Породување во Државна или Чаир?

Ви благодарам за мислењата иако сепак не добив конкретен одговор. Мене ме интересираше искуство дали некоја мајка е била во апартман во стилот каков е односот на персоналот, дали собите се со сопствен тоалет, дали се чисти... Дали вреди за парите може да каже само некој кој бил сместен во апартман. За некој како мене што е од внатрешноста апартманот ми е единствено решение за да добијам помош барем од некој од моите, по лошото искуство во ГАК кога една сестра ( вештерка ) на секое влегување во мојата соба морав да ја слушам се и сешто за нас "провинцијалките", кога мораше да молам за чиста спавача, како јас што сум била природно породена требало да и помагам на цимерката која е царски, да ја подкренам да помагам без разлика што таа пд мене беше 20 кг потешка и ред други работи на кои не сакам да се навраќам.

 

Душо значи сум била во апартманите во Чаир односно во еден од нив и вреди за парите,имаш на помош медицинска сестра и може некој од твоите да ти помага дозволено е посета секој ден од 9 до 21 часот.Јас од немај каде бев во апартманот сместена за да можам бар во тие денови да бидам со некој од моите бидејќи ми требаше подршка од блиските.Апартманот е супер има сопствено купатило и е доста чисто,даваат чисти спаваќи,редовно го чистеа.

 

Мешиња дали Кировски во Чаир побарал на некого пари за природен пораѓај? Ако да, колку?

 

Никој не смее да ви побара пари за никаков пороѓај. Ве молам не потпаѓајте на провокации, и не прифаќајте ништо.

 

Немој да заборавиш претходно да пријавиш во полиција за да ти дадат обележани пари.

Само вие можете да ја спречите корупцијата и никој друг.

 

Мене не ми побарал, т.е уште не сум почнала да одам во Чаир меѓутоа на моја блиска и побарал. Искрено и рекол 200 евра, а она сака и во апартман (50евра од ден) и кога ќе видиш приватно ќе се пораѓаш.
Муабетов ми е дали да очекувам дека и мене ќе ми побара или не е пракса кај секого? Не знам како се осудуваат, од каде знаат на кого ќе налетаат...

 

Со две деца ме породи, ни поклонот од ќеиф маж ми што сакаше да му го даде одвај го прими. Немам такво искуство со Кировски, иако читам свашта.

 

Сите постари доктори во државава се научиле да земаат мито не само за пораѓај туку и за било што друго, имам слушнато за многу доктори што бараат значи срамота. За да те гледа некој мора да му дадеш нешто.

 

Во случај да ти побара обавезно да му дадеш обележани. Пет минути работа е во полиција.
Ако имаа пари луѓето немаше во Чаир да одат ќе си одеа на приватно сите.

 

Епа бараат пари затоа што ги барате стриктно одредени доктори јас двапати се породив во Чаир кој се падна на смена тој и на ниеден немам дадено пари.

 

Епа искрено за 200 евра сигурно приватно нема да се породиш.
А бидејќи барате стрикно доктор кој сакате да ве породи нормално и пари ќе побара.
Односно ние си ги научивме докторите така.
И не само докторите и сите други функционираат така.
А за Кировски знам дека бара и другои доктори бараат и така во круг,ќе си земеш дете во прегратка и ќе си бидеш задоволен и волкот сит и овците на број.

 

Имаат право да бараат. Поштено цел живот си плаќаат здравствено, каде сака таму ќе се породува.
Муабетот му доаѓа дека луксуз стана се во мкд, ако имаш за еден одмор, зимовање или два пати месо неделно. Така и изборот на лекар на кој му веруваш. Стандардите на нормален живот и потреби вртоглаво паѓаат под дно.

Тоа што искомплексираниве докторчиња во мкд си ставаат цена не е проблем на пациентите. Само фали пријава, верувајте функционира во овој систем.

Али и народот со оние подароци и глупости ја претерува така да они си само навикнати на мала пажња. Прекинете да носите поклони кај професори, учителки, доктори и администрација! Ако ви е кеиф да купите нешто оставете ги кај некој бездомник на улица. Или почастете некој што нема.

 

@fina erika 200 евра да платиш мито + плус да бидеш во апартман неколку дена тоа се горе доле 400-500 евра што и не е така баш за занемарување. Но, секој со својот избор јас не планирам ниту мито, ниту апартмани. На тие пари што ги давам месечно за здраствено осигурување што сака нека биде!

