Др. го гледаше тоа и ми покажа дури на екран кај гледа.

 

Ако на познати прават ехо, свесни се како би требало, која совест и професионалност им дозволува да ризикуваат кај тие што не ги знаат.

 

@Sofi.ja
Првото ми е родено со папочната околу врат, не бев видена на ехо а искрено имаа време се тоа да го направат, природно се породив. Тогаш само ЦТГ на прием добив и толку. Второто исто го родив природно, ама за второво пораѓање немаше време да ме ставаат на ехо воопшто, отидов 10 цм отвореност и напони веќе осеќав.

 

Цел втора бременост моево беше со папочна врвца околу врат и десна рака. Никој не го виде тоа на ехо, се виде кога го извадија. А на секое ехо детето беше со десната рака пред лицето. Така ја држело оти папочната врвка му била под пазувата па околу вратот. Сите велеа се крие, никој не ја спомна врвцата.
А големиот имаше јазол во папочната врвца, не околу вратот, ама јазол кој оневозможил доволно циркулација, формиран веројатно во последниот месец од бременоста. За среќа без поголеми последици освен што се роди ситен за неделите.

Мислам дека не се гледа секогаш на ехо дали има или нема папочна врвца обвиткана било каде.

 

Јас сакав да додадам дека без врски бев па сигурно затоа не ме погледнале, да погледнеа на ехо во било кој момент немаше да имам болки два дена за на крај пак на итен царски да завршам.

 

Во Чаир, на редовно цтг во 38 гн, на ехо докторот гледа дека папочната се намотала, и и вика на пациентката да остане да ја следат дека и се намалила плодовата вода. Следниот ден ја прави царски. Отпосле и кажа дека папочната била замотана. На сопругот веднаш штом се породи. Таа вика дека добро направил докторот што не и кажал, зашто ќе беше исплашена и избезумена. Вака барем го памти како позитивно искуство пораѓајот.

 

Кај мене матичниот гледаше дали е замотана врвцата. И на двете беа, второво дури и видов како му ја одмотуваа не заплака одма, ехо ептен набрзина ми направија колку да видат како е наместено зошто немаше време.

 

Јас сум класичен случај за проблем со папочната врвка. За жал се заврши брзо и до најлошиот можен исход. Во 35 недела бебето отиде. Никогаш не се виде ништо на ехо. Патолошките резултати покажаа крварење во мозокот како резултат на снемување на доток на кислород. Со тројца доктори разговаравме, од Систина, Ремедика, матичниот, друг приватен. Сите стојат на тоа дека тоа е прашање на време и може за десет минути бебе да се изгуби. Ретки се овие случаи ама па како што разговарав многу луѓе се имаат соочено со слично. Има и на форумов други случаи.
Барајќи причина за случајот по странските портали се посочува предолга папочна врвка (над 50см) која неможе да се измери како и поголема количина на плодова вода. Ќеркичката моја беше целосно замотана и плус имаше јазли на папочната врвка. Докторите стојат на ставот дека втората бременост не би имала таков проблем, ова се било механички.
Вака изгорена верувам дека во втора бременост и јас би инсистирала на царски најбрзо што може иако со мртвороденчето сум породена спонтано.
Знам дека е непријатно да се слушаат вакви приказни меѓутоа и тие се случуваат. За жал.

 

90% од бебињата се раѓаат со папочна околу врат, искусна акушерка ми го има кажано ова, ама не значи дека е тоа проблем кај секое.
Јас пошто 100 паники имав пред пораѓај, и тоа го прашав докторот, ми рече не е важно што ќе покаже ехото пред пораѓај, туку на самиот пораѓај се гледа дали е замотано и дали прави проблем, мислам дека цтг на пораѓај им е најважно, дотокот на кислорот кај бебето преку тоа го гледаат, ако е добро и бебето успешно се спушта значи не е многу замотано или не е стегнато со неа. Инаку папочната е дизајнирана од природата за да не може да го повреди бебето, сепак има случаи каде нешто ќе тргне на лошо

 

Многу ми е жал за загубата, нема зборови за утеха знам, иако некоја недела порано и различна причина, истото го поминав со прва бременост. Барајќи одговори тогаш, некои од најдобрите гинеколози ми рекоа "така требало да биде" тогаш бев многу лута на вакви коментари, со време сфатив дека едноставно некогаш ништо не може да помогне, тоа што требало ќе се случи. Тука сум за поддршка

 

Веројатно да. Ама зависи од донторот пред се. Мене и докторката без врски што ме прими (дежурна) ме погледна на ехо и кажа тешко ова да оди природно. Потоа дојде докторката со која бев договорена и така и излезе - царски. Да не ме гледаа на ехо моежби ке пробале природно затоа што убаво се отварав.

