Последна прочитана книга и кратка критика

За Дете 44 од Том Роб Смит е доста пишувано, па еве нешто кратко и јас да пишам.
Една од подобрите книги кои сум ги прочитала во последно време. Малку ме разочара фактот што романот е базиран на вистинити настани кои за мене претходно беа добро познати, односно за Андреј Чикатило еден од најголемите злосторници на сите времиња. Плус филмот Citizen X го имам гледано повеќе пати и профилот на психопатов ми е многу анализиран. Значи дел од настаните се факти, дел фикција. Не се потврдени биографските податоци дека имал навистина брат кој исчезнал под претпоставка дека го изеле прегладнетите соселани. Но, овој податок авторот добро го искористил и ликот на Лео е полн погодок.
Како и да е убаво напишан роман, се гледа дека авторот добро ја обработил темата.
За мене највпечатлив и болно реален е описот на општата живеачка, режимот...стравотии.
И не може човек, а да не повлечеш паралела - сите режими имаат некои заеднички црти.

 

Ангелски повик - Гијом Мисо.
Мажи и жена случајно си ги разменуваат мобилните телефони. Телефоните ги содржат нивните најголеми тајни и маки. После долго време истражување еден за друг, всушност откриваат дека и на двајцата ги мачи иста работа - едно девојче. И двајцата биле поврзани со него, а се обвинуваат за неговата смрт.
Па на крај испаѓа дека девојчето е живо, киднапирано, сокриено и тие двајца го спасуваат него.
Меѓу нив веќе родената љубов има среќен крај.
Значи преубава книга. Неизвесна и неочекувани моменти до самиот крај.
Заслужено ја сместив во листата на моите омилени книги.
Секој кој сака да прочита некоја добра книга топло му ја препорачувам

 

Метаморфозис- Кафка
Значи се си претпоставував за книгата освен тоа што на крај испадна дека е. Расказот метаморфозис ме прогонуваше неколку дена, и мислам дека цел живот ќе ми биде фасцинантен. Три дена сами ми доаѓа цитати ко флеш бекови и си викав лелеее па и ова се случи во расказот.
И општо, сите раскази од Кафка оставаат метален вкус во устата, како потсетник на релноста која се обидуваме да ја маскираме со одбранбени механизми и свашта.

 

Страв од најлошото - Линвуд Баркли
Ми се допадна. Дефинитивно мој тип на книга, криминална, мистериозна, запреплетена. Ја исчитав во еден здив. Се работи за татко кој ја бара својата исчезната ќерка, која не знае дали сама заминала или пак е киндапирана или уште полошо мртва? Предобар заплет на настани, во секој момент се случува нешто непредвидливо, возбудливо. Крајот е потполно неочекуван и мора да признаам дека е дефинитивно една од најдобрите книги кои од овој жанр. Откако ќе ги прочитам и следните 3 книги на список му се враќам на Баркли.

 

Што туку ја прочитав Играта на филозофот - Стив Јовановски - Џулијан кој работи на Универзитетот водејки курс по филозофија ненадејно добива меил со чудна содржина која го вовлекува да ја игра ,,играта,, ....

Од пред некое време Москва на солзите не им верува - Валентин Черних - Ја опишува борбата на три девојки дојдени од провинција во Моска со надеж за подобар живот.

Пурпурен хибискус Чамаманда Н. Адичи - Животот на едно петнаесет годишно девојче и нејзиниот брат израснати во духот на традицијата и нивната борбеност и одлучност да се спротистават на нивниот религиозен татко.

 

Rush Home Road
Приказната ја следи 5 годишната Шарла која е напуштена од нејзиното семејство и 70 годишната мама Ади која живее во осаменост откако поминала низ многу трагедии во животот. Судбината ги спојува нивните патеки, и тие набрзо сфаќаат колку всушност си се потребни една на друга. Ади ја зема Шарла под своја закрила, ѝ дава топол дом и сигурност. А Шарла ѝ ја враќа насмевката на Ади и секој нов ден го бои во радост.

