Последна прочитана книга и кратка критика

Има ли логика да ја читам ..Заточеник на небото.. ако ја немам прочитано .. Сенката на ветерот.. Зафон ?

 

Никој ли ги нема прочитано книгите?

 

foolish hearts од emma mills
4.5 / 5

Многу кјут книга, се изненадив што ми се допадна бидејќи обично сакам комплицирани книги, а не лесно читливи книги чии дејства се одвиваат во средно школо и што се клише, но уживав читајќи ја? Имаше женски пријателства, без главниот лик да slut-shame некоја пријателка или да понижува, и имаше многу girls supporting girls што баш ми е убаво кога ке читам
И романсата беше онака, типична, Гидеон беше сладок, ми го освои и мене срцето.

 

@theowndemon тоа сакав да знам, дали се поврзани бидејки немам читано ништо од Зафон, ја зедов заточеник бидејки само неа ја имаше...ти благодарам за одговорот.

 

Тунел од незаменливиот Петре М.Андреевски
Потресна приказна за наставничката Невена и нејзиниот живот.Љубов,страст,емоции,зависност од алкохол и неговите последици.Вреди ли секогаш да се слушаат родителите кога станува збор за одлуки што само ние треба да ги донесеме.Победува ли љубовта секогаш,треба ли да се откажеш од семејството за љубениот.Дали светлото на крајот од тунелот секогаш значи излез или само воз кој доаѓа накај тебе...

 

The twilight wife-A.J.Banner
Жарн: мистерија, драма
Оценка:2.5/5

По несреќа и повреда на главата Кира има амнезија и не ги памети неколкуте години пред несреќата, а по несреќата има проблем со краткотрајната меморија, па со својот сопруг одат на изолиран остров за да Кира се одмори. Но иако Џејкоб е совршен и внимателен сопруг, Кира не може да се опушти и почнува да истражува повеќе за нејзината несреќа. Кога меморијата почнува да и се подобрува и враќа во делови, почнува да се сомнева во се околу неа.
Имав поголеми очекувања за книгата ама не беше ништо посебно. Предвидлива уште од старт.

 

Многу ме заинтересира приказната, во моменто ја читам, инаку книгава е како да не поминала низ раце на лектор.

 

“I Know My Name” – C.J. Cooke

На еден напуштен остров во Грција, повредена жена се буди без никаква меморија за тоа која е, каде се наоѓа и како воопшто дошла таму. Додека се обидува да го пронајде одговорот на многуте прашања, открива дека не е сама на островот. Се среќава со луѓе кои се обидуваат да ѝ помогнат, но набрзо сфаќа дека тие кријат нешто од неа и дека сепак ја познаваат од претходно.
Во меѓувреме, во Лондон исчезнува Елоис, мајка на две мали дечиња на која одеднаш ѝ се губи секаква трага. Нејзиниот пасош, кредитните картички и сите нејзини лични работи се во куќата. Семејството на Елоис очајно ја бара, а секоја трага која ја наоѓа полицијата укажува на тоа дека никој не ја познавал доволно добро, па дури и нејзиниот сопруг.
Рецензијата ја напишав овде

 

Ми звучи интересно. Случајно да не ја имаш во пдф на српски да ми ја пратиш? Фала однапред.

 

За жал не Нова книга е, колку што видов не е преведена на друг јазик сè уште.

 

Ќе си причекам тогаш.

 

Ја имаш на англиски во pdf ако може да ми ја пратиш

 

@L.TheQueen еве ја конвертирав во пдф, ќе ја ставам тука ако сака уште некој да прочита

 

Тајна отсонувана во Истанбул од Нермин Јилдирим, ја купив од Матица. Книгата многу ми се допадна, многу е мистериозна цело време, само читаш, читаш и дури на крајот ќе ти се разјасни се. Се работи за семејна тајна која се случила кога Ејуп (кој е главен лик) бил мал. Има еден брат Вејсел и сестра Муесер. Тој го напушта семејството на 14 год кога заминува во интернат да се школува, а потоа заминува во Швајцарија на факултет каде се запознава со Пилар која е од Шпанија и се жени со неа, со која подоцна живеат во Барселона. Прекинува секаква врска со семејството. Еден ден го снемува од станот и неговата сопруга научува дека заминал за Истанбул... И сега доста е Вреди да се прочита

 

Снеговите на љубовта (Курт Сеит и Шура) - Нермин Безмен

Книгата ја прикажува љубовта и животот на Сеит, војник, офицер на коњаничката гарда на војската на царот Никојај II Романов, инаку по потекло турчин од Крим и Александра, Шура девојка од руско благородничко семејство. Го опфаќа периодот од царска Русија, Руската револуција, Првата светска војна, нивното запознавање, животот во Русија во тој период, заедничкото напуштање на Русија и потоа нивниот живот во Истанбул и на крај нивната разделба.
Пишувана е според реални настани и личности, од страна на внуката на Сеит, врз основа на истражувањата и податоците што ги собирала за својот дедо и Шура од страна на нејзината баба Мурвет, сопругата на Сеит и сестрата на Шура.

Ми се допадна љубовната приказна, историските моменти од Русија во периодот на револуцијата и војната, ми остави впечаток, можеби најмногу дека се работи за реални настани и личности, иако има и некои недостатоци и причината за нивната разделба после се што поминуваат и после толку големата љубов ми беше банална, мислев причина за разделбата ќе бидат различната вера, нивните семејства, но сепак приказната е вклопена од сите истражувања и прераскажани податоци кои ги добила и собирала авторката и е само верзија најблиску до вистинската и реална приказна.
Книгава ме освои и покрај недостатоците. Оцена: 4/5

Инаку според книгава, со малку изменето сценарио има снимето турска серија, која играла и кај нас, јас ја немам гледано, но после книгава ме заинтересира да ја погледнам, исто има и втор дел од книгата Курт Сеит и Мурка, кој што сеуште не е преведен кај нас.

 

Кажи ми те молам каде можам да ја најдам книгава да ја купам?

 

"Јас пред тебе" од Џоџо Мојес, почнувам со вториот дел за кратко.. Книгата е совршенство, јас сум воодушевена Го гледав и филмот насловен исто, исто така е предобар.

 

Јас ја купив од Матица, а ја имаше и во Литература.мк, а може и да се порача од Бата прес.

 

Sunburn-Laura Lippman
Оценка-2,5/5
Жарн-крими драма
Поли е жена што ги оставила сопругот и ќерката и заминува во мало гратче да работи како келнерка. Но ја следи приватен детектив кој се обидува да и се доближи. Поли е необична жена што има интересно минато и никој не знае дали Поли е жртва или сурова, манипулативна и пресметана жена.