Последен филм што го гледав е... И кратка рецензија

Twiligh:New Moon
Во главните улоги со:Kristen Stewart, Taylor Lautner и Robert Pattinson, Ashley Green, Billy Burke

Синопсис
Филмот продолжува само неколку
месеци по завршувањето на
првиот дел. Изабела Бела Свон
(Кристин Стјуарт) го слави својот
осумнаесетти роденден и станува
засекогаш “постара“ од вечно
седумнаесетгодишниот Едвард
Кален ( Роберт Патинсон). Едвард
и неговата фамилија ѝ
приредуваат роденденска забава.
Отварајќи го подарокот, Бела се
исекува од хартијата, заради што
Џаспер Кален, најновиот
“вегетаријански“ вампир во
семејството, ја напаѓа. Како би ја
заштитил, Едвард ја поздравува и
ѝ кажува дека веќе никогаш нема
да го види и заедно со својата
фамилија го напушта засекогаш
мрачниот Форкс, уништувајќи ги
претходно сите докази дека
постоеле. Бела паѓа во тешка
депресија која трае следните
неколку месеци. Чарли Свон,
гледајќи дека неговата ќерка
пати, се обидува да ја натера
Бела да се дружи со своите
врсници. Бела претпоставува
дека Чарли не сака таа да се
мота бесцелно по куќата па
смислува план како да изгледа
нормално нејзиниот татко повеќе
да не ја малтретира.
Во следните месеци, Бела сфаќа
дека опасните работи, како на
пример возењето на мотор, ѝ
овозможуваат да го слушне гласот
на Едвард во главата и да гледа
негови халуцинации. Нејзе ја теши
и сè поголемото пријателство со
Џејкоб Блек, кој ѝ ја намалува
болката од загубата на Едвард.
Бела открива дека Џејкоб е
врколак. Тој и неговите пријатели
врколаци ја штитаат Бела од
вампирите Лорент и Викторија,
која бара одмазда за смртта на
својот партнер, Џејмс, кој беше
убиен во Самрак
Поради погрешни информации,
Едвард мисли дека Бела е мртва.
Потиштен од тагата, тој оди во
Италија, кај Волтурите, древен
клан на вампири, кои се способни
да го убијат. За да ги испровоцира
тоа да го направат, тој сака да се
прикаже на сонце пред луѓето, и
да го открие постоењето на
вампирите. Алис и Бела
дознаваат за неговата намера, и
пристигнуваат во Италија точно на
време да го спречат. Пред
заминувањето, Волтурите му
велат на Едвард дека човечкото
суштество кое е свесно дека
постојат вампири мора да умре
или да стане вампир. Кога се
враќаат во Форкс, Едвард ѝ
кажува на Бела дека само сакал
да ја заштити. Таа му простува, а
Каленови гласаат за Бела да се
претвори во вампир. Откако
одлучуваат Бела да стане вампир,
Едвард ѝ дава избор дека може да
го замоли Карлајл да ја претвори
после матурирањето (за пет
години) или лично Едвард да ја
претвори во вампир под услов да
се венча за него.

 

Machete

Јас обратно, пред некој ден го гледав вториот дел, а сега првиот.
За разлика од вториот кој беше направен со цел да биде комичен и пародија на самиот себе, овој беше за нијанса посериозен и акцијата беше пореална, а не ко на зае*анција. Ма да има и овде некои смешни сцени и дијалози...
Ми се допадна, затоа што е мој тип на филм, да не се повторувам од пред некој ден, истото важи и овде...

 

.

