Породилно отсуство

Отварам 45 дена пред термин

 

Бидејќи матичниот не спомна никаква потврда, ќе може ли да ми кажеш за каква потврда се работи?

 

Ти благодарам

 

од јуни сум на 70% плата (принуден одмор), минимум 3 месеци ќе имам скратени примања, ако не и до крај на годината. дали за породилно ќе ми биде намален просекот или ќе ја земат предвид платата по договор?

 

Се зема просек од последни 12 плати,ке ви биде земени во просек и сега месеците што земате плата

 

Мамички, како оди отварањето на поридилното после пораѓај, само со отпусно писмо кај матичната, така?
Оваа бременост планирам да работам до крај, па ме интересира дали е можно да има некои проблеми со сметководството на работа?

 

Здраво на сите

Едно мало резиме од ФЗО за кои документи се потребни за отварање на породилното отсуство:

Потребни документи се:

1. Барање Образец бр-3 (надоместок на плата- бременост, раѓање и мајчинство); Може да го симнете овде http://www.fzo.org.mk/default.asp?ItemID=B147CB74B8B9BA4DAECDF0DCC53A7315

2. Копија од М1/М2; договор за работа ако од М1/М2 пријавата не може да се утврди видот на работниот однос ( определено или неопределено), а за управители- решение од Централен регистар;

3. Извештај за привремена спреченост за работа -Образец ИСР ( од избран лекар);

4. Потврда за висината на исплатената нето плата на осигуреникот- образец НП-1; Може да го симнете овде http://www.fzo.org.mk/WBStorage/Files/Potvrda za visinata na isplatena plata na osigurenikot-NP1 obrazec.pdf

5. Извод од книгата на родените за детето ( копија);

6. Решение за адаптација- посвојување од Центарот за социјални работи за посвоено дете;

7. Платни списоци( исплатна листа) на увид со копија од декларација од УЈП и извод за исплатена плата ( се до воспоставување на целосна електронска комуникација со УЈП);

8. Изјава заверена на нотар за жиро сметките на правното лице и копија од изводи на жиро сметки ( за правно лице со еден вработен)

---------------------------------------------------------------

Од сите овие потребни работи имам 2 прашања:

1. Прво прашање:

Извод од книгата на родените за детето ( копија); - Дали е подобро да се поднесе барањето во болницата каде ќе се пораѓам (пр. во Чаир) или директно да иде сопругот во МВР и да поднесе барање за издавање на извод за новороденче? За ова прашувам бидејќи читав дека од болницата податоците се пренсеуваат во МВР и затоа долга е процедурата. Да видиме дали има некој пократок пат


2. Второ прашање, дали некој се нашол во ваква ситуација:

Термин за пораѓај: 17 септември 2020

Од 17 септември 2019 до 17 март 2020 вработена и осигурана во една фирма (6 месеци)
Од 18 март 2020 до 17 септември 2020 вработена и осигурана во друга фирма (6 месеци вкупно)

* без прекин на стаж

- Дали ова значи дека ми треба 2 потврди за висина на плата (две копии од НП-1 Образец)? Една потврда од фирмата број 1 и уште една потврда од фирмата број 2?

- Кој треба да го пополни образецот НП-1? Фирмата / УЈП / јас ?

- Дали ова значи дека ми треба две копии од М1/М2 ? Една копија од фирмата број 1 и уште една копија од фирмата број 2?

Ако некој знае некој одговор, би ви била преблагодарна. ФАла ви фемина

 

Здраво девојки од фемина.Сакам да прашам пошто не сум запознаена како оди процедурата со породилното и кога и како се вади.Во 9 месец влегувам на 9 октомври а породилното сакам да го отворам на 1 октомври пошто сум наставник а школската година ќе почни на 1 Октомври.Како оди процедурата пошто кај матичната не одам на преглед одам во Систина и таму ми ја водат бременоста.

 

Нема врска каде одиш на прегледи, матичен мора да ти го потпише боловањето. Си имаат матичните форма која ја пополнуваат и после таа ја доставуваш на работа, па работата си средува со ФЗОМ.

 

Прати го ова на меил info@fzo.org.mk или во фонд на шалтер доле каде се поднесува за породилно или пак ако те пуштат горе во соба број 16 мислам беше.
Мислам дека двете фирми треба да ги известиш од кога си на породилно или пак првата фирма да ти ја подготват документацијата и сама да ја доставиш во фонд.
Јас се породив во чаир во јуни и мислев таму за извод но жените во соба ме предомислија многу се чека може и 3 месеци дур се земе изводот затоа подобро сами да си поднесете,додека не се достави извод за новороденче во фонд нема да имате исплата.

 

Матичен отвара породилно,најрано е 45 дена од термин а после тоа може било кога.
Со сите извештај од систина направи копии и однеси ги кај матичниот.

 

Дали знае некој ако ви ја покачат платата а веќе сте на породилно дали и од фондот ќе ја исплатат новата плата?

 

Не. Се зема просек на плати од пред да останеш на породилно.

 

Фала ви.

 

За породилно се земаат просек последните 12 плати од датумот кога сте останале на породилно,секое покачување или намалување на платата после тоа не се рачуна