Породување во приватна болница

Ни јас немам баш некое позитивно мислење за Ремедика. За време на цела бременост ОК беше освен што многу чекав за преглед. А на породување... имав блокада и прворотка бев не знаев ниту како се напнува (може смешно ќе звучи) акушерката наместо да ми појасни само се дереше: Напни, напни. И накрај докторката ми легна на стомак и излезе бебето. Првите 10 секунди (за мене цела вечност) не заплака и кога прашав зошто не плаче, акушерката ми се раздра: "Како да плаче кога ја заглави?" Ко јас да дојдов да си го убијам детето, а не да го родам. После во 3 сабајле ми дојде педијатарот да ми каже дека е на кислород и дека е во вормер. Кога прашав: Ама ќе биде ок? Ми рече ќе следиме. По 2 дена на Марина и текна да ја стави во инкубатор, па и текна дека сигурно ќе добие жолтица и ќе треба сончање. И еден куп анализи за кои не ме ни прашаа дали се согласувам, само ги наплатија....
А сестрите... едната ми чепкаше по лични ствари. Ми донесоа моите книги да се занимавам со нешто и еднава: Ама ти стварно читаш...
А другата кога и реков дај ми го бебето да го избањам јас, се раздра: ја вода не сум наместила она ќе го бањала... дека сум и вратила покакано дете по подој и дека ќе сум висела на линијата што им е за помош на родилки....
Имав впечаток дека сум на Гак или некоја друга државна.

 

А кај која докторка беше? Страшно е ова, се надевам им го имаш пишано на мејл како поплака

 

Не пишав бидејќи бев прво во шок, а после се насочив кон потребите на бебето, цицање, грчеви и сл.
Кај д-р Котларова

 

Лудило бре.. јас па мислев имам трауми од Чаир.

 

Јас бев со првото кај неа баш тоа кажуваше кога да напнам, кога да не напнам, кога да дишам. Не ми е јасно зошто воопшто ништо не ти кажале.
А коментарите од тие таму педијатрија сестрите ужас срам да им е пријави си не ти е доцна.
Таков коментар да добијам тужба ќе им лепнам на толку пари уште коментари, не ми е јасно како др дозволила такви коментари

 

Поминаа 4 години. Сакав што ппбргу да заборавам. Во меѓувреме во друга приватна болница имав прекрасно породување. Сега не би се замарала со тужење.

Докторката беше присутна на породување и после на визити.... со сестрите немаше контакт после

 

Скоро идентична ситуација имав и јас пред 5 години. Само што мене никој не ми се раздра, освен таа што беше педијатар кога после породувањето дојде и кај мене во соба и ми се подразвика дека за малку ќе сум направела голема беља. Ама таа колку што знам веќе не работи таму. Акушерката, докторката, сите беа прекрасни и никој ништо не ми искоментира. Вака сега имам чувство дека баш тие се они кои направија ситуацијата да изгледа као нормално, а не беше. Моја вина беше, јас добив паничен напад на бокс, и докторката баш после тоа ме тешеше дека се случува, дека не сум единствена, дека сѐ ќе биде ок. Ме посетуваше по 2-3 пати додека ѝ беше смена, одеше и бебето да го види, а кога не беше на работа ми пишуваше на вибер како сум. Анализи што имаа направено беа сите потребни во моментот иако не бев известена, ги имаа направено. За Др.Јадранка имам прекрасно мислење. Ја ставија малата во инкубатор на мониторинг и многу убаво ми објасна сѐ. За Др Марина имав чувство дека прави сѐ на брзина. Сестрите во неонатологија беа исто прекрасни, немам збор.

 

Има ли некоја од вас скоро искуство со Санте да сподели? Дали е Сапунов таму во тој оддел? Или е на ивф? За блиска особа се работи па си викам вие сте ми на форумов секогаш најотворени. Фала однапред.

 

Пред две ипол години, немаат персонал мислам само две докторки анестезиолог на повик. После тоа брзо останав пак бремена и се одлучив за Систина….бременоста ја водев Санте што се не видов сестри неорганизирани некои млади без искуство. И до последен момент се мислев за каде.

 

Исчитав мислења,и сеуште сум во недоумица... Систина или Жан Митрев ??? Со Систина имам добро искуство но за гинеколошка операција бев,не за раѓање.

