Последен филм што го гледав е... И кратка рецензија

Не.

 

Епа?

 

Се случува во тензични периоди а во суштината е приказна на две жени кои се наогаат една со друга во наjтешките моменти од своjот живот и со делба на своjата болка како блиски приjателки си помагаат една на друга.

 

Денес започнува вториот дел од гласањето за Cinema Eye Honors Audience Choice Prize, едно од највлијателните интернационални признанија за документарен филм, откако во првиот круг успешно Силјан доби номинацијата на овој фестивал. Ова е момент во кој публиката има клучна улога, а наградите се доделуваат врз основа на освоениот број на гласови.

https://www.crnobelo.com/novosti/film/121468-da-glasame-site-za-siljan-na-tamara-kotevska

 

Train Dreams (2025)

Филмов ме скрши.. Емотивна приказна за еден дрвосечач. Приказна за љубов, загуба, вина. За пронаоѓање на смислата на животот и покрај огромната тага која е во цело негово битие.

Одлична глума 10/10

 

Чудо (2009)



Најинтересно во врска со филмов ми е тоа што е снимен според вистински настан кој се случил во Самара, Русија, во 1956 година.

Во филмот станува збор за Татјана, тинејџерка која живее сиромашно со својата мајка. Еден ден, ги зема иконите од ѕидот и и' ги дава на мајка си, велејќи и' да ги фрли или сокрие некаде бидејќи таа не ни верува во Бога, а и иконите и' изгледаат грдо, посебно кога некој друг ќе дојде и ќе ги види. Сепак, една икона ја остава да стои бидејќи мајка и' ја замолува да остане иконата на Св. Никола.
Една вечер, Татјана слави роденден и и' доаѓаат пријателите дома, во еден момент, додека танцуваат на музиката, Татјана ја зема иконата на Св. Никола за да танцува со неа, при што одеднаш се скаменува, останува како статуа и не се помрднува.
128 дена останува во таква состојба, додека не најдат и донесат случајно момче, барајќи некое невино дете за да ја земе иконата од нејзините раце и да ја "одмрзне" девојката.
Но, Татјана веќе не е иста.
Оценка: 7/10

Редактирано: Некои настани во филмот се изменети од она што велат дека се случило, на пример, тоа што вистинската девојка мистериозно се "одмрзнала" пред Велигден.

 

The Holdovers (2023)

4/5

Веќе милион пати видена приказна во различни облици... и ќе ме освои СЕКОЈ пат. Нешто во врска со grumpy дедовци кои потајно имаат најголема душа ме погаѓа до крај. И кога ќе се создадат топли, неконвенционални односи. Филмов добива уште толку плус затоа што е многу по-cosy од што очекував, со еден збор, топлина.



Carol (2015)

5/5

Епа годинава наместо Home Alone и Polar Express гледам Божиќни филмови кои тераат на земање дупла доза хелекс. ПРЕКРАСЕН филм. Не ми се верува дека е излезен во 2015, затоа што се сеќавам дека уште кога беше нов реков дека ќе го гледам, и еве поминале 10 години.

Секој кадар е совршен и не можам да замислам посовршени глумици за главните ликови. Посебно морам да ја пофалам Руни Мара. Не би сменила ништо во филмот. А таман оладив на големи разлики во години...

П.С. делот кога Терес се исповраќа заради тага и скршено срце, 10/10 relatable.

 

Parada (2011)

5 / 5

Тоа е тоа. За мене е совршен филм иако ме малце истраумира. Вицот (плотот) иде вака: во розе мини се возат Србин, Босанец, Албанец и педер.

Овие глумци во српски филм од 2011 со ваква порака ми е стварно... вау. Дури јас се малце потсетив зошто парада на гордоста може да е добра ствар.

Препорачувам на СЕКОГО, дури и да сте хомофоби, многу ќе се смеете на филмот. Гледајте го сите, одма.

 

I Swear (2025)

Неверојатен филм 10/10.
Емотивен, трогателен, тажен, едноставно прекрасен.
Приказна за вистинските животни борби со кои се соочуваат оние што живеат со Туретов синдром.
Најфеноменална глума!Филм што дефинитивно мора да се погледне... Ремек-дело

 

Avatar: Fire and Ash (2025)



Пожртвуваност, сплотеност и борба. Предобри визуелни ефекти, одлична порака.
Белки последен дел е, оти сето наредно веќе ќе е предвидливо (но секако би гледала).

 

Две одлични кинематографски оставрувања

Holdovers (2023) е мој омилен филм за 2023 од секој аспект, одлична приказна, ликови, режија, кинематографија. Едноставно филмот рефлектира зрачи со квалитет, маестрални актерски перформанси од сите ликови - почнувајќи од Пол Џијамати кој го даде максимумот во неговата актерска кариера, улога која го дефинира неговиот актерски квалитет, оскар кој без сомнение требаше да го добие, Доминик Сеса ОДЛИЧЕН, Да Вин Џој Рандолф маестрална во улогата ..... дефинитивно заслужен оскар.