 

Gravity


Ах... филмската академија и нејзините непромислени номинации.
Не ми е јасно зошто филмов има дури десет номинации за оскар. Јас единствено би го ставила во категоријата за најдобри визуелни ефекти, затоа што ништо друго од филмот не вреди.
Прво, за ваков филм се очекува дека ќе трае подолго од некоја просечна лимонатка. Второ, имаат многу пропусти во однос на настаните - не е само седни и прави филм за вселената. Имав впечаток дека додека го правеле, воопшто не се информирале за тоа како функционира универзумот. Јас од една енциклопедија со име „Вселена“ научив многу повеќе работи, па цело време ми никнуваа прашалници врз глава додека го гледав... Трето, глумата беше неочекувано млака за актери како Џорџ Клуни и Сандра Булок. Воопшто не почувствував тензија, ниту напнатост, само нервоза од офкањето на Сандра. Жена сама во вселена... пих!

Не го препорачувам.

 

The Collector (2009)

WOW!! Толку добар филм (од Хорор/Крими) oдамна немам гледано Сличен е на Пила (Saw) во однос на грозните сцени и стапиците, ама приказната е сосема поинаква.. На почеток ми беше досаден и се чудев зошто го споредуваат со Пила, ама колку повеќе гледав, толку повеќе ми се допаѓаше... Крајот посебно Накратко-

Многу добро смислен филм, до крај бев возбудена и без здив.. Ако го сакавте Пила, неможи а да не го сакате и овој (од писатели на Saw IV,V,VI е).. Иако на почеток само го споредував со Пила, и си мислев дека е нула спрема него, мнооогу ми се смени мислењето.. Ако сакате ваков тип на филмови, мора да го гледате, супер е !!

10/10
и веднаш преминувам на вториот дел, The Collection, неможам да чекам

 

The Collection (2012)

Одлично!! :up: Многу ми се допадна, можеби малку помалку од првиот дел, ама тоа е веројатно затоа што го гледав филмот со прекини - за да гледам X фактор Сепак супер беше и овој дел, не ме разочара.. И пак како првиот дел, на почеток беше малку досаден и скоро ништо не се случуваше, ама крајот беше совршен Се надевам ќе има и трет дел..

9/10

 

The wolf of Wall Street


Искрено филмов е далеку од оскар, не сум ги гледала другите номинирани, ама ако овој е најфаворит, се плашам другите да ги гледам.
Не е лош, имаше доста забавни и смешни моменти, ама да те остави воодушевен искрено не. Дури не ни вредеше да се гледа во кино, можев дома 3 саати да одремам, барем пауза за вц ќе имав.
Скорцезе, можеш ти многу боље.
Башка и предолг беше, немаше ништо посебно филмов толку неопходно да се прикаже за да трае 3 часа.
Во 2 можеле убаво да го склепаат, имаше доста непотребни сцени и дијалози.
Најмомент за паметење, моменотот со пенкалото и како го продаде Бред, така се праи бизнис, мене тоа ми остана како најдобар момент.
Лео е добар, феноменален, се гледа дека остарел и го нема стариот шарм, но талентот стои.
Дали треба да земе оскар за филмов, не знам, дека заслужува заслужува да има еден дома, ама дали треба за филмов, не знам баш.
Јас не би му дала ни 7ца, не заради претерано голите сцени, туку заради неуникатноста во главната тематика и безпотребното влечкање.
Филм кој не останува повеќе од 5 минути на ум откако ќе го изгледаш, за мене не заслужува посебно внимание, па оскар никако.

 

Blue Is The Warmest Color


Контраверзен филм, љубов, разочарувања, избор на начин на живот, различност.
Во свет на оговарања, Адел е поразлична и нејзиниот живот се менува кога ја запознава Ема, млада девојка со сина коса, во која се заљубува. Прекрасна длабока љубовна приказна. Филмов има прекрасни критики. 8.1 imdb

Спојлер

The film is a great love story that made all of us feel privileged to be a fly on the wall, to see this story of deep love and deep heartbreak evolve from the beginning. The director did not put any constraints on the narrative and we were absolutely spellbound by the amazing performances of the two actresses, and especially the way the director observed his characters and just let the characters breathe. - Steven Spielberg

Не сакам да ви откривам многу за филмот, бидејќи како што знаеме има многу луѓе со предрасуди, па филмот ни ја открива и другата страна
Моја оцена 9.

