Последен филм што го гледав е... И кратка рецензија

The book thief - одличен филм, ептен добар. Секогаш уживам кога гледам филмови со оваа тематика, па и сега не се разочарав. Многу добра приказна, одлична глума, и вистински начин на кој е претставено германското општество за време на 2 светска војна. Го препорачувам на сите кои не го гледале се уште.

 

По препорака од Карина8 и јас го изгледав филмот The deep end of the ocean и одличен е,многу убав филм
http://www.imdb.com/title/tt0120646/

 

ауууу како сум можела да го пропуштам овој филм прекрасен

 

Со врзување на илјадници балони во неговиот дом,78 годишниот Карл ги поставува за да го исполни својот животен сон да ги види дивините на Јужна Америка.Понатака нема да раскажувам што се случува..
Многу добро анимирано филмче.. а и емотивно.. 10/10

 

Letters to Juliet (2010)
http://www.imdb.com/title/tt0892318/
Kaко што очекував, ми се допадна филмчето ептен, баш е по моја мерка, онака романтично и релаксирачко. А и тоа што дејството се одвива во Италија, секако е плус за мене.

Спојлер

Горде тенкју уште еднаш на препораката

 

The Rum Diary




Го гледав само поради Амбер... И не знам, не ми остави впечаток, си потврдив на себе дека не сакам драми. Многу спор за мој вкус, долг, без некој пресврт...
Издржав до крај поради глумата на Џони, а и дека имаше некои комични сцени некаде до половина филм, кои навидум ветуваа интересен сплет на настани, но после од пола до крај ко да фалеше нешто, едноставно стана досадно, отиде во надолна линија се'...
Досаден, со еден збор.

 

About Time



Ми се допадна филмов, убава романтична драма, иако сметам дека траеше малку подолго. Како и да е ми се допадна изборот на актерите, Рејчел и Бил Најти одлични актери. Убав филм

 

The Bridges of Madison County
10/10

Филмов е еден од најдобрите љубовни филмови што некогаш сум ги гледала. Стар филм и уште се чудам кај сум спиела досега да не го знам... Ретко плачам на филмови, ама за овој ми требаше палома, ќе признаам. Неверојатна глума на Мерил Стрип, фасцинанта е во оваа улога. Преубав филм, кој не го погледнал, а е љубител на убави љубовни филмови каде реалноста е прикажана баш каква што е, сурова и немилосрдна, нека си го погледне.

Базиран на роман од Роберт Џејмс Волер, филмот ја раскажува приказната за Роберт (Иствуд), фотограф кој работи за National Geographic и неочекувано ќе ја запознае и ќе има афера со Франческа (Стрип), која всушност ќе прерасне во многу повеќе од тоа. Многу тажни сцени, одлична глума, интересни животни дилеми разработени во филмот.

И да This kind of certainty comes but just once in a lifetime.



Една од најдобрите и најтажни сцени воедно...

 

Little miss sunshine(2006)

Едно дисфункционално семејство се обединува со идеја да стигнат на натпревар за мис ,,Little miss sunshine'', во кој учествува најмалиот член на семејството.Убаво изградени ликови, секој со своја приказна, и пријатно ме изненади филмов.Убава драма, на моменти се смеев, на моменти и заплакав.Има висока оценка на имдб 7.9, a и ја заслужува

 

Journey 2 The mysterious island

Многу интересен филм,не зажалив затоа што го гледав,добри глумци,аватуури,по нешто комично..
оценка:10/10
Краток опис

Спојлер

Еден млад дечко кој живее со мајка му и очувот,добива писмо од неговиот дедо кој наоводно живее на некој таинстевен остров,за кој сите велат дека не постои,но момчето ќе отиде таму со својот очув и уште една девојка(и со нејзиниот татко)прво ќе изгледа сето тоа како напуштено,не убаво,но на другата страна е се преубаво,фантазија,интересно е што во тој дел (убавиот) малите животни стануваат големи,додека големите стануваат мали.

Топло го препорачувам овој филм кој сака некоја убава авантура,комедија,акција....

