Породување во Државна или Чаир?

За 2-3 дена па нека се и 5 не ми треба ниту некоја храна ниту кујзнае што.
Доволно е да е чисто и да биде се во ред со самиот пораѓај.
За Гак не знам,во Чаир сум лежела и на патолошка и после пораѓај се беше чисто,средено ,бебето го земаа цело време,бањато,облечено,чисто. Постелина менуваа се' човечки и како што треба.

Е сега не те фенираат,ама тоа е. Секој си бира што му е приоротет.
Цениве стварно отидоа многу. Па кој сака и може нека си дозволи.
Личен избор.

 

Па не е чудо и да штедат, тоа не е до нив. Еве јас од прва рака знам дека во училиштата наставниците се тепаат за хартија за печатење. Не е до нив, толку им обезбедиле.

 

Во ред е да се штеди на други работи ама за хигиена не треба сепак можеш било што да фатиш особено таму кај што има крв и друг матерјал.

 

Ама треба некој да им купи, разбираш?
Тоа не е до персоналот.

 

Ве читам со коментарите и морам да го споделам моето искуство со ГАК од пред 1 месец.
Некогаш дури мислам од приватниве пуштаат муабети дека гак е касапница, што воопшто не е така.
Мене ми беше важно да биде се ок со мене и со бебе, не да ми се лигават таму.
На кој и да кажев дека ќе се пораѓам таму, сите ме прашуваа "а, со кој доктор си договорена?"
Не бев договорена со никој, кај кој ми е среќата таму. На прегледите во амбуланта пред пораѓај ме гледаше различен доктор, сите имаа ок однос. Првиот пат кога бев со закажан термин влегов точно на терминот, за останатите чекав огжтприлика по 30 мин-1 час
Од родилна сала сум презадоволна, од сестри, бабицата и докторот. Ме породи Др.Пајтим Асани и дека бев прворотка воопшто не ме брзаше, се некако беше полека за да се отворам убаво. Бабицата (криво ми е не ја прашав за име), душа од жена, цело време над мене, ми покажуваше како да дишам, ме ладеше со вода, смирена Никаде не видов "лепење шамари и дерење" .
Од таму имам само убаво искуство.
Кај родилките, бевме 2 во соба. Секој ден чистеа и менуваа постелнина, на почетокот ми помогнаа да се истуширам.
Ако ти треба навечер даваат апчиња за болки.
Храната не беше којзнае што, ама дозволуваат да ви донесат од надвор.
Реалноста е таму дека се многу мајки,а малку персонал и навистина не обрнуваат многу внимание ниту ти кажуваат како со бебе (ако си тазе мајка, и ако седите уште некој ден бидете спремни дека голем дел од нив очекуваат да бидат почестени нешто ( од сестри, болничарки, па до чистачка).
Само тоа не ми се допадна таму, но пак ќе кажам, очекувањата ми беа на минимум и важно ми беше со бебето да сме добри.

Ако споредувам со приватно на еден преглед бев во Систина. На закажан термин чекав 1.5 час, кај докторот што имав закажано не се појави, ме прими друга докторка и се осетив како на реклама од топ шоп со нивните промоции и пакети за раѓање.

 

Никој не "пушта муабети" од приватните болници, реалноста е таа. Таа на државно може ќе ти се испоразвика и ќе вреѓа тоа се поединци таму на ГАК, а приватно секако плаќаш па тоа нема да го искусиш сепак не е само негата на пораѓај туку и после пораѓај. Кај нас лошото е што немаат персонал по одредени одделенија на државно, а доколку би имале повеќе тогаш едни ќе спијат и лежат тие со поголеми врски и ќе земаат плата, а другите ќе се цепат од работа и пак ќе дојде исто кога ќе видиш

 

Темава ја читаат најмногу жени што треба допрва да се породат.
Сметам дека е крајно непромислено да се убедува дека е прелошо и ќе те третираат како ѓубре, а кога некој ќе пише позитивно искуство, да кажувате "тоа поединци се, ама генерално е прелошо"
Треба да имате обзир дека не секој има пари да се породи приватно, што не значи дека ако оди во гак или чаир оди во смрт и дека ќе добие лош третман.
Пред да се породам често ја читав темава и едни те исти профили коментираат како било лошо државно, а приватно биле како кралици, а повеќето за државно не пишуваат од сопствено искуство туку од нечие искуство на пријателката пријателка.

Јас пишав и плус и минус за гак.

