Последен филм што го гледав е... И кратка рецензија

big fish
10/10
станува збор за татко кој раскажува приказни на својот син, митски со доза на мрачност, хумор и иронија, раскажува за неверојатните случки кои ги доживеал, приказни кај кои тешко може да се разграничи дали се реални или измислени.
Филмот ти го задржува вниманието од почеток па се до самиот крај, те остава на мисла што навистина се случило, а што е додадено за да биде поинтересно, приказни кои се животни лекции, а љубовта е двигател и водич.

Според мене ова е најдоброто од Тим Бартон

 

Escape from Alcatraz (1979)

Драма - одгледана во еден здиВ, која се зголемува од минута во минута.

Доказ дека тивката вода, бреГ рони. #MasterClass.

 

Dracula untold (2014) - не толку познат, малку потценет спрема рејтингот. Интересен беше до самиот крај. Штета што нема втор дел.

 

Зодијак со Марк Рафало, Дауни јуниор
Омилен филм, на моменти толку језив и возбудлив, одлично направен и совршен

 

Многу ме фасцинира филмов пошо е според вистинска приказна.
До ден денеска не се знае каде се наоѓаат тројцава бегалци, а најверојатно имаат починато веќе. Додуша, имало као докази дека двајцата браќа пробале да стапат во контакт со фамилијата ама за Френк Морис ништо не се знае.
Фан фект- тој имал IQ 133 ако не и повеќе.
Плус, вистинскиот Френк ми е многу симпатичен . Кои очи ги има....

 

Многу нормално дека ќе те фасцинира, го ценам твоето (вашето) време.

 

Она што го очекував како обожавател на Стивен Кинг/Мајк Фланаган беше забавен филм. И не ме разочара. Резултатот - фантастично патување на раскрсницата на животот, космосот, технологијата и крајот на светот, со доза на иронија својствена само за Кинг.Никој не нуди психолошко истражувачко искуство како Стивен Кинг. Брилијантно филм со одлична екипа предводена од Том Хидлстон. 10/10

 

Приказна од Библијата.

 

Не можам вечерва, ме боли глава.

 

Dracula (2025)

Романтичен хорор, англиско-јазичен, но со француски шмек - новиот Дракула на Лук Бесон.
Со оглед на тоа што е обмислен и снимен во релативно краток рок, не е воопшто лош филм. Ова е всушност еден од позабавните филмови за најпознатиот вампир. Очигледно римејк на Дракула на Копола од 1992, иако не видов некаде да е наведено.
Куриозитет тука е што Бесон за да го создаде, се инспирирал од актерот во главна улога Caleb Landry Jones со кој претходно соработувал, за кого и јас сметам дека е мошне талентиран, е па овде имаме специјално за него изработен филм. Кристоф Валц се истакнува во улога на баварски свештеник кој би требало да го претставува Хелсинг. Преостанатите актери исто така одлични.

Приказната ја знаете сите, Турците ја убиваат многу саканата сопруга на Дракула, тој објавува војна против Бог затоа што правел како што од црквата му рекле, ги убивал Турците, а Бог го казнил.
Откако свештеникот ќе му каже дека Бог не реинкарнира луѓе, Дракула како од инает почнува да верува дека жена му ќе се реинкарнира и дека треба да оди да ја најде. Така тој низ вековите го тероризира европското високо друштво, но од неа ни трага. 400 години по првичните настани, неговата шпионка во Париз има добри вести, а кај него на врата во Романија доаѓа Стивен Харкер чиј атеизам ќе биде предизвикан...
Многу ми се допадна атмосферата, типично европска.
Сцените се интересни со доза на хумор.
Не ми се допадна тоа што еден дел е преземен од Парфем: Приказната за убиецот.

П.С.: He знам зошто постојано снимаат филмoви за Дракула, можеби навистина постои и плаќа за да остане популарен.