Последен филм што го гледав е... И кратка рецензија

Infini

Sci-Fi, трилер и хорор според imbd, според мене немаше Х од хорор. Напнат филм, со одличен избор на глумци.

Спојлер: Кратка содржина

An elite 'search and rescue' team transport onto an off-world mining-facility to rescue Whit Carmichael, the lone survivor of a biological outbreak.

6/10

 

Следен на листата за гледање!
Сакав уште пред некое време да го гледам ама го подзаборавив изгледа, фала што ме потсети.

 

The man from U.N.C.L.E
Супер акционен филм во кој двајца партнери мора да работат заедно и да спречат нечиј талент да биде искористен во креирање на нуклерна бомба. За сите женски, ви гарантирам нема да зажалите ако одвоите скоро два часа и да го гледате филмот. Нема сцена што не ми се допадна

 

Great expectations (2012)



Се одлучив да ја гледам оваа верзија која е најнова ако не се лажам поради тоа што играат многу од моите поомилени актери (да напоменам 1/3 од кланот на Хари Потер ).
Базиран на романот со исто име од Чарлс Дикенс, искрено се срамам што до сега појма немав за овој филм/роман.
Прекрасна приказна која остава без здив, се работи за момчето Пип кое доаѓа од сиромашно ковачко семејство и како по игра на судбината мистериозна личност се залага тој да отпатува во Лондон и да стане господин вмешувајќи се во високите класи.
Одлични пресврти, љубов, тага..
Не сакам да откривам повеќе само од се срце топло го препорачувам на секого да го изгледа..
Морам да признаам дека сценографијата е повеќе од воодушевувачка, уживам во филмови кои имаат ваква морничава и мистериозна позадина, дефинитивно ја доловува бруталната слика на Англија.
Актерската екипа маестрална:
Ралф Фајнс - не постои улога која не му стои..
Хелена Бонхам Картер - екцентрична како и секогаш, кога ќе го прочитам нејзиното име во каст знам дека тоа не може да биде лош филм.
Џереми Ирвин - официјално мојата нова љубов
За малку ќе го заборавев и Оли Александер иначе фронтемнот на Years&Years, се изненадив многу бидејќи го немав гледано во ниту еден филм до сега и можам да кажам дека премногу ми се допадна неговата глума, дефинитивно ќе погледнам и други негови филмови.

Според мене имдб крајно го потцени филмов, јас би му дала 10/10.

 

te molam kazi mi kade moze da najdam prevod za filmot baram na titlovi naopensubtitle na podnapisi nema,dali znaes nekoj drug sajt za simnuvanje prevod ...

 

Во последно време изгледав повеќе филмови од кои ниту еден не е баш за рецензија. Не е дека се лоши за гледање, ама нема нешто премногу фасцинантно во нив. Ќе ги ставам како наслови, а вие можете да ѕирнете некој ако ви фати око. Повелете:

The Exam - психолошки
Pressure - психолошка драма
Momentum - одлична акција
Spooks - Greater Good - акција
The Experiment - психолошки, повеќе можете да прочитате во темата Феминско Филмско Фоаје (ФФФ)
Loft - психолошки трилер, повеќе во ФФФ
The Gift - психолошки трилер
Hitman: Agent 47 - одлична акција


Како и да е, тука сум да го рецензирам следниов филм:

Ant-Man (2015)

Една од многуте филмувани стрип-приказни на Марвел, во кои се разработуваат случки на стрип-јунакот Ant-man. Трае околу 2 часа, а во главни улоги се: Paul Rudd, Michael Douglas, Evangeline Lilly, Corey Stoll. Скот е инженер, но и крадец кој ќе му го привлече вниманието на човекот кој ја открил pym-честичката и кој поседува технологија за смалување на големината и комуникација со мравки. Повторно целта ќе биде да се спаси светот од паѓање на таа технологија во погрешни раце.

Можам слободно да кажам дека ова ми е омилен филм на Марвел. Некако, со другиве ептен го затапеа, досадни се, долги се, не се многу интересни. Што би се рекло, Ant-man е вистинско освежување. Забавен, интересен, со многу акција, со интересни зафрканции, интересни тепачки кои се крајно смешни. Нормално, се обидувале да внесат некое научно објаснување, ама не треба да се сфати сериозно и да пречи, бидејќи сепак е само филм според стрип. Сите беа одлични во своите улоги, Пол Рад баш ми беше за улогава бидејќи е познат по комедиите, Мајкл Даглас конечно да одмори од сериозни филмови, Еванџелин Лили - како и секогаш беше во улога на tough girl, а на Кори Стол се' повеќе почнуваат да му даваат улоги на негативец, изгледа поради „фризот“ и фацата. Ефектите беа одлични, акцијата - кул и навистина го препорачувам на оние кои се љубители на филмувани стрипови.