 

Не знам што се револтирате кога ќе направиме компарација од приватно до државно, никој верувај ама никој не сака да дава пари приватно, зар ти мислиш секој има пари одвишок за да фрла по прегледи и по третмани и сл?
Знаеш колку успешни приказни за Ин витро има приватно, луѓе кредити земаат за до бебенце да дојдат... Не плукајте ни по тоа ни по тоа, секаде има глупештини, важно е да се има среќен крај.
Верувам ниедна бремена жена не се ослонува само на коментарите на Форум туку и од сопствено искуство или искуство на блиски дали приватно или државно и секако темата е да се знаат предности или маани на државно, убаво е да одиме подготвени дали на ГАК или во Чаир и да знаеме што не чека.
Нити ме фенирале у Систина, нити ми правеле педикир, не сум одела на масажи и подготовки, ниту ми дошло до торбата гратис поклон. Мизерно е да мислите дека некој што дава над 1500е му дошло до фризерај.
Секој оди од мака.
Јас лично сум земала мали потрошувачки за двата порода зашто имам трауми од клиника и сум била презадоволна од третманот приватно.
Свадба не сум правела и не сум земала ни кредит нити сум дала пари за тоа, секој си знае за што зема и како зема и дали зема за нешто кредит.
Луѓе земаат кредити и за одмор побогу!
Сиромашна земја сме со мизерни услови за секакво лекување!
Убаво е кога ќе прочиташ некој да ти каже позитивно искуство од државно, а не ти е сеедно кога ќе каже негативно од приватно јер пари си дал, а само ти си знаеш како и за што. Не мора да е породување.

Назад на темава, фала ви за споделено искуство, не се ни исплати да даваш значи пари на ГАК за апартман кога сепак се по две во соба.
Тоа ми е битно, битно ми е да е чисто, а за сестри или кој и да е ќе се најде чаре.
Докторите секако се добри оти виделе се, работат со секакви случаи и секако знаат што ги чека.

 

@LadyC јас да ти дадам кураж
Два пораѓаи на ГАК ,едниот пред речиси 4 години, другиот пред 3 месеци
Ако првиот пат не сум била задоволна,немало да одам втор пат таму

Ќе почнам со ред.
Нели од 36та недела треба да одиш на контроли во родилиште. Ти кажа дека имаш врски,а тоа ти е доволно да ти договорат еден доктор кај кој што ќе одиш до пораѓање.
Инаку ако земеш упат за соба 36(обично таму одат родилки) ќе те прегледуваат различни доктори секој пат. Со врските ова ќе го избегнеш. Добро е да те гледа еден за да ти каже што е најдобро во моментот,доколку има некакви проблеми.
Мене ме гледаа повеќе,но сепак на крај испадна ок и доктор Ромир(никогаш не сум чула претходно за него) кој ми предложи хоспитализација заради намалена плодова вода. Тој и ме породи(случајно се погоди на смена) и многу бев задоволна како поминав. Мм донесе благо и пијалок во родилна,не дека некој ми барал,туку од кеиф како убаво соработувавме и како ми помогнаа на свет да си го донесам бебе бр.2

Во родилна сала има 6 кревети на кои родилки ги "доквачуваат" бебињата. На прием ти зимаат податоци,крвна слика,цтг,преглед со рака(за спонтано). Потоа од време на време прават цтг. Ти бидејќи си царски ќе ги скокнеш овие работи. Таму има еден тоалет со туш. Имаше топла вода,сапун и тоалет. Ако немаш и побараш ќе ти дадат и пешкир и влечки. Ова сум видела пред мене.

На бокс кога ме однесоа,ми приклучија провокација да се доотворам и со мене имаше една акушерка. Ми покажуваше што да правам за да се породам полесно. Не ме оставија сама како што пиша една членка.

Од одделот после пораѓај во однос на сестрите не очекувај премногу. Инаку кога ме префрлија таму, ми рекоа да јадам па ќе дојде болничарка да ме стане да ме измие. Така и беше. Мм донесе јадење (може да носиш што сакаш колку сакаш,нити прегледуваат нити забрануваат) им го подаде на врата ми го донесоа во соба. Јадев,дојде болничарка ме однесе во вц ме изми,ми ги нареди стварите во шкафчето.

Во соба 2 пациентки,има тв,има вц со туш,чисто,не смрди,цело време топла вода. Спавача може да се погоди да нема чиста во моментот,ама подоцна ќе ти донесат,т.е. може да побараш. По два пати на ден поминува хигиеничарка и брише. Сега нормално ако ти капне крв,доволно е да фрлиш една влажна врз него да не го газиш, додека избришат.

Околу бебето,доење и нега ни првиот пат ни вториот никој не се потруди да ми објасни. А не дека ми беше потребно вториов пат. Тебе па за трет пат се ти е јасно


Што и да ти донесат сестрите ти го носат до соба. Дури кога си одев, ме видоа дека носам торби ги земаа и ги предадоа на мм. Никој не ми побарал частење,ниту јас ги почастив.
Поминуваа сестри прашуваа лекови за болка дали ти требаат,а и да си понесеш можеш парацетамол на пр.

