Последен филм што го гледав е... И кратка рецензија

Уф,да, сега ме потсети ,го имам гледано,исто е еден од подобрите филмови што сум ги гледала.

 

You won't be alone

Македонски режисер што живее во Австралија го направил филмот. Идејата е добра, ама ми фалеше динамика малку. Тивок, на момнети нејасен, говорот е многу неразбрлив, можеби поради архаичен дијалект. Инаку идејата за прикажување на наша митологија, демонологија е супер. Од мене 7/10 за добрата глума и актерска екипа.

 

Маестрална изведба на Пенелопе Круз, Антонио Бандерас и Оскар Мартинез. Високо интелигентна комедија и модерна сатира, не само за случувањата во уметничкиот свет, туку и за новите појави на извртување на секој збор во навреда, квази уметничарење и празни суети.
Во време кога во филмската индустрија доминира продукцијата на тегобни и депресивни филмови, вистински уживав во оваа одлично испродуцирана изведба.

 

After Hours (1985)
Филмов е лудница.
Станува збор за целоноќна авантура на еден дечко, кој по завршување на работното време, само сака да се зближи со една непозната девојка и да си помине убаво, но единственото што ќе го почувствува таа врнежлива ноќ, е пеколот на земјата.
Кај Скорсезе нема утка, ова лесно може да ви стане еден од омилените филмови.
8/10


Children of Men (2006)
Во дистописка 2027 година, луѓето повеќе не се размножуваат поради неплодност, бебе не се родило од 2009. Научниците се во трка со времето да го најдат лекот. Светот е нестабилен, а преплавената од бегалци Британија - едно од ретките преостанати богати места кое се уште некако се држи. Тео живее таму, навлезен е во апатија, што ќе се промени кога со него во контакт ќе стапи бившата жена која станала терорист, и ќе го натера да направи нешто многу важно.
7/10


Groundhog Day (1993)
Оld school комедија со какви мислам дека повеќето сме пораснале.
Арогантен ТВ-презентер на временска прогноза, е казнет од Универзумот еден ист зимски студен ден да му се повторува постојано и да нема утре. Тој оваа неприлика ќе ја искористи за да се забавува манипулирајќи со луѓето, се додека не сфати дека е вљубен во неочекувана личност, која не успева да ја освои, иако своите потези ги прилагодува одново и одново "како што треба", по што почнува да очајува и да се преиспитува. Овој човек допрва ќе научи да го живее животот на правилен начин.
8/10


Chinatown (1974)
Нема правда во кинескиот кварт во Лос Анџелес, нема ни во животот.
Кај приватен детектив од 1930-те, доаѓа богата жена која се сомнева во неверство на нејзиниот сопруг. Ништо не е како што изгледа, па детективот колебливо го прифаќа случајот и ќе се најде вплеткан во злосторство, среде период кога во Калифорнија профитери го кочат снабдувањето со вода.
Режија: Роман Полански
Главни улоги: Џек Николсон, Феј Данавеј, Џон Хјустон и др.
Филмот се смета за еден од највлијателните во neo-noir жанрот.
9/10


Die unendliche Geschichte (1984) или The NeverEnding Story, е филм на Волфганг Петерсен, и тука се поставува прашањето за границите на фантазијата и на човековиот ум.
Малото момче Бастијан, бегајќи од лошата реалност, ќе најде волшебна книга и од неа ќе дознае многу.
Искрено, се обидував да му лоцирам мани на филмот , ама на крај не успеав.
10/10


Field of Dreams (1989)
Со Кевин Костнер, Џејмс Ерл Џонс, Реј Лиота, Берт Ланкастер во главните улоги. Семејна и спортска драма - фантазија, и баш целиот филм е како нешто да сонуваш.
Еден американски земјоделец кој живее со жената и детето, ќе почне да слуша глас што ќе му порача да изгради бејзбол терен, каде идолите на неговиот татко ќе можат да играат, поточно духовите на познати играчи од минатото
Идејата е слична со онаа од претходниот филм, дека соништата мора да се следат, дека вреди човек барем да се обиде, и дека апсолутно никогаш не е предоцна било што да се поправи.
Иако ова секој би сакал да го доживее, сепак премногу неверојатно за мој вкус, но фино спакувано, на типичен американски начин допира до гледачите.
8/10

 

Каде можам да го гледам?