Туку, не гледам ништо лошо во тоа да можам да си одберам доктор кај кој ќе се пораѓам, тоа не дава за право да ми побараат мито. Исто како што си бирам општ матичен лекар, матичен гинеколог, стоматолог и слично, така сакам и доктор што ќе ме пораѓа. Впрочем и за да почнам да одам на контроли во Чаир, мора да одберам доктор за да ми дадат упат. Така по слушнати позитивни мислења и прочитани позитивни критики на форумов се одлучив за Кировски. Но, пред некој ден слушнав за тоа фамозно барање пари па сакав да проверам дали и на некоја друга се случило (дали е пракса на секого да бара или не).

 

Епа баш и не е така ќе си одбереш доктор и ќе ти дојде да те породи од дома и покрај тоа што можеби тој ден нема да биде на работа.Може да те породи ако случајно се погоди на смена и тебе те фатат болки а дека специјално ќе дојде за без пари мало морген.Инаку во ремедика природен пораѓај е 75.000 илјади денари 110.000 царски и во систина се тука некаде цените.Значи не се ни приближно.

 

Па ако не е на смена, не мора да ме пораѓа. Јас сигурно нема да му речам од дома да дојде, само мора да одбереш доктор за почеток што ќе превземе контроли и слично. Ако се погоди да ме пораѓа ок, ако не пак ок.

 

Јас кога пишав за Илиевски, тука одма напаѓаат.Мене ми кажа таа недела кога ми е термин не е на работа, ама убаво би било он да ме породел ама за да дојде тоа би ме чинело 200 евра, сопругот му вика докторе ние слушнавме дека сите доктори тука се добри но сепак има време ќе се договориме. И мене ме фаќаат болки 10 дена порано и ми се погодува Др.Илиевски, ми вика зошто не ми се јави кога тргна од дома, викам во паника бевме а и добро бев примена од вашите колеги. Накратко почна он природно да ме пораѓа, нели он ми ја знаел ситуацијата по негово бебето е 3700 и со главата надолу, по 4 и пол саати на бокс со 10 прста отворена и провокации од 7 до 14:20, јас се имам онесвестено и сум завршила кај друг доктор на царски, родив бебе 4200 кое било извртено. Така да размисли си како ќе постапиш. Битно е да отидеш со позитивна мисла,зошто бебуш пристигнува. Др. Кировски како доктор имаше солиден пристап и темелност на двете визити што ги помина.

 

Еве како го постави првично прашањето,а сега друго кажуваш ај договори се со себе што сакаш и што прашуваш.Ако се потрефи тој добро ако не тој што е смена а ако сакаш Кировски специјално Човекот си бара пари и тоа е многу јасно како ден.Мислам дека и во Чаир тоа сите го знаат.

 

Точно, и објаснив зашто прашувам! Јас уште не сум ни почнала да одам во Чаир, ова и се случи на моја блиска и сакав да знам дали е пракса кај сите да бара или не. Но, никаде не спомнав дека мора он по секоја цена да ме пораѓа, баш напротив пишав ако бара пари не би сакала. Јас сакам да го одберам како доктор, ако се погоди ок ако не пак ок. Досега, не сум имала јас лично такво искуство некој да ми бара пари и не би сакала да имам. Како и да е, ти благодарам на одговорите.

 

Мене ме интересира за искуство за договорен порагај. Како иде тоа? Последниот преглед докторот ми потенцира дека би можеле и да темпираме. А инаку за дискусијата за плаќање ем сакате да ве породува специјален доктор, а не тој што е на смена и да имате третман како во приватна клиника и тоа да е за без пари. Од такви барања и форсирање на одредени доктори дојде до тоа да мора да си платиш за да добиеш подобар третман.

 

Браво убаво речено.. За одмори скапи телефони шминки и тн се има пари а за породување каде што е во прашање твојот живот и на бебето тогаш веднаш се бунат. Знам дека ние плаќаме за да имаме бесплатно здравство но конкретно за Чаир каде за една ноќ се раѓаат преку 20 бебиња неможат на сите родилки да им се посветат максимално, едноставно и сестрите и докторите трчаат од толку гужви, јас кога бев и памперси им снемало..

Сепак мислам дека 200 евра не е некоја голема сума за да имаш асалан пораѓај и третман а не да ве остават на бокс со саати како што оставија една Ромка пред мене .. И мене пораѓајот кај Исмаили плус апартманите 8 дена ме фатија како во приватна болница да сум се пораѓала и презадоволна сум, за саат време родив дете 4360 природно и без сечење. Башка што околу мене само трчаа сестрите дури ме тушираа. Секој кој може нека си плати да си имаат асален третман во најубавите денови