Жан Митрев имаат неинвазивна седација ,гас-азотен оксид за намалување болка и мислам дека пре би тоа отколку епидурал. Немам искуство ниту со едно ниту со друго,па не можам да споредам. Низ мислењата не прочитав искуство за овој вид на седација...

Има ли членка што се породила спонтано во приватните, после прв царски? Ова ми е многу важно бидејќи првото ми е царски,а другите две се вагинални породувања во државна. Па сакам и ова породување да биде вагинално. Ми треба лекар кој ќе ми биде поддршка и кој ќе биде спремен за хитен царски доколку е потребно.

И околу доењето не ми се допадна што прочитав,дека преферираат АД млеко наместо да се стимулира доење како и поврзување на бебе со мајка, контакт кожа на кожа. Ги оставаат ли бебињата во соба со мајката? Дали им е дозволено на татковците да пресечат папочна врвца при вагинално или породување со царски рез ?

 

Во Систина се породив лани. Баш форсираат доење, ама мене второ ми беше, не сакав ни ад да и даваат воопшто. Во глобала се ми беше познато од претходно и не им ни барав некаква помош посебна. Ми ја донесоа за брзо откако ме симнаа од шок соба, одма на града ми ја ставија. Ја сончаа за жолтица и цело време ми ја носеа на макс 2 саата. Кога не ја сончаа цело време си беше со мене, ја земаа само за прегледи. Навечер ги земаа бебињата за да одмори мајката, ама ако сакаш не е проблем и да го остават. Јас бев царски и маж ми не беше дозволено да присуствува, ама природно зошто да не би можело маж ти да ја пресече врвцата?

 

Мое искуство во Систина беше дека ич не се замараа со доење, бебињата беа посебно од мајките и ги носеа ако им се јавиш, а не беа по дифолт со нас во соба, ама можеш колку сакаш да си го чуваш. За таткото, дозволуваат да е на пораѓај и да сече врвца.

 

Здраво. Ве молам предложете доктор во болница Плодност за следење на цела бременост и пораѓај. Поздрав

 

Во Жан Митрев доколку е се во ред со бебето го оставаат кај мајката и доколку сака да дои се форсира доење. И помагаат за местење на града и сл. Мене ми даваа пумпа за да ми надојде млеко, ме праќаа да се бањам со топла вода.
Доколку треба, јас пак би таму.
За Систина немам искуство и не знам каква политика имаат.

 

Кој доктор ве породи? И ако може да споделиш мислење

 

Јас првото го родив во Систина, бебето најчесто беше со мене преку ден, навечер го земаа. Немав проблем со доењето но девојката со која делевме соба имаше вовлечени брадавици па максимум и се посветија со пумпица, силиконски и сл.
Раѓав со епидурал, не ја осетив сондата фала богу немав ниту главоболка потоа. Сопругот беше цело време со мене, сечеше и папочна врвка.
Деновиве ќе го родам второто повторно таму. Не само што му верувам на мојот доктор, верувам комплетно на цел персонал на гинекологија, затоа што последниве две години имав неколку интервенции и сите ми поминаа со позитивна слика, задоволна сум од цело внимание и нега.

 

Доктор Андонова. Имам најпозитивно мислење за неа и за акушерките, особено за Маја која ме храбреше и заради која имав најубаво породување. Или споредено со претходното како од соништата. Чисто, уредно, убава храна и пристапни доктори и сестри.

 

Јас се породив кај д-р Сотир и лично за мене тој е најдобар. Сепак, има многу кои се многу задоволни од д-р Влатко, д-р Ана итн...

Од мое лично искуство, би ти рекла само да не за д-р Кристинка – нејзиниот прв пристап кон мене беше таков што за малку ќе ме натераше воопшто да не се вратам во Плодност.

Но сепак, сите сме различни и имаме различни очекувања. Најважно е да одиш кај доктор со кој ќе почувствуваш доверба.

 

Жан митрев форсираат доење мене ми беше второ па знаев како што бебето беше цело време со мене и цицаше ад пиеше само еден ден после беше само на мајчино дури и се измолзував па му го даваа и тоа млеко ако треба пак да раѓам би одела таму без двоумење што сакате тоа ќе ви дозволат сопругот беше до последно со мене во бокс не влезе нејќеше за систима незнам немам лично искуство таму

 

Маја повозрасна жена со црвена коса и кај мене беше она и марија прекрасни и двете