Последен филм што го гледав е... И кратка рецензија

The Lazarus Effect

Самиот наслов кажува за што ќе биде филмот. Жанровски е хорор, би додала со некои примеси на научна фантастика, затоа што - зошто да не, дел од теориите не се невозможни.

Значи, имате лабораторија и имате научници кои синтетизираат серум со кој би можеле да оживеат мртов човек. Станува напнато кога ќе решат да го тестираат на животно. После тоа, почнуваат да се случуваат чудни работи. Бидејќи сето ова не е доволно, за време на вториот експеримент успева да се случи трагедија, која ќе води до се' полошо и полошо одвивање на настаните. Како што може да се очекува, филмов нема happy ending, but they lived happily ever after (тој што ќе го гледа, ќе разбере што зборувам).

Се радувам кога ќе видам дека се снимил филм во неколку простории, а излегол успешен; тоа е умешност. Што да очекувате од филмов? Епа се појавува мало дете, животно, кукли, оперска музика... Веќе знаете, нели? Цело време колку што трае филмов (а трае само час и 20 минути, што е супер, зашто нема време за беспотребни сцени) бев наежена, кожата почна да ме боли. Не обожавам хорори, зашто немам нерви да ги гледам сите тие грозни, напнати и непредвидливи сцени. За среќа, филмов не е баш крвав, а од друга страна, повеќе го гледав од аспект на научни експерименти.

Ќе ви се допадне ако ја сакате глумата на Оливија Вајлд или ако сакате хорори или филмови во кои се прикажуваат научни експерименти.



IMDB оцена: 5.2 (според мене е потценет филмот)
Како за хорор јас би му дала 8 (главно затоа што не обожавам хорори)

Препорачувам!

 

Рецензија на „Збогум на 20-от век„ видена со очите на американски гледач. Има интересни моменти забележано, но не му е најдобра бидејќи некои работи не ги разбрал поради непознавање на македонската култура и јазик.

 

И мене ми е последно гледан The Lazarus Effect, ама имам сосема спротивно мислење од погоре.

Воглавно, тоа е - Лазарус ефект е медицинска состојба каде на мртвите им се случува да оживеат часови, па и денови откако докторите ќе прекинат со реанимација.
Во филмов, тоа оживување се прави преку вбризгување серум во слепоочница, но, секако, работите тргаат кон лошо и сите се во трка со времето и со лошите демончичи.

Седнавме со другаркава со очекување дека бар Оливија, па и Еван од Американ Хорор Стори, прифатиле учество во посолиден проект.
Јок.
Supernatural серијана очигледно имала преголемо влијание во филмов, ама тоа е направено ко многу лоша спојка у стил демонот се вкрстува со Хјуман Торч од Фантастик Фор и Џин Греј од Екс Мен, и ондаК око мене лете сви. Такоџе се наоѓа и по некој сличен кадар и приказна со Dream House со Крег Даниел, а сетингот неодоливо потсетува на еден филм каде девојкава беше као новинарка и со помош на едно чиче, отиде во Ареа 51 (или такво некое топ сикрет место) каде откри нешто налик зомбиќи...не ми текнува ни насловот од што беше глуп. A тоа како серумот ги развива капацитетите (оти уште поглупо би било логиката да им е серумот да содржи/буди демони) кај човека, е чиста копија од Lucy. И тоа е. Лошо колку и описов. Хаотично нафрлани инспирации од повеќе места, ама без некаква целина.

- Evaaaa. Behind yooooou.
Оди мори на светло, па да те зашамарам.
Нелогично мешање наука со натприродно, кое пак е последица од потиснати психолошки трауми.
Од мене 4, само поради симпатичните глумци и трудот.

 

The Boy Next Door (2015)

Уште еден глупав филм со Џенифер Лопез. Секогаш кога ќе изгледам филм со неа се зарекувам никогаш повеќе, не знам кој ѓавол ме тераше да го пуштам. Не ја бива за актерка бе, не ја бива!
На imbd рејтингот му е 4,5 јас би му дала 2, колку за трудот.