IMDB оцена: 7.6
Од мене има 8.5

Кој ќе го гледа - нема да се покае. (веројатно )

 

Mientras duermes


Не ми е сега скоро гледан поодамна, ама гледам дека неколку феминки го постирале па да пишам и јас збор два за него.
Не сум гледала нешто слично, психо филм, психо маж, психо љубов!

Затоа ќе му дадам една солидна 8ца, вреди да се погледен фин и нешто невообичаено.

 

jas bez prevod go gledav ama ako ti e simnat pusti go preku BS player tamu sam si bara prevod valda ke izleze nesto

 

Морган Фримен, Марк Рафало, Вуди Харелсон и многу други. За мене нема утка со филмов.

 

The pianist
После филмот еден час плачев како да ме тепал некој.
Станува збор за еден пијанист, кој се труди да ја преживее Втората Светска Војна. Прекрасен филм со премногу емоции и извонредна глума. Колку треба да си психички јак за да преживееш толкава трагедија. Огромно браво

 

Само гледам филмови, а немам време да напишам рецензија тука и после заборавам што сум гледала. Ајде да пишам сега дур не сум го заборавила и овој.

The Cube (1997)

Мистерија/трилер во времетраење од околу час ипол. Актерска екипа - анонимна. Се работи за 7 луѓе кои не се познаваат меѓусебно, а се наоѓаат затворени во џиновска коцка, која се состои од коцкасти простории. На секоја страна од просторијата во облик на коцка има по еден излез до следната, но... некои од нив се стапици. Нормално, на крајот само еден останува жив.

Иако актериве воопшто не беа познати, глумата беше задоволителна. На музиката не обрнав многу внимание, а ефектите кои ги имаше беа супер како за 1997-ма година, со исклучоци, нормално. Приказната беше нешто помеѓу Fermat's Room и Saw, со тоа што е многу помалку крвав и одвратен филмов. Повеќе се посветени на психолошкиот момент. Интересно беше што ликот кој си игра mind games со луѓево, не се појавува воопшто во филмов и не дознаваме кој е. Во секој случај, интересен филм, дури можам да кажам и по малку непредвидлив, особено на крајот.

Го препорачувам!


IMDB оцена: 7.3, што воопшто не е лошо, а од мене има 8.5.

 

Hitman
Добар филм, за програмираните агенти убијци, но веќе видена приказна. Глумецот ми е омилен го обожавам.

 

@Elissa mia, гледај го оригиналниот Hitman со Тимоти Олифант. И тој не е лош.

Secret Window (2004)

Описот вели дека е мистерија/трилер, но јас би го сместила во жанровите психолошка драма и трилер. Во главни улоги Johnny Depp, Maria Bello, John Turturro. Трае околу час ипол. Се работи за писател кој е разведен и живее во својата викендица во една убава вукој*бина каде работи на својата нова книга само навечер. Навидум. Но на крај излегува нешто сосема друго, нормално.

Екипата беше добра. На Џони му стојат вакви улоги. Додуша, тој во сите свои филмови некако исто глуми, ама барем си ги погодува улогите. Исчупана фризура, очила, добро познатата фацка која не оддава премногу емоции, комотна костимографија... Тоа е Џони Деп. Девојката или жена, сеедно, не ми беше позната, но ОК ми беше во својата улога. Мистериозниот Џон Шутер ми е глумец кој сум го гледала по различни филмови, така што добро му стои улога на негативец. Музиката не ми остави посебен впечаток, но беше соодветна на филмот. Местово каде што се одвиваше најголемиот дел од дејството беше рајско планинско местенце, а викендицата - сон. Дрвена, со убава библиотека, во cozy-стил. Приказната беше интересна. Додуша многу одамна сум го гледала филмов на ТВ, така што знаев што ќе биде пресвртот, ми останал во сеќавање, но, сепак интересен филм. Го карактеризирам како драма, поради бавното дејство. Како и да е, ќе ве доведе во грч во повеќе наврати. Крајот беше некако избрзан, но сепак не е за потценување.

Препорачувам, зошто да не!


IMDB оцена: 6.6
Од мене има 7.

 

Let Us Prey



Почнува доста мрачно и мистериозно, споро и без некоја насока, со малце измешани сцени и подоцна се испреплетуваат натприродни религиски елементи и неочекувани крвави брутални психопатски сцени, спој кој навидум нема смисла, но се беше склопено одлично, глума предобра, солиден расплет/крај, музика, се... 10/10.

 

Наминав да спомнам за два филма:

No Escape (2015)

Акција и трилер во кој главните улоги ги имаат Owen Wilson, Lake Bell, Pierce Brosnan, со времетраење од еден час и 40-ина минути. Станува збор за американско семејство кое се сели во азиска земја поради работата на таткото. Меѓутоа, нема да помине ниту еден ден пред да почнат да се случуваат неволјите.

