Породување во приватна болница

Ова е анкетен лист, не е прибирање податоци за статистика, самите пациенти дозволуваат јавно да се објави со пополнувањето.

Инаку и мене ме нервира тоа сликање со бебиња и мајки за маркетиншки цели...аман, не мора се' да се користи за рејтинг. Башка што се работи за приватни болници каде едно породување, (нешто што законски треба да е бесплатно) чини ѓавол и пол, ко да немаат доволно заработка, па решиле, ајде да се рекламираме. Рекламата не е потребна, ако има задоволни пациенти, а ги има.

Мене ме боли тоа што во државава приоритет му се даде на приватното здравство, не барајте одговорност од МЗ, бидејќи тие се оние кои најмногу ќар имаат од моменталнава ситуација, парите в џеб ги пикаат. А сите ние што плаќаме редовно придонеси демек за бесплатно да се лечиме во државно, пак пари даваме приватно, за да добиеме услуга на ниво. Жално!

 

И јас ги видов сликите од родилката со тортата, ептен невкусно.
И плус каква реклама си направија со Даниел Кајмакоски 100 слики ставија, цела фотосесија

 

Одамна е јасно дека здравствово е намерно доведено до ова дереџе за да Камчев и нему сличните профитираат. Ама тоа не значи дека треба да си ќутиме, напротив...

 

@kukla21 ја видов сликата со роденденот и не може моето мало мозоче да процесира што сакаа да постигнат со тоа? Оние сликичките што се на излегување од болница и не се баш лоши (макар шо јас не би се сликала ама нема врска) ама ова со чаршавчето измотано низ неа ...

 

Еве јас се бунам и што?Mислиш дека нешто ми успеа неодамна ДСЗИ МИ ДАДЕ ИЗВЕШТАЈ ЗА ПРЕДХОДНА ПРЕСТАВКА се смеевме со мм за тоа што беше напишано внатре.

 

Леле ја видов и јас, тука кога зборевте си реков 2,3 докторки и честитале.. тоа цела болница пикната кај неа во соба, свашта

 

Да ама ти(ние) ако не сакаш нема да те сликаат и нема објава. Еве јас не се сликав
Така да до негде и сами си одлучуваме дали ќе бидеме "искористени" за промотивни цели. И плус објавуваат само на нивна страна а не ставаат платени реклами по други сајтови.
Ова за Систина зборам, за другиве не знма како функционира

 

Па родилката со царски во принцип првите два до три дена е гола, само со спавача и лежи на компреси. потоа може да носи гаќи кои не ја задираат раната. Не е пријатно, тие денови некои жени имаат потешкотии со станување, но во суштина сите чувствуваат помала или поголема бола при станување од кревет, па уште да води грижа и како да седне... Што знам, ако се одбележува роденден, доста е симболичен подарок, а не куп луѓе, па и торта на жена на која варењето и е во состојба на регулација.
Па тие приватните барем имаат посебен режим на исхарана

 

Така е. Таму никој ни те слика, ни те замара. Професионални се и веб страницата им е, или им беше соодветна на целта. Кратко, информативно, со приказ на болница и болнички соби, но без пациенти. Мене не ми е од никакво значење дали таму на некоја си и прославиле роденден, и купиле балони, и врзале машна на глава. Ме интересираат новини, опрема апарати, модели, година на производство и перформанси. Не се разбирам во медицинска техника, но доволно сум писмена да разберам што се постигнува со некоја нова опрема и кон што ќе придонесе. Сликите од персоналот со кратко резиме ми е сосем професионално и на ниво запознавање на идните или постојните пациенти. Во суштина жените колку и да се потсредени по породувањето се во суштина скапани и се чувствуваат, па како да кажам, помалку неугледно и измрцварено. а и оние приказни од славните за непроценливото искуство не ми се ама од никакво значење.

 

Не сaмo цaрски и прирoднo истo, влoшкaтa сo нoзе си јa стискaш дoлен веш не смее

 

Колку време не смее долен веш да се облече ако е природно породувањето, или зависи колкава е раната?

 

Додека си во болница ич! Кога ќе си одиш дома си облекуваш најнормално и од тој момент натаму нема зошто да не смееш.

 

Кај мене дозволија по два0три дена, ама гаќи над раната. Различно кај секого.

 

Ова да не кажуваш за царски пораѓај? Јас и кажав на членката за природен пороѓај, знам така е во сите приватни и државни болници, без исклучок.

 

За царски кажувам од моето искуство. Природно не сум се породила. и не знам како е.

 

Сакам да пишам после толку прашување баш тука дали се исплати пораѓањето во приватна болница дека се исплати пута 100. Едно искуство во државнс и едно во систина две различни планети од луѓе услови начин на пораѓање нега се се се'. Жално што во МК треба да имаш 1000 евра за да се породиш како жена а не како животно на кланица.

 

резултатот на Санте со објавување на анкетарниот лист јавно...сајтови како мотика и слично им ги превземаат сликите и ги исмејуваат јавно лугето.Браво Санте завршивте 'добра' работа.

 

Тие луѓе сами дозволиле нивни слики и анкетен лист да се најдат јавно изложени на интернет. Да, се согласувам, не треба да постои тоа со објавувањето слики и анкетни листови, катастрофа е, ама кога веќе го има сигурно имаш шанса да бираш дали ќе се објави или не. И секој одлучува за себе.

Инаку се разочаруввам некако и од приватниве болници, секаде се форсира царски изгледа... пред некоја недела пријателка во ремедика ја породиле со царски иако дошла веќе 7 прста отворена, а целосно била отворена пред да ја спремат за царски, ем ги трпела болките за природно ем од ранава после операција си трпи, многу е разочарана, се било ок и договорено за природно, не и дале ни објасување зошто завршила со царски...