 

^^ Во тоа е и убавината на рецензииве. За ист филм да се слушнат различни мислења од луѓе кои преферираат различен жанр на филмови. Од набројаните, јас, освен X-Men (кои ми се едни од омилените филмови, и да, Оливија ја направиле како Џин Греј ), другиве не сум ги гледала (не гледам хорори), така што филмот ми дојде интересен (и покрај клише моментите кои сум ги сретнала кај тие што сум ги гледала). Нормално е дека фан на хорори (или некој кој нормално ги гледа, како и сите останати филмови) да има поинакво мислење.

Он-топик:

The Man From Earth (2007)

Филм од жанрот научна фантастика. Приказната е за човек кој е универзитетски професор и решава да го напушти своето работно место, па колегите му прават goodbye party. Кога ќе ја открие причината за неговото заминување (не баш по негова волја), колегите не знаат дали да му веруваат или не, но со секоја негова наредна изјава ги прави се' пољубопитни и позбунети.

Ми се допаѓа што иако филмот е снимен на едно место (во куќата на главниот лик) и наликува на драма, во ниту еден момент не е досаден затоа што цело време произлегуваат нови прашања и одговори на прашањата, едноставно, филмот е со интересна идеја која не' води низ историјата на човештвото преку доживувањата на главниот лик. Ќе ги видите реакциите на луѓе од различни области на науката и како размислува религиозна личност која ќе се најде меѓу нив. Филмот трае помалку од час и половина и според мене е сосем доволно за ваков тип на филмови.



IMDB оцена: 8
Моја оцена - 9.

Интересен начин на размислување.
Препорачувам!

 

Kingsman: The Secret Service (2014)
http://www.imdb.com/title/tt2802144/


За прв пат после долго време да гледам солиден а лабав филм. Го ставам дефинитивно во категорија филмови кои не ги сфаќам озбилно, ама солидно ме насмеа и расположи.
Имаше прамногу фикција моменти, невозможни и филмско-холивудски сцени ама и покрај тоа една солидна комеди-акција. Имаше асално лупање, трескање, сечење, пукање, дури и огномети(кој гледал знае колку моментот на огномети беше најјака сцена во филмов).
Второ актерска екипа. Јас сум ОГРОМЕН фан на Колин Флирт така да како и секогаш секоја улога ја носи најдостоинствено и со стил. И малиот иаку ми беше напознат беше навистина преодличен за улогава. Немам замерка за глума баш си беа достојни на филмов, сепак не се работи за ништо комплексно и длабоко психолошки, туку комедична акција која глумциве ја изнеасоа ептен профи.
И да, да, да не го заборавиме Самуел Л Џексон. Мислам каков крал не ми се верува. Одамна немам гледано филм со него и ме потсети дека често знам да заборавам добри глумци.
Aкцијата е и повеќе од задоволителна, хуморот на високо ниво, дијалозите на моменти брилијантни.
Да не ја раскажувам содржината на филмов, сликава се ќе ви каже...


Моја голема препорака да го гледате со голема кофа на пуканки и ладно пиво во рака во друштво јер е навистина филм кој сите групно ќе ве изнасмее.
На имдб има оцена 8, јас дури би му дала 8мица со ѕвездичка, накај 9ка.
Се надевам дека ќе има и втор дел, ја дефинитивно би одела и во кино да го гледам.

Спојлер: Причина плус зашто го гледав и ми се допадна филмов ;)

 

Fracture (2007)

