Последен филм што го гледав е... И кратка рецензија

So Undercover

Спојлер

Miley Cyrus stars as Molly Moris, a private investigator who chose to leave high school to work with her dad (Mike O'Malley), a former police officer. Together their days are filled with busting cheating spouses and taking down petty thieves. However, her life unexpectedly changes when she is approached by an FBI agent (Jeremy Piven) to go undercover in the one place they're unable to infiltrate, and a world she knows nothing about...College.

Мене ми беше баш интересн и според мене Мајли е супер за оваа улога.Незнам зошто на ИМДб има толку мала оценка-3.7
Ја му давам 6,5/10

 

The pianist (2002)

Постар филм и доста познат на повеќето. Е јас бев една од ретките која гази на планетава а го нема гледано.
Броди го гледав и во Detachment, ама овде глумата му е повеќе од одлична. Што да кажам?
Глупа сум зашто сум чекала да помине толку време да го изгледам филмов.

Адријан Броди овде го гледаме во улогата на пијанистот од Варшава, кој е меѓудругото и евреин. Приказната е ептен потресна, животна приказна од Втората светска војна.

 

Имав филмски маратон овие денови јас
Првин го гледав Thе tall man - мистерија, со примеси на хорор. Обично не сум по ваков тип на филмови многу, ама овој го изгледав без да трепнам. Интересен, напнат, со одлична порака на крајот - не значи дека ако родителите пропаднале во животот на некој начин, дека и децата мора да ја имаат истата судбина. Секогаш постои излез, па макар и болен да е.
Потоа го гледав Fracture - со Ентони Хопкинс. Алал да му е на човекот! Прекрасна глума, ме воодушеви како и секогаш.
Трет на листата ми беше Silver linings playbook со Бредли Купер и Роберт де Ниро. Читав многу критики и мислења за филмов, и искрено очекував многу повеќе. Трае долго, 2 саати, ама го изгледав наеднаш.
Кој и да го погледнете од овие 3 филма, нема да погрешите

 

The Impossible



Видов две феминки напишале дека е одличен филм, го гледав трејлерот и решив да го гледам и филмот.
Одличен филм, се расплакав како никогаш до сега ( а јас никогаш досега немам плачено на филм ).
Емотивна приказна за семејството, за тоа колку е тешко да ги изгубиш оние кои ги сакаш најмногу од се, за неизмерната среќа кога ќе ги пронајдеш. Секој од нас е дете на некоја мајка, на некој татко, некои од нас имаат деца, некои од нас имаат и сопруг/сопруга и верувам дека секој од нас посакува ако треба нешто лошо да се случи на некој од семејството, да ни се случи на нас. Верувам дека болката е помала кога ти страдаш, отколку кога гледаш како твојот најблизок страда. Немам коментар за тоа колку е добар филмов, вреди да се погледне.

10/10

 

Life of Pi
Младо момче, на пат од Индија кон Америка, преживува бродолом и е принуден да живее во чамец, на отворено море, со бенгалски тигар за сопатник.
Не очекував многу од филмов, ама искрено, ова беше еден од подобрите филмови што сум ги гледала последно време. Приказната е феноменална, неообична и интересна. Плус и 3Д ефектите се одлични, има неколку шок моменти и прекрасни сцени. Крајот е уште толку повпечатлив.
Кој е во можност нека не го пропушта.

 

Awake(2007)

Прилично добро трилерче.Глумата на Џесика Алба не би да ја коментирам, али со исклучок на нејзе ми се допадна, напнато, неочекувано, стварно ме изненади.За љубителите на трилери го препорачувам, башка голем + за глумецот во главна улога

Final Destination 5(2011)

Приказната навидум истата, но ова е последниот дел.И всушност се откриваат многу работи, и конечно мислам дека го сфатив серијалот, иако уште имам милион прашања во глава.И да има доста грешки филмов.Ама како љубител на Фајнл Дестинејшн и како за последен дел, арен беше.И крајот ми беше тотално непредвидлив.

 

Silver Linings Playbook

Одличен, ниедна од осумте номинации за Оскар не е попуста. Трае 2 часа, но вреди, топло препорачувам. И Бредли Купер и Џенифер Лоренс феноменални, не знаев дека овој може и тешки и сериозни улоги, мене до филмов ми беше синоним за Хенговер и ништо повеќе, ама одличен глумец е. И Лоренс е суперталентирана, секоја емоција и се чита од фацата. Плус Роберт де Ниро игра кој ми е меѓу омилените.

 

The Heartbreak Kid (2007)
http://www.filmovizija.com/strani-film/ ... 8ea3c.html

9/10
За оние што сакаат комедии. Старо и интересно филмче.

 

What's Your Number? (2011)
http://www.imdb.com/title/tt0770703/
Добро да, крајот се подразбираше. Ама многу интересно филмче. Мене ми се допадна.
И покрај тоа што трае два саати, наеднаш го изгледав. Го препорачувам.

Спојлер

 

The desert flower
филмов мене ми е одличен и вистинска приказна за тоа како живеат жените во другите места. дека тие страдаат од нешта кој на нас ни се непознати.

 

The ugly truth (2009)

одамна му се токмев да го гледам и вчера баш ми се јави желбата за гледање лимонатка. Филмчево е симпатично а Кетрин кјут како и секогаш.
Ми се допадна

 

Dear John



Лесно филмче,лимонатка како што викам јас.Романтичен е и не ми се баш допадна.

5/10

Whats your number?