Овен Вилсон и Лејк Бел не ми се помеѓу омилените глумци во мојов живот, со тоа што Овен знае да се најде во, по некој, добар филм. Овој е еден од тие. Актерскава екипа генерално ми беше ОК, со тоа што Пирс Броснан, како и секогаш, глуми bad ass и, како и секогаш, му стои. Приказната беше лудило, во позитивна смисла, иако на интернет наидов негативни критики дека филмот бил ксенофобичен. Ама бре луѓе, сфатете дека тоа се Американци и дека тие се плашат од се' што не е американско и секогаш имаат по некој смртен непријател: Јапонци, Кинези, Руси, терористи од Блискиот Исток, вонземјани... Зошто овој пат би било поинаку? Јас ги имам прифатено Американциве како такви и не барам маани од ваков тип, поради што ми е олеснето гледањето на филмови. Како и да е, да се навратам и уште еднаш да кажам дека приказната беше лудница, со континуирана турбо акција која не те остава ни да трепнеш, а не па да направиш пауза или да ти биде досадно. Филмов тече настан за настан и тоа кој од кој побрутален.

Задолжително го препорачувам!


IMDB оцена: 6.8
Од мене има висока 8!


Visions (2015)

Филмов е окарактеризиран како хорор/трилер, но јас би го сместила во жанр мистерија/натприродно/трилер. Освен Jim Parsons и Eva Longoria, кои се појавуваат на кратко, нема некои посебно познати глумци. Филмот трае околу час и половина, а се работи за млад брачен пар, кој по закрепнувањето на жената и нејзиното забременување се селат во виноград кој го купува мажот и почнуваат да се случуваат необјасниви работи.

Глумциве ми беа малку антипатични, женската беше лигава, а мажов беше без емоции. И остатокот од глумциве не беа нешто спектакуларно. Музиката беше напната, како што доликуваше за приказната, а приказната беше интересна. Интересно беше тоа како е осмислен филмов, да се преплетуваат минатото и сегашноста и како на крај се' се разјаснува. Крајот дефинитивно ми беше позитивно изненадување, иако како се ближеше, така можев да го претпоставам. Многу ми пречеа само некои стереотипни фрази, ставови и ситуации. Може да се гледа, досаден не е во никој случај, но не е ни нешто невидено.


IMDB оцена: 5.2, мислам дека тоа е престрого
Од мене има 6.5

 

The Hunt (2012) или "Jagten"
Imdb: 8.3/10, моја оценка 9/10

Дански филм, драма, со Mads Mikkelsen во главна улога.
Дејствието се случува во едно мирно село во Данска, каде Маds е учител во градинка, разведен е и во лоши односи со неговиот син. Тој е почитуван член во тамошната заедница, се додека една негова ученичка, не го обвини за сексуален напад.
Интересна тематика, која отвара интересни прашања.
Сценариото е навистина интересно, изборот на глумците ми се допадна, нивната глума исто така.
Го препорачувам.

 

The transporter 1,2 i 3
Арно викате дека Jason е згоден. Богами презгоден е.
Кој ги гледал знае,да не должам.

 

Spectre (2015)
Imdb: 7,2/ 10
Моја оценка: 8/ 10

Најновиот James Bond, со Daniel Craig во главна улога. Како и што се очекува од 007, многу акција, најнова технологија, лоши и добри момци, а и девојки, јаки коли, воглавно ништо ново што би ме изненадило. Единствено забележав дека е подолг од останатите, трае цели 2 часа и 30 минути, но мене не ми беше премногу.
Иако знам дека има преувеличување, обожавам вакви бам- бум филмови. И овој, а и Скајфол (кој сега ми текна беше преведен како "Небопад") ги гледав во Синеплекс, ви препорачувам да ги гледате во кино, на сосема друг начин го доживувате филмот, големо платно, музика, пуканки и така.

Прочитав некаде, а и јас ќе кажам дека Даниел ми е омилен Бонд, ептен му лежи улогата. Одма после него е Пирс Броснан.
Моника Белучи е најубавата и најсекси актерка која ја имам видено во филмовите до сега. Вдовица, бијдеќи маж и бил сомнителен лик, таа е во опасност, секако Бонд се наоѓа да помогне. А кој не би?
Lea Seydoux е ептен симпатична и слатка. Во една сцена, кога беа во пустина, и таа и Даниел беа одлично облечени.

 

Furious Seven (2015)
Не сум многу по акциони филмови,ама ми се допадна.Според мене имаше некои нереални сцени што воопшто не ги сакам,али се на се беше ок.Би го препорачала.
IMBD 7,3
Моја оценка 8

 

We're your friends (2015)

Нема нешто посебно,онака лабав филм,одмарање со филмот и така.Оценка 6/10