 

Bulevar revolucije (1992)
Српски филм на македонски режисер (Владимир Блажевски, Hi-Fi).
Интересен е за гледање, ги нуди cozy амбиентот и естетиката од тоа време: убава актерка, модата и звуците од 1990-те, но настрана тоа, не ми се допадна многу темата, т.е. начинот како е прикажан ваквиот вид љубовни врски во транзицииве.
На преминот од социјализмот кон новото општество, 16-годишна ќерка на полицаец, започнува романса со криминалец, која ќе се оконча на Булеварот на револуцијата, додека истиот е во исчекување на своето ново име.
7/10

 

Јас го гледав на платформата Stremio.

 

Hacksaw ridge.
imdb 8.1
јас 10
Филм што вреди секоја секунда.
Млад човек оди во војна, но се има заколнато дека нема да допре оружје никогаш во животот...

 

A man called Ove.

Шведски филм. Добар но и патетичен. Предвидлив. Човек разочаран, затоа што неговата љубов починала, па после години осаменост решава да се самоубие, но никако не му успева, затоа што ненадејни случки го спречуваат. Неговиот живот се променува со доселување на новите комшии.

 

JFK
Жанр: историја/драма/мистерија

филм кој повеќе од 3 часа те држи во неизвесност, неверување, размислување и дилема околу атентатот на харизматичниот Џ.Ф. Кенеди. Што уствари се случило тој кобен ден во Далас 1963год, што пласира историјата, а што е уствари вистината? Кој стои позади атентатот? Дали Освалд е навистина жртвено јагне како што и самиот изјави? Кој е бенефитот и кому му сметаше идеологијата и политиката која ја водеше Кенеди.
Со сите овие проблематики се занимава јавниот обвинител Џим Гарисон три години по смртта на претседателот.

Одлична екипа на актери

10/10

 

Prey 2022

Од франшизата на Предатор, ако има некој љубител мене ме бендиса филмов и има доста позитивни критики.
Предатор почнува да лови животни и луѓе од племе. Интересна акција за тепање на време, мене дури и ми е можеби и најдобар филм од Предатор.

 

Баш ко што кажа. Добар но и патетичен.
Ми се допадна принципиелноста што ја пренесе на неколку генерации, ама малце ми беше тапа на моменти...

7/10

 

Најдобриот филм за Елвис досега. 10/10!!!

 

365 дена одамна го имав изгледано.
Денес гледам излегле и втор и трет дел.
Држи внимание. Еротските сцени се стварно профи, дури се замислив дали глумат
Претпоставувам ќе има и четврт дел со оглед како заврши.

365 days 9/10
365 days: This day 9/10
The next 365 days 10/10
Третиот дел поголема оцена ради Начо

 

Гледај го Bobby (2006) за ноќта кога е убиен брат му Роберт, ако го немаш гледано. Многу тажни сцени и ансамбл од познати актери.

 

Го немам гледано
Фала на препорака

 

Инаку, последно си го гледав The Omen (1976), репризно. Американски амбасадор почнува да сфаќа дека неговиот малолетен син е антихристот лично, кој за почеток нему ќе му го уништи животот, но неговата екселенција не може многу да стори во врска со тоа.
9/10

 

The Exorcist (1973)

Не можам да поверувам дека се плашев како мала Најстрашен филм на сите времиња, како не. Повеќе психолошки, отколку хорор.

Ќерката на една подостарена глумица е опседната од ѓаволот или од којзнае што, до степен да ја поврзат со убиство. Мајка и по првите симптоми ја води во болници кај најдобрите лекари, за евентуално истите да ја упатат кај свештеник кој се откажал од кариера во областа на психијатријата за да и служи на црквата. Тој е самиот со разнишана вера иако не делува така, а она што ќе го види ќе биде фатално за него.
Има многу нешта во филмов што не се сервирани на тацна и гледачот сам треба да мозга за да ги разбере, тоа прави 2 часа и 10 минути да летнат, но главно мислам дека е толку популарен поради богохулните сцени и реплики неприфатливи за тој период, и крвавите призори што од оваа временска дистанца се банални, наместо поради неговата тежинa.
Оценка 8.
Музичката тема незаборавна.

 

Зацепав со шведски филмови. Уште еден.

Th hundred year old man who climbed out of the window and disappeared (2013)

https://www.imdb.com/title/tt2113681/

Генијална комедија. Скандинавците се врв кога се во прашање комедии. Тотален и брутален сарказам, ретроспектива на животот на еден 100 годишен човек.