Последен филм што го гледав е... И кратка рецензија

Coco Chanel

Животната приказна на Коко Шанел пред да стане бренд,доловена од перспектива кога нејзината долгогодишна работа е мета на критики.Филмот е извондреден,од улогите,до костимите,дијалозите.Очигледно еден од најдобрите филмови кои ја покажуваат моќта на жените и волјата да се успее.
Моја оценка 10/10

 

"Burning Man" (Matthew Goode)
Уникатно искуство во секој случај, прв пат да гледам филм кој доловува машка болка на овој начин. Метју беше прекрасен во својата улога. Да ве предупредам само, многу секс имаше во филмот. Приказна за неспособност за справување со смртта на близок, емоциите пловеа на лицето на главниот актер, како бои на платно. Преубав филм. 10/10

 

"Stoker" (Matthew Goode) Ако не заприметивте цела недела гледам филмови со него и горда сум да се наречам негов фан Може дефинитивно да помине незабележено како сериски убиец, толку невино изгледа, како од друг свет. Хемијата со Миа беше интензивна, посебно додека свиреа на пианото, WOW! That was sexy... Плотот е Индиа го губи нејзиниот сакан татко. На погребот го здогледува оддалеку човекот кој и е вујко, вујко за кој никогаш немаше слушнато порано од татко и. Осеќа привлечност кон него, доста чудна и речиси ја задушува. И вујко и го чувствува истото. Но... луѓето во негова близина исчезнуваат. 8/10

 

Miranda [1948]


Кратка содржина:

Откако неговата сопруга ќе изрази дека е незаинтересирана за ловење риби, Dr. Paul Martin оди на одмор сам во Cornwall coast. Таму ја фаќа Miranda, сирена, и е повлечен во водата. Таа го чува како нејзин заробеник во нејзината подводна пештера и само ќе пушти да оди доколку тој се согласи да и го покаже градот Лондон. Тој ја маскира сирената во инвалидски пациент во количка и ја носи во неговиот дом за време од еден месец. Сопругата на Мартин, Clare неволно се согласува на договорот но посакува да најмат некого за да се грижи за нивниот гостин ...

Рецензија:

Овој популарен Британски комичен филм од 1948 година е всушност филмска адаптација на позната истоимена драма. Филмот производствено бил избрзан да се пушти со цел да се победи филмот Mr. Peabody and the Mermaid на екранот.
Инаку, особено ми се допаѓа преубавата актерка Glynis Johns како и костмографијата.

Оценка:
10/10



За оние кои се заинтересирани, филмот може да го погледнете на оваа страна:
https://free-classic-movies.com/movies-04/04-1948-04-06-Miranda/index.php

 

Blade Runner 2049 (2017) thus аватарот

(чисто за контекст)

Што и да напишам нема да биде доволно за да сфатите колку многу емоционално бев инвестирана во првиот дел. Сега, пред самиот филм ме тресеше блага анксиозност зашто не знаев дали потфрлиле со новото парче. Доживеав огромно разочарување по екранизацијата на Ghost in the Shell (јасно е од каде е инспирацијата и за овој ) и дефинитивно не сакав пак да жалам по изгубеното време.

НЕ ПЛАЧАМ НА ФИЛМОВИ.НЕ ПЛАЧАМ НА ФИЛМОВИ.НЕ ПЛАЧАМ НА ФИЛМОВИ.НЕ ПЛАЧАМ НА ФИЛМОВИ.

Да скратам...

WOW! Познато ви е она чувство на прва вистинска љубов, завршувате пред олтар со таа личност и по три декади пред умирачка ја погледнувате во очи, повторно го чувствувате тој магичен момент и тивко си се тапкате по рамо за одличниот избор? И мене не ми е. Далеку сум од умирачка ама гледајќи го продолжението убедена сум дека станува збор за приближно истата работа.
Обожавав буквално сѐ. За почит е тоа што успеале да го скријат главниот плот од рекламите кои што фрчеа изминативе месеци. По 20-тата минута бев целосно инвестирана во содржината, повторно ја чепнуваат идејата за она што значи да си човек... Villeneuve и Deakins маестрално се покажаа и овој пат. Ќе ги зберат сите награди на Оскарите, ви гарантирам. Филмот изгледа и звучи фантастично! Глумата на Рајан не ме ни изненади, паметно ги бира улогите во последно време и не разочарува. Верувам дека по ова ќе остане запаметен во историјата. А Харисон Форд... кога повторно се појави на сцена во улогата на Декард за прв пат се расплакав во кино. Триесет години подоцна, сега веќе старче ама тотално истата енергија, истиот шарм... Сцената со Елвис Присли ме изремети тотално, никогаш повеќе нема да ја слушам Can't Help Falling In Love со истиот state of mind.