Керол - исто така одличен филм, ремек дело во режија на Тод Хајенс, Одлични улоги на Кејт Бланшет која е една од најдобрите актерки на сите времиња но многу добро се носи со улогата и Руни Мара за која воопшто нетреба да се сомневаш во нејзините одлични актерски способности, Руни Мара е многу многу добра талентирана актерка. Морам да ја пофалам исто така и кинематографијата која добро ги доловува и покрива одредени делови, сегменти од приказната која се надополнува со одличната музика и ја потенцира таа сентиментално меланхолична атмосфера која провејува во текот на филмот.
Два одлични филмови две кинематографски ремек дела кои вреди да се погледнат

PS Морам да прокоментирам и во врска со мислењата кои преовладуваат и ги поврзуваат годината на излегување на некој филм дали е од 1958 или 2025 со неговиот квалитет, тоа е тотално небитно и ќе се надоврзам со мислењето и ставот на @Аргентина * со кој целосно се согласувам дека филмот е уметничко дело и како таков треба да се доживува, гледа и вреднува.

 

Кај го има?

 

Подосаден филм одамна не сум гледала. Ништо не ми го задржа вниманието, невпечатлива приказна, емоционална нула. Буквално неколку пати се најдов во ситуација каде зјапав во ѕидот додека го "гледав" филмов, е до толку ми беше интересен. Не разбирам зошто има толку позитивни критики и оцени. Може па и до мене е нешто чим не препознавам квалитет во ваков приспивен филм, којзнае

Џабе потрошено време, 1/5

 

Доста интересен филм со многу убав крај.
Се работи за модерни вампири кои сакаат да го превземат светот и група на ловци кои ги ловат од кој на крај братот на главниот на ловците станува вампир.
Вреди да се погледне.

 

Можеби ти си го доживеала филмот како таков тоа е сосема во ред - ок, легитимно тука нема збор.
Филмот е еден од најсериозните кандидати за оскар во повеќе категории
Филм од англиско неговорно подрачје - во оваа категорија е супериорен фаворит и го добива оскарот
Јоаким Трир најверојатно ќе добие номинација за оскар за најдобра режија, норвежанецот се позиционира доста високо и постепено влегува во кругот на надежни - исклучителни режисери од поновата генерација.
Ел Фенинг (сестрата на Дакота) е одлична актерка има големи шанси да го добие оскарот во категоријата споредна женска улога.
Стилан Скарскард исто така има големи шанси да добие оскар, номинацијата му е скоро сигурна.
Не верувам дека филмот нема никаква поента, никаков квалитет, самиот наслов Сентиментална вредност сепак укажува, упатува алудира на нешто.

 

Нели?

Покрај такви номинации очекував да биде нешто што ќе има некакво влијание врз мене. И претпоставувам дека ова е непопуларно мислење ама стварно не гледам дека ова е оскаровски филм. Океј, глумата беше на ниво, ама само тоа, друго ништо не допре емоционално до мене. Што беше изненадувачко зошто очекував поемотивен импакт после целиот хајп околу него. Испаѓа како јас да гледам сосема различен филм од мнозинството

Можеби ако се relate-нев со приказната ќе имав различно мислење. Верувам дека тие што имаат комплициран однос во семејствата поинаку го доживуваат. Но и во тоа е суштината на уметноста, индивидуална е и не секој ја доживува на ист начин. Моето мислење не ја минимизира вредноста на филмот.

 

Сосема ок е да имаш такво мислење, сепак секој различно ги доживува, ги гледа филмовите, на некој еден филм ќе му се допадне на некој не, друг ќе има измешани чувства поради преголеми очекувања сето тоа е во ред.
Јоаким Трир се позиционира како доста надежен и талентиран режисер од поновата генерација, норвежанецот има посебен пристап и посуптилен стил на режија кој го прави автентичен, свој, оригинален.

 

Љубители на трилери, топла препорака!
Го гледав во Синеплекс, искрено не трепнав, стварно ми се допадна.
Психолошки трилер е, релативно ново филмче.

Омилен жанр ми е акција и трилер, ама искрено во последно време, што и да почнам да читам/гледам не ми го задржуваше вниманието и не го завршував, без разлика дали дома или во кино.

Си зададов цел дека во 2026 ќе гледам и ќе читам повеќе трилери, надежно.
На филмов би му дала оцена 10/10.

Во кратки црти, се работи за девојка која млада завршува во затвор ради убиство, осудена на 15 години, ама одлежала само 10 и пуштена е под услов да се вработи.
Се вработува како куќна помошничка кај богаташи, згоден маж а жената навидум психо. Девојката се заљубува во богаташов и тука уствари се дешава неочекуваното, искрено стварно не очекував таков крај, 20/10 за тој плот твист.

Крајот не ви го откривам, нема да ви биде интересно.

 

,,Во блиска иднина, детектив Крис Прат излегува пред суд како обвинет за убиство на сопругата. Има 90 минути да ja докаже својата невиност пред напредната ВИ судијка.

Врзан за столицата на системот „Милост" непогрешливиот правосуден механизам што некогаш самиот го сметал за решение за порастот на најтешките злосторства, тој сега мора да размислува со студена глава и да го извлече секое и најмало делче од градскиот „cloud" систем на архивирани снимки на сите свои јавни и приватни контакти и средби - за да ja докаже својата невиност... Пред да истече времето."









Не беше лош филмот, ама не беше ни нешто посебно.
Оценка: 7/10