Последен филм што го гледав е... И кратка рецензија

Stepmom (1998 )


Ахх премногу емотивен филм.
Сѐ е така убаво скоцкано во 2 часа што дури трепнеш поминуваат.

Мене многу ми се допаѓаат овие стари филмови со реални приказни затоа оцена 10/10.

 

The blue caftan-2022
Номиниран за оскар.Предобар,нежен,ме изненади емотивноста.
Одлична глума,и одлично пренесен карактер од страна на глумецот кои го глуми Јоусеф а му е прва улога во животот.Искрено се надевам дека ќе добие оскар.
ОЦЕНКА=10+/10

 

13 Assassins (2010)
Кон средината на 19. век, полубратот на јапонскиот шогун е садистички психопат кој ги брутализира луѓето вклучувајќи и припадници на високата класа. Сите остануваат немоќни пред неговото влијание и привилегии кај владетелот, се додека министерот за правда на своја рака не задолжи еден докажан самурај да собере група на атентатори кои ќе му стават крај. Но, Нарицугу и неговите потчинети стануваат свесни што го чека и почнува играта мачка-глушец како вовед во крвавиот расплет.
Многу јако филмче, мило ми е што го гледав.
9/10, ама ми се допадна повеќе и од 7-те самураи на Акира Куросава по чиј урнек е очигледно работен.

 

Poor things дефинитивно еден од најдобрите.
Emma Stone се надмина себеси во глумата! Заслужува оскар!
Препрепредобар филм.
Научна фантастика е филмов, за девојка Бела којашто е спасена од научник кој прави разни истражувања и сакајќи да научи повеќе за светот, Бела бега со адвокатот, патува и доживува разни авантури.
100/10

 

The Last Client
Ептен ми се свиѓа, цело време ти го држи вниманието.

 

Love at first sight



Ако ви се гледа слатко, по малку клише романтично филмче, тогаш ова е одличен предлог за да потрошите 1.5ч време.

Дејствието е линеарно и предвидливо, но исто така слатко и топло. Почнува на аеродромот во Њу Јорк каде што Хадли го испушта својот лет за Лондон. Додека го чека следниот авион, се запознава со Оливер, кој се враќа дома.

Филмот е испреплетен со семејни дијалози, дилеми и развива неколку интересни поенти.
Има одличен сет-ап со вивидни жарки бои, убава музика што го прави по малку бајковит. И бројки, многу бројки.

 

Darkest Hour (2017)
По почетните сојузнички неуспеси во 2СВ, британскиот премиер Невил Чембрлен се повлекува од должноста и на негово место и покрај големо негодување доаѓа ексцентричниот Винстон Черчил, мотиватор со незауздан јазик и непобедлива волја кој се противел на Хитлер и пред стартот на војната. Черчил со помош на обичниот народ ќе ги убеди неговите ривали кои сакаат мировни преговори за да спречат страдање, дека Британија не смее да се предаде и мора да се заштити од германска доминација.
Филмов ме натера да се запрашам колку секоја од страните во парламентот била во право и по која цена.
9/10


Mary Queen of Scots (2018 )
Додека Елизабета се придржува до строгиот имиџ на кралица-девица, Мери од Шкотска не може да се прилагоди во овој машки свет...
Не ми се допадна колку претходниот филм, но фина е замислата дури за оценка: 8/10

 

@Billy Idol баш дојдов да напишам за филмот.

Клише, ама многу интересно изведено до крај. Не секогаш работите се така како што изгледаат, дури и по завршувањето некако те тера на размислување.

 

Одамна не сум гледала ваков емотивен филм што допре до мене.
Се работи за девојка што уште како мала целото семејство ја напушта. Таа останува сама да живее во дивината и да се бори за опстанок.
Таа запознава двајца од градот, но повторно е оставена.
Кога еден од нив ќе биде пронајден мртов, таа станува главна осомничена
Препорака 10/10

 

The Sunset Limited --- филмот е само во една соба со двајца актери и разговараат околу 2 часа. Го препорачувам страшно добар филм со филозофии за животот и различна идеологија.

 

Manhole (2023)
Се работи за Јапонски бизнисмен, кој е фрлен во шахта само со неговиот мобилен телефон. Незнае каде се наоѓа, и очајно пробува да бара помош 7/10

 

Каде го гледаше филмов?

 

Past Lives (2023)

Филмов неколкупати ми излезе на тикток, опишан ко еден од најдобрите филмови што се излезени годинава, со тоа се поставија и големи очекувања.
И ќе се согласам дека филмот е lovely. Базиран е на вистинска приказна, која е претставена преку зборот inyeon, што во превод значи нешто ко судбина и претставува будистичка филозофија како врските со одредени луѓе се формираат во текот на животите што ги живееме и дека некои врски што ги имаме, едноставно колку и да сакаме, не се судени за овој живот.

 

Топло препорачувам.

 

Conviction (2010)
Филмот е базиран врз вистинска приказна, со Хилари Свонк, Сем Роквел и други познати актери. Се работи за брат и сестра кои заедно минале низ тешко детство, па се многу приврзани. Кога тој ќе биде наместен и осуден на доживотна казна затвор за убиство кое не го извршил, сестра му ќе си го промени животот запишувајќи се на правен факултет за да најде начин да ја докаже невиноста на својот брат.
9/10

 

Saltburn (2023)


Обично кога почнувам некој филм, најчесто не знам во што се впуштам. Филмовите ги бирам по режисери, актери, популарност, рејтинг, но не и по жанр, краток опис и слично(што многупати направило да се покајам што сум изгледал некој филм ).
Исто така и со Saltburn. Ако нешто можев да претпоставам, по коментарите на твитер, не беше воопшто налик на тоа што се случи во филмот. И не сакам да откривам премногу, ако некој се одлучи да го гледа филмов по овој пост, со цел да биде шокиран исто колку и јас, ама ќе кажам дека филмов е еден од подобрите што сум ги изгледал годинава.

 

Малку поинаков божиќен филм, релативно краток.

Спојлер: Не читај ако сакаш да гледаш

Најинтересен дел беше моментот со изработка на свеќите, сето скоцкано така добро, што стварно не го заслужи на крај. Башка за сите работи, па и помош од сам почеток. Старите беа исто добри во цел филм, баш го направија барем малку непредвидлив. Брат му не можев да го смислам, очаен лик.

 

Надрилекар(2023) -Forgotten Love(eng)-Der Korfpuscher(de)

Полски филм за првенецот на хирургијата на мозок кој после уличен грабеж ја губи меморијата.Дејството продолжува по 12 години каде докторот се уште не се сеќава на своето име и се преставува како Антони кој не знае ни кој е ни што бил ни дали има семејтво.А за изнанадување знае да лекува и оперира болни.
Интерлесна драма со среќен крај за мене е 10/10.

 

@Ava.84 сношти го пуштив откако те читав со препораката. Ова е тре филм по Титаник и Аватар да ми задржи внимание. Буквално тензично час пред да заврши. Препорака и од мене, искрено позитивно се изненадив како за полски филм (ако имаш предлози за други полски филмови пиши), би сакала да гледам.