Последна прочитана книга и кратка критика

Remember me - Sophie Kinsela - Интересна и духовита книга.Софи е закон дефинитивно

 

Ова го напишав пред некој ден кога земав да ја читам Хипнотизер... Пред два дена ја прочитав и точно е дека книгата е неизвесна до самиот крај, дека неможете да престанете да ги вртите страниците, дека ќе Ве остави без сон... Но, има делови каде што нешто „недострасува“ за да биде за чиста 10-ка... Затоа од мене 8/10!!!

 

Баш ми е жал што не ти направила мерак книгата, мислев дека ќе ти се свиѓа според оцените на други слични книги што ги имаш прочитано Дејствијата се тие, кратката содржина ја има на самата задна корица, бидејќи она што е најтешко во книгава - според мене и според други читатели колку што можев да прочитав - се емоциите.

Мене страшно ме погоди, можеби дополнително затоа што моментално во семејството имам слична „несреќа“, и на делови се чувствував како да сум Дејзи и како се’ ова да ми се случува мене. Тоа што го прави за него, воопшто не го сфаќам како незрела глупост, туку како несебична љубов, ја става неговата среќа пред својата. И не е дека очекува тој да се гледа со други жени додека е жива, туку само сака да знае дека ќе има некоја за кога неа ќе ја нема. Имаше сцени:

Спојлер

кога го гледа од прозорот како седи во кола; тој надвор сам-таа внатре сама, кога се враќа дома одма после операцијата со џалмата на глава, кога разговара со Кејлеи во погребалното, кога ѝ кажува на мајка ѝ по телефон дека болеста е вратена

... што ме потресоа толку многу, да плачам и за време на самото преведување.

Спојлер

Кога ѝ кажува на мајка ѝ дека болеста е вратена:

„Па најпосле престанувам да зборувам и само цврсто го стегам телефонот, ковчињата на моите прсти побелуваат и болат, додека чекам.

И чекам.

И уште чекам.

Мајка ми да престане да плаче.“

Кога ја слуша колата надвор и сфаќа дека Џек не сака да влезе дома:

„Престанувам да се смеам кога ја здогледувам неговата кола паркирана на тротоарот пред нашата куќа. На само десетина метри од мене, Џек седи на возачкото седиште во неговиот Форд Експлорер. Прво си помислувам дека веројатно разговара на телефон, се расправа со некој итен случај во клиниката. Но нежната светлина на уличните ламби ми покажува дека нема телефон. Раката не му е залепена за увото. Тој само седи. Зјапа право пред себе во темната ноќ, а страничната светлина се рефлектира во неговите рожници. И јас сум вџашена, не само од неговата неподвижност, туку и од тоа колку уморно изгледа. Не, не уморно - тој секогаш е исцрпен по тежок ден на работа. Тој изгледа... поразено.

И одеднаш ми текнува, за првпат, дека можеби ни Џек не сака да биде дома исто како што јас не сакав тој да биде тука порано вечерва кога паркирав пред куќата. Па и покрај тоа што не можам да го обвинам, оваа информација сепак ме навредува. Јас умирам! Зар не треба да сака да биде со мене?

Длабоко вдишувам и се убедувам себеси да бидам смирена и разумна. Јас сум онаа која го оттурнува веќе некое време - и логично е тоа да го натера да се повлече, нели? Не можам да очекувам од него да продолжи да се труди, како некоја џукела на улица која упорно следи дете без разлика колкупати ќе ја клоцне и ќе ѝ нареди да се изгуби. И зар ова не треба да ме усреќи? Ова што Џек се подготвува, иако не чита некоја глупава книга.

Да, треба. Па затоа не можам да објаснам зошто, во текот на следните дваесет минути, јас тивко стојам покрај прозорецот и во себе го молам да влезе внатре и да ја отстрани далечината меѓу нас.“

Добро, секако се вкусови во прашање... Јас ете бев убедена дека книгава ќе ја допре секоја жена

 

Господар на играта - Сидни Шелдон

Уште еднаш по којзнае кој пат Шелдон ме остави без сон.
Прекрасна книга, нема да може да ја пуштите од раце.
Впрочем зарем постои книга од Шелдон што може да ве разочара

Спојлер: Спојлер

Романот следи неколу генерации на семејството, сите со посебни карактеристики и план за моќ и превласт. Препознатливо за Шелдон во центарот на приказната ја сместува бескруполозната Кејт Блеквел.

Одлучна и моќна, таа е подготвена да направи сè за компанијата на нејзиниот татко опстои, но дали нејзините потомци се подготвени на истото, е прашањето кое Кејт Блеквел се обидува да го разреши

...

