Последен филм што го гледав е... И кратка рецензија

X-Men: Days of Future Past

Да бидам искрена очекував повеќе од филмов. Првата половина ми беше многу досадна. Во втората половина малку се подобри, имаше повеќе акција, за да ме освои со крајот. Крајот ми беше одличен, предобар. Но сепак, ми фалеше и таа прва половина од филмов иако и само со крајот ме воодушеви.
Можеле да вметнат повеќе акција и слично. Имаше некои непотребни елементи и сцени како на пример новите моќи на Кити и слично. Мајкл ми е фраериште.
Ако сте фан на филмови со суперхерои и ако сте запознаени со претходните делови од филмот, ќе се согласите со мене.
Од мене има една солидна 6ка и тоа бидејќи се извлече со крајот.

 

Nights in Rodanthe (200



Филм според истоимената книга од Николас Спаркс, со Ричард Гир и Дајан Лејн во главните улоги. Приказна типична за него... Драма, романтика со тажен крај. Посебно ми се допадна последната сцена, а и куќарката на плажата беше преубава. Од мене има оцена 7/10, поради крајот кој потајно се надевав дека нема да е типичен Спарксов.

 

Excision

Филмов... чуден концепт и немам гледано нешто слично.
Има спор и до некаде глуп почеток, во комбинација со некои навистина претерани сцени - како на пример соништата од девојката, кои имаа за цел да и ја доловат психата, но како што минуваше времето приказната добиваше некоја тежина, за на крај да добие ептен потресен крај.
И иако е доста тежок, болен филм и ја заморува психата, сепак е солиден - нешто што не мислев дека ќе го кажам првите 15 минути додека го гледав.

Leprechaun: Origins

Интересен хорор, добар за пополнување време или за гледање во друштво.

Crazy Eights

Ужасно досаден.

Hollow

Уште еден од оние found-footage филмови. Има доста интересен крај, но не толку интересен за да надомести за целиот филм, кој е прилично просечен, да не речам досаден.

 

The number 23 Џим Кери работи како шинтер и неговиот живот се менува кога го каснува едно куче и неговата сопруга му препорачува да прочита една книга, која се вика бројот 23. Џим почнува многу да се пронаоѓа со главниот лик во книгата и чувствува како неговиот живот да е опишан во истата. Но некоја чудна приказна се крие зад секоја 23 страна, зад секој број 23. Интересен психолошки филм, меѓутоа во споредба со други што сум гледала овај помалце ме воодушеви, мислам Николас Кејџ да глумеше повеќе ќе ме воодушевеше.

 

Love Loves Coincidences

Конечно Фала Луничка за препораката и извини што те измалтретирав
Инаку филмот е прекрасен.До сега сите турски филмови што сум ги гледала не ме изневериле,затоа и сакав да го гледам и овој.Интересно е што филмот како да нема одреден жанр,почува како комедија а има и драма и солзи и насмевки.Сепак крајот го краси делото но овој крај воопшто не беше очекуван.Пресврт за 180 степени.Го препорачувам на сите.Бај д веј,мислам дека турските филмови повеќе ќе те трогнат и расплачат отколку останатите.Барем јас мислам така

 

LUCY.. едвај чекав да излези и го гледав пренајак го препорачувам дефинитивно,само нема уште излезено уба снимка ако сте нестрпливи ко мене немат да ви пречит 10\10

 

Her

Осамен писател се впушта во чудна врска со оперативен систем кој е дизајниран да ги задоволи сите негови потреби.

Интересен филм, убава поента, само малку развлечен како за мој вкус.
Во секој случај го препорачувам

 

Salt (2010)

Одличен е филмов. Си знае Енџи со овие жанрови, преталентирана е. Мене ми се допадна многу. Многу исплеткани настани и за момент неразјаснети работи за на крај се' да добие една смисла. Сакам филмови со добра приказна и филмови каде на моменти не знаеш дали добриот е навистина добар или лош.

Содржината на кратко. Вечната борба меѓу Америка и Русија. Агент на ЦИА кој можеби е, а можеби и не е шпион од спротивната страна.

Крајот многу добро кажува дека треба да чекаме втор дел. Одвај чекам да го гледам и тој.

Го препорачувам на сите кои сакаат добра акција. Од мене има 8/10.

 

Neighbors


7/10
на почетокот беше интересен , после малку беше досаден и знаеш што ќе се случи .. и на крајот беше смешен
.. завршив со комедии , оваа недела се враќам назад на хорор ..

 

The Fault in our stars ♥
Девојка со проблеми со дишењето,, во здружение на болни од рак се запознава со момче вез една нога, се вљубуваат еден во друг, стапуваат во контакт со писателот на омилената книга од девојката, и одат во амстердам да се запознаат со него.. Во Амстердам, момчето и кажува на девојката дека бил полн со тумори во неговото тело, се враќаат во своите домови, а по неколку терапии момчето умира.. - Тоа е тоа во кратки црти..
Неколку пати со ред го изгледав филмов, и само господ знае колку марамчиња потрошив.. Мора да го погледнете...