 

The Hunger Games: Catching Fire

Многу повеќе очекував од филмот,некако не ми го задржа вниманието цело време.Добро е што конечно ја започнаа револуцијата,тоа ми беше светла точка во филмот.Се надевам дека со третиот дел ќе се разреши се.

 

The Spectacular Now.


Ми се гледаше некој филм чисто онака за да се опуштам, па гледам дека сестра ми го симнала и решив да го гледам. Прво ми привлече внимание што глуми девојката од The fault in our stars, и морам да признаам дека позитивно ме изненади девојчето и во двата филма.
Овој филм не е некоја комедија, повеќе ми е драма, нема нешто поучно ниту спектакуларно во него, едноставно ако сакате да си одморите мозок од секојдневни глупости и обврски погледнете го. Го задржува вниманието, и актерите пак ќе ги пофалам, ми се допаѓа што не се некои типични американски лигавци.

7/10.

 

Се извинувам за оффтопик дали има торент за The fault in our stars?

 

^^^
Нема излезено уште филмот во пост продукција е. Премиерата е закажана за 6ти Јуни оваа година

 

Дечки јас изгледа сум помешала нешто.
Пред некој ден гледав еден филм на ТВ и се си мислам дека со ова девојчево беше и сега кога го изгледав овој бев сигурна дека е она и прогуглав малце по Википедија и не заприметив добро ама си мислев тој филм е пошто овој на ТВ веќе беше почнат па не знаев како се вика. Ама еве сега гледам дека не е тој. Се извинувам, моја грешка.

 

From Time to Time

Ауф колку добар филм. Предобар.
Дефинитивно ме освои. Чуден е, настаните ми беа чудни на почетокот, неповрзани, но како што го гледате филмот така се повеќе добива смисла. Браво за идејата и за нејзината одлична реализација. Филм од Британска продукција со Британски актери. Меги Смит, ја обожавам, премногу ми се допаѓа како појава, како глумица, како се. Браво и за младите актери кои беа дел од кастингот, се изненадив.
За приказната нема да раскажувам само ќе кажам дека дејството се случува паралелно во сегашноста и минатото, но дали е тоа анвистина така? Погледнете сами.
Крајот иако мислев дека ќе заврши како што очекував, не заврши така, ме изненади.
Топло ви го препорачувам на сите изгледајте го, сигурна сум дека ќе ви се допадни.
9/10

 

Gravity (2013) голема оценка има,но воопшто не ме воодушеви,од мене 5/10 очекував повеќе

http://www.imdb.com/title/tt1454468/

 

Can't Buy Me Love (1987)
Прекрасен филм, започнува како еден гиг ќе проба да и плати пари на најпопуларната девојка од школото да излегува со него цел месец. Девојката ќе прифати бидејќи ќе биде во тесно со пари. Типот од зиро ќе стане популарен ама... да не откривам се, интересен филм со добра поента. Инаку филмот е со Patrick Dempsey во неговите тинејџерски денови, згоден nerd

Спојлер

мажот на Меридит од Вовед во анатомија

Убав лесен филм. Фан сум на филмови од времето на старите епизоди Беверли Хилс. Па кој сака да гледа нешто слично од тоа време, слободно нека го симне филмов. Оцена: 7.5 Препорачувам

 

Stuck in Love(2012)

Инди филм, за уште едно семејство соочено со развод, и секој со свое гледиште околу тоа каква е љубовта.Не е типично романтично филмче пред се.Ми се допадна актерската екипа, особено Logan Lerman и Lily Collins, и голем плус за спомнувањето на Stephen King во филмов. И да, плачев доста, бидејќи филмов е доста реален и ме здоболе до коска.Топла препорака имате од мене, 10/10

 

Parker & Homefront

Jason Statham полека но сигурно станува вториот Брус Вилис.
Не дошол уште до тоа дереџе 17 пати да го спасува светот, ама може еден ден и таков филм ќе сними.
Што се однесува до двата филма кои последни ги изгледав - приказните се не толку интересни, а Џејсон оди на тактика сам против сите. Има многу акција, ама на моменти ме нервираше тоа што имаше толку неизводливи потези, што дури смешно ми падна. Знам, филм е, ама мене ми беше претерано.