 

Кога дува северецот- Даниел Глатауер

Спојлер

Еми Ротнер се обидува да ја откаже претплатата за списанието Лајк, но, поради грешка од една буква, нејзините мејлови завршуваат во електронското сандаче на Лео Лајке. Бидејќи тоа се повторува, Лео и' обрнува внимание на грешката. Така започнува необична преписка каква што може да се води до поставувањето на неизбежното прашање: дали пратените, примените и зачуваните љубовни чувства ќе успеат да ја преживеат нивната средба во реалниот свет? И што ќе се случи ако одговорот биде потврден?

На почетокот па се до крајот со еден збор книгата е прекрасна. Како што и на корицата вели Велт,, Само читаш, читаш и не престануваш да читаш", тоа е навистина така. Но

Спојлер

последното поглавје ме разочара. Очекував дека на крајот ќе бидат заедно, но откако се вмеша сопругот на Еми, се стана поинаку. Како што кажав во последното поглавје мислев дека без разлика на се' тие ќе се сретнат, но за жал не.

 

Мала книга, а голема содржина. Почнува навидум како секоја обична љубовна приказна.
Џудит и Ханес се среќаваат во супермаркет и од тогаш почнуваат нивните патишта да се прекрстуваат. Таа, воодушевена од човекот со љубезна насмевка и добри манири, кој воедно е успешен архитект, полека го внесува во својот живот,но сеуште несигурна дали е тој човекот на нејзиниот живот. Всушност тој незабележително почнува да влегува во нејзиниот живот. Секогаш е чекор пред неа во освојување на симпатиите и придобивање на нејзините блиски, роднини, пријатели. Таквата опсесивна љубов, начин на форсирање на љубовта, преминува во психопатско однесување кое на Џудит и смета и таа решава да стави крај на врската. Но тогаш почнуваат нејзините ноќни мори, страв од неговото однесување, параноја, за да заврши во некоја блага форма на шизофренија. Тогаш сфаќа дека всушност таа е болна, а не Ханес, а уште повеќе е убедена од нејзините роднини и пријатели дека нема потреба од паника, Ханес се помирил со разделбата и продолжил понатаму. Но дали е се' така? Дали навистина сите случувања се измислица на нејзиниот болен ум или реално има причина за страв?

Книгава ја почнав пред месец дена и после 10-тина страни ја оставив, но бидејќи немам обичај да оставам недочитана книга колку и да е лоша, пак се вратив на неа. Ми се смени првиот впечаток за неа, не можам да речам дека е одлична, но е сосема добра. Иако додека читав имав впечаток дека многу брзо се одвиваат настаните и со таква содржина би можело да се напише многу поголема книга од нејзините 170 стр.

 

Убиство во Месопотамија
Не очекував толку брзо да ја завршам книгава, но мислам дека не е до мене, книгата брзо заврши. Додека почна да се случува главниот заплет всушност само што почна да се заплеткува- Бум! Расплет. Некако се беше на брзина. Иако ми се допадна стилот на Агата, не ми се допадна како ја заврши книгата. Се беше наредено, се имаше смисла, како и во повеќето вакви книги се мислам зошто ли не ми текна, (лоша сум во откривање убијци пред време )но мислев дека ќе се открие со возбуда, со нетрпеливост, а не со здодевен монолог. Сепак, крајот на страна, целата приказна беше супер, ми се допадна психолошката страна. 8/10

 

Фатен на дело – Харлан Кобен

Спојлер

“Фатен на дело” е позната телевизиска емисија која намамува педофили и истите ги затвараат. Ден Мерсер е последната жртва на новинарката Венди Тајнс. Но поради недостаток на докази Ден е ослободен од затвор, а брзо потоа исчезнува 17 годишната Хејли Маквејд. Мерсер е повторно во центарот на вниманието, но еден родител решава да го преземе законот во свои раце и го убива Мерсер.

Но на местото на злосторството тело нема.

Кога Венди почнува да истражува наидува на премногу коинциденции кои ја наведуваат да мисли дека цело време го имаат погрешниот човек.

.
Ми се допадна многу. Убава содржина има книгава, брзо се чита и те тера да се замислиш за некои работи. Дали треба да се прости или да се осуди? Да се верува на интуицијата или на доказите. Дали да му помогнеш на некој или да го уништиш?
Топло препорачувам
10/10

 

Ајде и јас да напишам некој збор за Before I go од Colleen Oakley

Книгава за прв пат ја видов на киндлот и ме привлече кратката содржина, а потоа уште неколку пати ја сретнав на листа со предлози. После прочитаните позитивни коментари и високите оценки, си реков дека морам да ја прочитам.

Before I Go ја раскажува приказната за младата Дејзи која доживува катастрофален удар - 3 години по успешното лекување од рак, таа дознава дека повторно ја чека истата битка. Но, овојпат е поразена уште од самиот старт. Лекарите прогнозираат дека ѝ преостануваат уште само 4 месеци од животот.

