Последна прочитана книга и кратка критика

Гневот на ангелите - Сидни Шелдон.Читаш дека е Шелдон и знаеш дека нема промашај.Предобра со доста заплети и неизвесност до самиот крај.Никако не можеш да го предвидиш завршетокот на книгата и приказната за Џенифер.Одлична приказна и буквално уживав додека читав.
Денес ја земав Другата страна на ноќта исто од Сидни и повторно очекувам предобро нешто.

 

Продадена-Патриша МекКормик
Имено,станува збор за едно девојче кое живее во планински предел во Непал. Поради сиромаштијата во која живеат,нејзиниот очув ќе ја испрати Лакшими во голем град каде девојчето мисли дека ќе работи како слуѓинка во богата фамилија. Но дури откако ќе пристигне во градот сфаќа дека е продадена како бело робје и дека е принудена да се занимава со проституција.
Просечна книга,со добра содржина која го задржува вниманието. Интересна ми беше и одвај чекав да видам како ќе заврши затоа што е пишувана по вистински настан. Очекував малку повеќе од книгата,сепак вреди да се прочита.

 

Најдоброто од мене - Николас Спаркс
Љубовна драма... Приказна за маж и жена кои како тинејџери биле лудо заљубени, но луѓето и настаните не им дозволиле таа љубов да ја проживеат заедно!!! По 22 години, по посмртната желба на нивни заеднички пријател, се среќаваат на еден викенд во родниот град...
Настаните се нижат романтично, но и возбудливо!!! Интересно, но според мене премногу предвидливо!!! Цело време додека ја читав книгава имав чувство дека веќе сум ја прочитала!!!

 

Последна ноќ во ,,Шато Мармонт'' - Лорин Вајсбергер

Постара книга но добра, откако излезе сакав да ја читам ама се зафатив со други книги и дури сега ја прочитав. Убава книга е за опуштање на мозокот, се работи за Брук и Џулијан кои живеат среќно во Њујорк, таа го издржува семејството, а тој е музичар кој пробува да се пробие на музичката сцена. Подоцна луѓето од Сони го откриваат неговиот талент и станува славен преку ноќ. Почнуваат да излегуваат на екслузивни места, да одат на елитни забави, да вечераат во скапи ресторани.. Но славата на Џулијан за Брук значи дека таа ќе мора да се бори со папараците кои постојано ги следат, а кога една скандалозна фотографија ќе се појави на насловните страници светот на Брук се превртува наопаку. Тогаш нивниот брак запаѓа во криза и на Брук и останува да одлучи еднаш-засекогаш, што навистина сака таа.

 

Ли Чајлд- "Утре ќе ме нема"

Криминалистички роман, каде Џек Ричер е главен лик, воено лице со прилично големо и добро досие. Сосема случајно се наоѓа во метрото 6, околу 2 часот после полноќ, ги анализира неколкуте патници во вагонот а според списокот, се сомнева се дека една жена е бомбаш- самоубиец.
Дејствието се развива во една интересна приказна, а доколку внимавате на деталите, би можеле да претпоставите што ќе се случи следно.
Ми пречеа деталните описи на улиците на Њујорк, но романот сепак ми го задржа вниманието да ги исчитам до крај.

 

Master of the Game - Sidney Sheldon

Шелдон престанав да го читам откако почнав да го предвидувам, ама после две години без неговите книги, решив да ја прочитам онаа со најголема оценка на goodreads.

Прво морам да кажам дека ако не го знаев авторот на книгава, никогаш немаше да помислам дека е Шелдон. Шелдон е познат по неговите паралелни раскажувања на повеќе приказни, а секое поглавје го завршува толку неизвесно и загадочно, што едноставно мораш да продолжиш да читаш. Master of the Game имаше малку поинаква структура.

Книгата е со еден збор кажано - обемна. Мислам дека има над 500 страници, ама имаше толку многу настани и ликови, што слободно можеше да се распостеле на двојно повеќе од тоа. Дури на моменти морав да подзастанам и да се потсетам што се' се случи и како ликовите се поврзани меѓу себе. Поделена е на пет дела, а секој од нив следи различна генерација од семејството Блеквел - моќно семејство кое лежи врз милијарди. Првиот дел во книгата ја раскажува приказната за Џејми, кој поради сиромаштијата во која живее со неговото семејство, се одлучува да оди во потрага по дијаманти. После сите неволји и несреќи, Џејми ќе успее да ја основа компанијата Кругер-Брент, која низ генерациите ќе стане водечка сила и несоборлива моќ. Следните делови ги раскажуваат приказните за неговите потомци, но во центарот на вниманието ќе биде неговата ќерка Кејт - жена која не дозволува ништо да и' попречи на патот кон замислената цел. Постојано жедна за уште поголема моќ, Кејт ќе ја донесе компанијата на врвот, но ќе ја мачи само едно прашање - кој ќе ја наследи.