Мислам дека опфатив се,ако уште нешто те интересира пиши.

 

Ѕверка си. Ти благодарам од срце.

 

Факт е дека никој не оди на приватно за храната. Сите би оделе за негата и за достапноста на сестри, негата после царски е особено битна, зошто сигурно боли премногу, па убаво е да се помага дур се крене родилката, да се помогне за туширање и слично.
Се породив на приватно. Немаше време за епидурал, бар нешо тромадолче да ми понудеа за болки, ама не. Сама рикав во соба до 7 прсти, дојдоа ме симнаа на бокс, родив за 20 мин. Дали на бокс или соба и јас бев оставена сама на себе. Е тоа што ми ја прели жицата беше што кога побарав да ми се смени постелнина и да ми се даде нова спаваќа, госпожата сестра ми донесе, смени ама ми искоментира као "еве ти донесов, ама сега гледај чисто да биде, да не се напраи пак со крв". Као божем јас сакам да леам крвишита по кревет, бог да чува. А не се врткаа нон стоп да доаѓаат да ме ѕиркаат, скоро сама бев 95% од времето.
Дбе киретажи на приватно. Првиот пат презадоволна, седтра не де одлепи од мене, да ме теши и да ми дава кураж, да ми држи рака на бокс дур заспијам после и во соба ме тешеше и пред да си отидам ми даде вода да се напијам неколку пати по 2-3 голтки, рече ако повратиш, подобро дур си тука (ради анестезијата) Вториот пат беа као, ајде не е страшно знаеш како е процедурата си поминала еднаш. Откако ме разбудија, 10 пати напоменав дека сум вознемирена, да ми дадат нешто за смирување, ме изигнорираа, ни вода не ме понудија а се осеќав како воз да ме изгазил од умор. А ќе речеш приватно, и плаќаш 20000 денари за 3 саати.
Среќа па не сум чоек што оди со големи очекувања, дури ни првиот пат кога раѓав а знаев дека идам на приватно. Едвај чекав дома да си дојдам, дома ми беше дома ма колку сака нека е луксуз приватната. Со второво најверојатно на државно ќе раѓам, немам 2000€, а кредит не зимам, веќе имаме, знам како оди процедурата, сум ја поминала, очекувам дека сестра нема да видам (многу веројатно) ама поука од првиот пат, има да викам да ми дое болничарка во соба да ми помогне, па што сака нека е. Порано се устручавав, сеа ни срам ни перде, ако ми повиши тон некоја ја со иста мера ќе и вратам, работа и е тоа, а не да ми се издерава. Колку сака нека е државно, не давам да ме третираат како вошка. Торбица секако ќе мора да носам, пешкир ова она да стаам, а за храна фала богу мајка, свекрва, снајка ќе донесат. Ако сум природно за два дена ќе сум дома, сме биле до толку сиромави што леб и маргарон како деца мачкавме од што немавме луксуз за храна, така да ова хранава на гак гола вода ми е, битно вода да имам да пијам пошо како камила сум, друго и со кроасани ќе пројдам чак што више, а ако сум царски секако два дена нема храна со очи да видам, па после тоа че треба да си одам. Докторите таму се најстручни и тоа е факт, секојдневно пораѓаат сигурно по 10 жени, изведуваат операции од најмала до најстара возраст, така да..
Епидурал би дале може, ама проблем е кадарот минимален, што се малце анестезиолози, ама другарка ми побара за болки, и дадоа венски, ако треба и од дома ампулата ќе ја донесам, нема проблем сиг не е повеќе од 100-200 денари. А за недоволниот број на кадар, државичкава проста си е крива, ние цел живот ќе си плаќаме здравство, за жал тоа е. И во градинките не вработуваат кадри а им го оставаш најмилото на милост и немилост, тоа е др тема. Пораѓај како пораѓај ќе пројде, а за хигиена, еве сите рекоа декс е чисто, дури и пешкир даваат. Не оди со високи очекувања па може и ќе се изненадиш

 

Го болдирав делот со кој што највеќе се согласувам и кој што впрочем во голема мера е проблем на многу мајки да отидат во државно. Заради понашање на сестра, хигиеничарка и х персони кои се умишљаат дека се нешто па да ми коментираат дали ќе сум ја испрљала постелнината пак и дали сум била досадна што барам се што ми треба, или да не ми обрнат внимание со детето и се што е потребно да ми се објасни, мислам дека во тие денови ќе бидам во состојба да урлааммм на цел глас и цела болница да ја кренам на нозе и уште и да им го пратам мм кај директор, обезбедување, полиција, на вести кај и да треба да ги пријави. И озбилна сум, не се силам, не се шалам. Прво нешто тоа им е работа, второ не сакам да ги вреѓам ниту да омаловажувам некој ама пола од тие сестри и хигиеничарки се со едвај завршено средно, а познавам 2 девојчиња што работат како болничарки на клиника во други оддели со завршено средно кое не е медицинско и тоа едвај завршено. Така да не треба воопшто на секое не коректно однесување да ќутиме, макар и за најмала ситница да е како што дома на мажите знаеме да им списнеме(сигурно знаеме сите) исто тала треба да се бориме и надвор од дома, кај и да сме не почитувани.