Многу интересен филм.Трае 2 часа но целосно ми го задржа вниманието.Препорачувам

8/10

 

и од мене 10

 

7 Days in Havana

7 различни сегменти, секој режиран од различен режисер, ја красат оваа неверојатна целина чиј епицентар на случувањата е Хавана.
Со прекрасни пејсажи и типична кубанска музика, ќе ја почувствувате девојката која има прекрасен глас, но тоне во сиромаштија и беда, сонува за поубав живот, за бегство, но не сака да го остави љубениот зад себе;
познатиот режисер Кустурица, кој доаѓа на филмскиот фестивал за да земе награда и да се соочи со реалноста на вакви помпезни манифестации;
типичниот американец во потрага на неговите соништа и благата загубеност во хаванската атмосфера;
последната желба на една побожна и религиозна старица; прашањето наречено хомосексуалност во менталниот склоп што го поседува Куба.
Уникатни, интересни и впечатливи приказни.
Филмот има flavour, има многу душа.
Препорачувам.

The Breakfast Club (1985)

Антологиски филм со најпозната песна од Simple Minds Don't You (forget About Me).
Темата е вечно актуелна - проблемите и маките на адолесцентите.
Кој си, што си, каков си и со кого си.
Каде одиш и што сакаш од животот?
Дејствието се случува во само еден ден, откако 5 различни карактери ќе се судрат поради лошо однесување на фамозната detention saturday.
Ликовите се неодоливи. Филмот носи вистински шмек на 80-тите, со сиот свој сјај.
И те остава да размислиш малку.
Добро ретро филмче.

Seeking a Friend for the End of the World (2012)

Стив Карел и Кеира Најтли во главните улоги.
Многумина не ја сакаат женскава, мене ми е фантастична. Слатка и природна, и прави едни од најдобрите фацијални експресии во актерскиот свет.
Што ќе се случи доколку астероид му се заканува на човештвото и имате само уште 3 недели од животот?
Филмот е комичен и тажен истовремено, брз и бавен, забавен и на моменти тупаџиски...
Микс од се` по малку, парот и немаше некоја особена хемија, ама идејата беше тука.
И е силна, и ќе ве поттикне да сторите нешто со себе, зашто времето се лизга... зашто нема да сте вечно тука.
Мене ми измами и солзи на крајот, едноставно - убаво филмче.

 

The perks of being a wallflower и The Impossible

Како ми се погодија, леле леле. Ги гледав еден по друг, река направив од солзи дома.
На првиов на крајот се расплакав, на делот

Спојлер

I know all this will be stories someday.
And our pictures will become old photographs.
And we'll all become somebody's mom or dad.
But right now, this moments are not stories.
This is happening.

а на вториот си плачев скоро цел филм. Да се разбереме, не сум плачка на филмови!
Рецензија не пишувам, имаат многу феминки поназад па да не се повторувам.
Топло ви ги препорачувам. 15/10 за двата.

 

Облакот Атлас - има и книга, но филмов прв ми падна во раце. Не се разочарав, напротив.

Фацинантен, имагинативен, преубав од сите аспекти филм. На почетокот збунува зошто има неколку приказни што паралелно развиваат сценарио, но колизијата на сите приказни на крајот зборува за квалитетот на филмот. Трилер, научна фантастика, романтизам, многу поенти и одлично направени ликови.

Цитатот кој ме остави без здив и ме допре директно во оној ќош од умот каде напразно се обидувам да не чепкам: “Our lives are not our own. We are bound to others, past and present, and by each crime and every kindness, we birth our future.”

Оцена 9 од 10, само зошто е малку долг.

Препорачувам.

 

7 Days in Havana
Си ја потрошив Петочната вечер за филм што не дава ништо ново.
"7 дена во Хавана" е компилација од седум раскази, седум различни приказни без никаква поента. Ај првите два "дена" ги преживеавме некако (цела сала), но останатите беа тотална утка. Ниту една приказна не допре до мене ниту ми ја приближи како што треба кубанската култура. Освен прекрасната музика и енергијата што ја пренесуваат со танцувањето , се друго беше испомешано без никаква поврзаност, а крајот завршува така што си велите WTF беше ова = а истовремено сте и пресреќни дека после 2ипол саати конечно заврши. Јас таков аплауз и свиркања немам слушнато на друг филм.
Искрено, НЕ препорачувам!

 

И јас го гледав овој во петокот, и имам само два збора - ТЕДИ АТКИНС

 

^ Убаво момчето, само малку ниско , ама поминува, сладок е.
Мене ми се допадна Daniel Brühl, ми текна подоцна дека го имам гледано во Inglourious Basterds, многу јака фацка е.


Инаку, тие свиркања, тие беспотребни аплаузи на средината на филмот и тие извици манијакални на крајот, не беа врзани за филмот и неговата содржина, туку на простата раја што ја опишав во последното СДК.
Вкусовите се различни, не ти се допаѓа филмот, излези си.
Која е потребата да иссвиркувам филм на платно, ова не е времето на уа шнајдери бре.
И филмот имаше содржина и поента, кој не ја сфатил искрено, па негов проблем.
А богами, од таа збирштина таму што беше во петокот на бесплатниот филм, освен на Штрумфовите, не очекувам да ја сфатат поентата на што било друго.
Mini-Mouse, ова не е директен напад врз тебе, ти барем даде некаква легитимна причина зошто не ти се допаднал.
Остатокот не верувам дека знаеја каде беа и што гледаа.

 

Искрено сакав да излезам само поради некултурата што владееше во салата,ужасно ми сметаа, а останав бидејќи сакав да видам како ќе заврши филмот. Се надевав на подобар крај. Инаку за вкусови не се расправа,таман работа.