Ја читав по препорака на другарка и е прва книга од Лори Лансенс на која наидувам. Малку е бавна за мој вкус, ама периодов ми требаше баш нешто вакво. Имаше некоја топлина во раскажувањето, а ликовите беа убаво обработени и многу допадливи. Сакам такви книги каде добивам желба да ги гушнам ликовите

Ова е една потресна и драма која зборува за болни животни судбини, но истовремено е исполета со убави пораки за храброста и издржливоста кои не треба да не напуштат ни во најтешките мигови.

Еден од цитатите кој ми остана во сеќавање (и само тој успеав да го најдам, за жал немам навика да ги обележувам):
“Look at me.” Addy sat down next to Sharla and took her soft face in her old hands. “I know Mrs. Pigot was mean to you, but you gotta find it in your heart to forgive her.”
“Why?”
“Because if you don’t, you carry those bad feelings around with you all your life and hate’s like salt in water, Sharla: once it gets in there it’s a hard thing to get out."

 

Неочекуваниот Гостин-Агата Кристи
Една маглива вечер угледен бизнисмен се заглавува со својата кола. Барајќи помош од локалното население влегува во една куќа каде затекнува жена која со пиштол во раката седи над мртвото тело на својот сопруг.
Прва прочитана книга од оваа писателка и убав впечаток ми остави. Книга која се чита во еден здив со најнепредвидливиот крај што ја прави книгата уште поинтересна.

 

Го сакам Лондон.. вчера ја заврашив многу интересна лесно се чита и некогаш знае добро да ме насмее, и другите делови од серијалот ќе ги читам а денес почнав ''Сопругата на италјанскиот богаташ''.

 

Вистински верник - Николас Спаркс
Уште една љубовна приказна од Николас Спаркс... Но, не воодушевувачка, некако премногу „лесно“ напишана, како да сакал авторот само да напише нешто, па не посветил доволно внимание при пишувањето!!! Многу ме потсети на „Љубовните викенд романчиња“ што ги читав како тинејџерка!!!

 

Дали ме чекаш? Гијом Мисо
Прекрасна книга. Ја прочитав во еден здив и додека сеуште сум под импресии решив да напишам коментар.
Лекар во 60тите години од својот живот, како благодарност за една извршена операција добива на подарок златни пиули кои ќе му овозможат да се врати 30 години назад. Ќе ги искористи со една цел да ја види неа, жената на неговиот живот. Крајот на книгата е целосно неочекуван.
Топло препорачувам.

 

@RainBow и мене ептен ме разочара, особено по Можеби некогаш

 

The English assain - Daniel Silva.
Фин трилер, убава приказна, добро скоцкана, добра историска поткрепа.
Главниот лик е буквално суперхерој, супер лик од Израелска разузнавачка служба и воедно реставратор на уметнички дела. Ми се допаѓа концептот на трилер, а сепак крајот е мрачно романтинтичен.Не е чик, и чкљ, баш напротив, многу фино скоцкана комбинација.Уметноста, културата и веродостојните и точни историски податоци ми се допаднаа и покрај тоа што приказната е чиста фикција.
Ми се допадна, и ме остави будна се до последниот збор!

 

Затоа што те љубам - Гијом Мисо

Малата Лајла исчезнува еден ден во трговски центар, не оставајќи никаква трага зад себе. Нејзините родители паѓаат во депресија, по што татко и’ одлучува да стане бездомник и да скита по улиците на Њујорк, со цел да го почувствува сртадањето што мисли дека го чувствува ќерка му.
Но, Лајла се појавува на истото место каде што исчезнала, по точно 5 години. Но каде и со кого била, а и зошто се вратила по 5 години на истото место, останува мистерија..