Кога го прочитав коментарот на Реин во темава, си помислив: Ех, еве уште една книга за која не се согласуваме со неа. Зашто обично сме на иста фрекфенција
Арно ама, тогаш уште бев во првата третина на книгата која ветуваше многу. Стартот беше добар, ми се допадна почетокот на приказната, некако се поврзав со трагичната судбина на Дејзи, особено затоа што како што се вели и во самата книга: Everybody knows somebody with cancer.
Кога стигнав некаде до втората третина, настаните некако ми ја извртеа целата перцепција. Мислев дека поинаку ќе ја доживеам приказната, ама јас на моменти бев толку бесна на Дејзи, што сакав да ја грабнам и да ѝ речам: Аман жено, што правиш?! Работава беше: Sometimes I want to slap some of the characters with their own book!! Се обидував да ги оправдам нејзините постапки преку нејзината несебичност, ама толку ми беше сето тоа недозреано и детски, што стварно ми доаѓаше да ја треснам со книгата!

Спојлер: Спојлер од книгата

Целата енергија ја насочи во барање идна жена за нејзиниот маж, небаре му треба дадилка! Некако, испадна дека на Џек нема да му недостасува Дејзи како личност, како дел од неговиот живот, туку ќе му фали некој што ќе се грижи за него! И сега наместо болеста да ги зближи Дејзи и Џек, да ја направи нивната врска уште посилна, ги раздели, ги направи туѓинци, и двајцата ја изгубија комуникацијата, довербата, како странци беа во бракот. Тој на една страна, таа на друга, тој со студиите, таа со барање нова жена за него... Таа на операција, тој дома?! Значи стварно не можев да ги разберам! Дејзи можеби ги има последните моменти од животот, а Џек ја реновира куќата?!
И тоа со веб сајтовите за наоѓање идеален партнер ми беше толку глупава постапка, заедно со запишување на листа карактеристики што треба да ги има идната жена на Џек за да бидат perfect match Теоретски држи вода, ама во пракса врска си нема.
Џек па како лик ми беше толку блед, како безгласна буква.

Очекував книгава да ме допре, баш затоа што имав близок член на семејството што имаше ваква битка. Очекував да се соживеам со судбината на Дејзи, со болката на нејзиното семејство. Единствено успеа да ме потресе последното поглавје.

Спојлер

Она кога си изгубил некого и сè уште не си свесен дека го нема. Сè уште не можеш да се навикнеш на неговото отсуство, не ти се верува дека повеќе не е дел од твојот живот.

Ми се чини дека авторкава играла на сигурна карта, ама јас останувам меѓу оние малкуте на кои не им се допаднала книгава

 

Вампирски Дневници : Будењето


Одлична книга, ја прочитав за неколку саати, ако имам време утре ќе одам и ќе го купам вториот дел
За разлика од серијата, книгата е многуу различна и многу поубава, особено ликот на Елена во книгата е далеку подобар.
Единствено што не ми се допадна е преводот

Спојлер

Елена Гилберт ја започнува својата последна година во училиштето во Фелс Черч заедно со нејзините пријатели, Мередит Сулез, Бони Мекалоу, Керолајн Форбс и Мет Ханикат. Керолајн бргу станува конкуренција на Елена за позицијата Најпопуларна девојка. Привлечно, ново момче, Стефан Салваторе, исто така стапува на сцената. Сите девојки го сакаат неговото внимание, но тој ги одбива сите. Ова ја шокира Елена, која никогаш не била одбиена од момче предходно. Стефан му се придружува на средношколскиот рагби тим со Мет.

Ја препорачувам 8/10

 

Девојката од хартија - Гијом Мисо

Преубава книга! Не се ни сомневав во Гијом Мисо. Немам многу книги прочитано од него, допрва ќе читам (се опремив од саемот ), ама не сум сигурна дали ми се допаѓа или не што некако ги вивнува неговите приказни во фантазија и на крај само ги спушта на земја.
Воглавно, не сум воопшто разочарана од книгата, секако, не е подобра од Затоа што те љубам, како што очекував.
Некако ми делуваше како да мислел дека отишол предалеку од реалноста, па мораше малку да ѝ даде пореалистичен облик.

Спојлер: СПОЈЛЕР ОД КНИГАТА

Признавам дека не очекував да излезе дека Том ја напишал книгата.

Сепак, крајот не ме разочара, иако мислам дека можел да биде подобар.

Малку откасно го пронајдов Гијом Мисо, ама сега кога го најдов, нема да оставам ниту една книга непрочитана од него. Следна ќе ми е Ангелски повик, и верувам дека и таа ќе ми се допадне.

