Последен филм што го гледав е... И кратка рецензија

И од мене големо фала. Прекрасно потрошени 2 часа

 

Искрено, јас во почетокот бев скептична во врска со Антони. Но, во првите десетина минути. Почетна трема. Инаку, го изгледав само првиот дел и до таму, се согласувам со Мама Миа.
Ако имам можност пак ќе го гледам. Го препорачувам на сите љубители на хорор.

 

Wild Child(го имав гледано но одлучив пак да го гледам)

Интересен филм тинејџерски,можеби некој од форумџиките го гледале и го знаат Сега не го објаснувам оти ако објаснам ништо нема да разберете не објаснувам убаво

 

http://www.youtube.com/watch?v=wRcVgJjnFLo
Интересно филм4е 7.5\10

 

Her
Се работи за оперативен систем дизајниран да ги задоволи сите негови потреби.
Ми се допадна! 7.5/10

 

The Moth Diares


Интересно филмче, ми се допадна иако не сум љубител на ваквите филмови.7/10 од мене/



Зар може филм од Дизни да не е убав? Би го гледала по сто пати , многу интересен, со дејствие и добра глума. 10/10

 

The Book Thief (2013)


Кога ќе кажам дека дејствието се одвива во периодот на втората светска војна, мислам дека ви станува јасно за каков филм станува збор

9/10

БТВ.Темава е најкорисна од цел форум,мајке ми.

 

The walk of shame

Мене ми се допадна ама не е ништо посебно, лесна комедија, како за губење време добар е.
Го препорачувам

Оцена 7/10

Имав скоро реферат за филмов ама Mishela веќе ви кажала се, се согласувам со секој нејзин збор.
Најтопло ви го препорачувам

Оцена 100000/10

 

Maleficent (2014)

Одлична приказна ,поразлична од онаа што ја знаеме.Евектите се одлични гледани во 3D.Глумата ан Анџелина е на ниво,само изборот на кралот не ми се допадна,се губеше во целата приказна.Препорачувам
9/10

 

Stop! Or My Mom Will Shoot

Актери: Sylvester Stallone, Estelle Getty, JoBeth Williams .

Џон е детектив(С.С) неговата мајка доаѓа во посета и забавата може да почне.
Ви препорачувам да го гледате.
Филмов е жива комедија,ме насмеа до солзи.
Исто има моменти на романтика,но повеќето се комични.

10/10

 

Before Sunrise



Јас како вечен заљубеник во ваквите романтики, повторно се поклонувам и пред овој
срам да ми е што не сум го гледала порано..
Едноставно ме освои динамиката и спонтаноста на која ликовите ја преточија оваа толку необична приказна, и сега верувам дека таму некаде навистина постои сродна душа која ќе ја најдеш кога најмалце ќе очекуваш, и дека судбината навистина еден ден ќе ве спои.
Сега на ред ми е 2 дел, се надевам дека ќе има убав крај.. ако не, ќе се разочарам навистина
Не ни осетив колку брзо ми летна времето гледајќи го, на крајот си се расплачив секако..
Актерите повеќе од прекрасни, Џеси е баш тип на маж каков би сакала да сретнам и да имам покрај себе.
Ме освоија и двата, во текот на целите нивни дијалози имав насмевка од едното до другото уво, не знам ама се ми изгледаше толку природно и реално.. што е реткост кај другите љубовни драми.

Од мене оценка 10/10.. сосема заслужено.

 

Thelma & Louise


Ми се гледаше некој постар филм и некако налетав на овај. Ептен интересно филмче. Не ни осетив кога помина времето. Можеби е малку постаро, но ми се допадна. Интересна приказна, интересни моменти, некои од нив смешни.
Се работи за Телма(Gena Davis) и Луис(Susan Saradon) кои се две најдобри пријателки. Решаваат да заминат на викенд на планина. По склоп на околности тие извршуваат убиство и стануваат бегалци и бандити. Ми се допадна како беше склопена приказната, иако малку предвидлива, сепак како што кажав интересна за гледање. Телма ми беше пресмешна, посебно кога ограбуваше. Глумата беше одлична.
Сигурно повеќето го имате гледано, ако го немате изгледајте го, интересен е и нема ни да го сетите времето.
За малку ќе заборавев, Бред Пит многу ме нервираше во филмов, посебно со тој смотаниот акцент. Само телото му вредеше
Препорачувам.
8/10