Книгата е полна со пресврти и во ниту еден момент не е досадна. А ликовите... ликовите се совршенство! Толку добро доловени, изградени до најситниот детаљ. Ги засакав иако беа злобни Очајни да го добијат она што го сакаат, без трошка грижа на совест. Без страв од последиците, без никакво чувство за морал. Не е возможно да останеш рамнодушен пред нивните сплетки и валкани игри.

Во глобала книгава ми се допадна, иако имам по некоја забелешка. На пример, мислам дека некои настани беа малку непотребно развлечени, а други беа многу набрзина разрешени, без да има оставен простор сето тоа да се соџвака. Некои настани не ми се допаднаа, јас би изиграла поинаку да бев на местото на Шелдон, ама добро, тоа кога јас ќе пишувам книга ќе кажам како да биде

Генерално книгата ми беше одлична. Ја препорачувам на сите љубители на непредвидливи трилери.

 

Ова го напишав пред да почнам да ја читам „Кујна“!!!
Навистна, во книгава нема рецепти!!! Но е ПРЕКРАСНА!!! Спојот на Сицилијанка, маж и храна, не може да даде ништо друго освен ЕКСТАЗА!!!
Интересна приказна за Роза од мало место на Сицилија... Таа е единсвеното женско дете во семејството со 7 синови!!! И живее во времето кога сицилијанската мафија била на „врвот“!!!
Роза ужива да готви и сите свои весели и тажни моменти да ги изразува преку храната... По трагичниот крај на нејзината љубов од младоста оди во Палермо, работи како библиотекарка и е САМА!!! Но, на нејзини 40-тина години се појавува Инглезе... И почнува ЕКСТАЗАТА!!!
Романов е уште еден доказ дека „патот до машкото срце е преку храната“ !!!

 

The girl form the train-Paula Hawkins

Книгава е класифицирана како психолошки трилер, но повеќе беше крими-драма.Не беше многу напната за психата како психолошка книга, но сепак ми се допадна.

Приказната е за Рејчел, жена во своите 30ти која има проблеми со алкохолот, самотијата и пропаднат живот, сето тоа поради маж и кој ја оставил заради неговата љубовница и нивното бебе.Тој останува да живее во куќата која Рејчел и тој ја одбрале и која таа толку многу ја сакала.
Рејчел ја загубила и работата, но сепак продужува со воз да оди до Лондон, со цел секој ден да поминува од нејзината куќа и да се тренира за да преболи, но и бидејќи не знае како да и каже на цимерката дека е без работа, на пат често гледа млад брачен пар во една од куќите на нејзината поранешна улица.Тие и изгледаат совршено среќно и заљубено, таа ги гледа секој ден и сведочи за нивните активности, едно утро младата жена бакнува друг маж, наредното утро таа е мртва.
Рејчел има сонови и халуцинации како се наоѓа на нејзината улица со крвава рака .Поради алкохолот и моментите кои ги губи од меморија кога е пијана таа се сомнева дека во напад на бес поради неверството на кое сведочеше, таа некако е виновна за смртта на жената која не ја познава лично.Се опседнува со тоа да дознае кој е виновен, дали таа, маж и кој е прв осомничен или љубовникот на жената.Додека сето тоа се случува, новата жена на нејзиниот поранешен сопруг страда од мисли дека Рејчел е постојано во нивна близина бидејќи сака да им наштети, дека е ментално растроена и опасна.

Приказната е раскажана од агол на Рејчел, љубовницата на сопругот и мртвата жена.Интересна приказна, задржува внимание, псиа нивната психолошкото е во тоа што ликовите добро се изградени и се доловува нивната психа.Крајот е ептен непредвидлив што ми се допадна, но не ми се допадна што расплетот беше многу краток и брз.

Ја препорачувам и Ѝ давам 3/5.

Инаку @RainBow фала ти многу што ме насочи како да се снаоѓам со е-книгите.Ептен ми е по ќеф и само тоа правам, многу ми е лесно да читам на таблетот, а и барем ми користи за нешто, онака стоеше за џабе.