Филм кој жанровски припаѓа на крими-драма, со психолошки примеси. Трае помалку од 2 часа. Во главни улоги се извонредниот Anthony Hopkins и Ryan Gosling, а се појавува и Rosamund Pike. Сума сумарум: Ентони Хопкинс е повторно во улога на негативец, кој по професија е инженер. Високо интелегентен човек, ладнокрвен и пресметлив до најмал детал. Открива дека жена му го изневерува и дознава со кого, ја застрелува и ја чека полицијата. Како дел од полицискиот тим, доаѓа љубовникот на жена му без да знае каде оди и кога ќе ја види, почнуваат да се замрсуваат работите на големо. Полицаецот е скршен од загубата, а Рајан се појавува во улога на адвокат кој не знае да губи и тие нивни слабости ги искористува Хопкинс играјќи тешка психолошка игра со двајцава. Крајот беше доста непредвидлив, што особено ми се допадна.
Филмот е многу интересен, а особено ќе им се допадне на оние кои сакаат да гледаат „интелегентни прекупукувања“. Да ја знаеш вистината, а да бидеш немоќен пред законот, додека виновникот те гледа в лице и се подбива со тебе. Исто така, ако сте го гледале Silence Of The Lambs, ќе ви се допадне глумата на Ентони Хопкинс, кој е роден да биде антагонист. Ќе го бендисаат и оние кои го гледале Primal Fear, бидеќи е од истиот режисер и има по некои допирни точки. Рајан Гослинг не го сакам како лик, бидејќи во некои други филмови ми оставил впечаток на човек кој не го бива за глума, но во филмов позитивно ме изненади.



IMDB оцена: 7.2
Моја оцена: 9

Препорачувам!

 

http://www.imdb.com/title/tt0407887/?ref_=nm_flmg_act_11 Ептен добар,што во последно време ретко се случува,затоа почнав стари филмови да барам.2008 мислам беше овој,единствено крајот не ме бендиса.

 

Pitch Perfect 2
http://www.imdb.com/title/tt2848292/

Долго очекуваниот за мене.
Не знам зашто ама првиот ми е ептен фејворит лајт филм од денешницата и баш сакав да видам што напраиле со двојката. Нормално дека е полош од првиот, како и скоро секој сиквел на филм и малку ме разочара.
Имам големи замерки за содржината, во одност премалку внимание обрнато на љубовните случки поише пеење и глупирање. Што е океј од една страна ама не кога Џеси ти е омилен лик од филмот. Маргинализиран до крај со најлоши реплики, Ана Кендрик како со сила да на ја натерале да игра во филмот, глумата очајна, репликите исто така, одвај чекав да ја тргнат од кадар.
Бампер среќа го вратија и без разлика на некој клише моменти беше одличен.
Клои се претвори во Обри, и таа ја вратија барем на кратко, а беше убедливо најлош лик во претходниот дел. Синтија Роус, Лили и Стејси премалку ги имаше за џал, вметнале некоја нова најлоша и тотално непотрбна мексиканка па и најновата Емили легаси беше за мене сосема непотребна да и се дава тооолку големо значење.
Дури и мешапс не ми беа тоа тоа што беа во претходниот пат, имаше неколку забалежителни, ама многу послаби него старите. Премногу внимание обрнале на германската група(која иронија беше сите актери беа скоро со данско потекло ама нмв) отколку на белас и на траблмејкрс.
Врекинг бол бе, џинијас

Спојлер

Би и дала еднао пролазно 6+ пред се заради слава, инаку претходниот беше 3 класи подобар.

 

Ex Machina (2015)

Прилично добар Sci-Fi филм со непознати глумци, кој и покрај тоа позитивно ме изненади. Трае околу час и половина. Се работи за Кејлеб кој е 26-годишен талентиран програмер во голема интернет компанија, кој наводно добива награда да помине една седмица со својот работодавач Нејтан на приватен имот. Кога ќе пристигне, добива „непристоен предлог“ да потпише договор со кој нема да дава информации околу неговиот престој, а за возврат ќе има можност да тестира вештачка интелегенција на робот. Во меѓувреме се случуваат чудни и недообјаснети работи. На крај ќе видите што ќе се случи.

Во последно време ми тргна со научно-фантастичниве филмови, а божем не го обожавав баш жанрот. Филмов ми се виде интересен и реков - зошто да не го изгледам. Можам да кажам дека не згрешив и не ми беше залудно потрошено време. Во повеќе наврати ќе ве натера да се замислите и да помислите каков би бил нашиот (со)живот со роботи, бидејќи тие се една од неизбежните работи кога ја замислувам иднината. И за тие кои се повеќе по научната фантастика - дали и какви ограничувања ќе треба да се воведат за да може еден ден да коегзистираат луѓето и роботите, без опасноста вториве да не' истребат. Колку на тоа мислел оној кој пред повеќе од 60-70 години ги измислил законите на роботиката...



