Последна прочитана книга и кратка критика

Последната пролет во Париз - Јелена Бачиќ Алимпиќ

Преубава приказна која се чита во еден здив. Искрена, длабока, љубовна и животна исповед која не ме остави рамнодушна во ниеден момент. Уште една книга која освојува од првото читање.

 

A Fall of Marigolds - Susan Meissner

Книгава паралелно раскажува две приказни во различни временски рамки.
Клара е 19 годишна медицинска сестра која работи во болницата на островот Елис.
Тајрин е самохрана мајка која има 10 годишно девојче и работи во продавница за ткаенини.
И двете се сведоци на два ужасни настани кои му се случуваат на Њујорк - животот на Клара се менува по пожарот кој во 1911 година ја зафаќа фабриката Triangle Shirtwaist, а пред очите на Тајрин се уриваат кулите близначки во 2001. После овие настани, и двете губат некој кој им значи.
Нивните приказни се споени преку една марама со цветови која патува од генерација на генерација.

Од сам старт да кажам дека приказната на Клара повеќе ми се допадна, а и некако вниманието повеќе на неа ѝ беше посветено. Нарацијата тече глатко, лесно се чита и нема досадни моменти. Единствено не ми се допадна тоа што се повторуваат некои работи, дури ми се чини дека Сузан направила copy-paste на делови од некои дијалози.
Во однос на содржината, имаше некои нереални случајности и неколку настани што не ми се допаднаа, ама не можам толку слободно да ги коментирам овде, зашто ќе откријам премногу. Мислам дека од што сакала Сузан настаните да бидат непредвидливи, малку излегла од колосек. Можела повеќе внимание да обрне на тоа како човек се справува со загубата на некој близок, да им даде малку повеќе длабочина на ликовите. Клара дури на моменти ми делуваше многу наивна и несозреана. А на Тајрин како да ѝ недостасуваше глас. Мислам дека повеќе ќе се соживеев со нејзината болка ако ѝ беше обрнато повеќе внимание.

Во секој случај ми се допадна, ме натера малку повеќе да истражувам за овие два настани, особено за пожарот, бидејќи не знаев ништо за тоа. Синоќа седнав пред компјутер и се утепав од читање и гледање видеа.

А за генерална оценка би можела дури и четворка да ѝ дадам на книгава, ако замижам пред некои работи што не ми се допаднаа

Неколку цитати кои ми се допаднаа (макар што имаше повеќе, ама не ги запамтив целосно за да ги најдам):

"Everything beautiful has a story it wants to tell."

"The person who completes your life is not so much the person who shares all the years of your existence, but rather the person who made your life worth living, no matter how long or short a time you were given to spend with them."

"People who say everything happens for a reason usually say that only when they agree with the reason."

 

Скршено крило- од Д.Оливера
Книга пишана од личниот живот на писателката,тажна приказна која се уште нема крај.Борбата со карцином на дојка,операција,па повторен кошмар,метастази на коски.....трагедијата на сето тоа што има дете болно од церебрална парализа.Прочитајте ја книгава а нарочито им ја препорачувам на сите жени кои мислат дека депресијата и анксиозноста се страшни болести.

 

Полноќна роза...книга која стварно вреди да се прочита.

 

Реин од каде ја симна книгава? Ме заинтересира сакам да ја прочитам.

 

Драгуљ Медине - Шери Џонс
Книга со српки превод... Не е преведена на македонски... Книга која по појавувањето била повлечена, па повторно одобрена за продажба... Книга која во многу земји е „табу“...
Книга за животот на пророкот Мухамед... и за жените од неговиот харем... Приказната се гради околу една од неговите жени Ајша... Ајша била дете од девет години кога ја омажиле за Мухамед кој веќе имал 60 години... Нејзините чувства, копнежи, фантазии се многу реални за секоја млада девојка. Интригите, забраните, борбата за остварување на поголеми права на муслиманската жена ја издигаат Ајша на пиедесталот во харемот на Мухамед... Но, и во срцето на Мухамед таа успева да го заземе првото место...
Книга за почетоците на исламот како религија, за борбата на пророкот Мухамед за поголем број приврзаници, за почетокот на „џихадот“...