 

Кодот на Да Винчи - Ден Браун

Убава книга, лесно се чита. Повеќето е фикција но ми го задржа вниманието. Поучна е многу, има некои работи во неа што навистина е потребно да се знаат.
Се креваше голема прашина околу книгата но сепак малкумина сфатија дека всушност повеќето е фикција.
Воедно, вреди да се прочита.
Напишано е на убав стил, го задржува вниманието. Ја почитав за две недели, инаку можев и побрзо ама сакав малку повеќе да истражувам меѓувремено за книгата.

Едно нешто што не ми се допадна во книгата беше крајот, ептен банално. Толку добра книга, ремек-дело да има таков крај НЕ.

Се заинтересирав, бидејќи ми е прва книга што ја читам од Ден Браун. Решив да му дадам шанса како автор, па сега следна ми е Дигитална Тврдина. Исто така со некои исти ликови.

10/10

 

Ангелски повик - Гијом Мисо

Признавам, сакав да си ја одолговлекувам книгава, ама најмногу што можев беше два дена и ништо повеќе.
Уште едно фасцинантно дело на Гијом Мисо, само пофалби имам. Ми се допаѓа што авторот не ја излигави премногу книгата со романсата на Мадлин и Жонатан, туку се задржа на случајот со Алис.

Инаку, се работи за двајца странци кои при случаен судир си ги разменуваат мобилните. Кога го сфаќаат тоа се на две различни страни од светот. Тој - сопственик на ресторанче во Сан Франциско, таа - свршена цвеќарка од Париз. Но набрзо тие ќе прочепкаат низ мобилниот на другиот и истражувајќи за неговиот живот, ќе сфатат дека се судбински поврзани со еден случај - една личност што и двајцата веруваа дека ќе остане закопана во минатото. Навидум романтичната комедија се претвора во напнат трилер и мистерија поради која нема да ја оставите книгата.

Навистина беше напната, особено на крајот, само

Спојлер: СПОЈЛЕР ОД КНИГАТА

кога Мадлин ги убиваше кучињата, душата ми се распарчи, не знам зошто

Мислам дека не е подобра од Девојката од хартија, иако таа е полежерна, ми се допадна за нијанса повеќе.
Ликовите совршено изградени, приказната здраво доделкана до најситен детаљ, нема промашај, чиста петка!

 

Ќерката на чуварот на спомените - Ким Едвардс

Прекрасна книга , се чита во еден здив и покрај големиот број на страни (509)
Преводот на Матица многу ме разочара, значи катастрофа ...

Се работи за еден лекар што ќе ја породи неговата жена со близнаци .

Спојлер

Едно од децата ќе има Даунов Синдром и без да ја извести неговата жена ќе и го даде на една медицинска сестра да го однесе во установа за пречки во развојот, но таа ќе го задржи за себе.
Каролина Џил ќе се бори за рамноправноста на Фиби и да и го овозможи целиот комфорт што го заслужва .
Дејвид цело време ќе се бори со тајната, но на крајот ќе ја однесе во гроб за жал.
Остатокот не го откривам

Дефинитивно ја препорачувам .

10/10

 

Полноќна роза-Лусинда Рајли.
Книгава ми една од омилените И со право е избор на читателите.

Испреплетување на минатото и сегашноста во една љубовна приказна,која од самиот почеток е осудена на пропаст.Цело време ми беше многу интересна,а на последните пасуси ми капна солза.
Препорачувам.

 

Скриена во најмрачниот агол-Елизабет Хејнс



Па нешто предобро, дефинитивно.
Вниманието ми го држеше цело време, едвај чекав да дознаам што ќе се случи и не можев да ја тргнам од раце книгава.420 страни ги проголтав во нецели 2 дена.
Не би да давам некаква рецензија, само сакам да кажам да се тргате понастрана од опсесивни или премногу совршени машки, бидејки позади таа маска се крие моснтрум и фрик кои не знаете што е способен да направи.
Кој и да почне да ја чита сигурна сум дека ќе му се бендиса, тврдам.
Деловите со проверките ми беа малце заморни за читање, али ништо битно.
Се на се, чиста 10ка давам.

 

Ѓаволот носи прада 4/10
Многу очекував од книгава, можеби и премногу и можеби затоа не ми се допадна. Но книгава беше едноставно крајно досадна. Толку досадна што е единствената книга што не сум успеала да ја истерам до крај. Ми останаа уште 50тина страни но не верувам дека ќе успеам да ги дочитам затоа и ја пишувам критиката сега. Успеав да прочитам 400 страни од две работи кои се повторуваат по 200 пати на различни начини. Мислам дека не остана начин на кој типката не ја измалтретира Анџела. Книга без заплет и тотално без смисла. Ниту еден лик немаше нормален. Многу лош впечаток ми остави .