 

Другата страна на ноќта - и пак Сидни Шелдон.Трилер со крај кој што не можеш ни да го замислиш.Интересна книга и уживав додека ја читав.Правам одмор две недели и продолжувам понатака со читање

 

Crossing on the Paris - Dana Cynther
Pozitivno iznenadena.
Uzivav od prvata strana na knigata do poslednata. Bogata so opisi no ne premnogu.
Dejstvoto se odviva po prva svetska vojna vo 1921 god. Celata prikaska se odviva na megunaroden brod koj plovi niz Atlantic.
Tri glavni karakteri vo ovaa kniga, site zeni, doagaat od razlicni opstestveni klasi ja raskazuvaat svojata zivotna prikaska.
4/5

 

Breaking the Silence - Diane Chamberlain

Лора Брендон е жена во триесеттите години со убаво семејство и многу успешна кариера зад себе. Но, нејзиниот навидум мирен живот, ќе биде во тотален пресврт после два трагични настани. Лора го губи својот татко, а тој на смртната постела ѝ остава аманет да се грижи за жена која таа никогаш не ја запознала. Набргу нејзиниот сопруг се самоубива пред нејзината 5 годишна ќерка која од тогаш престанува да зборува. Очајна за да ѝ помогне на ќерка си, Лора го наоѓа нејзиниот биолошки татко кој дотогаш не знае дека воопшто има ќерка. Во меѓувреме за да ја исполни последната желба на татко ѝ, Лора ја наоѓа жената за која треба да се грижи. Се работи за Сара која е во шеесеттите години и страда од алцхајмерова болест, па не може многу да ѝ помогне и да ја реши дилемата која ја мачи Лора. Но, во текот на нивните дружби, тие се зближуваат и двете наоѓаат утеха во нивните разговори.

Ми беше тешко да ја склопам кратката содржина од проста причина што книгава е толку многу заплеткана уште од самиот старт, што не би можела во две реченици да кажам за што се работи. Многу ми се допадна начинот на раскажување и тоа како приказните на Сара и Лора беа наизменично раскажани и склопени во една. Во текот на читањето бев целата во прашалници, постојано размислував за тоа како се поврзани ликовите и што ќе се случи на крајот. Со оглед на тоа дека е Чемберлен во прашање, очекував буквално сè. Значи имав минимум 8 потенцијални сценарија во глава. Ама на крајот сепак останав изненадена. Особено имаше еден момент каде останав подзината - а ако реакцијата ми била на глас, значи стварно сум се запрепастила Ликовите ми беа многу допадливи, иако ме изнервираа некои нивни постапки. Со некои настани толку многу се соживеав, што ми се стегна душата и малку фалеше да заплачам Ми беже жал, бев гневна, да можев да ги грабнам ликовите ќе ги треснев од земја!

Крајот ми се допадна, иако за некои читатели можеби ќе биде too much.
Сè на сè книгава беше вистинско уживање

 

Сенки од минатото
Девојчето на гребенот
И двете од Лусинда Рајли.
Гледам дека ви се добро познати на повеќето,но и јас да напишам.
Убаво и лесно пишува писателкава,паралелни приказни во различни времиња,кои на крај се испреплетуваат околу главната хероина.

Критична точка(el paciente)-Хуан Гомез Хуардо.
Еден познат неврохирург се соочува со болна реалност.Неговиот пациент не треба да излезе жив од операција,ако не,неговата ќерка која е во рацете на безмилисен киднапер,ќе умре.
Убава и напната приказна која лесно се чита.

 

Инферно - Ден Браун

И толку беше од Ленгдон. Не ми се верува дека нема повеќе книги со него.
Книгава не ме разочара во никој поглед, напротив, најдобра досега, ако може воопшто да се издвои најдобра. Читам критики на нет за книгава и сите запнале едно исто: Ден Браун пишувал по формула, секогаш имало девојка со која работи, секогаш имало некој ментално болен (читај: опседнат со нешто), секогаш имало некој кој бил првенец во својата област, секогаш европски град, секогаш Мики Маус часовникот, секогаш клаустрофобијата на Ленгдон.
Што е точно до некаде, секако, и јас тоа го имам приметено, но воопшто не ми пречи, напротив, многу ми е интересно, јас не можам да се заситам од приказните на Ден Браун. Мое лично мислење е дека секоја книга му е ремек-дело. Можеби не сум во право, не знам, но сè додека ме забавува и ми е интересно зошто да не?
Друго нешто што го приметив во критиките се тоа што сите зоборуваат колку дезинформации имало. Луѓе, жити сè, на почетокот од секоја книга убаво си пишува ФАКТИ! Од оваа книга ова и ова постои, ова и ова е точно, останатото - фикција. Не мора да значи дека е точно, а за ставовите - вие бирате дали ќе се солгасите или не.
Трето, стилот на пошување. Цело време бил напнат, повторувал едно нешто стопати, секоја глава завршувала во cliffhanger (не знам како е на македонски). Па трилер е мајке ми, што сакате? Божеее. И јас се нервирам кога ќе заврши на сред пат главата, но тоа нè тера да ја завртиме страницата.
До тука за авторот, сега да ја искоментирам книгата.