IMDB оцена: 7.9
Моја оцена: 8.5

 

Whiplash


Гледан ми беше за време на оскар фивер ама очигледно не сум му обрнала воопшто внимание зашто ми беше просчен па го прегледав пак.
Не можев да заспијам од вознемиреност синоќа, значи прекрасен филм.
Сниман е според краток-филм со иста содржина дури и ЈК Симнос ја има играно истата улога ми се чини.
Свесна сум дека филмов не е everyone cup of tea, ама мој е дефинитивно.
Не сум музичар иако сум љубител на џез но филмот не го перцепирав стрикно како музички филм, туку филм за како да станеш некој и нешто и она баш да успееш во тоа што го правиш.
Дијалозите се феноменални, сцената на вечерата беше можеби еден од најсветлите моменти и музичкит дел за мене неприкосномен.
За ЈК Симонс нема што да се зборува, најзалужен оскар во последниве 5 години наназад. Бријантен глумец секогаш. Мило ми е конечно да го видам во улога која му е достојна.
И малиот Милес ме изенанди, Научена фа го гледам во дебилни филмови про-хумористични си помилив па можеле и полатентирано муле да најдат ама се излажав. Имал талент малиот, свака му част ме дирна неговата изведба.
од мене има 9/10 само заради тоа што сум прееешкрта на 10ки и заради тоа што ми се виде навистина малку долг, што мислам дека можеле малку поинаку да извледат некои сцени, посебно сцената со сообраќајката, сепак за мене беше малку ту мач. Само тоа за друго немам заебелешка, само воодушевување.

Спојлер: Цитати

 

Copenhagen

Приказна за млад американец кој се обидува да си ги пронајде своите корени во Данска.При тоа му помага младата Ифи,во која тој за жал се вљубува.За жал затоа што е малолетна.
Филмов убаво почна и баш си помислив дека ќе биде mwa филмче...не ги исполни очекувањата.Секој момент очекуваш да се случи нешто...да те протресе ама не,си ја држи таа некоја рамна линија која мене лично ми пречеше.
6/10

 

Untraceable ( 2008 )

Филмов е крими-трилер со времетраење од околу 1 час и 40 минути. Се работи за FBI агентка која почнува да следи сериски убиец кој убиствата ги пренесува во живо преку интернет. Како почнува да убива, кој му е мотивот, кој се' ќе биде негова жртва и зошто - ќе видите кога ќе го изгледате филмот.

Ми се допадна филмов затоа што цело време нешто се случува. Сакам кога гледам филм цело време да има настани, но тие настани да бидат издржани, на место и да ми го држат вниманието. Она што малку не ми се допадна беа тие класични американски клише-моменти: сега ќе си праќаме пораки со знаци, сега ќе бидеме многу наивни, па ќе чекаме да паднат многу жртви за да се сетиме да истражиме малку подлабоко... Инаку, цело време згрчено гледав да видам дали некој ќе успее да се спаси и што ќе биде следно.



IMDB оцена: 6.2
Од мене има 7.5, а ќе имаше многу поголема да не се случеше толку брзо и нагло крајот.

Во секој случај, вреди да се погледне.

Препорачувам!

 

^Хмммм, многу сакам да го гледам филмов, ама не ја обожавам Блејк Лајвли, па затоа уште се двоумам. Ќе си дадам уште малку време да се одлучам, ама мислам дека на крај ќе се убедам, па ќе пишам рецензија, ако го доживеам поинаку. Вака делува доста интересно.

Mr.Brooks (2007)

Обожавам психолошки трилери. Мислам дека ми се омилен жанр на филмови. Цело време возбуда, па дали ќе го фатат убиецот, па кој ќе биде негова следна жртва, па што ќе биде, како ќе биде...