 

Casablanca (1942)
Тешко ми е да се натерам да гледам црно-бел филм,ама никогаш не останувам разочарана.Не знам како не сум го гледала порано,ама филмот е одличен.Начинот на кој глумат,интересниот начин на кој зборуваат,сцените,изгледа навистина привлечно и автентично.Хамфри Богарт е човек со неверојатен шарм,најдобар актер на своето време,според мене.Хемијата помеѓу него и Ингрид Бергман е совршена,ретко толку добро се сложуваат холивудски глумци.
Она што најмногу ми се допадна е што иако филмот е центриран околу романсата,заврши реално како што треба,како инспирација дека во такви воени моменти,прво се бориш за другите и за она што веруваш,а ја оставаш себичноста зад себе.
И единствена мана на филмов е што трае само 90 минути 10/10.

 

The Big Wedding

Темата на филмот ви е објаснета со самиот наслов.Барав комедија а најдов едно големо ништо.Дури Де Ниро,овде е едно големо ништо.Дијалози за деца,смисла за хумор никаква.
2/10

 

Најдобро потрошени 2 часа.
Толку.

 

The House of the Spirits

Седумдесетти години на минатиот век.Естебан се враќа во својата куќа,за спокојно да умре.Сеќавањето на неговата сопруга ,пренесено преку зборовите на неговата ќерка,даваат слика за неговиот живот од обичен рудар до сенатор.Важна улога има и неговата сопруга која има способност за телепатија и предвидување на настаните,како и неговата сестра која има одредени чувства спрема Клара.Прикажано е едно бурно време,запечатено со појавата на фашизмот во Чиле.
Одлична актерска екипа,одличен филм.
8/10

 

Харолд и Кумар со Џон Чо и Кал Пен

Spoiler

Како порано не сум го гледала? Може насловот ми бил трапав, затоа сум го избегнувала.
Не можам да се сетам на момент во филмов кога престанав да се смеам. Ме заболе стомак, ми потекоа солзи, а на крај ми доаѓаше да си појдам до Седмица и да си кркнам еден хамбургер
Харолд и Кумар се двајца цимери љубители на марихуанче кои ќе се заберат во сто часот по хамбургери и цела ноќ ќе ја поминат дур стигнат таму. Во меѓувреме... Гледајте го. Секој детаљ плус што ќе ви го кажам ќе ви одземе по едно смеење

Опседнувач (2013)

Spoiler

Времетраење: 97 минути.
Хорорче/мистерија со предобра глума, дури се изненадив.
Го гледав денски и се штрекнав многупати; неќам да знам што ќе се случуваше да го гледав ноќе.
Тинејџерка упорно се обидува да си го спаси семејството од куќата во која се заглавени за век и векови, ситуација за која тоа семејство не е свесно. Ако фатам подетално да објаснам што и како, ќе треба да раскажам дел од заплетот, а тоа не го сакам.

За љубители на хорор-духови-бу! приказни (како што сум јас) го препорачувам.

The Bucket List со Џек Николсон и Морган Фримен

Spoiler

Двајца старци болни од рак ја напуштаат терапијата за да си ги остварат неостварените желби пред да го напуштат овој свет.

Болен хумор, црн. Ама па пусто не можеш да не се насмееш Особено на Џек Николсон фацката кога ќе му ја видиш
Алал да им е на двајцата, предобар филм

 

Bad Teacher - Лоша Наставничка
Се работи за наставничка која пие алкохол,пуши марихуана и за време на часовите им пушта филмови на децата , а та спие. Во почетокот на филмот таа сака да си ги зголеми градите но нема доволно пари.Таа се обидува да собере пари за операцијата и со тоа започнува напорно да работи итн....Филмот е интересен вреди да го гледате .Се работи за комедија.
Оцена 10/10