 

@Sofi.ja јас и ти раѓавме во два три дена размак на Гак ама мене ме гледаа на ехо еднаш на патолошка пред да ме качат во предродилна и еднаш горе пред да ме носат на бокс. Е сега кај мене бебето беше високо па може затоа ме гледаа или навистина е како ке ти се погоди

 

Мене ми направија ехо на прием доле им дојдов отвотена комплет и со пукнат водењак и ми направија ехо горе на боксот бидејки Адела при вагинален преглед вика чепкам газе др што ме прими и вика главично е она не газе е и го донесија ехото
ова беше 2003 година

 

Вчера отидов на ЦТГ кај матичната, ме стави, болки немав, контракции ништо не покажа. Ми вика ај за секој случај да те видам и на ехо. Виде скроз намалена плодова вода, ми даде упат да дојдам во Штип за секој случај. Пред да појдеме со сопругот приметив дека чепот ми паднал пивеќе исцедок и розова крв. Тука на ЦТГ прво пак без болки, на ехо ме гледаше сигурно 40 мин, нема доволно плодова вода. Вика ај вагинално 4цм отворена. Ме однесоа пак на ЦТГ, не регистрира болки, притисок 150/90, го симнаа на 120/80, се отворив 7 цм, со ептен слаби болки, главата на бебчето скроз ниско, се фаќа при вагинален преглед. Контракции немам, ми ставија клизма, шетав, се отворив 9цм, болки силни, контракции не чита на Цтг, ми пукна водењакот, 2 спазмек за да се истенчи грлото на матката. Значи лежам отворена, со болки а без напони, провокација си тече. Цел саат напнував, нема напони. На крај сите кој бутка на стомак, кој ми држи нози, едвај излезе бебе зошто немам напони. Притисок 140/90. Ме пресекоа и сум пукнала плус, а бебушка мала, 2850кг и 48цм долга, косичка црнка за прцки има. Во 22:30.Ми ја дадоа ја погалив. Дел од плацентата остана внатре. Почнав да крварам, одма викнаа анестезолози, ме успаа, се разбудив 23:50. Останав на бокс до 02:30. Притисокот 60/40. 2 инфузии, инекција. И сеа пак сум со инекции, ама добра сум, едвај станав од кревет, седнам и ќе паднам свес ми се врти. Ама добро е се стабилизирав 110/70, 120/80 притисокот, а бебето не е со мене чекаме резултати од корона тестот од утрово, па да ни ги дадат. Ама ја видов, лепотица, глетка, сонце мамино, се изнамачи и оно цел саат во родниот канал.

 

Мамичке си се изнамачила ама се вреди за тој поглед нели? Честитки, да ви е жива и здрава малата, а на тебе побрзо опоравување па да си се гушкате до бескрај.

 

Си се измачила мами ама најубавото нешто го донесе на свет ќе помине другото нека е жива и здрава прцлата а тебе брзо опоравување

 

Ти посакувам брзо опоравување, спрегни маж за се да ти помага, си се измачила и плус ќерка си му родила
Се надевам до сега веќе ти го донеле чупето на гушкање

 

@Bicka77 @ivance.. @Bella_Stella секако дека вреди, она нека е добро, мајките мора да се жртвуваат . Па сеуште не ни ги дадоа. Уште ги нема тие резултати. Ама ја видов, сонценце, глетка, разгледува. Душичка мамина е .

 

Мене со првото ми правеа ехо и видоа дека е околу врат (но не ми кажаа одма), природно се породив. Бев цело време на цтг, дури и на бокс и не ми даваа ни да станам и шетам. Кога излезе главчето ми викаа да не буткам, ја одмотуваа па продолжи пораѓајот.. Може зависи колку и како е замотана. Бебуш добар беше, само од голем напон (може дека и голем он беше), белката во очите му беше скроз црвена и по 10 дена скроз му се исчистија очињата.

 

Мојот 2 пати замотан се роди. Ништо не ми кажаа, последно на ехо ме гледаа ден пред да ме примат на патолошка, 3 дена пред да се породам. Викаат дека од провокациите се мотале пред пораѓај, ама немам поима искрено како е, мене не ми спомнаа ништо во врска со тоа. Сигурно не се гледа секогаш тоа. А и секоја втора во темава кажува за замотани деца со папочна врвца, не ќе да е толку ретка појава.