Филмов е со времетраење од помалку од 2 часа. По мој вкус малку бавен (ама само малку), но од друга страна интересен и на моменти непредвидлив. Во главна улога е Kevin Costner, а се појавуваат и Demi Moore, како и убавата Marg Helgenberger. Costner позитивно ме изненади во улогава. Прво, бидејќи беше негативец, а второ, бидејќи ми е некако крут како актер во други филмови што сум ги гледала со него.
Mr. Brooks е богат бизнисмен кој има жена и ќерка кои многу ги сака, но од друга страна е зависник од убивање. По извесен период на апстиненција, доаѓа момент кога повторно му се јавува нагонот за убивање и не успева да го заузда. Бидејќи сето тоа не излегува така совршено како претходно, од овој момент почнуваат да се заплеткуваат конците и да му се комплицира животот. Една сцена пред крајот на филмот ме остави со подотворена уста, ама добро, сепак крајот беше поинаков.



IMDB оцена: 7.4
Моја оцена: 8.5

Препорачувам!

 

The Loft (2014)

Одличен трилер!
Иако re-make на истоимениот белгиски филм "Loft", филмов е создаден од истиот режисер, Erik Van Looy, што значи дека ни еден детал не е испуштен.

Тајни, афери, скриени погледи...

Филм што но ниеден случај нема да ве остави рамнодушни.
Не знам зошто, но мене страшно ме потсети на Keyser Söze и The Usual Suspects.

IMDb : 6.3
Моја оцена: 9

 

И мене се допадна The Age of Adaline (2015) јaс па не ја поднесувам баш Блејк ама тука релативно ми се допадна. Јас сакам филмови каде има наратор како во филмов, некако ми ги прави магични, бајковите. Реално содржината е таква, малку бајковита и нереална, но нејсе има убави сцени, многу убава фотографија и лесна приказна.
Далеку дека е филм над филмовите ама е симпатичен, многу љубов на едно место.
7/10

Alexander and the Terrible, Horrible, No Good, Very Bad Day (2014)
Филмот е комедија, дизни комедија, ама сепак ги надмина моите очекување.
Ако сте љубител Стив Карел филмот е за вас.
Нешто доста сличен како неговиот стар филм Date night, само сега е уште покомплициран.
Се работи дефитинитвно за предетски филм, ништо ново и невидено до сега, ама сепак е солиден за опуштање.
Александар чиј ден кренува прилично лошо на прагот на неговиот роденден замислува желба барем еднаш некој од неговото семејство да искуси лош ден бидејќи тие не веруваат дека постои такво нешто како лош ден. И така се им тргнува наопаку. Најсладок момент беше бебето кое пола филм ќе ги помине со зелана уста бидејќи грицкаше перманентен маркер


Солидно филмче за релаксација 6.5/10

 

Аfterwards



Пред некое време барав на интернет дали има филм што е направен според некоја од книгите на Гијом Мисо и го најдов само овој.
Филмов е направен според книгата "А потоа", така да тие што ја читале можат да замислат колку е добар.

Е сега, малце е тежок и те тера да го пратиш цело време за да го сфатиш... ама филмот е предобар според мене.
Права драма, мистерија и трилер.
Нема да кажувам ништо повеќе, топло го препорачувам на оние што сакаат добар заплет и одлична приказна, направен е скрос како книгата па мене тоа ми помогна за да го сфатам поубаво пошто ја имам прочитано.

 

Шест другарки се собираат на кровот од зградата, по цел ден се сончаат и прават планови како да одат во Куба.
Да не ја следев Луизана на фејсбук, веројатно немаше ни да дознаам за филмов. Превод не успеав да најдам, па добро ми дојде да се потсетам на шпанскиот
Во суштина, цел филм е девојки на кров што уста не затвараат Прават муабет за сè и сешто - дечковци, психологија, вонземјани, порно филмови... И главната тема - како да соберат пари за да одат на одмор во Куба.
Патем, сигурно ќе ви стане жешко додека го гледате филмов