Последен филм што го гледав е... И кратка рецензија

@only44you еве линк http://www.onlinebioskop.co/load/strani_filmovi/drama/tres_metros_sobre_el_cielo_2010/62-1-0-3235 na srpski e ama e mnogu ubav se iznaplakav pozz uzivaj *

 

Nerve (2016)

Интересно релаксирачко филмче. Некако пребрзо се случуваше се, ама доста е поучен за денешниот виртуелен социјален живот и главните глумци беа многу специфичен пар. Dave Franco e бомбонче

Се работи за онлајн игра зад која стојат тајни организатори , се пријавуваат учесници и гледачи , гледачите им даваат предизвици на учесниците и ако предизвиците се исполнат учесниците добиваат пари.
Вреди да се гледа.

Оценка 9/10

 

Ти благодарам за препораката, прекрасно филмче.....
Знаеш.....Велат дека машко ЕДНАШ сака вистински , баш вака како во филмов, како Аче (Уго)....

П.С - Навистина ли има продолжение филмов ?

 

Да да и вториот дел е прекрасен.

 

Кај може да се гледа вториов дел ?

 

@only44you
http://www.onlinebioskop.co/load/strani_filmovi/drama/tengo_ganas_de_ti_2012/62-1-0-658

 

Вториот беше интересен ама првиот дел ми беше многу, многу убав изглдеај го па пиши позз

 

Ne mi dava da go gledam na linkov.... Zosto ?

 

Don't breathe (2016)
Тројца млади деликвенти решаваат да одат во куќата на еден старец кој е слеп и живее во осамено маало со цел да го опљачкаат. Тие мислат дека ова ќе им биде најлесниот плен но наскоро ќе се уверат оти не е така. Многу добро филмче.

 

Nerve (2016)


Филмов го прикажува општествово во кое живееме и до каде може да не однесе технологијава која крајно бесмислено се употребува.
Ме потсети на онлајн игричкиве што почнаа да излегуваат, пример оваа со Покемон.
Од почеток ти изгледа интересна и примамлива, но никој не знае какви всушност намери се кријат.
Интересен е, по малку тинејџерски ама добра порака носи.

Сите глупости што се прават за лајкови, за гледаност или внимание ја уништуваат вистинската слика за некогои се губи она вистинското што резултира на извештаченост.

 

Дами и господа незнам дали овде да прашам. Ми треба едно филмче романтично нешто прва љубов и слично. За едно другарче што го знам па да му препорачам

 

Bad moms(2016)

Прво очекував некоја урнебесна комедија, ама од тоа ништо.
Повеќе наликува на тинејџерско филмче.
Еми е мајка со премногу обврски, се е на нејзиниот грб. Во меѓувреме и се разведува.
Наоѓа две другарки , на исти маки како нејзините па почнува да се одвива дејството.

6/10

 

The good neighbour 2016

Одмаздата не секогаш има сладок вкус.
7/10

 

Не ми се верува дека до сега не сум го гледала филмов.
Одлични глумци, интересна приказна и неочекуван крај што ќе ве збуни и зачуди. Филм за ривалството помеѓу двајца магионичари и нивната жртва за да стасаат до врвот.
10/10 !

 

И јас овај го гледаав последно човеку без врска ми е тоталноо, катастрофа.. ахахахах ама па смешен ее фантастика е иначе тој ме е умрен, туку е суперхерој инвалид

 

INSIDE MAN (2006)

Трилер во кој се работи за совршен грабеж на банка и ментална брканица меѓу ограбувачот, детективот и сопственикот на банката кој држи нешто скапоцено во својот сеф.
Интересно филмче со интересен крај, од мене оцена 9/10.

DERAILED (2005)

Во овој филм се работи за афера помеѓу маж и жена која ќе тргне наопаку откако ќе бидат нападнати и ќе бидат уценети од напаѓачот.
Филм со Џенифер Анистон, Клајв Овен и Винсент Касел (кој иако е грд за мој вкус, сепак е шармантен на свој начин ) кој завршува на неочекуван начин.
Од мене оцена 10/10.

Спојлер: Само за тие што го гледале филмот

Не ми е јасно како знаеше Клајв дека Винсент не е мртов, па и во кој затвор е точно?

FREQUENCIES (2013)

Филм во кој среќата/малерот на еден човек се мери преку фреквенции и во кој се развива љубов меѓу нискофреквентно момче и високофреквентна девојка.
Момчето ќе оди против природата и сите физички закони со цел да ја направи возможна нивната љубов.
Пола филм разбрав, пола не, така да не знам дали го препорачувам .

BREAKING THE GIRLS (2012)

Во филмот се работи за две девојки кои откако ќе се запознаат ќе сковат план да ги убијат своите непријателки, ама едната да ја убие непријателката на другата со цел да не ги фатат.
Едноставниот и наивен план преминува во нешто сосем друго, до самиот крај не се знае кој на кој наседнал.
Имаше многу работи кои ми засметаа во филмот, ама задржува внимание, па од мене оцена 9/10/.

Додека да пишам рецензија гледам има веќе пишано за овие два филмови, ама ај од моја гледна точка :

NERVE (2016)

Основата на овој филм ми беше иста како во 13 sins, само во тинејџерска и небрутална верзија.
Девојка прифаќа игра со предизвици за чие извршување добива пари.
Интересно филмче за тепање време, со убава музика, убави ликови, од мене оцена 9/10.

