Породување во приватна болница

Kolku sto jas znam deka ne treba da se naplakja ako se poragjas tamu.. ti kaj koj doktor si?

 

За тоа и сакам кај него.
Ама тој да ми дојде. Ако се доплаќа нешто плус не ми е проблем.
Лошо искуство имав со првиот пораѓај на државно. И не би сакала пак да ризикувам со тоа кој ќе се погоди на смена.

 

Јас дека водев таму цела бременост веќе не плаќам ништо откако почнав со цтг. Секој пат плус ми прават и ехо, само не земам извештаи и си одам.

Колку што знам наплаќаат прво цтг само ако претходно не си следел таму бременост, па решиш да се пораѓаш таму.

 

Најубаво да си го прашаш него на следен преглед, од тоа што сум имала контакт со него мислам дека многу искрено ќе ти одговори дали да рачунаш на таа опција или не. Инаку мислам дека нема опција со доплаќање, туку зависи од докторот. Повеќето доаѓаат, ама најубаво он да ти каже.

 

кај Панчевски
ама ов ами беше втор преглед кај него до сега бременоста матичниот ми ја следеше
ке видам на 25ти како ке е

 

Јас за вториот пораѓај сакав кај него (Димчев) да се пораѓам, првиот пат бев со царски, вториот сакав да пробам природно. Он ми рече дека во ред, меѓутоа ако ме фатат болки во текот на ноќта - ќе си дојдеш тука, сите колеги се извонредни и во тој стил кој ќе се погоди тој ќе те породи... Мислам дека не иде дежурства (барем 2021 така беше)

За царски би се договориле за термин и ќе ме пораѓаше он без проблем.

Сепак, најубаво он ќе ти каже секако.

Со среќа и лесно! ♡

 

Може се извонредни. Но јас не би да ризикувам кој ќе ми се падне на смена. Премногу се плашам и немам доверба.Вака да се молам дека тој ќе ми се погоди и тоа не ми е варианта.
Здравје има време. Ама изгорена од предходно уште сега мислам на пораѓај.
Ќе го прашам нареден преглед.
Ти благодарам за споделеното искуство.

 

Да, ти верувам, и јас не сакав така, настрана сите други работи (стручност, човечност, се нај нај - докторот е најдобар нема збор), на толкава сума пари, сакав барем докторот кому му верувам да ми биде достапен кога ќе дојде тој момент. Затоа на крајот сепак не се породив кај него (царски и вториот пат, кај друг доктор).

 

Јас би одбрала друг доктор. Димчев е презафатен. Имаш навистина супер лекари во Систина.

 

Честитки за новата бременост
Каде и да одиш на приватно ќе си ја кажеш ситуацијата и дека се плашиш. Мој совет ти е да најдеш доктор на кој ќе му веруваш, да си одиш на прегледи кај него ако имаш можност во тек на цела бременост еднаш месечно, и кој ќе ти е достапен на вибер во секое време. За Систина не знам како е, ама Ремедика мислам сите доаѓаат и во 3 сабајле ако треба за пораѓај, а да не се на смена.

 

да доаѓааат во Ремедика.
некоја скоро породена во Ремедика да каже што поклони добила?

 

Персил сензитив детергент и силан омекнувач. Од хип лигавче, чај за доилки, тестерче крем некој исто, уриаж креми 2, бекутан витаминска крема, бекутан памперси 2, налепница за во кола, био гаја капки, мини торбиче бекутан... Мислам тоа беше

 

скоро исто како и пред 3 години

 

И во Систина ако се договориш со доктор ќе ти дојде.
Јас кога го прашав мојот доктор, ми рече, ако добиеш болки, одма од дома ќе ми се јавиш. Вика, ќе ми се јават од болница, ама сепак ќе ми се јавиш и ти, за да можам побрзо да дојдам.
На крај сепак испадна да немам болки, среќа, зашто јас морав царски…

 

Во Систина не сите Др доаѓаат на повик..
Мене ме води Трајкова од сам почеток и за првата бременос и за ова.. сега се погоди на одмор да е надвор од Мк жената убаво ми кажа ако фатат болки или пукне водињак ќе си дојдеш кој е на смена тој ќе те породи сите се одлични.. ми даде и нејзина замена каде да ги правам ЦТГ периодов додека ја нема и сепак некој да ме следи додека дојди таа..

 

Кој доктор те породуваше?

 

мене ме интересира што даваат во Систина ? за да знам да не купувам од тие работи некоја скоро породена да каже
и каков е тој спреј за царски сите го пишувате јас со првото ни спреј имав ни ништо пошто итен излезе за сега да си земам

 

Сешто има сега за рани и самите доктори препишуваат скапи креми, а реално нема никаква потреба од ништо. Вториот царски рез уште побрзо заздравува зашто немаш многу време да го погледнуваш

 

Добро сега во такви случаи кога се надвор од Ск или од Мк ни во Ремедика не доаѓаат. Ама ако се тука а не им е смена остануваат или доаѓаат. Мојата докторка ме прими на крај на нејзината смена и остана уште скоро 1 цела смена со мене во предродилна додека не се породив и додека ме префрлија во соба. Мене искрено тоа премногу ми значеше, голема сигурност осеќав. Ни на 5 минути не ме оставија сама со акушерката. Така се погоди во мојот случај, инаку ако не се на работа кога ќе те примат, доаѓаат само при крај кога е пораѓајот, а притоа се цело време во тек телефонски со докторите што се на смена.

 

Бојаџиев. Два пати бев кај него, и презадоволна сум.
Оваа бременост и цела ми ја водеше. Некако многу доверба стекнав во него. Десет деца да имам, кај него ќе раѓам