 

Sister Act

Мислам дека нема кој не го знае филмов оти порано го даваа и на нашиве телевизии, на а1 беше чинам.
Како и да е одамна го немав гледано, па си го начекав на ЕјџБиО и си го изгледав. Баш убаво шо си се потсетив на филмчево, типична комедија со Вупи во главната улога. Си ја сакам Вупи, сакам да ја гледам, премногу ми е интересна. Се пресмеав на некои сцени, посебно на таа во казиното ко се бркаја со калуѓерките
Одлично филмче, па ако имам време би сакала да се потсетам и на вториот дел.
Препорачувам, одличен филм посебно за вакво нерасположено време
7/10

 

Прочитав доста мислења овде дека не е ништо посебно филмов, а и самата никако неможев да се решам да почнам да го гледам дека некако многу долго трае... ама дефинитивно вреди да се изгледа, навистина убав филм

Спојлер

само мислам дека многу повеќе би одговарал некој друг актер да биде во главна улога, а Rachel е како и секогаш прекрасна

 

The wolf of Wall Street :up:
Ух, многу долг бе...Не сум претерано воодушевена, ама вреди да се гледа. Интересен, во секој случај!

 

Her, 2013


Брилијантно сведен филм. Се работи за еден интровертен лик кој не може да распознае и прифати емоција бивајќи како хомосапиенс во една идна, визионерски претставена ера. Светот веќе е свртен кон индивидуалецот, а тој е свртен кон системот. Врските се скусени и човекот повеќе не е сам, ја има својата виртуелна лага. Времето во кое живее е на прагот на алиенација со живиот свет и контакт, и тој се заљубува во оперативниот систем, кој секако не е живо битие. И тука почнуваат сите размислувања и разочарувања.

Одлично, 10ка.

 

Captain Phillips


Филм направен според вистински настани доживеани во 2009та година, кога американски брод е заробен од сомалиски пирати. Капетанот Ричард Филис е земен во заложништво, а пиратите бараат 10 милиони долари откуп.

Откако го изгледав, прогуглав малку и читав статии за сомалиските пирати со кои не можат да се справат ниту најголемите сили на светов. Не размислуваат, не се предаваат, не им е грижа ако загинат. Филмов е доказ дека на земјава се уште има луѓе кои се поголеми дивјаци од животните.

 

DEA агент,се преселува со својата ќерка во помирно гратче,каде подоцна ќе го снајде проблем со дрогираши..

Спојлер

DEA агентот Broker се преселува во посмирено гратче,каде подоцна ќе има проблем со дрогираши..Ќерка му,тргнува на школо во друго училиште,па ќе се степа со едно дете,потоа доаѓа мајката на детето и прави проблеми,со што ќе се јави на нејзиниот брат,за да го убие или да го исплаши Broker..и да не раскажувам повеќе,понатаму е поинтеересното,се случуваат повеќе работи..

Го препорачувам 9/10.

 

The wolf of wall street

Се изнервирав шо се крена прашина до небото за филмот насекаде околу мене а јас каснев со гледање на филмовите номинирани за оскари заради колоквиумската недела, и денес завршив конечно, па се мавнав на гледање и коментирање нормално.
Рецензија не пишам, има пишано повеќе пати во темава.
Филмот мене ми беше океј, дури ни соодветен збор не можам да најдам. Вака, значи таа прашината што сите ја кренаа за филмот според мене е толку непотребна шо откако го изгледав се насмеав.
Како прво, е предолг, како второ има премногу досадни сцени со досадни дијалози, како трето Лео имал толку многу подобри филмови, море море прејаки, кои јас не би ги ни доближила до овој, и сега тој за тие не зема оскар, па за овој да навивиам нема шанса.
Криво ми е шо до сега нема земано, ама не сум за тоа да овој филм земе оскар, не заслужува.
Глумата беше добра, со неколку моменти на кои се пресмеав, но неколку пати стискав пауза и се досадував. Приказната е добра, ама како шо кажа Хипстер, да ја скоцкале во 2 сата максимум, би било каде каде подобро. А и тие сексовите во канцелариите, во лифотивте, пред сите, ми беа одвратни, претерале во некои работи.
Врвот во филмот ми беше кога дебелиот партнер на Лео се изнервира и се караше со еден вработен, па се качи на бирото и му ја изеде рипката, леле ќе умрев од смеење.
Про-сек! Лео сори.


