Последна прочитана книга и кратка критика

Најпознатото дело на Егзипери , Малиот принц . Позната ни е на сите . Втор пат ја читам и мислам дека нема да биде последен. Она што ме воодушевува во книгата е оној елемент на едноставност кој доминира и во тонот и во стилот во кој се раскажува.
Класика.

 

Ангели и Демони
Почнав со Ден Браун и мислам дека ќе прочитам се што напишал човекот. Стилот, приказната, мистериите. Никогаш не ги замислував науката и религијата како едно, но книгава едноставно допре до мене. Еден од подобрите расплети што сум ги прочитала .

Ако не постои утре - Гијом Мисо
За разлика од ангели и демони, оваа книга го имаше еден од полошите расплети. Целата приказна со Кејт и Метју имаше смисла, беше добра и интересна за читање но после толку реалистични краеви на книгите на Мисо, овој целосно ме разочара. Освен крајот, ми се допадна.

 

Загубениот симбол - Ден Браун

Brown, you rocked it, again. Немам зборови за книгава, како и за секоја друга негова. По секоја негова книга велам оваа ми е омилена досега, но всушност на крај гледам дека не можам да изберам една и дека сум горда што на Земјава постојат вакви ремек-дела. ОК, отидов предалеку.
Малку сум тажна бидејќи само уште една книга ми останува со Роберт Ленгдон, ќе ми фали овој надпросечно интелигентен клаустрофобик, го обожавам, омилен лик ми е од сите книги што досега сум ги прочитала. Ако ништо друго Ден Браун дефинитивно одново ме заинтересира за историјата, друштвата, релиигите, мистериите...
Што се однесува до книгава малку се разочарав што не спомна што стнало со Софи од Кодот на Да Винчи, ептен ме интересираше, бидејќи Софи ми е омилена од трите негови џенцки досега . Во книгава најкомплексен ми беше ликот на Мал'ак, признавам дека не знаев дека е

Спојлер

синот на Питер Соломон.

Патем, оваа Ноетска наука навистина ме заинтересира, на почеток прочитав дека навистина постоела, ама не се спомува дали откритијата на Кетрин се навистина точни. Ако е така, богами, уф.
Не знам дали е потребно да давам оценка на книгава, и онака 10 е премалку. Ден Браун, фала ти многу!

 

Нов почеток - Тони Парсонс
Лесно четиво, но очекував малку повеќе. Немам многу зборови за книгата. Не ме восхити, нити ми беше предизвик да ги вртам страниците..
Полицаецот Џорџ добива можност одново да го живее својот живот. По срцевиот удар, добива ново срце и неговиот живот се менува. Тој се менува. 7/10

 

Катедрала на морето Иделфонсо Фалконес
Преубава книга за изградбата на катедралата Санта Марија дел Мар во Барселона преку животот на главниот јунак.

Девојката од возот-Пока Хокинс
Издание на Топер.
Интересна е,брзо се чита.За една девојка која по игра на случајноста од пасивен набљудувач,се наоѓа во центарот на злосторството.

 

Илјадници ќе паднат- Сузи Хазел Мунди
Многу добра книга..
Во периодот од втора светка војна едно адвентистичко христијано семејство се бори за живот заради своето верско убедување..

 

Однесувајте се како дама, размислувајте како маж - Стив Харви и Денен Милнер
Па книгата е полна со совети и примери кои укажуваат што мажите мислат за љубовта и врските и како да знаете дали сте девојка за забава или за сериозна врска.Како да не бидете играчка во раците на мажите итн.

 

"Ако не постои утре..."
- Гијом Мисо
Ги имам речиси сите дела негови(по изборот на сестра ми), но ова е мое прво дело негово прочитано зошто бев насочена на други жанрови, а и писатели спротивни сосем од Мисо.
10/10
Одлична тематика, се' е супер, не се случува ништо и само во еден момент доаѓа хаос, бура.
Малку криминал, малце убиство, малку љубов. И пред се' паралелни светови.
Уживав. Книга ја сметам за книга само ако тие 400 страници ги прочитам во еден ден.
Тој што сака малку драма и неизвесност од почеток до крај ќе ужива во книгава несомнено!

 

The Postman Always Rings Twice - James M. Cain
Книга за страсната афера меѓу една незадоволна сопруга и млад маж кој случајно влетува во нејзиниот брак. Има само еден проблем - нејзинот сопруг. Двајцата љубовници почнуваат да кројат планови како да се ослободат од него.

Мислам дека скоро сите слушнале за „Поштарот секогаш ѕвони два пати“. Ако не за книгата, тогаш сигурно за филмот кој е класика. Зборувам за оној од 1946. Јас случајно ја најдов книгава, барајќи друга која има postman во насловот. Брзо се чита, не очекував да е толку кратка. Ама е интересен спој на љубов, страст и грев.

