Последен филм што го гледав е... И кратка рецензија

BEN-HUR доста познат во старите верзии, но оваа посебно ми се допадна и глумците се одлични 9/10

 

Во Cineplexx го гледаше? Знам дека од 5 јануар требаше да почне да се прикажува. Пред некој ден го барав online да го гледам, ама не можев да го најдам.

 

Дома го гледав. Го има на 123movies.

 

Со превод ли се филмовите на 123movies?

 

Не, нема превод Why him. Некои имаат, ама што се од поодамна излезени

 

Токму поради препораките од тука го гледав денес и мене ми се допаѓа. Јас сакам оваков жанр на филмови, интересен психолошки трилер, непредвидив ми беше до самиот крај.
Морам да кажам дека првенствено ми беше непредвидлив поради тој некаков тренд на новиве филмови, повеќето завршуваат некако мистериозно, всушност за мене се ко незавршени. Не сакам филмот кога заврши а јас останам со прстот во устата: и што сега?
Е овој беше прилично јасен, со почеток и крај

Јас би му дадела висока оцена, 9 од 10, некако баш ми се погоди, или таков ми беше денов.

И да додадам дека многу лоши критики имам читано за книгата, ја немам читано и не планирам.
Овакви жанрови сакам повеќе како филмови да гледам, имам чувство книгата ќе ми беше напорна.

 

По препораките на Спешалка и јас го изгледав филмот. Филмот ме носеше од една крајност во друга,или бев на работ на солзи или се смеев на прашањата кои ги поставуваат и начинот на кој реагираа во одредени ситуации. Се на се добар филм,вреди да се гледа. 8/10

Limitless
Станува збор за невработен човек кој живее на сметка на неговата девојка. Еден ден случајно се среќава со братот на неговата поранешна сопруга кој му дава некој вид на се уште не испитана дрога која му овозможува употреба на 100% од неговиот мозок. Со помош на оваа дрога ќе стане многу успешен и богат човек,но таа исто така ќе го вплетка во многу опасни ситуации. 9/10


Последен што го гледав е Love is all you need и уште сум под импресии од филмот. Гледам дека погоре имате пишувано за филмот,па да не се дуплирам со мислења. Преубав филм,поучен кој со сигурност ќе ве замисли. 10/10

 

Светла меѓу океанот



Прв пат филм да ми биде поубав од книга. Долго после не можев да се соземам. Глума перфектна, фотографија исто така. Приказна која не остава рамнодушен. Колку може да биде силна желбата да се биде мајка... Колкава може да биде љубовта на маж кон својата жена ...

Гледајте го нема да зажалите.

 

How to train your dragon.

Анимиран цртан филм кој ќе ве забавува еден час. Интересен.

 

The Light Between Oceans

И јас само што го изгледав филмов.
За разлика од погоре, од филмов очекував повеќе, трае предолго а во првиот сат нема некое големо дејство... Не знаев дека имало книга, па можеби немало простор за нешто повеќе.
Ми се допадна глумата ама имав чувство дека недостасува нешто.
Девојчето ми беше преслатко исто имаше и преубави пејсажи.

 

Jack Reacher: Never go Back (2016)

На првиот филм не се ни сеќавам, само ми текнуваше дека Том Круз беше у улога на некој badass бивши војник кој праеше партали. Знам само дека ми имаше некој 80-ies/90-ies vibe, налик на старите, добри акциони филмови.

Овој седнав да го изгледам, не знаејќи баш што да очекувам. Почна филмов и - ми се виде интересен, ама и некако познат - бивши војник се наоѓа во центарот на некаков заговор во рамките на владата, го местат за убиство и започнува потрагата по него, во која тој е препуштен сам на себе и на своите непогрешиви инстинкти.

И после ми текна од кај ми е познато ова - од Борн. Филмов уствари е Џејсон Борн, само со Том Круз, Коби Смолдерс место женската на Борн и плус едно 15-годишно девојче гратис. И минус амнезијата.