 

Хармонијата во едно семејство се нарушува откако ненадејно исчезнува најмалата ќерка. И покрај сите обиди да ја пронајдат, на Ема ѝ се губи секаква трага и глас. Мајката Меган е толку очајна, што полека ги запоставува другите две ќерки, ја губи блискоста со сопругот Питер, нивниот брак се држи на конци, а сето тоа се одразува врз целото семејство.

Приказната не е лоша, иако мислам дека можело подобро да биде испланирана. Прво бев убедена дека сум ја предвидела од старт, после некако не бев сигурна и ми се вртеа други идеи во глава, за на крај веќе да знам како ќе заврши и што ќе се случи. Сепак, во ниту еден момент не помислив да ја оставам недочитана.
Гледам дека најголем дел од критиките на goodreads се однесуваат на Меган која ја прогласиле за најтипатичен лик, self-centered, self-absorbed and dislikeable. Јас не би ја критикувала толку, зашто нејзе како мајка најмногу ја погоди исчезнувањето на Ема и можев само да замислам колкава празнина чувствува. Ни на нејзе не ѝ беше лесно да ја бара својата ќерка во секое девојче со плава коса што ќе ја види на улица, во супермаркет, или во парк. Постојано луташе, животот го стави на пауза, така што можев да ја разберам.

Она за што ќе се согласам со повеќето критики е стилот на пишување. Многу сиромашен речник, кратки реченици, дури и забележав некои граматички грешки. Прво мислев дека нешто не е во ред со верзијата што сум ја симнала, дека можеби нешто се изместило при конвертирање и слично, ама откако прочитав неколку коментари на гр, видов дека не било така. Има книги кај кои раскажувањето тече лесно, ама оваа не е една од нив. На моменти имав чувство дека авторката како да се мачи да ја раскаже приказната, како да запнува на некои делови.

Во секој случај ќе ѝ дадам една тројка, ќе бидам малку дарежлива Сакам да ја прочитам и Emma's Secret, веќе ми е на мени. Колку што прочитав, со таа книга се пополнуваат многу дупки што ги има во приказната од првата книга, а и наводно била многу подобра од оваа.

 

А потоа... - Гијом Мисо

Уште едно од прекрасните дела на Мисо. Во книгава беа соберени сите мои стравови: болест, тага, беспомошност, смрт... Вистина, додека ја читав постојано имав некаква грутка во грлото, која најчесто ја чувствувам кога се плашам од нешто. Не дека книгава е хорор или нешто такво, но едноставно, ме донесе толку блиску до смртта што можев да го почувствувам она што го чувствуваше Нејтан.

Јас обично додека читам некоја книга, седнувам на фемина да видам што мислат другите за неа, но често налетувам на спојлери, па така и овојпат. Дознав еден мал дел од крајот, за жал, ама веќе знам, нема отворање фемина додека не ја дочитам книгата. Воедно сакам да ве предупредам, ставајте во спојлер кога откривате нешто од содржината, ептен е зезнато да го видиш грубо крајот пред очи.

Да се навратам, ликовите се совршено изградени, само малку се одолговлекува според мене. Навистина многу трогателна приказна, и јас засекогаш ќе останам на тоа дека тажни се книгите во кои се зборува за смрт или тешка болест, а не за разделба на некои вљубени и слични работи.
Од друга страна, книгава ми ја протресе главата и ме научи дека животот е краток. Денес те има - утре те нема. Секоја секунда е вредна.
Морам да признаам, она со Гласниците ми е навистина крипи, никогаш не би сакала да имам таква способност.

Краток вовед: Се работи за Нејтан, познат адвокат во Њујорк, по потекло од сиромашно семејство, кој како дете за да ја спаси својата пријателка (подоцна жена) од давење, самиот се дави и доживува клинична смрт. Години подоцна по смртта на неговото второ дете, се разведува од жена си и живее едноличен и осамен живот. Сè додека еден чуден доктор не дојде во неговата канцеларија и животот му се свртува наопаку...