Necessary Lies - Diane Chamberlain
Чемберлен како и секогаш - многу ликови и паралелни приказни кои потоа се спојуваат во една. Necessary Lies ги следи 15 годишната Ајви која живее со својата баба и сестра на фарма за тутун, и младата Џејн која е социјален работник и редовно го посетува нејзиното семејство.
Бидејќи ја читав после The Postman Always Rings Twice, некако ми дојде комплексна, со многу ликови, настани и приказни. Ама сега не би рекла дека е толку сложена и обемна. Добар стил на раскажување, убаво изградени ликови и непредвидливи случувања. Освен некои ситници за кои претпоставив дека ќе се случат, целата книга ми беше изненадување. Макар што, не се оптеретував толку со оваа книга, едноставно ѝ се препуштив на приказната. Ми се допадна во целост, освен некои сосема мали работи кои не ми беа по мерак.

The Woman Before Me - Ruth Dugdall
Самата корица gives me the creeps Ама не е воопшто страшна и морничава.
Ја раскажува приказната за младата Роуз Вилкс - растроена жена која не може да се помири со смртта на нејзиниот син кој умира три дена по раѓањето. Барајќи утеха, таа се приврзува за Лука - син на нејзината пријателка. Деновите поминати со него ја лечат нејзината болка. Но, се случува трагедија во која умира Лука. Роуз ја чека уште потежок период од животот кога завршува зад решетки, бидејќи е единствена осомничена за неговата смрт.

Интересна книга, во која паралелно е дадено раскажување во трето лице и раскажувањата на Роуз. Кога ги читав нејзините делови, некако ме следеше меланхолија, ми даваше некое такво чувство. Не ја предвидов ни оваа, крајот ми беше сосема неочекуван. Некои делови не ми се допаднаа, мислам дека беа сосема непотребни. За некои настани не сфатив која им беше улогата. Ама затоа давам thumbs up за тоа како беше доловен ликот на Роуз, ми се чини дека целосно навлеговме во нејзините мозочни виуги. Во целина ми се допадна, им ја препорачувам на оние што сакаат психолошки трилери.

 

Розата на Севастопол - Катерина Мекмехон

Долго време ја одбегнував книгата во библиотека и до некаде со право. Го опфаќа периодот на Кримската војна во кој што се случува исчезнувањето на главниот карактер Роза. Паралелно следиме два периода, случувања во минатото и сегашноста. Премногу развлечено за мој вкус, единствена позитива се многуте информации за медицината во Викторијанска Англија и позицијата на жената во истата. Ликовите досадни за мој вкус, дејството исто така. Крајот развлекуван во 550 страници, а толку неодреден...

 

The Demon-Haunted World

После Broca's Brain и Cosmos (Carl Sagan) уште едно ремек дело. Сега за објаснувањето science vs pseudoscience, како на лаик да му го објасниш научниот метод и како да научи да размислува критички.

Живо ме интересираше како Саган со богатиот и многу описен речник ја објаснува тематиката. Како и секогаш, не разочара.
Препорака за сите.

If we resolutely refuse to acknowledge where we are liable to fall into error, then we can confidently expect that error - even serious error, profound mistakes - will be our companion forever.

But if we are capable of a little courageous selfassessment, whatever rueful reflections they may engender, our chances improve enormously.

 

Па што ако имам некој килограм повеќе - Мег Кебот
Ооо ме изненади, премногу ме изненади Мег Кебот. Очекував просечна книга, лабаво четиво, а добив интересна и возбидлива приказна, непредвидлив расплет на случувања. Дефинитивно одлична книга.
Хедер веќе не е популарната тинејџерска ѕвезда, како го губи договорот од дискографската куќа, така мајка и бега со нејзиното богатство, и го губи свршеникот. Се вработува во студентскиот интернат на Њујоршкиот универзитет, за можноста подоцна да запише студии. Но, тука почнуваат мистериите и интригите на студениот. Девојки загинуваат, се случуваат невообичаени несреќи и Хедер се наоѓа во центарот на сите овие случувања и се обидува да ја разреши мистеријата. 10/10

 

Спаси ме - Гијом Мисо
Ја прочитав за 3 дена, ми го задржа вниманието и ми се допадна. Малку предвидлива но сепак интересна. Се заљубив во Метју прекрасен ми беше. Кхм се почесто се заљубувам во ликови од книги .

Спојлер

Мисо малку претера со мрачните мината на главните ликови во лоши квартови, не е интересен веќе.

 

Џули Џејмс - Во врска со онаа ноќ

Интересна книга која брзо се чита. Ама сепак сметам дека ликовите се недоволно изградени а и преводот на македонски беше многу лош.

 

Прочитај ги и останатите нејзини книги. Добра е. Инаку да преводот е тотално катастрофален, ретко некоја книга ми оставила добар впечаток со преводот.

 

На англиски ќе ги читам, не ги можам преводите на македонски.