Единствено нешто што ми фалеше беше Вангелис, прочитав дека не сакал да се врати. Да, филмот потфрли на бокс офисот (исто како неговиот претходник) ама и за тоа има објаснување. Ретко кој од младиве го имаат гледано култниот класик за да го разберат и ценат ова новото.

"WHAT CAN I SAY EXCEPT YOU'RE WELCOME" - Villeneuve at some point after directing this

НЕ ПЛАЧАМ НА ФИЛМОВИ.НЕ ПЛАЧАМ НА ФИЛМОВИ.НЕ ПЛАЧАМ НА ФИЛМОВИ.НЕ ПЛАЧАМ НА ФИЛМОВИ.

 

Gentlemen prefer blondes (1953)
.

Кратка содржина

Lorelei Lee и Dorothy Shaw се Американски Шоу девојки и најдобри пријателки. Lorelei има пасија за дијаманти, верувајќи дека еден од начините една жена да го подобри финансисикиот статус е да се омажи за богат сопруг. Таа е верена за Gus Esmond, наивен бубалица кој е подготвен се да стори и да купи за неа. Но Gus е под контрола на неговиот богат татко кој припаѓа на високата класа. Dorothy од другата страна, бара поинаква љубов, привлечена само на мажи кои се фит и имаат добар изглед. Lorelei планира да се венча со Gus во Франција, но неговиот татко го запира син му да отплови за Франција, верувајќи дека Lorelei не е добра за него. Иако работата на Lorelei налага таа да оди во Франција со или без Gus, пред таа да замине, Gus и дава писмо на кредит за да ги покрие трошоците од нејзиното пристигнување и верува дека ќе се сретне со неа во Франција. Но исто така и ја предупредува да се однесува пристојно. Сеуште непознато за Lorelei и Dorothy, таткото на Gus најмил приватен детектив наречен Ernie Malone за да ја шпионира Lorelei ...

Рецензија:

Оваа добро позната Американса комедија претставува класика која секој треба да ја погледне. Особено ми се допадна приказната, костумите, како и местата на сцените. Исто така ја обожавам изведбата на песната Diamonds are a girl's best friend од страна на Marilyn Monroe.

Оценка:
10/10

 

Mighty Aphrodite (1995)
Се работи за Лени и Аманда, брачен пар кои имаат еден посвоен син Макс. Кога тој покажува изразита натпросечна интелигенција, Лени станува опседнат со вистинското потекло на детето и ја наоѓа неговата биолошка мајка, која испаѓа дека е проститутка и порно актерка. Решава на секој начин да ѝ помогне да го остави зад себе тој живот... и тука почнуваат перипетиите
Комедија на Вуди Ален во која и самиот тој ја глуми главната улога. Како љубител на стилот и вајбот во неговите филмови, ми се допадна филмчево. Софистицирана и во исто време откачена комедија, фина и симпатична за опуштање. Посебно ми се допадна елементот и идејата со раскажувањето од античкиот грчки хор
7/10

 

ФОКС Мувис? Или Алфа беше? Алфа, да. Некни го даваа и јас го гледав!

 

The Hatton Garden job, 2017 (Matthew Goode, Stephen Moyer)
Интересно и помалку познато филмче за кражба на продавница со накит, нејзино планирање, извршување и потоа. Можеше да биде подобар, но можеше да биде и полош. Интересното е што сите крадци се олд скул, стари, само Метју е млад. Имаше и адреналин иако во мали дози. Крајот го красеше делото во овој случај. 5/10

 

"South from Granada" (Matthew Goode, Veronica Sancez)
Снимен по автобиографската книга на Џералдо Бренан,култивиран, начитан Англичанец, филмот го гледи него додека живеел во Шпанија, искрено портретирајќи го неговиот личен живот. ИМДБ погрешно го жанрира како комедија, драма, романса, кога комедија всушност нема, но затоа другите жанрови се точни.
Додека во рурално село во Шпанија, тој се заљубува во Хулиана, страсна и невина, убава девојка која ја вработува како помошничка во неговата куќа за да биде блиску до него. Потоа филмот продолжува да раскажува за нивната романса и неговиот живот. 7/10