За разлика па, Captain Phillips кој исто е номиниран за оскар, ми беше прејак, воодушевувачки, напнат и на место за трка по оскарот.

Глумата на Капитенот беше чиста 10ка, на крај солзи на очите ми дојдија кога грејниот плачеше и врескаше, кога едноставно се скрши, надежта го напушти и покрај целата помош. И на самиот крај кога од шок не можеше да збори, толку реално и добро доловено, се наежив сто пати во филмот.
Целото дејство, од почеток до крај ме држеше заинтересирана и љубопитна, на моменти врескав од нервоза за какви животни од луѓе постојат, дивјаци и просјаци со кои не можеш да излезеш на крај, со кои нема разбирање, кај кои нема ни процент човечност ни разум.
Јас стискам палци и се надевам дека филмот ќе освое оскар за најдобар филм, сосема заслужено ќе биде и јас ќе бидам задоволна и мирна.

 

Се работи за правата на жените во северните земји, кои работат во рудник а се малтретирани од страна на мажите, психички и сексуално. Главниот лик е мајка на две деца, кои имаат различни родители, мажот ја тепа и таа се враќа кај родителите, но не е во добри односи со родителите...и понатаму се случуваат други работи,нема да откривам..Драма,напишана според вистинска приказна,емотивна..
Го препорачувам 10/10

 

The Spectacular Now
Одамна немав гледано тинејџерски филм,освежување се..

Спојлер

Главниот лик е еден себичен,самоцентриран идиот,кој гледа на животот како заебанција,пие нон стоп и воопшто не е смешен и интересен,иако се труди да биде.А пак девојката што се заљуби во него,демек интелигентна,ама врска немаше.Толкава наивност,он го бришеше подот со неа,си го тераше само кејфот,цело време ја посакуваше онаа плавата,а она трча по него ко будала и покрај се.Филмчево на некој начин е доста реално,кога ќе ми текне дека многу работи денес се баш така,бледи чувства испомешани со многу алкохол,со нарушени фамилијарни односи,момци кои сакаат да изгледаат како фраери и девојки кои патат по нив.

5/10

 

Frozen

Најновиот од Дизни и баш ме бендиса. Интересна приказна со убав приказ на Скандинавските земји (мени у срце ). Мерачки се изнасмеав повеќепати. Само песничките не ни беа некако catchy, на Дизни ги владеам песните ама последниве неколку филма малку послаби им се.

 

За време на распустот изгледав многу филмови,но најмногу ми се допадна lol(2012).
Денес повторно го гледав,што е реткост кај мене некој филм да го гледам повеќе од еднаш.Преубав тинејџерски филм(дејството е во средно школо),главно со љубовна тематика,но и други елементи,од се по нешто.
Забавен,за опуштање и без здодевни делови кои би ги прескокнале. За глумата немам никаква замерка,многу убави актери.
Моја оценка 10/10.




п.с. Аватарот ми е од филмов.

 

Lovestruck: The Musical

Нов филм, излегол во Април 2013.
Филмот немаше ни една досадна сцена онака баш непредвидлив до крај
Апсолутно ми се бендиса, без коментар сум, какви само кореографии има и песни
Нема да ви откривам шо се работи.
Ќе си погледнете сами, филмот за опуштање е баш океј

10/10