Okay?
Okay.
...♥

 

Grease



Го начекав на ТВ и се израдував како да сум добила на лото. Верувам дека на повеќето од вас сигурно ви е гледан, ако некој случајно го пропуштил нека го гледа најбргу што може затоа што овој филм предизвикува страшно позитивни чувства, помешани со носталгија за некое поминато време.
Во принцип не сум голем фан на мјузикли, но Брилијантин е класика на кој не можам да му најдам ни една мана. Гледан ми е што се вели стапати, а би го гледала уште толку.
10/10

 

https://www.youtube.com/watch?v=-rlFr2lu0IY

Instructions not included

Филмот е прекрасен вреди да издвоите време. Откако го изгледав реков конечно нешто добро. Филмот е на шпански збогатен со многу забавни моменти комедија/драма. Станува збор за еден човек кој го расне своето девојче и бескрајно се забавуват цело време. Крајот посебно ми остави впечаток, да не ги откривам деталите погледнете го.

 

Marie Antoinette



И покрај тоа што филмот е приказна за една доста интересна историска личност за мене, истиот е едно комплетно промашување. Од рок музика за периодот во кој што таа живеела до дијалозите, кастингот...
Костимографијата е единственото нешто што е добро во филмот иако мене некако не ми се слични со сликите од Марија Антоанета во реалноста каква што била .

 

Blow

Spoiler

Џони Деп глуми дилер на дрога и во филмот се гледа како парите што ќе ги заработува во животот ќе му влијаат на среќата. Кога ќе банкротира жена му не е среќна, сака да го остави итн. Со неа има ќерка која ја разочарува зошто и ветува дека ќе одат во Калифорнија заедно но тој завршува во затвор. Мене не ми се допадна многу, а Пенелопе Круз не можам да ја смислам некако одвратна ми е.

A million ways to die in the West

Spoiler

Ефтина комедија... ако немате што да правите гледајте го и смејте се на најглупавите работи. Главна тема во филмот е еден овчар да се смири со бившата која раскинува со него и си наоѓа нов дечко со мустаќи. Тој дечко запознава една девојка, која го учи да пука со пиштол, па се заљубува во неа и на крајот сфаќа дека не сака да биде со бившата.

Модератор: Користете спојлер кога откривате делови од содржината, посебно крајот.

 

Winter's tale
Филмот има приказна како бајка во која се раскажува за една голема љубов.

 

The Shining

Откако ја прочитав книгата, се наканив да го изгледам и филмот.
Некои работи беа сменети, многу делови од приказната ми фалеа, ама факт е дека книга oд 500 и кусур страни, тешко е да се смести во филм.
Дечко ми е љубител на хорор филмови, него не му остави некој голем впечаток. А јас со пола око го гледав и девојчињава од памет ме вадеа

Spoiler

Џек Николсон е просто неверојатен, одлично ја одигра улогата! Очигледно му лежат вакви ликови

 

The other woman 7/10



Жената открива дека муж и има љубовница, се здружуваат против него, ја откриваат и 3тата, и сите три прават пакт како да му се одмаздат.
Лајт филмче, да се истепа време е сасвим ок, и комбинациите на Камерон се Л И Г А В Е Њ Е! Значи ПРЕЈАКИ КОМБИНАЦИИ ЧОВЕЧЕ

 

The basketball diaries

Spoiler

Леонардо Ди Каприо го глуми Џим, средношколец чија што цел е да игра во НБА, но неогвите идеи и замисли за иднината се рушат заради посегнување по дрога. Многу поучен филм кој би го препорачала на сите кои не се доволно свесни за тоа какви последици може да има користењето на наркотични средства.

J.Edgar

Spoiler

Едгар Хувер ( Леонардо ди Каприо) се навраќа на моментите во младоста кога работел за Влада на Америка и ја штител државата од комунистите, анархистите итн. Тој го вработува Клајд, кој му е десна рака и животен сопатник. Едгар е важен за разоткривање на многу случаи во кои е вмешан ФБИ, како киднапирање на бебето на Линдберг, ограбување на банка итн. Дали навистина Хувер служел толку верно и дали бил заслужен за сите случаи кои биле разоткриени ? Гледајте и дознајте

 

Love Is In The Air (2013)
француски: "Amour & turbulences"

Синоќа го изгледав филчево буквално во еден здив. Глумците ми беа ептен симпатични, поточно кажано глумецот (Nicolas Bedos)

Antoine e aдвокат кој живее во Њујорк. На враќање во Франција, во авион седнува до неговата поранешна девојка Julie и за време на 7 - часовниот лет се навраќаат на моментите од нивната врска.

9/10

 

Maleficent
Интересна приказна, римејк на заспаната убавица. Многу добра глума на Џоли.