Коби ми е генерално антипатична и некако не ми е глумица за големото платно - а особено улогава не и стоеше. Том Круз ми делуваше некако уморно и незаинтересирано и, за разлика од претходниот филм, у кој беше пун со one-liners, овде делуваше како grumpy дедо. Дури и акционите сцени беа некако безврска снимани - најверојатно за да се прикрие слабата агилност на веќе 55-годишниот Том. Прикривањето беше неуспешно, можам да додадам.

Филмот генерално се гледа, нема премногу досадни и cringy моменти, но некои сцени - особено оние со father-daughter моментите - беа целосно непотребни и вишок во филмов. Воопшто не се вклопуваа во севкупната атмосфера.

Се на се, ништо претерано фасцинантно - нешто полошо од она што го очекував.

Оцена: 6

 

Дајте некој добар филм од категорија "научна фантастика" ?

 

No reservations 8/10
Животот на Кејт оди во друга насока кога станува старател на нејзината внука.

 

The gril on the train
Го видов филмот овде, се водев по изборот на Лудото и Скај и лајковите на Бенедер.
И не погрешив. Предобар филм.
Може и конекцијата помеѓу себе и Рејчел си придонесе да го доживеам на таков начин филмот. Но факт е дека е добар. Од глумата, заплетот, расплетот, неизвесен до крај.
Некаде пред крајот капирав за што всушност се работи.
Добар, предобар. Обожавам вакви филмови.

 

The Choise

Предобар ..Од *фраер* по кого сите "трчаат" на крај се заљуби во новата сосетка..упорен беше ја доби..Тврдоглавката ..без зборови се изнаплакав..

 

The Curse of Sleeping Beauty
http://www.imdb.com/title/tt4118606/?ref_=rvi_tt

IMDb оцена: 4.3/10
Томас Кејзер е сликар кој никогаш не излегува од дома, крајно антисоцијален, и кој постојано сонува еден ист сон со девојка која ја нарекува „заспаната убавица“, па поради сонов единствено излегува за да оди на психотерапевт. Еден ден му јавуваат дека негов вујко за кој не ни знаел дека постои, починал и во наследство му оставил огромна вила, Градините Кејзер. Излегува дека таа вила семејството ја има уште од времето на Крстоносците, и во неа се крие проклетство. Томас мора да најде начин да се бори со проклетството, како и да ја разбуди девојката од неговите соништа, за која дознава дека е и тоа како реална, само заробена во вечен сон од страна на демон кој и го чува телото.
Моја оцена: -2/10
Го гледав само зошто ми беше досадно и немав што друго да гледам. Поглупаво нешто одамна немам видено. Сценарио и реализација очајни, глума уште потрагична.

Spoiler

Изгледа класичнава приказна сакале да ја претворат во хорор жанр ама трагично промашиле во тоа. На крај излегува дека демонот кој го чува телото на убавицава - која е далеку од убавица и повеќе личи на 14 годишно девојче кое прв пат открива шминка и готик косплеј, не е толку страшен, туку дека вистинското зло лежи во девојкава. Па, кога Томас ќе ја разбуди, таа го убива демонот, го запоседнува телото на Томас и ја донесува апокалипсата врз светот.
Поука: ако некогаш сонувате некого кого треба да го разбудите со бакнеж на вистинска љубов - не го барајте, запалете го копилето уште во сонот!

 

Cek cek... Ova e prviot del? Ili jas sum greska?

 

Да првиот е

 

REMEMBER SUNDAY-пред 1 час го гледав нешто како романтика убав ме бендиса

 

Кога јагнињата ќе стивнат
Ханибал и
Црвениот змеј во една вечер
Уметност се сите делови


Ханибал е психијатар но и сериски убиец, помага во разрешување на други убиства благодарение на неговиот генијален ум. Секогаш смирен, морничав, ладнокрвен, човек кој исто така знае да љуби и да заведува на мистичен начин. Неговото појавување во филмовите не е често, но е впечатливо. Би го препорачала на сите кои се љубители на класика, серијал кој не те остава рамнодушен и те поттикнува на размислување како може интелегенцијата и генијалноста да бидат искористени во сосема погрешен правец.