Имам уште малку време за породување, ама мојот срав е тој, дека заради други не луѓе според вашиве коментари, а тоа да не е нестручен доктор акушер, бабица, анестезиолог и сл.нема да се обесхрабрувам и да одам со страв и како на колење во државно (гак или чаир)
Бев на скрининг во систина и за парите кои што ги дадов за половина час не сум задоволна. Докторката беше супер ама сестрите на шалтер намрштени, закажано во 19часот, од систина си искачам во 21. Прашувам прв пат на шалтер кога ќе ме викнат ми вика сега, вториот пат тек друга сестра провери на компјутер колку има закажани пред мене и ми кажа дека сум последна. Никој ни еднаш не кажа извинете, имаше на пример итен случај и мораше дс биде уфрлен преку ред, имало компликации или било какво објаснување освен сега! Додека чекав се изнаслушав нивни глупости и муабети ко да нема пациенти пред нив, разгракани на цел глас пред крај на работно време, после некое време излезе и доктор некој па им се приклучи на муабетите.

И уште ова. Некој пиша не идеме за храна и да не третираат не знам како, епа мислам не е така. Многу од мајките идат точно ради тоа, да се одморам додека сум таму, бебето ќе ми го чуваат, ќе го зимаат коа сакам, јас ќе одмарам и сл. Пред месец дена во Систина се породи колешка од факултет и ја прашувам како си,како помина? И на тоа добив одговор добро во Систина се породив, како во хотел е, се е средено... битниот момент дека е во хотел, а самиот чин на породување ко да не е битен, заборавен веќе.

 

@Giinna ме потсети на една познаничка. Се пораѓаше во Санте Плус. Муабетевме околу нејзиниот пораѓај. Женава цело време збореше дека таму било како во хотел и дека храна им носеле од некој ресторан. Освен дека се породила со царски рез, ништо друго не рече. Целиот муабет и беше околу храната.

Не знам како ќе ме сфатите, ама тоа на мене ми е најмалку битен момент. Не може да е побитно од односот на докторите и сестрите. Храна може и од дома да се носи.

 

Ај да смениме тема, кажете дали ставаат инекции за смалување на матката државно?

 

Тие се нешто за побрзо да се смали а не да се чека природно периодот од 6 недели или? Како се викаат да си прочитам на нет

 

Не ми текнува, ги имам примано со двајцата, преболни се , ама ефикасни многу. Не знам дали ги има државно, а ептен добра работа се...

 

Kakvi se tie? Ne stavaat na drzavno. So prvoto ne primiv deka ma drzavno, sega vo Remedika citam tuka deka stavale. Jas bas se mislam dali da mi stavat nemav nekoj problem prviot pat si krvarev 40 dena se normalno. Ili moralno e da se stavi?

 

Не не. Ти си крвариш пак 40 дена , тие ги вбризгуваат за матката да се собере, јас додека си отидов веќе меше немав. И висока сум и тоа е фактор, ама верувај многу помага за абсорбција на матка.
Ама болат многу некои 2 саати од примање, не се сеќавам дали не боцкаа 2 пати на ден или еднаш. Прашај у темата за приватни клиники.
Инаку јас вчера ги отерав Ремедика ...
Се јавив и прашувам колку е подврзување на туби, од таму ми се објашњава дека 1600 било преглед кај гинеколог и он кажувал цена.
Велам јас кај вас сум и онака (останав анонимна намерно) и велам царскиот е 133000 плус тубите колку ќе ме чини мора да имате вие некој ценовник од до. Женава пак како расипана лента истото ми го кажува.
Не им е прв пат. Не може од ракав да се тресат цени.
Мора ние како пациенти да знаеме дали можеме да си дозволиме а не да свиркаме на шалтер за плаќање.
Така ми направија и со биопсиите и со ласерската вапоризација. Срамота, да не си го сакам докторот до сега 100 пати ќе ги пријавев.

 

Исто и мене ме изнервираа во Плодност тие на рецепција кога ги прашав за цена за серклажот, ми велат тоа со докторот... испаѓа како докториве од ракав да ги вадат цените. А јас ја знаев цената баш од тука од искуства, но реков да препрашам да не е сменета.
Што им е толку тешко да кажат колку чини една процедура не ми е јасно. Како што си има цена за природен пораѓај, цена за царски... ама тоа е.

 

Додека не стигне до медиуми. А ќе стигне еден ден...