DON'T BREATHE (2016)

Тројца малолетни крадци решаваат да го извршат најголемиот грабеж во нивниот живот и да го променат својот живот од корен.
Меѓутоа, нивниот совршен план оди во бестрага кога беспомошниот слеп старец што планираат да го ограбат всушност и не бил толку беспомошен.
Малку нереално ми беше тројца млади луѓе да ги совлада слеп старец, ама знаејќи се себе дека и јас би изреагирала глупо во такви ситуации, и не ми е толку научна фантастика.
Крајот ме изненади, од мене оцена 9/10.

 

HUSH (2016)
Млада жена кој го има изгубено слухот живее сама во една изолирана куќа. Но една вечер нејзиниот мирен и тивок живот ќе биде нарушен од убиец. Таа е оставена сама на себе да се бори со него и да го почувствува неговото присуство без да може да слушне каде се движи, кога ќе влезе некаде и слично. Може да се погледне, не е лош.

 

The hidden face.. девојка сака да ја стави на тест верноста на нејзиниот сакан. Се заклучува зад врата од која таа може да гледа се' а тој ништо. Но, брзајќи клучот од таа врата ќе и падне и потоа не може да се врати назад, не може да излезе од таа дупка, а тој не ни претпоставува дека таа е тука и го гледа. Што се' ќе виде додека е заклучена внатре? Предобар филм, ви го препорачувам на сите.

 

Kaj go gledase ?

 

За промена, малце СФ.

Star Trek: Beyond (2016)

Иако не е лош филм сам по себе, Beyond е најлошиот од новата Star Trek трилогија. Некако, целата приказна делува неинспиративно и веќе видено, а самиот филм како да е направен колку да се рече – за одржување на континуитетот на новиот серијал и секако, збирање пари од гледачите.

Серијалов, кој беше познат по тоа што во него имаше одлични негативци – Ерик Бана во првиот, Бенедикт Камбербеч во вториот – наизглед, ја продолжува таа традиција со ставање на одличниот Идриз Елба во таа улога. Велам наизглед, затоа што неговиот талент е залудно потрошен – во филмов се појавува со изменет глас и лик (не го ни препознав додека го гледав филмот). Самиот лик на негативецот е лошо осмислен – збори исклучиво со прости или просто-проширени реченици, а самите мотиви за неговите дејства се нејасни, а начинот на кој сака да ги оствари – целосно необјаснети.

Можеби причината за тоа што филмов не е баш успешен во тоа што сака да биде е отсуството на Џ. Џ. Абрамс на режисерското столче, не знам. У секој случај, филм кој имаше потенцијал да биде супер, ради разно-разни пропусти, сега едвај може да се нарече добар.

Оцена: 7

Rise of the Planet of the Apes (2011)

Тотално неочекувано и пријатно изненадување за мене! После оригиналот од 68-ма, у кој Чарлтон Хестон се пренемагаше, очекував едноставно римејк на тој филм. Ништо не може да биде подалеку од вистината – наместо преџвакан и рециклиран стар филм, добивме нешто целосно ново и оригинално.

Обидувајќи се да најдат лек на Алцхајмеровата болест, научници откриваат генска терапија за обновување на невроните и синапсите во мозокот, а за нејзина администрација користат вирус. Лекот има необични side-effects – не само што ги поправа уништените неврони во мозокот, туку создава и нови – правејќи ги оние што го примаат поинтелигентни. Бидејќи се тестира на шимпанза, резултатот се високоинтелигентени примати, со интелигенција блиска на човечката.

Филмов е доволно неверојатен за да биде интересен, но доволно веројатен и издржан, за да можеме да поверуваме дека ова навистина може да се случи.

Rise of the Planet of the Apes се занимава со интересни и битни прашања, како „Дали се луѓето единствените интелигентни суштества кои заслужуваат слобода и хуман третман?“ и „Дали третирањето на приматите како заморчиња е навистина оправдано?“. Со еден збор, филм со многу етички и морални дилеми, филм за борбата за слобода и поголеми права на интелигентна група на суштества, кои луѓето ги сметаат за обични животни.

Интересен и оригинален филм, го препорачувам дури и на луѓе кои не се фанови на СФ или на оригиналните филмови.

Оцена: 9

Dawn of the Planet of the Apes (2014)

Повторно, неочекувано добро продожение на одличниот прв филм. Вториот дел се занимава со зачетоците на цивилизацијата на приматите, откако огромен дел од луѓето на Земјата умираат од истиот вирус кој ги направи мајмуните суперинтелигентни.

И повторно, интересна тематика – за односите во општеството на приматите и првиот раздор кој се јавува во навидум хармоничната заедница, како и за односите помеѓу преживеаните луѓе на Земјата и мајмуните.

И повторно, интересни прашања за размислување, како „Дали сите високоинтелигентни суштества се осудени да се убиваат меѓу себе?“ и „Дали интелигенцијата е она што не прави да бидеме сурови?“

Фино снимен и интересен филм, со малку повеќе блокбастерска нота во однос на првиот, но сепак, сосема доволно добро продолжение.

Оцена: 8

П.С. @promeneta, овој Derailed не сум го гледал, али ме потсети со описов по малце на Butterfly on a Wheel - кој, ако не си го гледала, можам да ти го препорачам.