 

Пак јас
Спаси ме - Гијом Мисо

Ах, книгава... Не знам што попрво да кажам. Ми го сврте умот, значи буквално, како да ми ја трескаше главата наваму-натаму. Низ целото читање ми минуваа трпки низ телото, оваа книга му е најморничава досега. Навистина ми се допадна приказната, а и многу се поврзав со ликовите, на крајот некаде кога беше најнапнато, имав една тешка грутка во грлото...
Покрај тоа, навистина ми се допаѓа што книгите на Гијом Мисо се спомнуваат и ликови и настани од другите книги, сè е поврзано и тоа навистина многу ми се допаѓа. Сигурна сум дека таа снежна бура од оваа книга е истата од „Ангелски повик.“
Сепак, мислам дека малку ми здосади тоа што во секоја негова книга има барем еден лик со тешко детство, издраснат во лош кварт од градот, опкружен со дилери, ама сепак излегол од сето тоа... Ама ако, верувам дека тоа е важен дел од животот на Мисо исто така, па зошто да не.

Десетка за книгава, како и за сите други негови книги, го обожавам авторов.

 

Wuthering Heights - Emily Bronte 10/10

Фасцинантна книга и фасцинантна приказна. Како велат, се заљубив во нивната љубов. Болна, скршена, чудна но вистинска. Па и цитатите, има делови кои ги препрочитував по 100 пати е се уште не ми здосадиле. Ја читав на англиски, па има неколку детали што не ми се разјаснети баш и тоа поради пребогатиот речник што никако не можев да го дешифрирам. Сакав да навлезам до детали во книгава но јазикот не ми дозволуваше. Од друга страна го обожавам англискиот од тој период и уживав додека ја читав, но обавезно ќе ја препрочитам на македонски, не ја оставам така .
Мислам дека секој треба да ја прочита книгава затоа што реално прикажува дека не сите љубовни приказни се среќни и бајковити како што претставуваат сите други љубовни книги, се не е толку совршено во вистинскиот свет и ох, што се може да направи љубовта .
Мислам дека ја прочитав најубавата и најреалната љубовна приказна некогаш напишана (не најубавата книга тоа место засекогаш и припаѓа на P&P) и Heathcliff на некој начин ми стана омилен главен лик и омилен ѓавол .
И за крај морам да го оставам епското:

Whatever our souls are made of, his and mine are the same

 

Последниот воз за Истанбул - Ајше Кулин

Немам читано многу книги во кои темата е Втората Светска војна, но во последниве два месеца прочитав дури две со таа тематика... Случајност - „Ајнштајновата девојка“ и „Последниот воз за Истанбул“...

„Последниот воз за Истанбул“ е прекрасно дело, кое со нетрпение ке сакате да го прочитате што побргу за да видите што ке се случи со ликовите... А, ликовите се измислени, но толку вистинити... Случките се страшни - холокаустот ке остане во историјата запаметен како најнечовечкото злосторство направено од човек на човек. Настаните се вистинити, навистина постоел воз кој што тогашна неурална Турција го испратила во Париз за да ги спаси своите грагани Евреи, со турско државјанство, од сигурната смрт што можела да им се случи во концентрационите логори... Турските дипломати во тоа време со сите сили се труделе да спасат што повеќе свои државјани...
Забранетата љубов помеѓу двајца млади - Турчинка и Евреин, несогласувањето на нивните семејства со нивниот брак, се основата од која почнува прекрасната приказна за последниот воз за Истанбул од Париз...
Прочитајте, сигурно ке Ви се допадне!!!

 

Девојката со портокали-Јустејн Гордер.

Една прекрасна книга која ни кажува на љубовта на еден човек кон Девојката со портокали а воедно и љубовта на еден прерано заминат татко кој поради болест е принуден да ги напушти неговата сакана и нековиот сладок 4 годишен син.Но пред да и подлегне на болеста,и пред да ги напушти своите сакани поради смртта тој остава едно писмо за неговиот син во кое му укажува на суровостите кои ги поседува светот но и за неговите убавини.Се со цел да му го постави најважното прашање на неговиот син од кој очекува да му одговори на било каков и да е начин.