Причината поради која оваа ми е омилена книга е дека обемно беше опфатена уште една тема, покрај основната - историја на уметноста што всушност го поврзува Ленгдон со настаните. Она што мене ми се допадна е што не е како другите книги на Ден Браун. Обично нели Ленгдон и добрата девојка успеваат да спасат група луѓе или само еден човек од некој лудак. И овојпат започнува со нешто слично, но кон средината на книгата plot twist, и тоа доста јак plot twist. Ме погоди уште повеќе пресвртов бидејќи ме фати неподготвена, во ниедна друга негова книга не се беше случило такво нешто.

Спојлер

Бев 100% сигурна дека Ферис мати нешто и бев речиси сигурна дека е заразен од смротоносна болест на Бертран. Кога се објснуваа кој што глумел, како глумел, морав да земам лист хартија и да ги подредам кој е тим Зобрист, а кој тим Сински и до кога всушност.
Тој делот кога ФС-2080 гледаше преку прозорот, бев сигурна дека е Ферис и многу смешно ми падна кога го опишуваше Зобрист, кога се сеќаваше на првата средба, особено на почеток, бидејќи многу делуваше како женско да зборува, ама на кој да му текне Па кога почна, неговите зелени очи со сјајот, толку беше висок... Отпрвин ја свиткав страницата за да ја препрочитувам бидејќи мислев дека Ферис зборува, ама сега ја вратив во правобитна положба.

Не знам дали малку се разочарав од крајот, бидејќи излегува дека залудно помина целата книга, но никако не се каам за тоа што сум ја прочитала. Е сега, книгата бааги соленка е, јас чекав да ја намалат сè додека не ми ја подарија.

Едвај чекам да излезе следниот Роберт Ленгдон, ама Ден Браун вели дека нема да биде наскоро Ако, се надевам дека дотогаш ќе го усовршам читањето на англиски, па ќе можам да го читам оригиналот.
Од мене, Инферно добива чиста 10ка. Ден Браун си ја знае работата, што сакате кажете.

 

Defending Jacob - William Landay

Енди Барбер е јавен обвинител со долгогодишно искуство, успешна кариера и ниту еден изгубен случај во судницата. Во малото гратче во кое живее со неговото семејство, се случува ужасно убиство. Енди веднаш е на потег и се обидува да го најде убиецот, не очекувајќи дека првиот осомничен кон кого се вперени сите докази, е неговиот 14 годишен син Џејкоб. Енди и неговата сопруга се растргати меѓу безусловната љубов кон Џејкоб и реалноста која ги тера да се запрашаат дали доволно добро го познаваат сопствениот син.

Додека ја читав книгава, постојано бев ни ваму ни таму. Прво бев убедена дека Џејкоб не е убиецот, после некако почнав да се сомневам, па пак се вратив на тоа дека друг е виновен, па пак не бев толку сигурна... Некои ситни работи ги предвидов, но крајот не го очекував во никој случај.

Не ми се допадна тоа што имаше многу непотребни детали и описи, долги раскажувања кои мислам дека немаше да ѝ недостасуваат на приказната. Настаните се одвиваа многу бавно за мој вкус, дури на моменти губев трпение и вниманието ми бегаше на друга страна. Но, добро. Во психолошките трилери дејствието често трпи заради ликовите, бидејќи акцентот е ставен на нивните карактери.

Во секој случај, ако сте љубител на ваков жанр мислам дека треба да ѝ дадете шанса на книгава
Преведена е на македонски под наслов „Во одбрана на Џејкоб“.

 

Опасен онлајн разговор - Сара Дарер Литман

Никови, виртуелни допишувања..
Онаму каде што баш Аби може да биде своја.

Од другата страна пак, позади никот никогаш не се знае кој се крие.

Препорачувам

 

Алелуја, да прочитам некој со исто мислење како моето. Јас едвај ја дочитав книгата, ми беше живо мачење. Главниот лик, пијаницата, толку недопадлива што просто ми се гадеше од неа, од испадите и патетичноста. Темпото, полжав, што викаш, само се вози и се вози и прогања луѓе, на неколку пати вртев страници онака само да забрза малку. Крајот предвидлив и антиклиматичен. Споредните ликови, уште подосадни и неизградени. Не ми е јасно што е фамата со книгава...