 

"Self/less" (Ryan Raynolds, Ben Kingsley, Matthew Goode) Човек пред умирање ја префрла својата свест во млад човек, со помош на мистериозен лекар. Рајан беше баш супер, можеш да видиш од филмот дека е прекрасен татко. Метју во улогата на негативецот лекар, беше убедлив (и многу убав, но тоа не е релевантно) Нов филм, а ако се прашувате за ликот на Кингсли, тој беше човекот на почетокот од филмот пред умирање. 7/10

 

The last station

Биографски филм за големиот Толстој за време на последната година од неговиот живот. Година исполнета со турбулентен период и несогласувања помеѓу толстоевото движење од една страна и неговата темперамента сопруга од друга страна кога станува збор за неговите авторски права.

Љубов, емоции, разделби, тага, непромислени постапки

8/10

 

The Midnight Girl (1925)



Кратка содржина:

Nicholas Harmon, богатиот патрон на музиката кој многу повеќе ги сака девојките отколку операта е заљубен во неговата љубовница Nina, инаку оперска пеачка чиј глас почнува да слабее. Неговиот полусин Don, оркестарски диригент, го одбива вниманието на девојка од општеството. Don му се налутува на очувот по жестока кавга и заминува од дома за самостојно да успее. Тој и помага во кариерата на Ана, ново пристигната пеачка од Русија која станува ѕвезда во ноќен клуб "Midnight Girl" ...

Кратка реценција:

Овој црно бел тивок филм во која се раскажува прекрасна љубовна приказна. Уште еден филм во кој глуми познатата хорор легенда Béla Lugosi, како и убавата актерка Lila Lee.
Оригинално адаптиран од приказна напишана од Garrett Fort, подоцна го пишува и сценариото за Dracula во кој глуми Lugosi.

Оценка:
10/10

 

http://m.imdb.com/title/tt3302654/

Џејни која има аспергов синдром и 25год,посакува да има момче.Напишав горе доле што е филмов,ама кога си го прочитав мислењето сватив оти го раскажав филмот па го избришав
Интересен е го препорачувам .Баш добро глуми девојчево.Од мене 8/10

 

Wind River
Синоќа го гледав филмов и многу ми се допадна. Приказна инспирирана од вистински настани, за едно девојче од Индијанската заедница во Вајоминг, Америка. Интересен и возбудлив трилер, го препорачувам.

 

Одамна не сум гледала вакво романтично филмче, плус полски режисер бе? Се работи за професорка по музичко на возраст околу 27-8 години, која се состанува со момчиња преку дејтинг сајтови.
Неа ја открива еден шоу мен кој сака да направи цела приказна за нејзиниот "проблем".
Актерите не ми се познати,а сите преубави. Убаво снимен и супер приказна.
Комедија, со додирнувачки сцени, при крајот
Препорачувам и давам 9 од 10 оцена, само затоа што на моменти беше малце бавен. А може и да изведувам, пошто не сум некој филмски критичар, на веков.



Филмов ме бендиса затоа што е снимен на Алјаска, па самото место си носи своја специфика и таинственост. Снежно белите пејсажи...би истражувала таму.

Трилер, мистерија во кој главна тема се убиствата кои се случуваат во последните три години. Една од жртвите е ќерката на тамошен, доселен ловџија кој е женет за Индијанка. Втората-нејзината другарка.

Од мене 8\10

 

Amityville the awakening
Уште едно продолжение, нова фамилија се вселува во веќе проколнатата и опседната куќа. Може да се гледа, не е лош.

 

Madame Bovary 2014

Филм за една изгубена душа, која е роб во својот сопствен дом, жена на угледен и почитуван доктор бескрајно вљубен во неа, а таа е бескрајно осамена и празна.

Барајќи нешто што ќе ја одржува во живот ќе западне во невољи што живот чинат.

8/10

 

The Book of Henry (2017)

Интересно филмче, погодно за недела претпладне. Го препорачувам 8/10

 

"A quiet passion" (Cynthia Nixon)
Био пик за животот на поетесата Емили Дикинсон, со Синтија во главната улога. Емили била исклучителен карактер со ангелска душа и непокорлив дух, а Синтија ја доловува совршено, прикажувајќи ја професионално и болеста на Емили.
Насловот е многу погоден за филмот, баш така ја сфатив Емили. Филмот изобилува со нејзината поезија и нејзиното копнеење. 9/10