Не знам како да ја опишам книгава. Една од најубавите книги што сум ги прочитала, а дефинитивно книгата која ме натера буквално да си ја собирам вилицата од што ми беше падната.
Некоја феминка беше напишала дека не на следната страница, не можеш да погодиш што ќе се случи во следната реченица. И вистина е, навистина Гијом Мисо раскажува лежерно и смирено, и наеднаш ќе ти тупне некоја информација пред очи, и не можеш неколку секунди да се свестиш од шокот.
Оваа е една од книгите која сакав да ја завршам, ама не сакав да ја завршам.
Вчера некако успеав да го оставам вториот епилог за денес.
И да, дефинитивно немаше крајот да ми текне и 100 години да мислев.
Единствената книга за која немав никаква идеја што ќе се случи следно.
Ја препорачувам топло на сите, немојте да се лажете со насловот, ова не е никаква романтична бљувотинка, туку возбудлив трилер што нема да ве остави да трепнете до самиот крај.
Гијом, брате...
10/10

 

Копилето од Истанбул - Елиф Шафак
Елиф Шафак е една од најчитаните авторки во Турција. И тоа со право - прекрасно напишан роман кој Ве мами што побрзо да ја свртите следната страница!!!
„Копилето од Истанбул“ е приказна за две семејства, една земја, геноцид и инцест... Ни раскажува за половата нееднаквост, за судирот на традицијата и современиот живот, за геноцидот на Ерменците во далечната 1915 година... Преку приказната за четири генерации жени од едно семејство и нивните роднини во Америка се запознаваме со минатото и сегашноста...
Прекрасно дело 10/10!!!

 

Сопругата на италјанскиот богаташ - Хелен Брукс
Почнува со обичната девојка Мејзи која има пониска самодоверба поради изгледот и само што се оставиле со свршеникот. Но таа е совршена во очите на италјанскиот богаташ и многу привлечен маж Блејн кој е со скршено срце и излегува само со девојки за една вечер. По пат на случајна средба тие двајцата се заљубуваат...и приказната продолжува во Италија...

Интересна книга, типична чик литература многу брзо се чита, се на се многу убава 7/10

 

Исповед од харемот
Приказната за младата београѓанка која е изманипулирана и однесена далеку од дома. Нејзиниот пат до родниот Белград е голем и тежок. Со години знаев за книгата ама сега и дојде редот. Многу добра, ми се допадна.

 

Жена која плаче - Сое Валдес

Топла препорака да ја прочитате ако ви дојде до рака. Незнам дали ја има на мк. јазик јас на српски ја читав. Станува збор за фаталната љубов на Пикасо и Дора Мар која воедно му е и муза.

Spoiler: Жена која плаче

Roman o fatalnoj ljubavi Pabla Pikasa i Dore Mar, o samoći i onima koji imaju veru u umetnost i strast koja nema granice.
Pritvorila je drvene žaluzine na prozoru, dopustivši kupastom odrazu svetlosti da se poigra na tepihu. Žudela je za tamom svog stana, čeznula je za zvukom pariske tišine; ovde, u gradu vode, do nje je dopirao prigušeni, jedva čujan šum mora, od kojeg je imala utisak da će joj se voda popeti do grla i udaviti je. Opet je spomenula zabranjeno ime: „Pikaso.“
Ljubavnica, muza i naposletku žrtva velikog umetnika, Dora odlazi na putovanje u Veneciju koje će predstavljati prelomnu tačku u njenom životu. Po povratku u Pariz, povući će se u samoću i zauvek zatvoriti u svoj stan.
Jedna književnica priprema roman o životu Dore Mar, nadrealistkinje i umetnice koju je krasio veliki talenat, sve dok u njen život nije ušao Pablo Pikaso. Četrdeset godina nakon smrti genija iz Malage, Soe Valdes proniče u dušu žene koja je bila spremna na sve zarad ljubavi, i daruje nam pronicljiv i uzbudljiv roman o strasti koja nema granice.
Kroz nesvakidašnju pripovest o životu Dore Mar, autorka nas vodi od okruženja pokreta koji je snažno obeležio tridesete godine XX veka, do venecijanskih kanala i ulica u kojima je Dora provela poslednje dane u javnosti. Između prizora Kastrove Kube i pariskog egzila, Soe do tančina opisuje veličanstvene nadrealističke fotografije Dore Mar i slikovito predočava vrline i mane jednog od najvećih genija svih vremena, Pabla Pikasa.

 

50 нијанси ослободени- Е.Л.Џејмс
Трите дела на книгата 50 нијанси се нешто топ. За разлика од филмот книгиве се предобри еротика испреплетена со љубовна романса и исчекување додека ја читаш што ќе се случи понатаму. Книгиве се стварно предобри.